الثلاثاء، 14 يونيو 2011

القصقوصة الاحدى عشر (بنت بمئة راجل)


عندما بدأت أخرج وحدي للحياه في المرحلة الثانوية كان أبي ينصحني دائماً أن أكون جدعه و قويه و لا أسمح لأحد بأن يضحك على عقلي أو ينصب علي و كنت أحاول أن أكون كما يريد أبي (بنت جدعه) , عندما دخلت الكليه و بدأت أغيب فترات طويله عن المنزل و أعود من سكاشني في المساء كان أبي يقلق علىّ و أمي تطمئنه و تقول " لا تخف إبنتنا صغيره لكن بمئة راجل".

تخرجت و بدأت أعمل نهاراً في مستشفى و مساءً في صيدليه أبي و أخي كانا يمرا علي في العمل يربتا على كتفي و يقولا (جدعه) عندما يرا القلق في عيني و أنا لازلت أتحسس أولى خطواتي في العمل يطمأنوني بقولهم " خليكي بنت بمئة راجل".

عندما تزوجت إعترض زوجي عليّ " إنت مدّلعه أوي"... إنظري لفُلانه و علانه و تعلمي أن تكوني بنت بمئة راجل تستطيع أن تشيل بيت و تتحمل مسؤلية أسرة و أبناء و عمل و أن تتفوق فيهم ايضاً دون ضجر أو شكوى.

و أنا في طريقي للعمل أجد المضايقات في الشارع أتحاشى النظرات بالنظر للا شئ , أسرع في خطواتي, حتى عندما أقود سيارتي تحتك بي السيارات يضايقني الميكروباصات أحاول أن أتجنبهم أن أصم أذني عن كلامهم, في العمل ما أكثر المنغصات "خليكي بنت بمئة راجل"

يسألني رئيس القسم" لماذا حولًتي من قسم التفتيش" "لأني تعبت من مأموريات السفر" "طب ما تشتكوش بعد كده و تطلبوا مساوتكم بالرجال" أقول في سّري الرجال أيضاً يمقتوا مأموريات السفر, و الرجال عندما يعودوا للمنزل مساءً يجدوا من يكون في خدمتهم و يهيأ لهم جواً من الراحه لكن عندما أعود أنا مساءً لا أجد سوى ثوره عارمه و فوضى عارمه....معلش "خليكي بنت بمئة راجل"

هذا اليوم عُدت من عملي في ساعتين الطريق متوقف نسير بسرعة البطريق, الشمس حارقه الراديو مُمل الحضانه تُكلمني لأني تأخرت على إبنتي, شحات يخبط على الزجاج و أنا أتجاهله, خناقه كبيره بين سائق تاكسي و سياره ملاكي, تترامى لأذني أقذع الشتائم, عقلي يريد أن ينام كيف يواظب على الصحيان و العمل لمدة 19 ساعه.
أعود في حالة يرثى لها و أنا أهذي بعصبيه "أنا مش بنت بمئة راجل...أنا مش بنت بمئة راجل...أنا بنت بس...بنت بس"

هناك 45 تعليقًا:

Tarkieb يقول...
أزال المؤلف هذا التعليق.
Tarkieb يقول...

هههههههههه كان الله في عونك طول العمر مطلوب منك تقمص شخصية مية راجل مع ان الرجال اللي حواليكي ياريتهم بس كانو بقوتك

Tamer Nabil Moussa يقول...

اهم حاجة فى حياتنا عشان مش نتعب فيها لانحاول رسم دور لينا مش دورنا ولو بالكلام والتشبيهة

الانسان ينجح عندما يكون هو لاغير

وليس احد اخر

وما الحياة الا لحظات حزن على فرح تعب على راحة

مع خالص تحياتى

ابراهيم رزق يقول...

بنت و ست البنات

بنت بميت بنت

ههههههههههه
اشعر بما تعانوه كرجل عملى ينتهى لمجرد خروجى منه
الوردية الثانية من عملك تبدء من خروجك من عملك
مش باقولك الرجالة مئنتخة
ههههههههه

خالص تحياتى

سواح في ملك اللــــــــــــــــــه- يقول...

هههههههه

انا مش قصير اوذعة

الله يقويكي يادكتورة

وربنا معاكي

ليلى الصباحى.. lolocat يقول...

السلام عليكم
حبيبة قلبى والله شعرت بالشفقة عليك
ساعدك الله وقواك غاليتى ويارب يبارك لك فى بنتك وعمرها

انت بنوتة واحسن من اى راجل ههههه
مين قال ان الرجالة فيهم فايدة هههه احنا وبس اللى ممشيين الامور كلها

ربنا يسعدك يارب حبيبتى

دمت بكل خير وامان
تحياتى لك

ياسمين يقول...

فكرتي بفيلم لما كان بقوله انا مش قصير قزعة انا طويل واهبل هههههههه قولي كدا انا مش بنت بميت راجل انا بنت وبس...
ربنا يكون في عونك يارب ... ويوفقك

موناليزا يقول...

يا حبيبتى حاسه بشعورك ده جداً:)

"الرجال عندما يعودوا للمنزل مساءً يجدوا من يكون في خدمتهم و يهيأ لهم جواً من الراحه لكن عندما أعود أنا مساءً لا أجد سوى ثوره عارمه و فوضى عارمه"

عجبتنى اوى اوى الفقرة دى وما فيها من تحليل ارجو من الجميع قراءته

الغريب انه طبيعى نوصل لوقت نقول فيه انا بنت مش راجل بس طبعا تقولى لمين هما خدوا علينا واحنا كده:)
وكأن مش من حقنا نطالب بالاعتراف بنوعنا

أصلى أنا كمان بنت بمئة رجل:)

الحسينى يقول...

عزيزتى شيرين
عارف أنه صعب عليكى وأن المهمات مش بتخلص ما بين شغل وبيت وأولاد وطلبات وغيره ربنا يعينك ويقويكى.
بس أنا متأكد أنك جدعة وفعلاً بميت راجل :)
تحياتى

دعاء العطار يقول...

والله البنا مظلومين جداً

عارفه من خلال كل اللى قولتيه انتى فعلاً بنت بمئة راجل

بس من حقك تكونى بنت مدلله ... من حقك لما تحتاجى تكونى بنت بسسس تكونى

من حقك لما تحتاجى تقولى تعبت وتعيطى زى بنت عندها سنتين .. تعيطى

من حقك لما ترجعى من الشغل تعبانه ... ترتاحى

منحقك ده كله مش لأنك بنت أو ولد .. لأنك انسانه وليها طاقه

بستمتع دايماً بقصاقيصك (: (:

reemaas يقول...

وهى البنت دى قليله مثلا ياشيرى

لا طبعا البنت اقوى من رجاله كتير

وتقدر تتحمل اكتر من الراجل بكتير

فرق القوة العضليه مش فرق

ودموع المراءة او رقتها ليست ضعف

انا معاكى على فكرة ان الرجاله مابيحبوش التفتيش ده مؤرف اصلاااااااااا

Bent Men ElZman Da !! يقول...

مش شرط البنت يعنى تبقى ب 100 راجل عشان تعرف تتصرف
ما فى بنات بيعرفوا يتصرفوا كويس اوى احسن من رجاله كتير
ربنا يكون فى عونك :))

FAW يقول...

عندك حق فعلا البنت بتشتغل بره و جوه

ربنا يقويكي . . الحياة فعلا تتطلب إنك تبقي بميت راجل . . :) والراجل بيحب البنت اللي بميت راجل , بس هو يبقي راجل أكتر لو مخلهاش تحتاج تبقي بميت راجل :)

بس أكيد إنتي مقتنعة إن الحياة بلا عمل بلا قيمة

ضحكتيني قوي بسرعة البطريق دي :)))

تحياتي . .

Carmen يقول...

:‏)‏)) جميلة ياحبيبتي تسلم ايدك

مها البنا يقول...

ههههههه والله صعبتى عليا يا شيرين

بس فعلا عندك حق ... البنت فى مجتمعنا عموما عليها ضغوط كتيره جدا .. مطلوب منها عدم التخلى عن أنوثتها والإحتفاظ بها .. وفى نفس الوقت أن تتناسها وتتعامل (بميت راجل ) حاجه كده زى الإنفصام فى الشخصيه ههههه

إستمتعت بالبوست .. حقيقى ممتاز

sharifaarts يقول...

يؤ الله يكون بعونك
وانا اقرأ لك حسيت بالحر وحسيت الصداع اللي راح مني اليوم بدى يرجع


صبرك خيتو

Mostafa gazar يقول...

كان الله فى عونك........كونى نفسك دائما

شمس النهار يقول...

الست ست والرجل رجل

ومش من مصلحة المجتمع موضوع تبادل الادوار

اللي نتج عنه جيل غريب الشكل

عمري ماطلبت من يناتي ان يكون مثل الرجال
بالعكس كنت اطلب منهم ان تكون بنوته قوية

جميل البوست جدااااااا
خلتيني اجري وراء البطلة
:))

غير معرف يقول...

مساء الغاردينيا شرين
سبحان الله حتى احنا في السعودية لازم حكاية خليكي مفتحه وماحدش يلعب عليكي بس بجد بجد حنيت عليكي لا يابنتي خليكي بنت وبس مع عقل مفتح ههههههه وبلاش مية راجل ربنا يسعدك يارب "
؛؛
؛
راح افتقد حواديتك لسفري الليلة بس اكيد لما ارجع بإذن الله راح اقرأ الي فاتني "
؛؛
؛
لروحك عبق الغاردينيا
reemaas

آخر العنقــــــود يقول...

بوست واقعي أوى الحقيقة
نفس الشعور اللي بيجيلي لما الاقي أحمال كثيرة على ظهري اللى احيانا الواحد هو اللى بيحطها على نفسه رغبة فى تدريب نفسه على تحمل المسؤولية قبل الخروج الى حقل العمل
سعيدة بزيارتي الأولى لمدونتك يا "حدوتة مصرية"
تقبلي تحياتي

Haytham Alsayes يقول...

روعة القصة بجد

كل واحد يتعامل بانسانيته وبشريته الخاصة اللي ربنا خلقها فيه
سواء راجل او بنت

تحياتي :)

Unknown يقول...

Tarkieb: أولاً سعيده جداً بزيارتك ثانياً بقى للأسف البنت عشان تقدر تعدي بكل عقبات الحياه و في الشارع بالذات بتحاول تكون جامده و تتقمص قوة الرجال.
تحياتي ليك
نورتني

Unknown يقول...

تامر نبيل: للأسف أنا حاسه ان ناس كتير مفهمتش البوست أنا مقصدتش اني بقيت مش أنا لكن تمنيت اني أعيش أوقات زي بنت بس و ميكونش ورايا أي مسؤليه غير الاهتمام بنفسي.
تحياتي ليك

Unknown يقول...

ابراهيم رزق: بص يا أستاذي أنا مش عايزه أظلم الرجاله لأن معظمهم بيشتغلوا بليل كمان و وراهم مسؤليات كتير بس المشكله انهم مبيقدروش ان البنات كمان بيتعبوا أوي.
نورتني و أسعدتني بتعليقك كالعاده
تحياتي الخالصه لك

eng_semsem يقول...

سيدتي عذرا هل هذا اثبات على ان البنت لا يمكن ان تكون مثل الرجل ومن الخطأالمساواه بين المراه والرجل في كل شئ وان لكل منهم دور اجتماعي اذا ارادت ان تقوم بعمل في اتجاه اخر سيؤثر على بيتها و دورها في بيتها نحو زوجها واولادها
من الخطا ان تكون المراه بمائة راجل ولكن ان تكون بجميع نساء العالم بالنسبه لزوجها وبجميع بنات العالم بالنسبه لوالدها ووالدتها وافضل ام في الدنيا بالنسبه لاولادها
تقبل تحياتي وكوني بنت كما تريدين

Unknown يقول...

القصقوصة 9 :
روووووعة.. مستني جدا جدا..
أتفهم وأقدر التصرفين (غير الصحيحين) جيدا..
لكن فعلا.. كثيرا ما يكون تفريغ الهموم أسهل بكثير مع من لن نقابله بعد ذلك...!!
بجد... رائعة.
...................
القصقوصة 10 :
والله أخشى أن يتهمني البعض بمجاملتك أو بالمبالغة إذا قلت أن هذه القصقوصة من أروع ما كتبتِ (وقصاقيصك الرائعة كثير)..
أنتِ طرقتِ على وتر حساس لدي منذ زمن.. طبعا أنا قدر الله علي الغربة.. ومشكلتي مع كثير ممن حولي أني دائما أسعى لترتيب ظروفي بأي طريقة للعودة النهائية.. ولكثرة ما أجد من كلام مؤلم (شبيه بما سمعتيه في هذه الجلسة) توقفت عن الإدلاء بهذا التصريح حتى لو سئلت عن ذلك صراحة.. ناهيكِ عن محاولات التثبيط الغريبة وكل يدعي أنه حاول قبلي ولم يفلح (وكأنه لزاما علي الاكتفاء بتجربته تلك وألا أحاول)...
ومع الوقت صار ردي عنيفا على من يحاول التقليل من حبي لمصر.. فأرد عليه بما يسكته مباشرة.. (فلتقل لي خيرا في حق مصر أو لتصمت).. وإذا سألني أحدهم مشككا: بتحب فيها إيه؟! أجيبه قاطعا عليه الاسترسال: أقسم بالله بحبها بزبالتها...!
كل هذا قبل الثورة..... فما بالنا بعدها؟!!!
الآن.. أنتظر بلا مبالغة أن أصل إليها لأقبل أرضها وأحتضن ترابها... هانت.. إن شاء الله

كلها أسبوعين...!
أختي شيرين... وأنا أكرر ورائك..... بحبك قوي قوي قوي يا مصر..!
.........................
القصقوصة 11 :
جميلة جميلة.. سلم قلمك على هذه المقطوعة المميزة..
وصفك دقيق كالعادة (بالذات في الموقف الأخير).. لدرجة أني شعرت بالحر والزهق والتوتر معاكي...!! :)
على فكرة البنت اللي بميت راجل هي التي تصمد في المواقف ولا تنهار وليس تلك التي يصبح لها عضلات وتتحمل المشاق المادية (وفق التصور الساذج)... (صراحة غاظني قوي رد مدير العمل!!!!!)..
ثم أنه ليس مطلوبا من المرأة أن تكون (بميت راجل) ابدا.. فديننا احترم ضعفها ورقتها ووصفها بالقارورة.. وطلب من الرجل أن يكون هو (مستحقا لرجولته) ويتحمل مسئولية المرأة التي في كنفه....!!!
دمتِ بكل سعادة وسيبك منهم.. وكوني أنتِ نفسك.. امرأة وكفى.
تحياتي أختي المبدعة.
.........................
ممكن تصويب صغنن؟
(الحادية عشر) لا (الإحدى عشر)...
إيه رأيك ما تريحي نفسك وخليها بالأرقام!!! :)

Unknown يقول...

سواح في ملك الله: شكراً ليك
تحياتي

Unknown يقول...

أم هريرة.. lolocat : و عليكم السلام و رحمة الله و بركاته
شكراً يا لولو على مشاعرك الطيبه و ربنا بيسهل الأمور مهما تبان كبيره.
تحياتي و إحترامي ليكي

Unknown يقول...

le jasmination: شكراً ليكي و لو ان الموضوع مالوش علاقه بالفيلم!
تحياتي ليكي

Unknown يقول...

موناليزا:هههههه انت كمان
بصي يا مونا المشكله مش اننا نسينا نوعنا أو ان الرجاله بتعتمد علينا لكن هي ثقافة مجتمع بيشجع البنت انها تكون جدعه و كلمة(بمئة راجل) بتتقال مجازاً عشان البنت تبقى قوية متضعفش مش مقصود بيها انها بتنسى أنوثتها.
سعيده يا حبيبتي بتعليقاتك المميزه جداً
تحياتي و كل الود لكي

Unknown يقول...

الحسيني: شكراً ليك علة ذوقك و تعليقاتك المشجعه دائماً أتمنى ربنا يقوينا جميعاً.
تحياتي الخالصه لك

Unknown يقول...

دعاء العطار:مش عارفه أقولك إيه تعليقك هو أظبط و أجمل تعليق على البوست لدرجة اني تأثرت بيه جداً.
سعيده بيكي جداً و بتفهمك الرائع لما أكتب.
يا رب دائماً منوراني
تحياتي و حبي لكي

Unknown يقول...

reemaas: بصي يا نور البنت مش قليله بالعكس معظم البنات دلوقتي بمئة راجل زي ما بيقولوا بس المشكله اننا بنحتاج ساعات نحس اننا ضعفا و نبكي و ندلع ده إحتياج إنساني مهم في زحمة الدنيا.
التفتيش بقى مبيحبهوش غير اللي مبيحبش قاعدة المكاتب.
تحياتي ليكي

Unknown يقول...

Bent Men ElZaman Da: هو زي ما قلت قبل كده مصطلح بيتقال عشان البنت تجمد و متضعفش و متخافش و متدلعش في أوقات الجد لكن مش مقصود بيه انها متكونش نفسها.
تحياتي ليكي

Unknown يقول...

FAW: انت كمان فهمت غلط يا مصطفى (بمئة راجل) معناها زي ما قلت قبل كده مش حاجه وحشه بس ساعات بنحتاج نخرج من هالة القوه و الجدعنه دي شويه و نمارس ضعفنا.
و بعدين لما تبقى زوج أو أب هتبقى عايز تشوف البنت قوية و قد المسؤليه...و ده ميقللش من رجولتك انت.
سعيده بمتابعتك
تحياتي ليك

Unknown يقول...

كارمن:تسلمي يا جميل
نورتيني

Unknown يقول...

مها البنا: المجتمع كله عنده إنفصام :)
أنا كمان بستمتع أوي بزيارتك و تعليقك
يا رب دائماً منوراني
تحياتي ليكي

Unknown يقول...

حافية القدمين: سعيده بأول زياره نورتيني :)
و بحب جداً اللغة الشامية
تحياتي الخالصه لكي

Unknown يقول...

مصطفى الجزار: نورتني يا مصطفى أشكرك على تعليقك.

Unknown يقول...

شمس النهار: حضرتك مفهمتيش قصدي بردو كلمة (بمئة راجل) مش معناها دور الرجل أو ان الأنثى تتحول لرجل لكن هي مصطلح عشان البنت تقوى و متضعفش و تنهزم قصاد هموم الحياه.

شكراً جداً لحضرتك و يا رب منوراني دائماً
تحياتي و كل إحترامي لكي

Unknown يقول...

ريماس مساء الفل و الياسمين أنا كمان هفتقدك جداً أتمنى انك تفضي وقت سعيد و تعودي بألف سلامه.
دمتي بخير و سعاده
تحياتي الخالصه لكي

Unknown يقول...

آخر العنقود: أنا أسعد بزيارتك و تعليقك يا رب دائماً منوراني.
تعليقك بيقول انك قريتي الموضوع بعنايه و فهمتي قصدي على طووول :)
تحياتي و تقديري لك

Unknown يقول...

Haytham Alsayes: كلام جميل و موزون اشكرك عليه.
نورتني و أسعدتني بزيارتك

Unknown يقول...

eng_semsem : أنا تقريباً أجبت على تعليقك في التعليقات السابقه و صدقني مش مقصود بالمصطلح ده أكتر من إن البنت تستطيع التغلب على ضعفها و قلة حيلتها عندما تتعامل وحدها مع المجتمع...بس ده ميمنعش انها بتحتاج أوقات تحس بضعفها.
السطور الأخيره رائعه :)
تحياتي و تقديري ليك

Unknown يقول...

ماجد القاضي:
بالنسبة لرقم 9 ضحكني جداً تعليق حضرتك عتاب كده على المتغطي :)
هو فعلاً تصرف مش صحيح بس هو رمز لأن الامسان بيحتاج أحياناً يحكي لحد ميعرفوش.

رقم 10 أنا مقدره موقفك و حبك لمصرك و غيرتك عليها و زي ما انت مستني نزولك ليها هي كمان مستنيه ابنها يرجعلها.
سعيده جداً انها عجبتك حضرتك شرف ليه و الله

نمرة 11 تعريف حضرتك لكلمة (بمئة راجل) أكتر تعريف صحيح و هو ده اللي قصدته بالظبط اشكرك انك وضحته بس عندي إعتراض صغنون
أنا طول عمري بحلم أشتغل من و أنا عندي 16 سنه بدور على شغل و بحب الشغل و هو برغبتي تماماً بل ان زوجي كتير يقولي إقعدي لو تعبانه, لكن لأنه عارف حبي للشغل بيشجعني و بيتحمل معايا كل الظروف و باجي عليه كتيير.
الكلام ده عشان محدش يفتكر ان زوجي هو اللي عايزني أشتغل و لو إنه مش عيب.
ملحوظة حضرتك علمت و ستنفذ:)
سعيده جداً جداً بمتابعتك و تعليقك أكيد مميز جداً و بنتظره كالعاده
تحياتي ليك