الثلاثاء، 26 يونيو 2012

علّي صوتك بالغُنا



أنا من صغر سنّي حاسس بشئ جوايا
و حلمت زمان أغني و الكون يسمع غُنايا
غنيت غنيت و فـ وسط الغنوة بكيت
و لقيت الكون كله بيتغير قلت يا ريتني فضلت صغير

(أتمنى ألا يقرأ والدي هذا البوست)

من صغري و الغناء يشكّل جزء مهم جداً في حياتي, ربما دون أن أقصد أو أخطط, أذكر أنني كنت أحلم بإنشاء فرقة غنائية و أنا في سن المراهقه, كنت دائماً أتخيل نفسي على المسرح أغني, أرى نفسي في وقفة فيروز الواثقة و في صوت شادية العذب, بعدها رأيت نفسي كثيراً في أنغام, ربما لأن أغانيها و صوتها مناسبين تماماً لخيالي.. 

كان المايك فرشاة شعري أو ريموت التليفزيون, أغني دائماً في كل أوقاتي, في شبابي المبكر إعتدت أن أغني قبل النوم, أختى تأنس بصوتي, ربما كانت تجاملني حتى تنام قبلي :) ليس نشازاً صوتي و ليس جميل,  فأنا أغني بإحساسي و حبي للأغنية و كلماتها و لا أملك أي طابع طربي أو عُرب أو ما شابه, أعشق أن أدندن بأغنية كل صباح, أنتبه منها على صوت زوجي المستنكر "حد يغنّي على الصبح كده؟!"

أُغني و أنا أطبخ  يعلو صوتي و أنا أغسل الأطباق, أُغني في الحمّام لأستمتع بصدى الصوت و إحساس المايك الحقيقي :) ,أُغني لأبنائي بالطبع, لكن ليس أغاني الأطفال المُمله, أُغني لإبني مثلاً "أنا أكتر واحد قلبه عليك..أنا دنيتك أنا ملك إيديك..إنت اللي من بين كل الناس متعلق بيه و بفكر فيه...أنا أكتر واحد بيحبك في الدنيا و طول عمري هحبك", و لإبنتي "طيري طيري يا عصفورة أنا متلك حلوة صغيورة..بركض فوق حفاف الزهر...بحجر ع ميات النهر و بخبي بشعري بشّورة.. طيري طيري طيري طيرييييي يا عصفورة" أحب أن أغني القصائد جداً رغم ضآلة صوتي..لكني أعشق أن أغني لماجده الرومي..

و أنا كالطفلة في يده كالريشة تحملها النسمات

يخبرني أني تُحفتُهُ و أساوي آلاف النجمات
و بأني كنزَ و بأني..أجمل ما شاهد من لوحات

يروي أشياء تدوخُنييييي(أكون بلف أكيد:))...تنسيني المرقص و الخطوات
كلمات تقلب تاريخي...تجعلني..تجعلني..تجعلني..تجعلني..
تجعلني إمرأةً..في لحظااااات

هذه الأغنية بالتحديد كانت عشقي و نشوتي في الغناء..حتى سمعت ما عزف على أوتار مشاعري بشكل أكبر..

و أعرف أني في غابات حبك وحدي أحاااارب
و أني ككل المجانين حاولت صيد الكواااكب
و أبقــــــى
و أبقى أحبك رغم يقيني بأن الوصول إليك مُحال
محالَ ..محالَ..محال
أحبك جداً جداً جداً..و أعرف أني تورطت جداً
و أحرقت خلفي جميع المراكب..و أعرف أني سأُهزم جداً
برغم الدموع و رغم الجراح و رغم التجارب

أغني و أنا أقود السيارة, و يعلو صوتي جداً لو الطريق مفتوح و السيارة تطير بسرعة " مين اللي يقدر يعشقك..قدي أنا...مين اللي يقدر يوصفك زيي أنا..يا حلم نفسي تحلمه كل القلوب..يا أعلى إحساس شدّني خلاني أدووووب..خلاني أحسّ إني بشر.." , أعرف أن هناك من يراني من زجاج السيارة مختلة و تحدث نفسها كالمجانين, لكني أحاول ألا أراهم حتى تكتمل لحظات سعاداتي القليله, أكره تدخل الناس في لحظاتي الخاصة!

أُغني أيضاً في العمل, دون أن أشعر, إكتشفت نفسي عندما كنت أبحث عن ملف في دولاب يقع بإحدى الطرقات, كنت أدندن أغنية أنغام "في واحده بتحبك أوي...من كام سنة  قُدام عينيك و إنت بتسأل هيّه فين...في واحده بتحبك و لية لو أسألك عنها تقولي هيّه مين..ياريييييت تحس إن اللي بتحبك أنا" و إستدرت حتى أجد مدير قسم الكومبيوتر ينظر لي بدهشة ممتزجه بعبط , تسمرت للحظة ثم إنصرفت و أنا أكمل الأغنية بين جنباتي بصوت غير مسموع "ياللي إنت مش دريان بيّه..شوف إنت ترضى بإيه ليّه..لو مُت فيّه تعيشني..و لو سبتني تموّت فيّه"

الغناء بالنسبة لي مُتعتي الداخلية , قد لا أجيده و لكنه يجيدني..يشكّل خلفية أحلامي و أرضية واقعي, أغني حتى لا أشعر بغربة, فالغناء يزيدني قوة, أغني و أنا حزينة, و أنا سعيده, و أنا مقهورة و أنا متقده, و أنا خاملة و أنا حالمه و أنا غاضبه و أنا تعبه و أنا محبطه و أنا تعيسه..لا أغني الألحان أغني الكلمات التي تُطرب قلبي و تهز أوتاره..

إزاي هتكون إنسان بصحيح
من غير ما تتقول الرأي صريييييح
من غير ما تغنّي بحُرّيه
من غير ما تغنّي بحُرّيه


هناك 31 تعليقًا:

ابراهيم رزق يقول...

يا عندليب متخافش من غنوتك
قول شكوتك و احكى على بلوتك
الغنوة مش هتموتك انما
كتم الغنا هو اللى ح يموتك
عجبى ؟؟؟؟

كلنا هذا الرجل
انا كثيرا ما اظبط نفسى بغنى
او يظبطنى غيرى دون ان اشعر
فالغناء هو حالتنا الداخلية
او تفكيرنا الباطن
يخرج بعد غليانه و فورانه فى الجسم
هو التنفيس عن الضغط الداخلى
هو الوقاية من الانفجار
فعلاج الضغط من الانفجار شيئان
اما التنفيس و ذلك بالغناء
او التبريد و ذلك بسماع ما نريد او ما يلح علينا ان نسمعه
حقيقة علمية لا تقبل الجدال

تحياتى

هبة فاروق يقول...

على صوتك وعلى كمان اجمل شىءانك تكونى على طبيعتك وتعيشى وتغنى وتفرحى
تدوينه انعشتنى وجعلتنى أغنى من جديد تصدقى بقالى كثير اوى مغنتش
سلامى لشيرى الجميله

rona ali يقول...

طيب انا عايزة اسمع
تعرفي انا كنت بتاثر جدا باغانى معينه وممكن تكون قديمه وبطلت تتسمع وبحب اوى الغنا القائم علي فكره مش مجرد حب وكره وكده لحد ماجيه اليوم اللي بطلت اسمع بس لسه محتفظه في دماغى بشويه اغانى عمرى ما هنساها
البارح انا كنت قاعده وكل اخواتى قاعدين ولقتنى مرة واحد بغنى عيش حب الناس وعيش معرفش ليه الغريب انهم كملوا معايا هههههههههههه كلنا لها

استمتعت اوى من البوست مملتش خالص :)))
سعدت بمرورى جدا ^_^

richardCatheart يقول...

واااااااااااااااااااااااااااااااو

انا بعشق البوستات دى بسميها انا بحب اووووووووى لما بنتكلم عن نفسنا احلامنا احنا ايه

انا استمتعت بكلامك وبصوتك :) وعلى فكرة القمر والرقه اللى شوفتهم انا متاكده انك لازم تكونى صوتك واحساسك شبهك قمر ورقة وربنا :)

بس السؤال الذى يطرح نفسه ليه مش عايزة بابا يشوف البوست دا؟؟؟\

صباعك زقزقة عصافير

الازهرى يقول...

أنا بقى كنت بعييد عن الأغانى
بس باعشق الموسيقى
ودايما صوابعى بتعزف فى الخيال
على بيانو وهمى


أنا أحلامى الطفولية كانت أبسط

كنت باحلم دايما بالحرب


تحياتى للحلم الجميل

Imane Belâbbes يقول...

الموسيقى و الأغنية حاجة أساسية

و بتخلي الروح تروح عالم تاني خالص

سلامي

ليلى الصباحى.. lolocat يقول...

انت رقيقة و صادقة وجميلة وانا بحبك :)

بس خلاااااااااص

دمت بكل حب ورقة وعذوبة وجمااااااال

تحياتى لك

ليلى الصباحى.. lolocat يقول...

انت رقيقة و صادقة وجميلة وانا بحبك :)

بس خلاااااااااص

دمت بكل حب ورقة وعذوبة وجمااااااال

تحياتى لك

Radwa Ashraf يقول...

بتفكرينى بنفسى جدا :)
لأنى بغنى فى كل المناسبات و الأوقات
و دايما أخويا بينبهنى و يقولى إرحمينى
بس ما علينا :)

بس الأغانى اللى انتى مختاراها أحلى من بعض الصراحة :)

اتبسطت و أنا بقرأ البوست ده :)

سندباد يقول...

كالعادة ذوقك في استماع او اختيار الاغاني رقيق كما هي كتابتك لا يوجد انفصال الشخصية واحدة والمشاعر واحدة
مش مهم احنا بنعمل ايه المهم بنعمل الشئ اللي بنحبه سواء نكتب نغني نقرا ومنخفش من اللي هايقوله علينا اللي حولينا طالما مقتنعين
تحياتي

أسماء علي يقول...

انتي جميلة :)
خلصت البوست وأنا مبتسمة وده نادراً ما بيحصل :)

إنسان || Human يقول...

هههههه

متخيلك ....

الغناء والدندنة بتخفف عن الروح كتير

بوست خفيف وتلقائي :)

Bent Men ElZman Da !! يقول...

دايماً بتفكرينى بحته منك شبهى :)

جميله انتى يا شيرين :))

Hanan w Haneen يقول...

لسة الاغانى ممكنة ممكنة :)) غنــي ولايهمك بس مش هتسمعينا صوتــك؟؟ :D

Hanan w Haneen يقول...

لسة الاغانى ممكنة ممكنة :)) غنــي ولايهمك بس مش هتسمعينا صوتــك؟؟ :D

Mostafa gazar يقول...

الغناء بالنسبة لي مُتعتي الداخلية , قد لا أجيده و لكنه يجيدني..يشكّل خلفية أحلامي و أرضية واقعى....
(ببساطه كده ) غايه فى التلقائيه والروعه :)

Unknown يقول...

أ.إبراهيم رزق:

حقيقه علميه ممممم ممكن أو أكيد لأنه فعلاً بيخرج كتير من مشاعرنا.

شكلااً على هديتك الجميله طبعاً
تحياتي أستاذي العزيز

Unknown يقول...

هبه فاروق:

طب جميل إنك رجعتي تغني صدقيني هتفرق في مودك جداً.
أشكرك صديقتي الجميله هبه

أرق تحية لكي

Unknown يقول...

رونا علي:

لأ أكيد مش هتسمعوا عشان متكرهونيش :)

الله أنا بحب الأغنية دي جداً من الأغاني اللي بتعلق معايا أوي.

ربنا يسعد أوقاتك دائماً :)

نورتيني و أسعدتيني بالزياره

Unknown يقول...

قلب القطه:

مبسوطه أوي إنه عجبك و أنا كمان بحب أتكلم عن الحاجات الصغيره اللي بتفرق :)
مش عايزه بابايا يقراه عشان هو عايزني أبطل سماع أغاني و بيضايقه إني بتأثر بالأغاني كده
و بعدين إنت اللي قمر يا جميل :)

نورتيني و أسعدتيني كالعاده

Unknown يقول...

الأزهري :


هههههههههههه الحرب!
هي دي أحلامك الطفوليه طب أحلامك دلوقتي إيه :)
بس جميله فكرت البيانو الوهمي

نورتني

Unknown يقول...

إيمي:

صحيح يا إيمي عالم أجمل بكتير :)

نورتيني

Unknown يقول...

لولو كات:

:)
إنتي الأجمل و الأعذب و الأرق
يا أحب أخت في الله بجد :)

تحياتي و كل الحب لكي

Unknown يقول...

رضوى اشرف:

هههههه
عادي ما أنا إخواتي برضو كانوا بيغلسوا عليه أكتر من كده :)

شكراً يا جميل ده من ذوقك :)

أرق تحية لكي

Unknown يقول...

سندباد:

شكراً ليك يا أمجد ده من ذوقك أكيد :)
المهم إننا نعمل اللي بنحبه و بس

تحياتي و تقديري لك

Unknown يقول...

أسماء علي:

الكاتبه الجميله بجد سعيده إن ده إنطباعك عن البوست :)

تحياتي الخالصه لكي

Unknown يقول...

محمد السيد:
:)
صحيح محمد الأغاني بتخفف كتير و تغير الموود عموماً

نورتني يا فاندم

Unknown يقول...

بنت من الزمن ده:

:)
ده شرف ليه يا دندونه و على فكرة أختي إسمها دينا :)

مبسوطه بوجودك

Unknown يقول...

نونا أنجيل:

أكيد لسه ممكنه :)
لأ يا عم مش هتسمعوا صوتي لحسن تكرهوني

نورتيني

Unknown يقول...

مصطفى جزر:

شكراً يا متابعي العزيز
سعيده بمتابعتك الدائمه :)

نورتني

Hanan w Haneen يقول...

لالا هنحبك اكتر والله :D