السبت، 2 يونيو 2012

بااااااطل


إحنا اللي عملنا ثورة فوتوشوب
و إحنا اللي قتلنا روحنا بإدينا
و إحنا اللي إختلفنا و متوحدناش غير 18 يوم
و إحنا اللي شتمنا الثوره و لعنا أبوها عشان جرايم كانت بتحصل كل يوم
و إحنا اللي إنشغلنا بفرض رأينا
و إحنا اللي كان همنا تقسيم التورته
و إحنا اللي إختارنا شفيق في الصناديق
و إحنا اللي شوفنا محاكمة القرن و طلعلنا قرون
و إحنا اللي قتلنا المتظاهرين مش لواءات البراءة 
و إحنا اللي نهبنا البلد و سرقنا نفسنا مش علاء و جمال براءة
و إحنا اللي عايزين نعيش في إستقراااااار 
و إحنا اللي عمرنا ما إتنصفنا


و إحنا ولاد الكلب الشعب


صدقت يا أبنودي


مبروووك عليك يا شفيق مصر


سؤال محيرني
هو العادلي كان لازم يقتل كام عشان يتعدم؟


الفيديو ده للذكرى الخالده

هناك 12 تعليقًا:

ابراهيم رزق يقول...

اتضح فعلا ان احنا الشعب ولاد الكلب
و ان مبارك شيخ ولى و العادلى شيخ
انا بجد مش عارف ازاى مبارك مدان و العادلى مدان
و مديرى الامن براءة
هو مبارك نصف اله يقول للشخص اتقتل فيقتل
انا زوجتى بكت من الحكم طب امهات الشهداء حالتهم ايه
اعتقد اننا الان مستعدون لخبر شفيق رئيسا و احمد رمزى او الشاعر وزيرا
و مبروك عليكى يا مصر اقامة مبارك ما تبقى من عمره فى المركز العالمى العشر نجوم على حسابك

انا خلاص فى طريقى انى ابقى جبلة
و ساعيش زى شعبان بحكمةعبد الرحيم
هاكل جبنة رومى و اشرب لبن عصير
و اقوم الصبح بدرى و اجيب قميص جديد

و هيييييييييييييييييييييييية

تحياتى

haneen nidal يقول...

حسبي الله و نعم الوكيل :((

mostafa gazar يقول...

انا لله و انا اليه راجعون ........حسبنا الله ونعم الوكيل.........

زينة زيدان يقول...

بقى لنا باب عظيم يا شيرين

هو باب الله عز وجل

هو القدير على نشر العدل

وإعدام الظلم

وإفشاء السلام


"الفيديو ده للذكرى لكن ليس للتكرار"

ليلى الصباحى.. lolocat يقول...

حسبنا الله ونعم الوكيل
والله مهزلة بكل معنى احنا نستاهل اكتر من كده
شعب كان بيفرح لما يتقال عليه طيب وياخد على راسه ويسكت

ولسه اللى جاى افظع
جمال وشفيق يونيتد جروب :(

yosef يقول...

العفو ينتظر مبارك ان فاز شفيق
المحكمة ...
اما جنائيّة ....او ثوريّة

المحكمة الثوريّة يلزمها ان يكون رئيساً لمصر مؤمناً بالثورة ... مبادئها وافكارها وحجم تضحيّات ابناءها...

العفو ينتظر مبارك ان فاز شفيق ...
وإعادة المحاكمة تنتظر مُبارك وجميع اركان نظامه بما فيهم احمد شفيق ... إن سقط شفيق ...

كفى سلبيّة وإنحازوا للثورة ...
واسقطوا شفيق ...
مُقدمةً لانهاء النظام المخلوع بكل مكوناته ...

يوسف
2/6/2012

hamed mostafa يقول...

إحنا ولاد الكلب الشعب
صحيح
نفسى الشعب يخيب ظنى
ويطلع مرة فيها ذكى
حسبى الله ونعم الوكيل

Bent Men ElZman Da !! يقول...

"سؤال محيرني
هو العادلي كان لازم يقتل كام عشان يتعدم؟"
مالحقش يعمل سكور عالى للاسف
عشان الثوره بقت جيم اوفر :S
الواحد بجد محبط وقلقان من بكره اكتر من اى وقت فات

Red Rose يقول...

هو إحنا المفروض نبطل أصواتنا و لا نختار مرسي عشان شفيق ماينجحش رغم اننا حاسيين انه جاي جاي بجد انا حيرانه جداً ومش عارفه إيه الصح ؟

هل نفر من شفيق الي مرسي عشان نلبس في الحيطه برضه مع الاعتذار للحيطه عشان إحنا كتير أوي عليها حرااااام والله

مصطفى سيف الدين يقول...

انا شايف اللي حصل النهاردة ظاهرة صحية
على الاقل جمعنا كلنا ميدان واحد
بس يا ريت نفضل ايد واحدة

ظلالي البيضاء يقول...

أنا في بلدي سوريا أكاد أفقد عقلي بعد النطق بحكم القضاة ..
فكيف بمن عاش الزمن في مصر ..
فعرف ظلمات سجون أمن الدولة وتعذيبهم ..
فليجهزوا مشافٍ للمجانين ..
لأنه سيصبح أكثر استثمار مربح في مصر ..
خصوصاًإذا فاز شفيق ..

شيرين سامي يقول...

بعتذر هرد رد جماعي عشان عايزه أرد على تعليقات بوست "قلبي ميشبهنيش" لأنها بجد أسعدتني جداً..
أصل البوست ده كله نكد كده و مش لقياله رد غير حسبي الله و نعم الوكيل في اللي وصلنا لهذا الإختيار في الرئاسه و هذه النتيجه في الأحكام..بسبب ثورة لم تكتمل لأننا شعب لم يتخلص بعد أثار فساد النظام السابق.

ربنا يعديها على خير
مش عارقه إزاي بس لا نملك إلا الدعاء

تحياتي و إحترامي و حبي لكم جميعاً