السبت، 31 ديسمبر 2011

تدوينة الأمنيات




أسير أنا و إبني في خطوات سريعه كعادتنا متجهين للنادي للحاق بتمرين السباحه و من ثم تمرين كرة القدم في الطريق يدوربيننا حوار أسبوعي خاص يسألني فيه كل الأسئلة التي تستعصى عليه إجاباتها, في هذا اليوم سألني عن بابا نويل و هل هو شخصية حقيقية أم وهمية؟...لم أتردد في الإجابة قلت له أنه موجود بالفعل و يوزّع الهدايا ليلة رأس السنة على الأطفال الشاطرين فقط...سألني سؤال أكثر عمقاً..ماذا لو مات بابا نويل فهو شخصية قديمه و عجوزه جداً..أجبته أنه لو مات فهناك إبنه و عندما يموت إبن الإبن و هكذا فتظل شخصية بابا نويل لا تموت و يظل يطير بزلاجته و غزلانه في السماء حتى يصل لشرفات و نوافذ الأطفال ليلقى بها الهدايا.


أنا أيضاً كنت أسأل نفس السؤال عن وجود بابا نويل حقيقي لكن الإجابة كانت..طبعاً لأ...كان نفسي يُحضر لي هدية طفولتي المُفضله Barbie doll و كنت أُعلّق جورب صغير أصغر من اللعبة بجوار النافذه كفيلم شاهدته, و لكنه لم يأتي..


 صدقني صغيري مع إنه يعلم جيداً أن هذا كلام ليس من المنطق في شئ فهو رغم صغر سنه إلا أنه كمعظم جيله يعرف أكثر مما ينبغي, لكنه ورث عني (لا أعرف لحسن أم لسوء حظه) توهانه في دنيا الخيال..فهو طفل خيالي بقدر كبير و أنا لن أفسد عليه خياله...سيصحو يوم 1 يناير 2012 ليجد هدية بابا نويل معلقة بنافذته :)


*********



أخيراً سنودّع 2011 أصعب عام في حياة المصريين و العرب و مع ذلك فسيظل له علامه في قلبي و تأثير عميق في روحي, صحيح إننا عرفنا فيه معنى عدم الإستقرار و الأمان لكننا تذوقنا فيه الحريه لأول مره و مارسنا فيه حقوقاً كانت مسلوبه لأول مره...صحيح الصدمات توالت فيه بشكل غير مسبوق لكننا إستنشقنا فيه القوة و التحدي لأول مره...صحيح تفرقنا فيه و تشتتنا بشكل مزري لكننا أيضاً عرفنا لأول مره أن نجتمع على كلمة حق و نعيد توازنا بسرعه تكيد كل عدو...صحيح أننا فقدنا الكثير من شبابنا و رجالنا لكننا كسبنا ولادة جيل كامل من مرفوعي الرأس...صحيح تعذبنا كثيراً لكن كله يهون لخروج بلادنا العربيه الحُره للنور.


أسوأ أيام العام هي كل يوم أريق فيه دم..كل يوم سقط فيه شهيد..و كل يوم تجرعنا فيه ذل و ظلم... أسعد يوم مر عليّ في هذا العام كان بالطبع 11 فبراير...يوم تخلى الظلم و الفسادعنا...رأيت وجوه الناس يومها كأنهم ولدوا من جديد...على الصعيد الشخصي فقدت خالتي الحبيبه..فقدنا أيضاً الكثير من المبدعين أهمهم بالنسبة لي أنيس منصور عدو المرأة الذي أحبته المرأة كثيراً...


و كان من أسباب سعادتي في هذا العام هو كتابي بنكهة مصر الذي سيرى النور مع حلول 2012 و مهما وصفت فلا أحد يتخيل فرحتي و أنا أرى مشاعري ..أفكاري ..نبضاتي ..غضباتي ..تحليقي في سماء الخيال يتحول لعمل ورقي مطبوع لأرى نفسي بين ثنايا الأوراق و سعادتي لا توصف عندما أجد ملامح أحدهم تتغير و هو يقرأء حروفي ..أتمنى نجاح الكتاب و النجاح و التوفيق لكل مجتهد و أتمنى كل إنسان يصل لحلمه في 2012 و يحقق كل ما يتمناه.


كل سنة و إنتم طيبين و سعداء و بألف خير عام جديد سعيد على الجميع بتمنى تمارس فيه البلاد العربية المزيد من حريتها و نحقق نحن المزيد من أمانينا و أحلامنا..






يا ترى أمنياتك إيه للعام الجديد؟؟؟؟
سؤال إجباري على فكرة :)

هناك 29 تعليقًا:

سواح في ملك اللــــــــــــــــــه- يقول...

كل سنة وانتي طيبة يادكتورة

وامن واخته طيبين وبخير

2011 رغم كل ماجري فيه

فهو اسعد الاعوام التي مرت في حياتي

يكفي انه صنع لنا مصرا جديدة

مبروك للكتاب

امنيتي الوحيدة

تتلخص في طلب الصحة من والستر من الخالق عز وجل

فهم اغلي مايتمناه المرؤ

والحمد لله علي كل شئ بعد ذلك

صيدلانيه طالعه نازله يقول...

كلامك مع ابنك جميل اووووى يا شيرى
و بما انه ورث عنك الخيال اكيد انتى بتجاريه فى اسئلته كويس و اجاباتك عليه نوعا ما هتكون مقنعه
كل سنه وانتى وكل اسرتك بصحه وخير وسعاده
و ان شاء الله تكونى موفقه فى السنه الجايه اكتر
و ان شاء الله مصر تكون اكتر حريه وجمال

ابراهيم رزق يقول...

كل سنة و انتى و امن و جورى و زوجك و كل عائلتك طيبين
اسف لقصر التعليق
امنياتى كثيرة اولهاربنا يشفى ريماس يارب

تحياتى

Aya Mohamed يقول...

كل سنةوانتى طيبة وبخير يارب
كلنا واحنا صغيرين كان نفسنا
بابا نويل يجبلنا هدية
وانا صغيرة كنت بقول
هو مش مصرى علشان كدا مش بيجى عندنا :)
كتابك عاجبنى جدا عنوانه والغلاف تحفه
متاكده انه لما ينزل ان شاء الله هينجح جدا لانك فعلا تستاهلى كل خير
اما عن السؤال الاجبارى بقى
فأنا اتمنى الاستقرار فى كل حاجة
وسنه سعيدة عليكى ان شاء الله

موناليزا يقول...

يارب يكون عام سعيد علينا جميعا

eng_semsem يقول...

كل سنه وانت طيبه يا دكتوره
ويارب من نجاح لنجاح
وربنا يخلي ليكي ابنك وتعيشي وتجيبي ليه هدايا
ويارب يكون الجميع بخير دايما في مصر والعالم العربي
تحياتي

قلم رصاص يقول...

كل سنه وحضرتك طيبة
وان شاء الله 2012 هاتكون احسن واحسن

اعشق انا الحوار مع الاطفال والسباحه معهم في عالمهم الخيالي الجميل.. ربنا يعز ويحفظ ولي العهد يارب :)

تجرعنا في 2011 مرارة فقد الشهيد وتألمنا من كل مشاهد الذل والعربدة، لكن يكفينا الاطاحة بطاغية النظام على الاقل الان. والجي احسن ان شاء الله

تمنياتي بتحقيق كل الاماني في 2012 وكل السنوات الجايه :)

أم هريرة.. lolocat يقول...

السلام عليكم


اسأل الله ان يكون المستقبل مشرق وباسم وملىء بالخير لكل البشر
وان ينعم على الامة الاسلامية بحاكم ينشر الله العدل والامن والامان على يديه

ونتوجه جميعا الى الله تعالى ان يشفى صديقتنا الرقيقة ريماس انه على كل شىء قدير

كل عام وانت اختى الغالية والجميع بخير
تحياتى وتقديرى

ظلالي البيضاء يقول...

دكتورة شيرين ..
كل عام وأنتم بخير .. أما الأمنيات فكثيرة .. ههه

هبة فاروق يقول...

كل سنه وانتى طيبه يا شيرى
وعلى فكره لوقت قريب كانت تعتقد ابنتى ان بابا نويل هو من كان يحضر لها هديه راس السنه ولكن اكتشفت بمرور الوقت اننى انا من كنت اشترى الهديه
فقد كنت مثلك لا اريد ان اقتل خيالها وفرحتها
بالنسه للامنيه ..اتمنى الصحه والرضا وراحه البال
وهناك امنيه اتمنى من الله تحقيقها فهو وحده من يعلم ما بداخل الصدور
واخيرا اتمنى الشفاء للغاليه ريماس
تحياتى للحبيبه شرين

نسرين شرباتي "أم سما" يقول...

بابا نويل
رغم إننا مسلمين
لكن وأنا صغيرة كنت بغير من جيراننا المسيحين على بابا نويل اللي عندهم وازاي بيجبلهم هدية
كنت بقول ليه مفيش بابا نويل عندنا :(
كان نفسي أشوفه أو يجبلي هدية :(
،،،،،،،،،،

كل سنة وانتي وأسرتك طيبيين :)
،،،
أتمنى زي ما قال أ. ابراهيم رزق شفاء ريماس بأسرع وقت

أتمنى أمضي وقت أجمل مع بناتي :)

yosef يقول...

كل عام وانتِ واحبتكِ بالف خير

وان شاء الله يكون عام تحقيق الاماني

وما اكثرها

بدها تدوينة كبيرة

دمتِ بخير

FAW يقول...

كل سنة وإنتي طيبة يا شيرين ويا رب السنة الجديدة تبقي أحلي من القديمة

مبروك تاني وتالت علي الكتاب ويا رب يخليلك آمن :)

رغم كل المساؤي 2011 أصبح عامي المفضل علي الإطلاق :)

أمنيتي . .

بأمانة والله أول حاجة في بالي . . إن مصر تنضف بقي ونبقي أحسن بلد في الدنيا

تحياتي

مها البنا يقول...

حلوه أوى طريقة مجاراتك وحوارك مع ابنك ربنا يحفظه وتفرحى بيه هو وأخته وبباباهم وتشوفى ثمرة كتابك طارحه علامه مميزه فى ذهن وقلب من يقرؤه أمين

بالنسبه لأمنيتى العام الجديد .. فأنا أتمنى أن أرى السعاده فى قلوب وعيون من أحب وألا أنسى الله أبدا فى أى شئ

كل سنه وانتى طيبه يا قمر

نيسان يقول...

كل عام وانتوا بخير شيرين ...ويا رب تكون السنه الجديده احسن في كل شي ولكل الناس وعلى كل الاصعده:)

وخللي آمن آمن و مبسوط في خيالاته المهم انه يلاقي الهديه اللي تفرحه .... هو اكيد فاهم وعارف انه بابا نويل شخصيه خياليه لكن بيحب يصدق انه حقيقي لكن في قلبه عارف انه انتي أحسن من بابا نويل بمية ألف مره :)

يا رب يخليه ويفرح قلبه على طول...

زهرة الضحا يقول...

الله حلوه أوي موضوع بابا نويل ده
ولو إني مش عارفه هل نصدق في الحديث معهم و نحرمهم من متعة الخيال أم نحاول أن نأخذهم إلي أبعد ما خيالهم سيصور لهم

أحداث 2011 كانت كتيره جدا علي الصعيد العام بكل ما حدث في وطننا الغالي و أيضا علي الصعيد الشخصي

يارب كلنا نحقق كل أحلامنا و يارب تشوفي إبنك زي ما بيتمني و تتمني و يجعللك فيه كل خير

أمنياتنا كتـــــــره صعب نلخصها في أمنيه واحده بس ممكن تكون الاستقرار لبلدنا و لأفكارنا و حياتنا كلها

تحياتي ليكي يا حبيبتي

zizi يقول...

شيرين الغالية ..كل سنة وانتي طيبة انتي والأسرة واتمنالك سنة سعيدة مع اسرتك واتمنى للجميع تتحقق كل امانيهم ..واتمنى ليا ولولادي الستر والصحة وراحة البال ..واقولك حاجة ..انا كنت كاتبالك امنية قبل السنة لما تهل وتصدقي ان ربنا حققهالي الساعة اتناشروحسيت على رأي هبة فاروق ان ربنا بيحضنني مش بس بيطبطب عليا وكل سنة وانتم بخير وطبعاً باتمنى الشفاء العاجل لريماس شفاءً لايغادر سقماً ..تحياتي

هند عبد الله يقول...

كل عام وأنتم بألف خير ..
جعل الله هذا العام عام استقرار وسعادة لكم ..

الحسينى يقول...

كل سنة وانت بخير يا شيرين
ويارب سنة سعيدة عليكى وعلى أسرتك كلها خصوصاً أمن وجورى :)
2011 مكانش سنة دى كانت عمر مكثف أو مضغوط فيها ثورات وحياة وموت وحقائق وكذب كتيييير وحاجات كتيرة قوى بس أحسن حاجه فيها أنها علمتنا كلنا حاجات كان يلزمنا 10 سنين مثلاً علشان نتعلمها لوحدنا :)
كتابك هو أحلى مكافأة على تعبك فى مدونتك ممكن تاخديها فى 2012 ويارب يكسر الدنيا :) ويتطبع 20 طابعة مثلاً وعقبال كتب تانية كتييير
أنا عندى امنيات كتيرة بس إجمالاً باتمنى من ربنا الصحة والستر والعفو والتوفيق ليا ولكل الناس خصوصاً اللى اعرفهم واللى باحبهم.
تحياتى لك يا شيرين وكل سنة وانت بخير.

حلم يقول...

كل سنة و انتي طيبة


تحياتي

رامي التوني
Mr.ProiD

reemaas يقول...

كل سنة وانتى طيبة ياشيرين ويارب السنة الجديدة تبقى احسن من اللى قبلها فى كل حاجة

re7ab.sale7 يقول...

مساء البنفسج
طبعا الاول اقولك كله البوست ده كوم وباربي كووووووم تاني
لية كدة جيتي ع الجرح يا بنتي ههههههههه
كل سنة وانت طيبة ويارب سنة سعيدة عليكي انت وابنك والاسرة كلها
ومصر كلها
ويارب اقدر اني اشوفك عشان كتابك ان شاء الله
يارب يسهل علي كتابي انا كمان
مبسوطالك اوووي

Carol يقول...

كل سنة و أنت بخير :))

ماجد القاضي يقول...

السلام عليكم

سعيد بنظرتك لعام 2011 التي لم أرها لدى الكثيرين.. وهي نفس نظرتي بالمناسبة..

أتمنى لك تحقق أفضل أمنياتك القريبة وهي أن يكون توزيع الكتاب بإذن الله بمعدل يفوق توقعاتك :)

................
ملحوظة صغننة أرجو تقبلها: ليس من الصواب سلوكيا وتربويا أن تؤكدي على معنى غير صحيح لدى الطفل... فضلا عن أن يكون من ثقافة غير ثقافتنا بل وتدعمي ذلك بوضع هدية له... الأولى أن تربطيه بجالب الهدية الحقيقي فهو أولى... بابا وماما. :)
يجب أن يعرف الطفل أن هذه الشخصية غير حقيقية... وصدقيني هو كفيل بصنع شخصياته الخاصة بعيدا عنه.

تحياتي الدائمة أختي المبدعة.

Timo.. يقول...

حلو قوي حوارك مع ابنك عن بابا نويل وكلنا اتمنينا وجوده واستنينا هداياه من سنة للتانية..
كفاية قوي الحلم والخيال الجميل اللي كنا بنعيش عليه من بداية السنة لنهايتها..

هي صحيح كانت سنة دسمة قوي علينا كلنا..
بس لازم نتعب عشان نرتاح..
وان شاء الله السنين الجاية احلى وها نفتكر 2011 بانها كانت سبب في حاجات كتير اتحققت.

امنيتي السنة دي اني اعمل فرح
يوم 12/12 ..
وعشان كده باقول لفريدة تظهر وتبان عليها الامان قبل يوم 11/12 :)


كل سنة وانت طيبة يا شيرين :)

EMA يقول...

يا رب تكون سنة جميلة و سعيدة علينا كلنا و ربنا يفرح قولبنا و يحقق لنا كل اللى في بالنا و يكتب لنا الخير حيث كان

كل سنة و انتى و طيبة و بكل الخير دايما شيرين

تحياتي

أمل م.أ يقول...

كل عام وانتي بالف خير
جعله الله عام خير على الجميع

وانا عن نفسي
اتمنى ان يكون هذا العام
افضل من سابقه بكل شيء
كيف بس..مختصر مفيد

لك مني كل الود
كوني بخير دوما يا رب

♥نبع الغرام♥♪≈ يقول...

كل سنه وانتى طيبه اجمل شيرين ويارب يجعله عام سعيد عليكى وعلينا وعلى الامة الاسلاميه جمعاء


وبتمنا ان ربنا يرزقنى الزوج الصالح ويشفى عن امى

ويحمى مصر

شيرين سامي يقول...

بعتذر تعليق جماعي..
كل سنة و كلكم بألف خير و دائماً تنوروني و تسعدوني بتواجدكم الرائع :)
شكراً لكل من شاركنا بأمنياته و إن شاء الله كل أمانينا و أحلامنا تتحق و نسعد بيها :)
بابا نويل مش شخصية لها علاقة بأي دين و إنما شخصية خرافية محببه للأطفال و أحياناً الكبار :)
نصيحتك أستاذي ماجد أشكرك عليها و حضرتك عارف إني بتقبل نصايحك دائماً :)

كل التحية و التقدير و الحب لكم