الأربعاء، 4 يناير، 2012

حلم بنكهة مصر

جايز حلم فــ غمضة عين...عايز يتحقق فــ سنين...و جايز يبقى الحلم إتنين...و تحققهم بعد دقائق :))

إحساس غريب لما تلاقي كلام كتبته بقلم رصاص في كراسه قديمه بحروف مش واضحه و إنت لابس البيجامه و مادد رجليك في الشمس و بعدين رميته فــ درج و نسيته أو قعدت تتحايل على حد بيحبك إنه يقراه...و لما يقراه مجامله يقولك كلمة واحده (حلو)...أو يقولك (إنت بتكتب لمين؟ هو في حد هيقرى الكلام ده)...منشور في كتاب :)

إحساس غريب لما تفكر إن ممكن حد يقرى الكلام ده و تبتدي تدور و تبعت لكتاب نص كبار و متلاقيش رد...أو يقولولك (هنبقى نقراه)...فتفكر تروح نادي للقصة تقراه بالإجبار على أعضاء في إتحاد الكتاب...فيعقدوك و يحبطوك و يطلعوك ناقصك عشروميت سنة عشان تبقى كاتب و بعدين في الآخر يقولوا (مش بطال)(مشروع كاتب بأخطاء البدايات) فتاخد أمل صغير لأنك أساساً مبتشوفش غير الأمل :) و بعد شوية تلاقي كلامك ده منشور في كتاب :)

إحساس غريب لما تفكر تعمل مدونه عشان يقرالك ناس بتحب تقرى..مش بيقروا مجامله...و ماتلاقيش حد خد باله منها أصلاً...بس تفضل تكتب بردو عشان متعة الإحساس و سيطرة الفكرة..و بعدين يظهر ناس زي الماس يطلعوا أجمل ما فيك و يخلوك تكتب و تكتب و تكتب عشان هما بيقروا و بيقولوا أحلى كلام و بعد شوية تلاقي الحكايات بقت منشورة في كتاب :)

إستلمت كتابي "كتاب بنكهة مصر":))) و كمان هيكون لي كتاب جماعي "أبجدية إبداع عفوي" و المعرض هيبدأ يوم 22 يناير بإذن الله لسه مش عارفه حفلة التوقيع إمتى...هعلن عنها أول ما أعرف بس نفسي أشوفكم كلكم و نفسي أهدي لكل واحد و واحده كتبوا لي و لو كلمه خليتني أكتب بحُب ..كتاب من نبض إحساسي.

الحمد لله أنا م ب س و ط ة :))) و الصورة تغني عن أي كلام :)


هناك 104 تعليقات:

مصطفى سيف الدين يقول...

الف مليون مبروك يا شيرين وعقبال الكتاب المليون
بالتوفيق الدائم ان شاء الله
واحسن حاجة انك مخلتيش حاجة تحبطك
دمتي مبدعة
وهاستنى نسختي الموقعة طبعا

شيرين سامي يقول...

الحمد لله إطمنا على ريماس نافذة الحلم بعبق الجاردينيا من مدونة ريبال و في إنتظار عودتها بيننا معافاه على أحر من الجمر.

شيرين سامي يقول...

الله يبارك فيك يا صديقي العزيز عقبالك :)
و نسختك محجوزه أكييد

P A S H A يقول...

ألف ألف مليون مبروك يا دكتورة
:)
ربنا يكرمك ويوفقك ويفرحك دايماً بإذن الله

وإن شاء الله نتشرف بكتاب حضرتك في المعرض

خالص تحياتي
:)

مدونة رحلة حياه يقول...

السلام عليكم
الله عليك يا دكتورة
يارب عقبال الكتاب 100 واكتر كمان
وبالتوفيق المتواصل

The Royal Couturier يقول...

الف الف الف مبروك ،ده اولا
ثانيا كلنا مكناش نعرف اننا بنحب الكتابة ، كتابة فى ورق و اتركن بعدين فرجنا ناس و استنينا دعم الدنيا كله من اللى بنحبهم و ملقيناش حاجة و بعدين عملنا مدونات رفعتلنا روحنا فى السما ، الحلو و المميز فى قصتك انك مكسلتيش و مستسلمتيش ابدا ، انك جريتى ورا حلمك و انك متأثرتيش باللى بيحصل سلبيا ! و الاحلى انك ما شاء الله حلمك بيكبر و بقى فى كتاب كلنا هنموت و نقراه ، يلا مستنيين حفل التوقيع و مستنيين كتب كمان باذن الله
ملحوظة : عجبنى اوى التاج بتاع البوست ، اخبار حلوة :) ربنا يجعل كل الاخبار حلوة يا رب و تبقى دى بداية الفرح

ابراهيم رزق يقول...

الف الف مبروك
تستحقى اكثر من ذلك بكثير
سيبك من الكلام الذى لا ييحقق ثمنه

الدراسة لا تصنع كاتبا
الاصل فى الموهبة
و انتى لديكى الموهبة و حب الكتابة
عايز اقولك انى سعدت بالخبر و اخرجنى من مودى

تحياتى

نيللى يقول...

بجد ياشيرين مش قدره اوصفلك فرحتى بكلامك وبكتابك بجد تستحقى طعم النجاح:)

بـت خـيـخـة وأي كـلام يقول...

مبروك يا شيرين
الف الف مبروك يا حبيبتى


سلام

اختك خيخة

ظلالي البيضاء يقول...

دكتورة شيرين ..
بكل الصدق والمشاعر الطيبة والمودة أبارك لك هذه الفرحة الكبيرة .. وهل في الوجود أجمل من بسمة صادقة ترسمها شفاهنا على وجوهنا ..
أدعو الله لك بالتوفيق ودوام النجاح ..

haneen nidal يقول...

مبرووووووك و ان شاء الله يكون الكتاب الاول ضمن سلسله من الكتب و نفرحلك بصدور الكتاب الميه و الزياده و ربنا يديم السعد و البسط عليكي على طول يارب

سواح في ملك اللــــــــــــــــــه- يقول...

مبروك بجد

هقراه من الجلدة للجلدة

ومش عايز نسخة هدية

عشان هشتريه وابقي اول زبون ليكي

تحيتي يادكتورة

سواح في ملك اللــــــــــــــــــه- يقول...

انهردة مفاجاتين حلوين

كارولين فاروق عملت مقطوعة موسيقية عن الثورة

واتكلمت عنها في برنامج

وشيرين سامي اول كتاب ليها

ماشاء الله فريقنا فريق جامد اوي

تحيتي يادكتورة

افروديت يقول...

ألف مبروك ياشيري وعقبال ماتحققي كل احلامك ياقمر ,, وعقبال الكتاب المليون بنجاح

وهننتظر ميعاد التوقيع ان شاء الله


تحياتي لأديبة بتكتب بإحساسهااروع القصص

زهرة يقول...

يا احلى شيرين فى الدنيا ..

مبروك مبروك مبروك يا قلب ى

بجد فرحانه لك اوى ...

يارب من نجاح لنجاح ومن فرحه لفرحة ودايما مبسوطة وكلنا مبسوطين بيكى

بحبك أوى

تحياتى :))

شمس النهار يقول...

اااااااالف مليون مبروك ياشيرين
فرحتلك بجد وفرحت لبلوجر كله
اي مدون يحقق نجاح بعتبره نجاح لبلوجركله

ربنا يكرمك ومن نجاح لنجاح

انتي تستهلي كل خير
:)

أم هريرة.. lolocat يقول...

السلام عليكم

خالد (سواح فى ملك الله ) سبقنى وقالها :) النهاردة اتنين مفاجأة :)

مبروووووووووووك حبيبتى ويارب يتم عليك فرحتك ورائع العنوان مفيش اجمل من نكهة مصر نخطها بالقلم
وعقبال الكتاب الألف وريى يجعل عملك بميزان حسناتك وينفع بك العباد

الف الف مليون مبروك حبيبتى وفى انتظار كل جديد لك

وقبل ما انسى صورتك جميييييلة وبسيطة ورقيقة كتير ماشاء الله عليك


تحياتى وتقديرى لك

eng_semsem يقول...

الف مليون مبروك
وعقبال الكتا ب اللي بعده واللي بعده
ونشوفك دايما متالقه وسعيده
وما تنسيش تشيلي ليا نسخه عشان لما ارجع مصر اخدها منك
ربنا يوفقك ويسعدك
تحياتي

Aya Mohamed يقول...

الف مليون مبرووووووك
فرحانة ليكى وبيكى جدا
وفخورة انى ضمن كتاب ابجدية ابداع عفوى
وانى اتعرفت عليكى انتى حد جميل جدا وتستاهلى كل خير ومستنيه معرض الكتاب بفارغ الصبر علشان اشوف الكتاب وتوقعيلى بحجز من دلوقتى اهو :)
الف مبروك يا جميلة وعقبال ما تحققى احلامك فى الكتب الجاية ان شاء الله

Carol يقول...

م ب ر و ك :))

فرحت لك جدا جدا جدا
يا رب بالتوفيق و النجاح دائما
و يكون الكتاب ده بداية و نقطة انطلاق لكاتبة بإحساس و لأسلوب رائع :)

بنوتة مصرية يقول...

مبروك دكتورة شرين

reemaas يقول...

الف الف مبروك يا شيرين ويارب ينزل المنصورة علشان اقراه

نيسان يقول...

مبروووووووووك شيرين.

ما شاء الله تبارك الله....ربنا يوفقك ويبقى الابداع والتألق رفيقك على طول وتتحقق الاحلام كمان وكمان.
يا قمرررررررررر...ما شاء الله :)

أشرف محيي الدين يقول...

فراشة التدوين :)

ألف ألف مبروك ... أجمل خبر أتلقاه مع بداية العام الجديد :)

كم السعادة تغمرني وأنا أشاهدك تحصدين نتاج عملك الأدبي الأول ... شعور لايوصف حقا ... فأنا كنت وسأظل دوما أفاخر بقلمك الأجمل :)

لك مني خالص تقدير واحترام وموده

أحمد الصعيدي يقول...

أذاقك الله نكهات التوفيق دائما

وزادك ابداع

الف مبروك سعدت لك كثيرا

mostafa gazar يقول...

احساس جميل و رائع وفوق الوصف أكيد ........يارب دائما ........و ألف مليون مبرووووووك يا شيرين و فى انتظار حفل التوقيع بفارغ الصبر :)

;كارولين فاروق يقول...

الف الف مليون مبروك يا شرين
صوره انت فيها زي القمر ماشاء الله عليكي
من نجاح لنجاح ربنا يوفقك
تحياتي العطره شيري

;كارولين فاروق يقول...
أزال المؤلف هذا التعليق.
نسرين شرباتي "أم سما" يقول...

مع إنه معرفتي فيكي ما بتتجاوز الأشهر
إلا إني فخورة كتير باللي وصلتيله :)
وابتسامتك في الصورة بتعبر عن كتير اشياء
ربي يوفقك

هبة فاروق يقول...

مبروك يا شيرى ومن نجاح الى اخر بأذن الله ..وعايزه هديه من الكتاب عليها توقيعك ياقمر
الف الف مبروك

لبنى أحمد نور يقول...

ألف ألف مبروك يا شيرين
فرحتك مفرحاني جدا
عقبال الكتاب الثاني والثالث والعشرين

L.G. يقول...

يهمني الانسان ولو مالوش عنوان
يهمني بجد إنك مبسوطة يارب دايماً انا لسه مقرتلكيش حاجة
بس فرحني انك فرحانة ويارب دايما تحققي أحلام وتخطي كمان وكمان لقدام
سماح

ماجد القاضي يقول...

السلام عليكم

ألف مبروك... بجد بكون سعيد والله لما ألاقي حد سعيد بنتيجة تعبه وهو بيحصدها... طعمه بيبقى حلو قوي...

شكرا على خبر أختنا ريماس..

مش عايزين كسل... غمضي عينيكي شوية وانتشي بفرحة الكتاب (عارف ريحة الورق الجديدة وهي طالعة من المطبعة).. وبعدين قومي بكل نشاط على الكتاب التاني...
شخصيا.. منتظر كتاب ((بطعم)) مصر..!!

تحياتي الدائمة
........................

ملحوظة مكارة: بابا أخذ نسخة ولا هتخليه يشتريه..!!! :)

الحسينى يقول...

ألف مبروك يا شيرين مش كفاية
مليون مبروك
مش عارف أقولك ايه بس أنت تستاهلى كل خير
مبرووووووووووك :)

شهرزاد المصرية يقول...

ألف مبروك يا شيرين و عقبال الكتاب المية و جايزةنوبل فى الأدب
هو احساس غريب بجد عشان أنا كمان قريبةمن الموقف دة بس دة يخلينا دليما نقول ان الأمل عمره ما بيموت و لازم دايما نتمسك بيه

ENG./ELSAYED,PMP يقول...

دكتورة شيرين انتى انسانه تستاهل كل خير ... بتابع مدونتك ... اوقات بقراء حاجات ومبعلقش لضيق الوقت ... اوقات بعلق ... وبسفيد م اللى بتكتبيه ... اوقات بتكتب عندى ف المدونه ... اوقات بتعلقى ... اوقات مبتعلقيش ... مبتخديش على خاطرك من حد ...مش عايشه التدوين بطريقة انا علقت عندك لازم تيجييى تعلق عندى ... انا بحب الكتابه للكتابه زى حالاتك كده ... اوقات بكتب تدوينه ... وقبل ما حد يعلق بكلمه يخطر على بالى حاجات اعمل تدوينه تانيه غير مبالى ... التدوين ف حد ذاته بيفرغ شحنات كتير ... الف مبروك ع الكتاب ... والاضافه للحياه ... ان لم تضف شيئاً الى الحياه فانت مضافاً اليها :)

افكار مبعثرة يقول...

مبرووووووووووووووووك ما شاء الله
ربنا يكرمك و عقبال الكتاب الالف كمان
حلو اوي انك اتمسكتي بحلمك و ما استسلمتيش و الحمد لله ربنا يكافئك لتعبك و مجهودك
الف مبروك و مستنية نسختي :)
تحياتي

Ramy يقول...

(:

مبررررروك

ربنا يفرح و يبسطك كمان وكمان


عقبال الألف كتاب

ان شاء الله

فاتيما يقول...

الف مبروك يا شيرين
الف مليون مبروك

نجاحك حزء من نجاحنا احنا كمان
كقراء ليكى

ربنا يفرحك كمان وكمان


ان شاء الله نكون متواجدين
ونفرح معاكى
وبيكى

الف مبروك يا حبيبتى

وجع البنفسج يقول...

فعلا الصورة بتغني عن ألف تعليق ..

أنا سعيدة والله العظيم وكأنه الكتاب هذا كتابي أنا .. عن جد يا شيرين انت تستاهلي كل خير .. بيكفي الابتسامة المرسومة ع وشك ..

عارفة يا شيرين ، كل الكلام اللي كتبتيه حسيت فيه من قبل .. " بتهيألي كلنا جانا نفس الاحساس " ، لما بتقابلي ناس يحبطوك .. ولو قرأوا يقولوا / امم ماشي .. بس لسه بدري عليك لما تبقى كاتب محترم !! او يجاملوك ..بس في المدونة بتلاقي ناس بتحب تقرأ عن جد وتشجعك عن جد وبتطلعي كل اللي جواتك عن جد بحب وبتفاني واخلاص .. علشان هم صادقين معاك ومش بيجاملوك .. " طبعا الاقلية ممكن تجامل برضه :) "

انا فرحانة قوي قوي قوي ويارب يكون كتابك والكتاب الجماعي بداية خير عليك يارب ..

الف مبارررررررررررررك وبالتوفيق دائما يا احلى شيرين .. واحد وشيرين واثنين وشيرين ..ههههه

وياريت اقدر اكون معاك واشارك فرحتك

وجع البنفسج يقول...

صحيح ماليش دعوة ..

انا عايزة نسخة وعليها التوقيع وتصلني لحد باب البيت .. طبعا بيتي في غزة ..

ولا عزاء للأعذار !!!

yosef يقول...

شيرين
مساء الخير

احلامنا الكبيرة لن تتحقق دفعة واحدة ...لا بد من تحقيق حلم حلم
وها انتِ تحققين حلم كبير في بداية حياتك

اتمنى ان تكون فاتحة خير عليّكِ
وتتحقق بعدها كل احلامك

مبرووك ...والف مبرووك
وان شاء الله انا على وعدي سارسل من يحضر لي نسخة موقعة منك ايام معرض الكتاب في 22 الشهر كما عرفت

دمتِ بخير

Mohamed Amer يقول...

الف مبروك وعقبال الكتاب رقم 1000

Bent Men ElZman Da !! يقول...

مبسوطه ليكى اووووووووووى يا شيرين بجد
الف الف ميروك
وبالتوفيق دايماً يارب يا حبيبتى :))

مها البنا يقول...

الف الف الف مبروووووك يا شيرى .. مبروك يا قمر

ما شاء الله . . خبر حلو فى أول ٢٠١٢ .. يا مسهل "أول الغيث قطر" :)

طيب الغلابه اللى برا مصر دول يجيبوا الكتاب منين؟؟ عموما لما انزل مصر هدور عليه واجيبه ان شاء الله .. بس ساعتها أجيبك منين عشان توقعى عليه؟؟؟؟

على جنب كده .. الصوره قمر تبارك الله .. الفرحه جميله :)

Tarkieb يقول...

الف الف مبروك:::ويارب الشهرة والفلوس ماتنسيكي اصحاب زمان......عقبال اطروحة الدكتوراة

أمل م.أ يقول...

الف الف مبروك
بجد افرحت الك كتير
ما اجمل ان تتحقق الاحلام
وانت مميزة وتستحقين يا شيرين
وبصراحة
الفرحة واضحة جدا في عيونك الحلوين
ربي يوفقك والى مزيد من التقدم والنجاح
لك مني كل الحب

كوني بخير دوما يا رب

نور الدين يقول...

الف الف مبروك ياشيرين
انت حد هايل وقلمك راقى
ويارب موفقة وكتابك يوصل لكل الناس
مبروك

زهرة الضحا يقول...

ألف مبروك يا حبيبتي و في إبداع دائم بإذن الله
و حمد الله علي سلامة ريماس و يارب ترجعلنا قريب

موناليزا يقول...

ألف مبرووووووووك يا شيرين
وبالتوفيق دايما يا حبيبتى :)

zizi يقول...

مظلوم يابيه والله امبارح كنت عند قرايبنا وخطفوني عندهم وجيت النهاردة الصبح كان عندي الولاد ولسه يادوبك بافتح اطمن على الجو العام لقيت واحدة زي القمر بتطل عليا وبتقولي ياماما ايه رأيك في بنتك ..
بصراحة من ساعتها وانا في جو من السعادة لاتوصف وعايزة امسكك واخدك في حضني وألف بيكي وخاصة إنك خفيفة الوزن ..شيرين الحبيبة الف الف الف مبروك انجازاتك وعقبال ماتحققي كل احلامك يارب ودايماً من نجاح لنجاح وفرحانين بيكي..قبلاتي ود
عواتي لكي بدوام التوفيق ..

نوال يقول...

السلام عليكم

خبر رائع رائع.. من القلب أهنئك بحرارة أختي شيرين ومزيدا من النجاحات والكتب التي تغني مكتبتنا العربية :)

ما أجمل أن تلحق بركب التأليف أعداد كبيرة من المدونين !

عباس ابن فرناس يقول...

والله فرحت كانى انا اللى حققت النجاح ده
ايوووووووه متستغربيش يادكتورة ! هههه
لان ده دافع ومحفز لينا كلنا

وياريت بقا ما تنسيش المدونة ياشرين دى هى الخير والبركة طبعاً ههههه
الف الف مبروك وعقبال الكتاب رقم 100
تحياتى المستعطرة

AhMeD RaDy يقول...

اعلاءا لكلمة المصلحة

ولان التعليقات برده مصلحة

ولانى مش جاى عشان اقولك مبروك كدا لله فى لله لا سمح الله

انا جاى اعلق عشان احجز كتاب مجانى يعنى .. نياهاهاهاها

الف الف الف الف مبروك يا شيرين بجد على الكتاب لان فعلا احساس حلو اوى لما كلماتك تبقى متجمعى كدا ادامك فى كتاب له وش وضهر وكيان

يا سلام بجد شئ رائع اوى !

ربنا يارب يسعدك وعلى فكرة وبجد

الكلام اللى كتبتيه عن ان الواحد ساعات بيكتب حتى لو ما فيش تعليقات حتى لو التعليقات مجرد مجاملات .. الا ان فعلا للكتابة متعة خاصة جدا

زينة زيدان يقول...

ألف مبرووك لكِ شيرين
انجاز عظيم
وسيكون أول الخطوات المنتظمة والثابتة

قد يكون لنا لقاء
وقد أحصل على نسخة موقع بقلمك الرصاص الذي ما عاد بعد اليوم مُهمش

لكِ مني كل التحيات

faroukfahmy58 يقول...

مبروك ابنتى شيرين

أبو حميد يقول...

الف مبروك يا شيرين
مفاجأة حلوة قوى
من نجاح لنجاح إن شاء الله

دعاء العطار يقول...

الله ياشيرين ... حاسة بفرحتك والله بجد

حاسه انه اخو آمن وجورى :)

يتربى ف عزك ياشيرى وتجيبيله اخوات كتييييييره

انتى مبدعه ياشيرين مفيش شك ف ده :) :)

.......

اسفه ع تقصيرى معاكى الفتره اللى فاتت :)

شيرين سامي يقول...

P A S H A:
الله يبارك فيك و يسعدني و يشرفني إنك تكون موجود في حفلة التوقيع :)

شيرين سامي يقول...

مدونة رحلة حياه:
شكراً يا محمد الله يبارك فيك و عقبالك :)

شيرين سامي يقول...

The Royal Couturier:
الله يبارك فيك يا أكرم و مستنية أشوفك في الحفله عشان أمضيلك على الكتاب :)
أنا عارفه إن ده أكيد إحساس ناس كتير و يا رب كل الناس تتمسك بأحلامها و يحققوقها و تبقى كل الأخبار حلوه :)
نورتني

iـــــــــــsــــــــــlــــــــــــaـــــــــm يقول...

الف مليون مبروك يا شيرين

انتم السابقون ونحن اللاحقون

عندى نفس الحلم ادعيلى انى اطلع بأول ديوان

انا مبسوط جدا انى هنا وبباركلك

يارب دايما موفقة وفى خير وسعادة

شيرين سامي يقول...

ابراهيم رزق:
أستاذي العزيز الله يبارك فيك فرحتك أكيد مش أكتر من فرحتي لما قريت البوست اللي كتبته عني بجد إنت أسعدتني جداً و مبسوطه إني خرجتك من أي مود وحش...كلامك عني يساوي لي كتييييير أوي.
كل التحية و التقدير و الود لك
:)

شيرين سامي يقول...

نيللي :
:) أنا حاسه و عارفه قد إيه إنتي فرحانالي ربنا يسعدك دائماً حبيبتي :)

شيرين سامي يقول...

بت خيخه و أي كلام:
الله يبارك فيكي يا نوران المدونه نورت بزيارتك :)

شيرين سامي يقول...

ظلالي البيضاء:
الله يبارك فيك أشكرك على دعوتك الرقيقه
:)
تحياتي و تقديري لك

شيرين سامي يقول...

haneen nidal:
الله يبارك فيكي حنين و ربنا يسعدنا و يكرمن جميعاً.
تحياتي الخالصه لكي

شيرين سامي يقول...

سواح في ملك الله:
الله يبارك فيك يا أخي العزيز و أكيد هكون سعيده إنك و إنت من أوائل من تابعني تمسك كتابي و تقراه :)
نورتني

محمود(باحث عن حب) يقول...

مبروك يا استاذتنا والله فرحان ليكى
والله تستحقى كل خير والله

شيرين سامي يقول...

افروديت:
شكراً يا أفرو على الكلام الحلو ده :)
إن شاء الله لما تتحدد الحفله هتلاقيني عامله فرح :)
نورتيني يا جميل

شيرين سامي يقول...

زهرة:
الله يبارك فيكي يا جميل أنا مبسوطه عشان بحتفل بينكم و بنجح وسطكم :)
و عقبال ما تحققي كل أحلامك يا رب
أرق تحية لكي

شيرين سامي يقول...

شمس النهار:
شكراً يا شموسه فرحتك وصلتني :)
عندك حق أي نجاح بيكون للجميع و هي دي حلاوة بلوجر :)
الله يبارك فيكي و يسعدك دائماً

شيرين سامي يقول...

أم هريرة.. lolocat:
و عليكم السلام ورحمة الله و بركاته...لولو أختي الحبيبه بجد سعيده جداً بتعليقك و مباركتك الغاليه...الله يبارك فيكي و يسعدك دائماً :)
و إنتي اللي أرق و أجمل أكيد :)
كل الود لكي

شيرين سامي يقول...

eng_semsem:
الله يبارك فيك يا اسامه و أكيد هشيلك نسخه بإذن الله :)
نورتني

شيرين سامي يقول...

Aya Mohamed:
الله يبارك فيكي يا جميل و أكيد شرف لينا كلنا المشاركه في أبجدية إبداع عفوي و أنا زيك تمام مستنيه المعرض بفااااارغ الصبر :) أشوفك يومها على خير بإذن الله
أرق تحية لكي

شيرين سامي يقول...

Carol:
شكراً يا كارول الله يبارك فيكي :)
سعيده إن ده رأي كاتبه جميله زيك :)
كل الود لكي و عقبالك عن قريب

شيرين سامي يقول...

بنوتة مصرية:
الله يبارك فيكي يا جميل عقبالك :)

شيرين سامي يقول...

reemaas:
إن شاء الله يا نور و لو منزلش هاجي أديهولك بنفسي :)
نورتيني

شيرين سامي يقول...

نيسان :
الله يبارك فيكي يا نيسانه الجميله :)
و عقبال ما نحقق كل الأحلام و الأماني بشكرك جداً على كلماتك الحلوه :)
تعليقك هو اللي قمرررر :)

شيرين سامي يقول...

أشرف محيي الدين :
الله يبارك فيك يا أشرف لطالما كنت مشجعي و متابعي و دافعي للأمام بتعليقاتك و كلام الرائع بحق كتاباتي :)
أشكرك على هذه الثقه و عقبالك.. أتمنى أن أقرأ لك كتاب قريباً بإذن الله :)
تحياتي الخالصه لك

شيرين سامي يقول...

أحمد الصعيدي:
الله يبارك فيك أشكرك كثيراً يا شاعر البلوجر :)
نورتني

شيرين سامي يقول...

mostafa gazar:
أنا كمان مستنياه بفارغ الصبر :)
الله يبارك فيك و يسعدك دائماً مصطفى :)
نورتني

شيرين سامي يقول...

;كارولين فاروق:
شكراً فنانتنا الجميله الله يبارك فيكي :)
أكيد الفرحه ممكن تخلي الإنسان أجمل :)
أرق تحية لكي

شيرين سامي يقول...

نسرين شرباتي "أم سما" :
أنا أسعد بالتعرف بكي :)
الله يبارك فيكي و يسعدك دائماً
الصوره رغم إنها مهزوزه لكن أجمل ما فيها الفرحه البكر :)
نورتيني

شيرين سامي يقول...

هبة فاروق:
الله يبارك فيكي يا هوبه و ضروري أشوفك إنتي و كارولين و استاذنا ملك البلوجر ياريت تنوروني هكون سعيده جداً :)
أرق تحية لكي

re7ab.sale7 يقول...

مساء الفرح والانبساط
الاول صورتك عسل اووووي
بجد قمراية
مبرووووووك اوووي
وبتمني انك تعملي حفل توةقيع بعد امتحاناتي عشان اقدر اجي
يعني مثلا نصف فبراير كدة
اية رأيك
ههههههه

givara يقول...

مبروك
الف مبروك
وعقبال بقية احلامك
واجمل حاجه انك مستسلمتيش
الف مبروك يا دكتوره

ريـــمـــاس يقول...

صباح الغاردينيا شيري
صباحك إبداع وحلم ونجاح
الف الف الف الف مبروووووووووووك ياأحلى شيري طبعاً هبقى قليلة زوق لو دخلت البلوجر ومادخلتش مدونة شيري ومعايا باقة ورد حلوة لعينيها الحلوة وبشكرك ياشيري على البوست السابق بجد ماعرفتش ارد على حد فيكم غير ربما مايحرمنيش من محبتكم يارب
على فكرة أنتي عسل بجد:) "
؛؛
؛
لروحك عبق الغاردينيا
كانت هنا
reemaas

شيرين سامي يقول...

لبنى أحمد نور:
الله يبارك فيكي يا لبنى :)
أشوفك على خير في المعرض بإذن الله

شيرين سامي يقول...

L.G.:
شكراً يا سماح نورتي المدونه بزيارتك الأولى و سعيده إنها جت في مناسبة حلوة :)

شيرين سامي يقول...

ماجد القاضي:
و عليكم السلام أستاذي العزيز و الله عندك حق جداً فرحتي بالنجاح للوصول لحلمي بعد تعب لا تقدر بثمن خصوصاً إني قابلت إحباطات كتير...الكتاب التاني أنا فعلاً متشجعه و نفسي يكون في تاني و تالت..دعواتكم معايا :)
مش عارفه بفكر أخليه يشتريها هههههه
طبعاً أخد نسخه :)

تحياتي و كل التقدير لك

شيرين سامي يقول...

الحسينى :
شكراً يا حسيني على فكره إنت من أوائل الناس اللي شجعوني و لتعليقك عندي نكهة خاصة :)

شيرين سامي يقول...

شهرزاد المصرية:
الله يبارك فيكي يا كاتبتنا الجميله :)
إحساس رائع و الأمل مبيموتش و الحلم دائماً موجود بس مش لدرجة جائزة نوبل :)
نورتيني

شيرين سامي يقول...

ENG./ELSAYED,PMP :
الله يبارك فيك يا باش مهندس :)
أنا فعلاً بكره علقلي و أعلقلك و مبحبش الناس تعتذر عن التأخير عشان التعليق مش بمواعيد...أنا مبسوطه أوي بتعليقك لأنك بالفعل كاتب عفوي جداً بتحب الكتابه للكتابه و ده اللي بيشد لمدونتك.
شكراً ليك أوي نورتني :)

شيرين سامي يقول...

افكار مبعثرة:
الله يبارك فيكي و عقبالك يا رب :)
نسختك موجوده أكيد و أول ما أحدد حفلة التوقيع هتلاقيني عامله فرح :)
تحياتي الخالصه

شيرين سامي يقول...

Ramy:
رامي الله يبارك فيك و مبسوطه أوي إنط نورتني بعد غياب :)
و عقبال ما تحقق كل ما تتمنى

شيرين سامي يقول...

فاتيما:
روح قلب الملائكه الله يبارك فيكي :)
بجد أي كلمه منك بتفرحني و تحسسني إن ليه أهل في البلوجر :)
يا رب اشوفك على خير في حفلة التوقيع
نورتيني يا جمييييل

اشرف محمد مصطفى يقول...

مبررروك

اشرف محمد مصطفى يقول...

مبررروك

اشرف محمد مصطفى يقول...

مبررروك

اشرف محمد مصطفى يقول...

مبررروك

... سعد الحربي ... يقول...

أختي الكاتبة والرائعة شيرين

ألف ألف مبروك على هذا الكتاب

بجد فرحنا لفرحكم

الله يجعل كل أيامكم خير وعطاء وبذل.

تقبلي احترامي لكم.

الغاردينيا يقول...

ألف مبروك حبيبتي :) وعقبالي يارب هههه
و انا حاسة تماما بكل كلمة كتبتيها لاني بيحصل اني ساعات كنت اقعد اتحايل على اهلي او صديقاتي يقرئوا لي شئ :)
وكانوا بيحبطوني واوقات بكلمة بسيطة زي مش بطال دي تترفع معنوياتي هههه

المهم ربنا يبسطك حبيبتي أكثر واكثر و الف مبرررررررروك

shreif elsaftty يقول...

هي مبروك متأخره شويه بس بجد كلامك ده اداني امل كبير وحسيت فعلا لاني احيانا كتير بحس بيه مبروك مره تاني وانتى من الاقلام المبدعه اللى ببقى حريص اني اتابع كل جديد لها