إلى ريماس

عارف يعني إيه لما ماتشوفش حد و مع ذلك تحس بيه..يوحشك..تخاف عليه..تتألم عشانه..تتمنى له الخير كل ما ييجي على بالك..طب عارف يعني إيه لما تحب حد ماقبلتوش لكن قابلت روحه و سلمت عليه و إتكلمت معاه و إتأثرت بيه أكتر من ناس كتير بتشوفهم كل يوم

هما دول إحنا اصدقاء التدوين

أنا دخلت البلوجر بعد غياب يومين و عرفت بتعب ريماس وغيابها

ريماس زهرة الجاردينيا العطره

ريماس الرقيقه الوديعه الراقيه

يمكن تكوني في السعوديه و بعيد عننا لكن عمر ما كانت المسافات بتقرب الناس و بتبعدهم إحنا قريبين حتى لو بعاد

مش لاقيه كلام أقوله عنك عشان مدونين كتير أفضل مني كتبوا عنك

لكن كل اللي أقدر أعمله إني أدعيلك ربنا يشفيكي و يعافيكي و يعيدك لنا بألف خير

و أرجو كل من يدخل المدونة أن يدعو لريماس بالشفاء العاجل

في إنتظارك يا زهرتنا الغاليه