الخميس، 18 يوليو، 2013

أنا ماليش أكاونت عـ الفيس بوك :)

الحمد لله أنّي أغلقت حسابي على الفيس بوك في الوقت المُناسب
فلا أنا أتحمل أن يصفني البعض بالخيانة و البُعد عن الدين لمُعارضتي للإخوان.
و لا أنا أتحمل أن يتهمني البعض بأن (الخروف اللي جوايا طلع) عند إستيائي و إعتراضي على آداء العسكر.
و لا أنا أتحمّل هؤلاء من يقولون (اللي مش عاجبه يحذفني) أو الأكثر تطرفاً ممن يقولوا (اللي مع/ضد...يحذف نفسه من عندي)
و لم أكُن يوماً ممن يشتركون في وصلات الردح و التعليقات الإستفزازية الطوييييله و الحوارات التي لا تنتهي (بتخنق بسرعه أنا) 
و يؤلمني أن أجد الكُره و البغضاء تشيع بين المصريين
و يستفزني كل هذا الكذب و الضلال من المتطرفين من الطرفين
الحمد لله أنّي لست على الفيس بوك حتى لا يستاء منّي الأصدقاء عندما أغلق أبواب عقلي عن كل هذا العبث و الإدعاءات و الكُره و أضع رابط في الصباح لأغنية أنغام (بيعدّوا نجوم الليل), ثم أكتب ستاتيس في المساء تقول:
مشغولون هُم بالأحداث السياسية...مشغولون هُم بالخلاف و بالإتفاق...مشغولون هُم بالدفاع و بالهجوم...و مشغولة أنا جداً...بكلمــــة...قُلتها لي هذا الصباح...
:)


هناك 22 تعليقًا:

وجع البنفسج يقول...

قرار شجاع .. بس بصراحة راح افتقدك يا صديقتي ..

الفيس بوك مليء بأمور كثيرة .. منها الجيد والسيء .. فكرت في لحظات كثيرة أن اترك الفيس لكني كنت اتراجع عن قراري ..

بيني وبينك أنا بحاول اريح دماغي من كل السياسة ومفيش ع لساني غير " ربنا يصلح الحال " مع كلا الطرفين .. بصراحة مش عايزة اخسر حدا من صديقاتي ..

ح افتقدك بجد :/

Ramy يقول...

http://mariekossaifi.blogspot.com/2013/07/45.html

روقى بالك


أعتقد دة مناسب للبوست ((:

شيرين سامي يقول...

وجع البنفسج:

هو أنا قافله حسابي بالفعل من شهر
بس بيسعدني تواصلي معاكم هنا على المدونه :)
أنا كمان بفتقدك يا إمتياز و بفتقد صخب الفيس بوك..زمان لمّا كان آداه للتواصل مش لنشر الإشاعات و الأفكار و الإتجاهات بالغصب

ربنا يصلح الحال :)

شيرين سامي يقول...

رامي:

يا نهار أبيض ده تُحففففه

تعال!
جنونك الجميل وحده هو العلاج لكلّ هذا الجنون المشوّه

مذ عصفتَ بي ذات ليلة وأنا أضيق ذرعًا بالنسيم

ملاحظات لغويّة:
أنا عاشقتك لا عشيقتك
أنا في صحبتك لا "صاحبتك"
أنا مجنونة بك لا مجنونة بسببك
فحذار السهو والغلط!

في غيابك أنتظر بلهفة عودتك كي أختفي

أووووف وهم بجد..شكراً يا رامي على الهدية الحلوه :)

Ramy يقول...

أولا عفوا

ثانيا بجد كل ما تبقى مضايقة روحى أقرى

حاجة من السلسلة دى

حاجة متتوصفش

بجد

((:

د.شيماء عبادي يقول...

ههههههههه زيي بالضبط يا شيرين ..انا قفلته قبل رمضان بكام يوم كدة ..مقدرتش ادخل رمضان في هذا الجو المشحون ..
ربنا يرحمنا برحمته

شيرين سامي يقول...

شيماء:

:)
كل سنة و إنتي طيبة يا شيماء
أنا قفلاه من شهر تقريباً

نورتيني بجد :)

Nelly Aly يقول...

خير ما عملتي..أنا عن نفسي مش بدخل عليه غير قليل..ولقيت نفسي احسن.فكرت كتير أقفله ..بس في حاجات وصفحات كويسة عشان كدا بتراجع بس مؤخرا لقيت أن البعد عن الفيس غنيمة!!

الازهرى يقول...

:)

Hayat يقول...

:(
:)
ربنا يصلح الحال

رشيد أمديون. أبو حسام الدين يقول...

اعرف آخرون أغلقوا أو غادروا الفيسبوك حفاظا على نفسيتهم.
ورأي بصراحة أن الصراع الذي يؤدي إلى أن أحذف فلان وعلان لأنه مختلف عني صراع تطرفي.
أصلح الله الأحوال، واشهد الله أني أتألم لكل الأحداث.

Mahmoud Bahgat يقول...

بجد حلوة الأغنية مستنين بوست عنها بوصف شرين سامى
دمتى و دامت لحظات حياتك كلها سعادة و هناء و متشغليش بالك
و لو كنت انا فى يوم كتبت انى اخوان و اللى عايز يعملى بلوك يعمل فد لإنى اتخنقت زيك بس معرفتش أقفل الحساب
فأنت أقوى من رجالكثيرين ضعفاء امام ما أدمنوه

re7ab.sale7 يقول...

انا يا شيرين عملت حاجة حلوة اووي
مش بروح عند حد ولا بعلق عند حد لان لي اصدقاء من الطرفين وعشان متتغيرش فرتي عن الاصدقاء قررت اني معلقش عند اي منهم عشان منرفزش نفسي وكدة احسن

نيسآان يقول...

اريحلك ...و الله هو بيلهينا وبياخدنا من التدوين كتير وياما ضاعت من عقلي تدوينات بسببه !
الفيسبوك بيستهلك وقت وحرقة دم اغلب الايام ...انا بيكون نفسي اسكر صفحتي في كتير اوقات لكن بيعزّ علي فراق النكد اللي بيجيني من وراه هههههههههه .

على فكره الستايتس انا فاكراه كتبتيه على الفيس من سنه تقريباً...جميل جداً ونفسي انشغل زي الانشغال اللي بتقولي عنه كمان هههههههههههه

شيرين سامي يقول...

نيللي علي:

و الله يا نيللي أنا كده فعلاً مريحه دماغي
بس ساعات بشتاق برضو للرخامه بتاعة الفيس بوك :)

نورتيني يا جميل

شيرين سامي يقول...

الأزهري:

فينك يا اسامه رمضان كريم :)

شيرين سامي يقول...

حياة:

أتمنى يا حياة :)
نورتيني

شيرين سامي يقول...

رشيد أمديون:

عندك حق يا أستاذي
كل سنة و حضرتك طيب :)

و ربنا يصلح الأحوال

شيرين سامي يقول...

محمود بهجت:

أنا بحبها جداً :)
هحاول أكتب عنها فكرة كويسه
و لا أقوى و لا حاجه أنا بس فعلاً ماليش في النت أوي لولا الكتابة

شكراً يا محمود نورتني

شيرين سامي يقول...

رحاب صالح:

هي فكرة كويسه بس عايزه حد عنده ثبات إنفعالي :)
نورتيني يا جميل

شيرين سامي يقول...

نيسان:

:)
هو فعلاً كتير بيضيع وقت على الفاضي
أنا فرحانه إنك فاكره الستيتس هي فعلاً من سنة..إظاهر إني مبتغيرش..و مبتعلمش :)

نورتيني يا حبيبتي بجد

Bent Men ElZman Da !! يقول...

ايه الجو الرايق ده
الفيس بقي يتعب الاعصاب الحقيقة
واللي عايز يضيع صيامه يدخل عليه
فـ الواحد يقتصر بقي

سيبك إنتِ
صوت أنغام بكل حاجة :))