الأربعاء، 3 أغسطس 2011

مبرووووك



ظهرت نتيجة الإستفتاء على المائة تدوينة اللي هيتنشروا في كتاب إلكتروني بنفس الإسم, و كان لي نصيب في ثلاث تدوينات من المائة هما (يوم الخميس) (وصلتك رسالة) و (عندما تُسافر) و ده شئ أسعدني جداً مش بس عشان النتيجة راجعه للتصويت اللي ممكن يكون فيه نسبة مجامله و اللي بشكر كل واحد صوتلي فيه جداً,  لكن كمان عشان لجنة التحكيم اعطتني أعلى درجاتها وده كان يهمني جداً.

صحيح أنا مبسوطه أوي بس لسه جزء مني زعلان عشان أصحابي اللي مكسبوش بالرغم من روعة كتابتهم أنا عارفه إن ده ميقللش منهم لكن كان نفسي يكونوا (وهما يستحقوا) جزء من الكتاب و يجمعنا عمل واحد, عايزه أقول للي مكسبش (hard luck) و يكفي مكانتكم عند كل متابعيكم, أنا كمان في تدوينه رابعه كنت مشتركة بيها و مكسبتش رغم إني بحبها أوي و هي (متى؟).



عايزه كمان أبارك لكل أصحابي اللي كسبوا

مصطفى سيف على تدويناته (كيوبيد) و (من قتل الديمقراطية؟)

موناليزا عن تدوينة (خبايا نسائية)

مصطفى فوزي عن تدوينة (متحرشون)

جايدا العزيزي عن تدوينة (يقولون)

شيماء علي عن تدوينة (خواطر بنت عندها 30 سنة)

الحسيني أحمد عن تدوينة (عن الأشياء الصغيرة التي تصنع فارقًا) و (هوس)

وجع البنفسج عن تدوينة (إبداع قليل الأدب)

أسامه مصطفى عن تدوينة (رداء الطفولة)

نهى صالح عن تدوينة (الديكتاتور الذي داخلك)

و مدونين تانين كتير بباركلهم جميعاً و يا رب دائماً متوفقين و متفوقين و من نجاح لنجاح و عقبال الكتاب الورقي يااااارب.



أجازة قصيرة و لي عوده...إوعوا تقلبوا المحطة :)

هناك 26 تعليقًا:

ابراهيم رزق يقول...

مبروووووووووووك

الف مبروك لكى و الف مبروك لكل الاخوة اللى فازوا

عقبال كتاب لوحدك

نحياتى و تقديرى

Casper يقول...

الف مبروك لحضرتك
والف مبروك لكل الفائزين

وحظ سعيد لمن لم يوفق

سواح في ملك اللــــــــــــــــــه- يقول...

مبروك يادكتورة

ومبروك لكل اللي كسبوا

حضرتك تستحقي اسلوبك في الكتابة

رائع

تحيتي

Bent Men ElZman Da !! يقول...

الف مبرووووووك يا شيرين
بالتوفيق دايما يااارب :))

دعاء العطار يقول...

الف مبروووووووووك ياشيرىى

فيه ناس معينه لما لاقيت انه اتنشرلهم

حسيت كانه اتنشرلى بالظبط

انتى منهم (: (:

مبرووووووووك يااحلى شيرى وبجد انتى تستحقى اكتر من كده بكتيييييير

(: (:

ليلى الصباحى.. lolocat يقول...

السلام عليكم
الف مبرووووووووووك للجميع
والف مبروك اللى مافازوا على مشاركتهم الادبية ايضا فمجرد مشاركتهم يعد فوز ادبى رائع

تحية للجميع
وبالنجاح والتألق دائما

كل عام والجميع بخير

mrmr يقول...

مبروووووووووووووووووك واحده مش كفايه
88 مليون مبروووك عليكى وعلى كل اللى كسبوا
وحظ سعيد للباقين

Tears يقول...

الف مبرووووووووووووك :))

FAW يقول...

ألف مليون مبروك

وميرسي جدا . . الله يبارك فيكي

بس أنا مش عارف هعمل إيه دلوقتي أو إيه اللي هيحصل بعد كده :))

يمكن علي ما تردي عليا أكون عرفت :)

تحياتي . .

كريمة سندي يقول...

ألف مليون مبروووووووووك :)

ربنا يسعدكم

شمس النهار يقول...

الف مبروك ياشيرين ومبروك لكل المدونين

وان شاء الله من نجاح لنجاح

ودي اجمل هدية في رمضان
عقبال ما يتحول الي كتاب ورقي يجمع تدويناتكم الرائعة

ياريت تضعي لينكات التدوينات الرابحة
اكون لكي شاكره

Atlalloly يقول...

الف مبرووووووك ليكي
ولكل الفائزييييييين

^_^

zizi يقول...

الله يا شيرين الله لسة في الدنيا حاجات يتفرح عشانها انا فرحنالك قوي يا شيرين انتي وكل الأخوة اللي فازوا واللي ما فازوش المرادي المرات جاية كتير وان شاء الله عقبال الكتاب الورقي فرحتيني قوي ربنا يفرحك ..

زهرة يقول...

شيرين

مبروك ويارب دايما

دى الدنيا اتغيرت اوى وانا مش هنا بقى :))))

Ms Venus يقول...

مبرووك يا شيرى


وبالتوفيق للجميع

مصطفى سيف الدين يقول...

الف مليون مبروك ليكي يا شيرين تستاهلي طبعا وتستحقي كل خير
ومبروك لكل التدوينات اللي كسبت
وشكرا ليكي على مباركتك الرقيقة
تحياتي

ياسمين يقول...

مبروك ياشيري..ألف مبروك ومبروك للجميع

reemaas يقول...

الف الف مبرووووووووووك ياشيرى تستاهلى حبيبتى

Tamer Moghazy يقول...

مبروك يا شيرين.
وطبعا متاكد انك تستحقيها وعن جدارة كمان..
انا للاسف بعيد بقالي فترة وما سمعتش عن الموضوع ده غير بعد ما خلص والا كنت صوت لك :)

كل رمضان وانت بكل الخير والسعادة :)

شمس العصارى يقول...

مبروك
الف مبروك يا شيرين
انتى كتاباتك تستاهل
يمكن ارجع واطالع تدويناتك اللى كسبت واقراها
بس ايه ده كله كتب واذاعة وبقينا مشهورين قوى
انا حبتدى احسد ههههههههه

عباس ابن فرناس يقول...

الف ميروك ياشرين
تستاهلى بكل تاكيد
وانا فرحان اكتر علشان التدوينة اللى كنت مرشحهالك كسبت هههه
وكل سنة ونتى طيبة

مدونة رحلة حياه يقول...

السلام عليكم
الف مبروك يا دكتورة
وفعلا كلكم تستحقوا وحتى اللى مكسبوش
كل عام انتم بخير
اجازة سعيدة ان شاء الله

Noha Saleh يقول...

الف مبروك ياشيرين بجد تستحقى كل خير فعلا
وشكرا على التهنئة كمان
ورمضان كريم
وكل سنة وانتى طيبة

رحلتنا في الحياة يقول...

الف مبروووك على فوز التدوينات ومبروك لكل اللى فازوا
فكرة الكتاب دى جميلة جدا واتمنى يستمروا فيها على طول وهتبقى حاجة جميلة لتنشيط التدوين :)

blue-wave يقول...

الف مليون مبرووووووووووووووك ليكى

zizi يقول...

شيرين الغالية ..ادعوكي لتناول وجبة دسمة ولذيذة في مدونتي ...وياريت تعزمي كل صحابك ..ازاي ؟؟؟ماعرفش