الخميس، 18 أغسطس 2011

سندباد و أنا (عمل مشترك)



قولي عني أني ماكر مكير

لا أملك في جوفي قلب أو ضمير

وأني قد تلاعبت بقلبك الصغير

وأني من بعدكِ سأصير ضرير

قولي

أني أُشعل في قلوب النساء السعير

بل قولي عني أكثر من الكثير

توهمي أني سليل الشياطين

وأني أحمل في يدي دوما سكين

أُمثل بقلوب النساء المساكين

أسرق أماني وأحلام العاشقين

أُخرج من ثغري لهيب التنانيين

ويسري في دمائي سحر الفراعيين

قولي أني رجل تقمص دور عزازيل

بارع في الغواية ماهر في التنكيل

لا أعرف إلا الخيانة سبيل

وإنك سئمتي عبثي وقررتي الرحيل

فأُسدلي الستار...

فسوف أتوقف عن التمثيل

وإتركيني وتطهري من وزري

وأزيلي عن جسدك أثار غزوي

او إقتليني وإرحمي النساء من عهري

ثم ضعيني في هذا التابوت الفضي

أو إشعلي الحريق في جسدي

عل حريقي يكفر عن ذنبي

وعلكِ ترتاحين


بقلم سندباد صاحب مدونة فكرة



و كيف سأرتاح و قد أخذت مني قلبي الصغير

و وضعت مكانه قلبك فأصبحت لك أسير

و كيف سأرتاح بعد أن دنست براءتي

و غزوت أرضي و جعلت نفسي الأبية لك تميل

ألا تعلم كم كنت أخاف العشق و جنون الأساطير

و كم من صندوق و قفص أخفيت فيه قلبي كي لا يطير

و تأتي أنت بكل بساطه تسرق أحلامي

فتصبح ملكك وحدك و تضيع روحي بلا دليل

نعم يا حبيبي أنت شرير

ألا تعلم أني أخاف في الحب المهانة

و أموت لو ذقت طعم الخيانة

و تأتي أنت بكل بساطة و تهدم حصني الكبير

و تعبث بمشاعر إختزنتها دهر طويل

و الآن تريدني أن أقتلك لتتخلص من عتابي

تريدني أن أحرقك قبل أن أحترق أنا بعذابي

هيهات يا حبيبي فقد سبق السيف و أصبحت أنت

وزري و توبتي تعني مماتي



بقلمي شيرين سامي


قرأت الشعر الرائع لسندباد على الفيس فإستفزني للرد عليه :)

هناك 37 تعليقًا:

سندباد يقول...

متشكر ياشيرين
انت من اجمل الاقلام اللي قريت ليها وبحترمها جدا وببقي مستني موضوعاتك بشغف
وازدادت كلماتي قيمة وجمال في وجودها في المدونة الراقية المحترمة دي
تحياتي ليكي جدا ومتشكر مرة تانية

مدونة رحلة حياه يقول...

السلام عليكم
جميل جدا يا امجد
رائع يا دكتورة
متشكرين ع التابلوة الجميل المفعم بالمشاعر
دومتم بخير

Noha Saleh يقول...

هو الاختراع الجامد ده عمل مشترك

الكلمات قوية جداااااااا زى ماقولت عند سندباد قبل كده

بجد انا معجبةجدا بالتدوينة دى بحب الكلمات اللى بتكون بالقوة دى

عاوزة اكتب كتير بس مش عارفة

Mona Hekal يقول...

طبعا امجد مش محتاج رأيي في كلماته لأنها دوماً رااااائعة
شيرين أهلا بكِ في طابور المستفزين من كلمات أمجد ردك عليه ماشاء الله راااااااائع و عبرتي بشكل هايل عن وجهة نظر الحبيبة تسلم ايدك بجد

دايماً عندك جديد يا شيرين و بتبهرينا :)

ابراهيم رزق يقول...

سوف تبعثين من جديد بعد مماتى
و لن يبقى منى سوى ذكرياتى
سوف تنبت ارضى رياحين و زهور
و لا يسأل احد هل بقلب الارض قبور
سوف ادفن و ربما يتذكرنى بعض العشاق
لحظات قليلة عندما تحتدم الاشواق
ساصير رسالة فى زجاجة يتقاذفها الامواج
او قصة او عبرة للمحبين و سراج
فلا تستسلمى و لا تكونى اسيرة الاطلال
فتفائلى و تبسمى و اركبى الامال

ارجو الا اكون افسدتها
تحياتى

Mostafa gazar يقول...

روعة الروعه ..........عمل راقى وجميل ......

FAW يقول...

حلوة قوي إستفزك دي :))

بصراحة إنتو الإتنين أحلي من بعض

إمبارح كنت في بيدج بتاعة مدونة إسمها ميرام علي الفيس وكانت كاتبة شعر و (سبحان الله) . . إستفزني إني أرد عليها . . آه وعهد الله :)

اللينك أهو
http://www.facebook.com/pages/%D9%85%D9%8A%D8%B1%D8%A7%D9%85%D9%8A%D8%A7%D8%AA/198365916868827 (ميراميات)
إعمليلها لايك , تستاهل

تحياتي . .

FAW يقول...
أزال المؤلف هذا التعليق.
reemaas يقول...

شعره سنباد جميل بس تصدقى استفذنى انا كمان
ادانى احساس انه برئ بكلمة قولى عنى دى وكانها هتتجنى عليه

ردك بقى ياشيرى مالوش حل الحقيقة

انتم الاتنين اروع من بعض

شمس العصارى يقول...

جميل
واللى اداله تناسق انه بدون ترتيب مسبق ... زى شعراء زمان لما كانوا بيعارضو بعض حتى لو بعد سنيين
حلو الكلام
ــــــــــــــــــ
انا رائيى ان الاتنين يخلصوا على بعض ويرحونا هههههههههه مش الاتنين عندهم نزعة الشر وباين فى عينيهم هههه
دمتى طيبة

شمس النهار يقول...

ماشاء الله
انتوا الاتنين بجد منتهي الروعة

كلمات رائعة
وتناغم بين القصيدتين ماهر

حسيتهم لوحتين تداخلت بينهم الالوان

:)
هحط اللينك عندي

:))

Bent Men ElZman Da !! يقول...

جميله اوووى الفكره دى يا شيرين
وكلامك كمان جميل انتى وسندباد
تسلم ايديكم :)

رحاب صالح يقول...

جميل يا شيرين
وجميل يا سندباد
تحياتي
وهحاول اتابع ان شاء الله الفترة دي
وحشتيني يا شيرين اوووي

zizi يقول...

شيرين العزيزة ..
ما اجمل المشاعر حين نحس بها وما اروعها حين نستكملها بالرد عليها من احاسيسنا المرهفة ..ابدع سندباد حين اخرج مشاعره على الورق ثم ابدعتي انتِ
حين كتبتي هذه المشاعر ..سلمت يداه ويداك ِ..

دعاء العطار يقول...

واضح جداً ان الكلام ناتج عن استفزاز

لأنه عشان يخرج بالقوه دى لازم يكون محسوس اوى

بصراحه ياشيرى

انتم الاتنين أبدعتم جدااااااً

دمتى بخير (: (:

Unknown يقول...

سندباد: متشكر على إيه يا سندباد ده أنا أكيد اللي مدونتي إتشرفت بكلماتك و سعيده بالتجربه دي و الشكر لك أنت لأن البداية كانت عندك.

تحياتي و كل الإحترام لك أخي العزيز

Unknown يقول...

مدونة رحلة الحياة: و عليكم السلام و رحمة الله و بركاته أشكرك شكراً جزيلاً على تعليقك الجميل.

تحياتي و تقديري لك

Unknown يقول...

Noha Saleh: وفتي بقى الإختراع أنا كمان إتفاجئت إن الكلمات طالعه قويه كده و الفضل يرجع للبداية القوية لسندباد.

نورتيني يا نهى و أسعدتيني بتعليقك

Unknown يقول...

Mona Abo - Elso3od: منى الجميلة بتفق معاكي إن أشعار أمجد بتستفز القارئ إنه يرد لأن دائماً بيبقى فيه جزء غامض في كلماته تحسي إنك عايزه تظهريه.
ده من ذوقك يا جميل بجد سعيده بزيارتك و تعليقك.
أرق تحية ليكي

Unknown يقول...

إبراهيم رزق: أكيد زدتها جمال يا أستاذنا بجد حضرتك موهوب و كلماتك جميله يا ريت لو تفكر تكتب قصيده و تجربها فينا :)
أكيد هتبقى رائعه

تحياتي و كل الإحترام لك

Unknown يقول...

mostafa gazar: شكراً مصطفى ده من ذوقك أكيد :)

sabry abo-omar يقول...

أكيد الأحساس العالى اللى بيمتلكه من يملك موهبة الشعر بتخليه يحس اكتر بشعر الاخرين وكمان بيقدر يتذوقه بشكل مختلف ..علشان كدة أنا سعيد إنى اشوف التجربة الجميلة دى وأتمنى تتكرر كتير .تحياتى وسعادتى بمرورى على تلك الكلمات الجميلة

مصطفى سيف الدين يقول...

في حضرة الجمال فعلى الجميع الصمت
وعندما يلتقي السحاب لا نملك الا الانبهار
تحياتي

Unknown يقول...

FAW: شكراً يا مصطفى بجد...على فكرة دخلت على الصفحة و عجبني ردك أكتر :)

نورتني و أسعدتني بالزياره

Unknown يقول...

reemaas: شكراً يا جميل ده من ذوقك بس تعرفي أنا حسيت إن قصده من الشعر إنها بتلومه و بتتهمه بحاجات مش فيه...فكان ردي إن من وجهة نظرها مجرم فعلاً لأنه خطفها :)

أرق تحية ليكي

Unknown يقول...

شمس العصارى: هو فعلاً عدم الترتيب هو اللي طلعه بالشكل ده و كانت تجربه جديده عليه وجميله جداً.
بس إنت متعرفش تعلق من غير ما تهرج مش كده:)...هما فعلاً شكلهم هيخلصوا على بعض:)

تحياتي الخالصه ليك

Unknown يقول...

شمس النهار: بجد بتسعديني بتعليقاتك وتشجيعك و رقة مجاملتك بشكرك جداً على وضع اللينك و على إعجابك بالعمل ده شرف كبير لينا أكيد :)

تحياتي و كل الود لكي

Unknown يقول...

Bent Men ElZaman Da !! : تسلمي يا قمر ده من ذوقك :)
نورتيني

Unknown يقول...

re7ab.sale7: رحاب الجميله وحشتيني أوي سعيده بزيارتك جداً.
نورتيني و في إنتظارك دائماً

Unknown يقول...

zizi: تسلمي يا ماما زيزي ده إحساسك هو اللي رائع عشان يحس بالكلمات كده.
تحياتي و كل الود لكي

Unknown يقول...

دعاء العطار: شكراً يا دودو هي جت بالصدفه كده بس كانت صدفه حلوه مش دائماً بفضى أقعد على الفيس و م دائماً بقرى حاجه تستفزني كده إني أرد عليها.

يا رب منوراني دائماً
أرق تحية لكي

Unknown يقول...

sabry abo-omar : سعيده جداً إنك تذوقت العمل و إنه أعجبك... نورتني في أول زيارة و أتمنى أن يدوم التواصل.

تحياتي و كل التقدير لك

Unknown يقول...

مصطفى سيف: كتير و الله الكلام ده أشكرك عليه جداً يا مصطفى كلك ذوق :)

تحياتي الخالصه لك

غير معرف يقول...

تصدقي اني لما قرأت الشعر من اوله قلت في نفسي ان دي مش كلمات شيرين
و بالفعل طلع شعر سندباد

ردك طبعا واضح فيه بصماتك و موهبتك

أشرف محيي الدين يقول...

فراشة التدوين

قرأت الشق الأول من التدوينة وهي كلمات جميلة حقا ولكن ما ان بدأت بقراءة الجزء الذي كتبتيه سألت نفسي طويلا عن سر ذلك الاحساس المدهش الذي تملكينه عندما تقرأين الكلمات تماما كإحساسك الرائع عند كتابتها وهذه التدوينة خير مثال على كلامي ..أحقا يا شيرين يمكن للحب ان يجعل المرأة لا تتنازل عن حبها حتى ولو كان حبيبها يتوسلها للرحيل خوفا عليها مما قد يصيبها معه من اذى ؟

دوما مع كل تدوينة تكتبينها ومع كل فكرة كتابية تطرحينها كفكرة العمل المشترك في هذه التدوينة... اكتشف جانبا جديدا من موهبتك التي أكثر مايميزها الاحساس الرائع والمرهف الذي تملكينه يا فراشة التدوين

لك مني كل الود

Unknown يقول...

يوميات شحات: المدونه نورت بزيارتك و تعليقك حمد الله على سلامتك :)
أشكرك بجد و صحيح كل كاتب بيبقى ليه لون أو نكهة بتميزه.
تحياتي و إحترامي لك

Unknown يقول...

أشرف محي الدين: المدونة نورت بزيارتك العزيزه و أكيد تواجدك في المدونة بيسعدني جداً :)
بداية بشكرك جداً على إطراءك و أتمنى أكون كما وصفتني لكن فعلاً من يهوى الكتابة و يتذوقها يستطيع أن يعبر عن ما يقرأة و هذا ما حدث عندما قرأت كلمات سندباد شعرت أن هناك حلقة مفقودة ستظهر بردّي.
بالنسبة لسؤالك فأنا اعتقد أن المرأه إذا أحبت فهي لا تفرط في حبها أبداً إلا إذا أصيبت بأذى في كرامتها...أما أن يتوسلها الرحيل خوفاً عليها فهذا من دواعي تمسكها به أكثر.
أشكرك مره أخرى على تعليقك الرائع و رأيك في كتاباتي الذي أعتز به جداً.

تحياتي لك
دمت بكل خير و سعاده