السبت، 13 أغسطس، 2011

رمضان على البحر



أنا جييييييت نورت البيت...أخيراً رجعت من السفر إنهارده...وحشتوني أوييييييي :)
الصيام على البحر حاجه تانيه...مفيش حر مفيش عطش  المصحف في إيدي و البحر من أمامي و هموم السنه كلها خلفي...صحيح شربت شوية مية بحر حلوين بس مفتكرش إني كده ابقى فطرت و لا إيه...أصل أنا بعوم على قدي...أو بصراحه بغرق في شبر ميّة :)
بس أجمل حاجه في الأجازه إنها أجازة من المطبخ كمان,بالذات في رمضان و المطبخ بيبقى وقته مُضاعف...و هربت من بواخة التليفزيون و متاجرته بالثوره و سخافة الإعلانات اللي نفسي الناس تقاطع منتاجتها بجد.
أتمنى الجميع يكونوا بخير و منكونش ضيعنا فرصة رمضان للتقرب و التضرّع لله...و بشكر كل اللي هنوني برمضان و كل اللي باركولي على فوز التدوينات و نشرهم في كتاب المئة تدوينة...قريب إن شاء الله هعود للمتابعة و الكتابة.

هناك 37 تعليقًا:

ابراهيم رزق يقول...

حمد الله على السلامة

اجازة سعيدة
انا كان نفسى اقوم بالتجربة دى بس الصراحة خفت دى هى اجازة وحيدة فى السنة خفت من فشل التجربة

هاجرب العيد على البحر و هاسافر
عودا حميدا بأذن الله
اجازة سعيدة مرة اخرى انتى و العائلة
نورتى بيتك و مدونتك

شيرين سامي يقول...

إبراهيم رزق: الله يسلم حضرتك تجربه جميله...لكن السفر في العيد صعب جداً لأن أهم شروطنا أنا و زوجي في الأجازات إننا نبعد عن الزحمة عشان كفاية علينا زحمة مصر :)
نورتني يا استاذي و بجد سعيده بتعليقك جداً
تحياتي الخالصه لك

مدونة رحلة حياه يقول...

السلام عليكم
حمدالله ع السلامة يا دكتورة عاملة ايه
اجازة سعيدة وصيام مقبول ان شاء الله
تصدقى انا نفسى انا كمان ارتاح من السياسة والتلفزيون وابعد دماغى عن كل الاخبار دى تعبتنى بجد
حمدالله ع سلامتك
دومتى بخير

FAW يقول...

رمضان كريم وحمدلله عالسلامة

أنا كمان رمضاني في مدينة عالبحر , بس البحر نفسه مشوفتوش خالص لغاية دلوقتي :)

بس فعلا الجو أجمل والصيام أسهل . .
بس إيه ده , ده أنا بطلت أروح البسين عشان أعرف أصوم , وإنتي بتنزلي البحر عادي كده , طب مش تقولي إنه ينفع :))

أنا هربت فعلا من برامج الثورة شو والأخبار المعلبة , بس تابعت مسلسلين ملهمش علاقة بحاجة الحمدلله , الريان والمواطن إكس , هيعجبوكي ( ما دام رجعتي بقي )

كل سنة وإنتي طيبة . .

شيرين سامي يقول...

مدونة رحلة الحياة: رمضان كريم عليك اشكرك على ذوقك و الحمد لله فعلاً كنت محتاجه أجازه بشكل مرعب :)
تحياتي و تقديري لك

شيرين سامي يقول...

FAW:الله يسلمك و رمضان كريم عليك و على أسرتك
بصراحه أنا معرفش ينفع مع الصيام و لا لأ مقدرش أفتي بس مقدرتش يكون البحر قدامي و منزلش.
هحاول أتابع المسلسلات دي أنا حاولت أتابع الحسن و الحسين معرفتش كلهم شبه بعض, التليفزين بالنسبة لي (رامز قلب الأسد) :)

نورتني

eng_semsem يقول...

حمدالله على سلامتك وياربت تكون كانت اجازه ممتعه وسعيده
وربنا يتقبل منك الصيام والقيام

شيرين سامي يقول...

أسامه: الله يسلمك و ربنا يتقبل منا و منك.
اشكرك على تعليقك جداً
نورتني

ツ ŜŋòŔểҰ ツ يقول...

الحمد لله عسلامتك ومنوره مطرحك
اجازه سعيده ان شاء الله كانت ودائمآ

وكل سنه وانتي طيبه والله يتقبل منا ومنكم صالح الأعمال

(:

خواطري مع الحياة يقول...

الف الحمدلله على السلامة
بجد حلو البحر في رمضان
ده ينسيك انك في شهر رمضان وانك صايمة

كل سنه وانت طيوبة ياقمر
وربنا يتقبل صيامك وقيامك وصالح اعمالك

تقبلي مروري ^_^

عباس ابن فرناس يقول...

حمدلله على السلامة
واجازة سعيدة باذن الله

Noha Saleh يقول...

كل سنة وانتى طيبة ومليون حمدالله على السلامة
انا جربت موضوع المصيف فى رمضان ده السنة اللى فاتت استمتعت ببعض حاجات
رمضان كريم

ياسمين يقول...

جميل جداا ..بجد..والله انا كنت بفكر فالموضوع دا..بقول هو فيه ناس بتروح مصيف في رمضان..الناس بتكون صايمة بئا ..ولا يمكن بيصيفوا بالليل ..ع العموم حمداا ع سلامتك ياجميل وان شاء الله تكون كانت اجازة سعيدة وكل سنة وانت طيبة وتقبل الله صيامك وقيامك

reemaas يقول...

حمدلله على سلامتك يا شيرى

شمس النهار يقول...

حمد الله علي السلامة

عارفة رمضان جميل علي البحر

ان شاء الله هاخد القبيلة ونطلع اخر رمضان

وحشتينا ياجميلة
واكيد كتبتي حاجات جميلة علي البحر
واكيد هتنشريها لنا هنا قريب

البلوجر نور
ومبروك علي كتاب التدوين

Tarkieb يقول...

حمد الله على السلامة

ابراهيم رزق يقول...

اختى العزيزة شرين

ماما زيزى تبحث عنك لانها عازماكى على وجبة دينية جميلة فى مدونتها

تحياتى و نقديرى

الحسينى يقول...

حمد الله على السلامة
عودا حميداً واجازة سعيدة وصوما مقبولا وافطارا شهيا :)
تحياتى

زهرة يقول...

حمد الله على السلامه يا حبيبتى

وان ااقول الدنيا كانت مضلمه ليه :))

رمضان على البحر جربته السنه اللى فاتت واللى قبلها .. والسنه دى بقى وحشنى الفطار اول يوم فى بيتنا مع العيله ..

ووحشنى اكل البيت ..

ربنا يفرح ايامك كلها ..

سندباد يقول...

حمدلله علي السلامة ويارب دايما كل الاجازات تبقي كده علي طول
تحياتي الخالصة

شيرين سامي يقول...

ツ ŜŋòŔểҰ ツ:الله يسلمك أشكرك على ذوقك و كل سنة و إنت بألف خير :)
نورتيني بأول زيارة

شيرين سامي يقول...

خواطري مع الحياة: الله يخليكي و يسلمك يا جميل رمضان رائع في كل الأحوال ربنا يقدرنا على إعطاء هذا الشهر قدره.
نورتيني و أسعدتيني بالزيارة

شيرين سامي يقول...

عباس إبن فرناس: أشكرك جداً الله يسلمك
تحياتي الخالصه لك

شيرين سامي يقول...

Noha Saleh: كل سنة و إنت بألف خير, البحر غالباً بيخلي الواحد ميحسش بالصيام.
شكراً يا جميل على الزياره الحلوه
:)

شيرين سامي يقول...

ياسمين: الله يسلمك بصي هو محدش يتخيل إن رمضان جميل على البحر الا اللي جرب فعلاً , ربنا يقدرنا و منفوتش ثواب الشهر العظيم.
شكراً على الزياره و التعليق
نورتيني :)

شيرين سامي يقول...

reemaas: شكراً يا قمر الله يسلمك.

شيرين سامي يقول...

شمس النهار: البلوجر منور بأهله الطيبين كل سنة و حضرتك بألف خير و إن شاء الله تقضوا أجازة سعيدة و كلها فرح.
الله يبارك في حضرتك شرفتيني و أسعدتيني بتعليقك كالعاده :)

شيرين سامي يقول...

Tarkieb: الله يسلمك متشكره أوي :)

شيرين سامي يقول...

إبراهيم رزق: عُلم و ينفذ يا فندم مقدرش على زعل ماما زيزي :)

شيرين سامي يقول...

الحسيني: مدفع الإفطار إضرررررب :)
شكراً يا حسيني الله يسلمك و حمد الله على سلامتك مصر نورت :)

شيرين سامي يقول...

زهرة: متقوليش كده يا زهره البلوجر منور بأهله الحلوين و بعدين ماله رمضان على البحر زي الفُل و بالنسبة لأكل البيت فهو مش واحشني خالص إلا إذا كنت معزومة :)

نورتيني يا جميل و شكراً على تعليقك المميز

شيرين سامي يقول...

سندباد: أشكرك يا أمجد الله يسلمك و يسعد أيامك :)

ツ ŜŋòŔểҰ ツ يقول...

شيرين ياقمرز دي مش اول زياره ليا انا متابعه مدمنه لك
وكان اسمي حافية القدمين (;

وقله تواجدي احيانا مو معناتو ماقريت لك لكن يعجز الحرف عن التعبير امام حرفك

تسلمي ياراقيه

zizi يقول...

شيرين الجميلة ..نورتي بيتك ومطرحك ..وكل سنة وانت بألف خير..وتشريفك المدونة اسعدني وان شاء الله اكلي يعجبك ..تحياتي وشكري ..

Bent Men ElZaman Da !! يقول...

حمدالله على السلامه يا شيرين
انتى اول حد اشوفه يروح يصيف فى رمضان :)
يارب تكونى استمتعتى وكانت اجازه سعيده عليكى
كل سنه وانتى طيبه :)

ريــــمــــاس يقول...

صباحك غاردينيا شيري
والحمدالله على سلامتك
طب كويس كنت غايبة هههههههههه
لان انا كمان كنت غايبة وبكدا اظمن انه مافاتنيش حاجة من روائعك
في انتظارك دائماً "
؛؛
؛
لروحك عبق الغاردينيا
reemaas

هديل يقول...

رمضانك كريييييم يا شيرين .. حلوة فكرة البحر في رمضان .. عمري ما جربتها بس ان شاء الله لازم اجرب .. :)