الاثنين، 25 فبراير 2013

أنا بعشق البحر



أنا بعشق البحر زيّك يا حبيبي حنون
و ساعات زيّك مجنون


همست بالأغنية في أُذنه و هو يقود السياره..فتوقف فجأة و نظر في عينيها المُرتبكتين..


مهاجر مسافر
ساعات زيّك حيران
ساعات زيّك زعلان
ساعات ماليان بالصبر
أنا بعشق البحر


أكملت بصوتها المرتعش الأُغنية..فإرتعش قلبه و إحتضن بكفيه كفيها و كأنه يستعيض بضمّة الأيادي عن ضمّة الأجساد..


أنا بعشق السما علشان زيّك مسامحه
مزروعة نجوم و فرحة
حبيبه و غريبه
(أرسلت له رسالة خوف بيعنيها) علشان زيّك بعيده
(إقتربت منه بجزعها) و ساعات زيّك قريبة
بعيون متنغّمة
أنا بعشق السما


قبّل باطن كفّها و قد هام تماًماً بها و هامت به..لم يتصور يوماً أن تُغني له و لم تتصور يوماً أن تحقق حلمها بأن تُغني له هذه الأغنية باللذات..فهي تناسب حبها له تماماً..أكملتها بخجل و قد بدأ صوتها في التلاشي و هو يلتهم أصابعها..


أنا بعشق البحر و بعشق السما و بعشق الطريق
لإنهم حياة
و إنتَ يا حبيبي إنتَ كل الحياه


غنّت المقطع الأخير بأنفاس متهدجه..أنفاس إمرأة عاشقة..و قد ذاب قلبها تماماً بين يديه و شفتيه..



تذكرت هذا المشهد بعد أسابيع قليله و هي تشاهد صوره على الفيس بوك بصُحبة حبيبته الجديده..هائم بها!


كيف نسيت أنها عشقت البحر..الغادر!

هناك 20 تعليقًا:

yosef يقول...

صباح الخير

اسمحيلي اضافة بسيطة

كلمات الاغنية للشاعر الكبير...
عبد الرحيم منصور وعو شاعر مصري عامي، من مواليد صعيد مصر، تغنى بأغانيه مغنيين مشاهير مثل محمد منير وأحمد منيب ونجاة الصغيرة و وردة وعيرهم الكثيرين توفي يوم 28/8/1984.

ومن الحان هاني شنودة

ابراهيم رزق يقول...

أنا لستُ آسفةً عليك … لكن على قلبي الوفي

قلبي الذي لم تعرِفِ … ماذا لو انكَ يا دني … أخبرتني

أني انتهى أمري لديكَ … فجميعُ ما وشوشتني

أيامَ كنتَ تحبنيَ … من أنني …

بيتُ الفراشةِ مسكني … وغدي انفراطُ السوسنِ

أنكرتهُ أصلاً كما أنكرتني …
نزار القبانى

الاغنية دى من اجمل اغانى نجاة
للعبقرى الله يرحمه عبد الرحيم منصور بلديات سيف

انتى عارفة انا فكرت فى الاغنية دى و قلت ابن الذين ده ازاى خد من صفات الطبيعة و حطها على البشر
و بعدين فكرت لقيت ان احنا كل صفاتنا واخدنها من الطبيعة

مازالت النفسنة مستمرة
نجاة نجاة و لا يهمنا
انتظرى المفاجاة ؟؟؟؟؟؟؟؟؟؟؟؟؟؟؟؟؟؟؟؟؟؟

افكار مبعثرة يقول...

ايييييييييييه الجمال ده بجد؟
انا بعشق الاغنية دي و بعشق البحر :)
بس عمري ما شفت البحر غادر ومعاها بان غدره و ساعتها هتفتكر اللحظة دي اللي امنت له فيها و غنت له و كأنها كانت تغني لاخر
رائعة جدا بجد
تسلم ايديكي :)

أمـانـى عـادل يقول...

أسعد الله اوقاتك أ.شيرين ،،
بصراحة انا جديدة على عالم التدوين وحضرتك من اوائل من قرات لهم واعجبت بهم،، اطمع بجزءمن وقت حضرتك للمرور على مدونتى وقراءة بعض مما بها ،، وتفيدينى برأيك ونصيحتك
فانا بحاجة لذوى خبرة أستفيد من تقيمهم وفكرهم
واخشى مع الوقت أتوقف عن الكتابة لصعوبة تواصلى مع أمثالهم

مصطفى سيف الدين يقول...

مسمتعمين الصراحة بمذاق آخر للأغاني معك
استمري :)

Mostafa gazar يقول...

وبقوله يابحر
ليه الموج ف عز الهوج مبيخلصش
والملح سد ودانك لاجل ما تخلصش
يابحر .... كام الف بنت زغزغت رجليها.... ورفعت عنها الحجاب ولزقت فستانها بالعانى على ضهرها....
وجرحت رجل الواد اللى جرى ف ضهرها .... وعملت ملحك دوا
والى جراحه هوا .... ملوش طبيب غيرك
(هشام الجخ )
تذكرت هذه القصيده بعد قراتى للتدوينه الرائعه .....وتذكرت أغنية الرائعه سعاد حسنى (بحر الهوا غدار والخطوه فيه فدان ....نزلو فى ساعة شوق قبل الاوان بأوان ).....
تدوينه جميله رغم أنها قصيره لكنها كثيرة الامواج :)

أسماء فتحي يقول...

انا بموت في الأغنية دي
بس بحبها بصوت منير

ادعوكِ لزيارة مدونتي المتواضعة
وذكر رأيك في ( في دار المسنين )
آخر كتاباتي حالة عشتها للأسف
وتأثرت بها ولم أستطع نسيانها فقررت أن أكتبها
علي هذا الرابط
http://asmaafathy.blogspot.com/


تحيــــــــــاتي
كانت هنا ورحلت
Asmaa Fathy

رؤى عليوة يقول...

البدايات غالبا رائعه

والنهايات هى التى تضفى على الاحداث رونق وطابع خاص

واحب كتاباتك لان نهاياتها متميزة وتجعل القصة أكثر ثراءا




والجامد جدا فى تدويناتك انك بتستفزى استاذ ابراهيم فيطلع لنا ناس جامدين جداااا هههههه

دمت بخير

Mahmoud Bahgat يقول...

لازالت أنهار الابداع تنساب و لا نجد لها سعة و لا وعاء غير ان ننتظر المزيد.
البحر مش غدار هى اللى مبتعرفش تعوم و معرفتش توصل لشطه.
سؤال فين ماجدة الرومى و لا كانت بالونة اختبار
طلب صغير لو ينفع تعملى label لتدوينات الأعانى لوحدها بحيث يسهل الوصول لها
دام ابداعك و توفيقك

رحاب صالح يقول...

رجالة اندااااااااااال هههههه

Unknown يقول...

يوسف:

مساء الفُل :)

أشكرك على الإضافه
أنا بس مبحبش أكتب الأغاني كلمات و ألحان مين عشان متتحولش التدوينه لشكل أكاديمي..لكن هي معلومات مهم نعرفها فعلاً.

تحياتي و كل التقدير لك

Unknown يقول...

إبراهيم رزق:

مفاجأة مذهله
هههههههههههههههه
لسه التحدي مستمر :)

نورتني و أسعدتني بوجودك كالعاده

Unknown يقول...

أفكار مبعثره:

مبسوطه إنها عجبتك :)
البحر غدار مفيش كلام..زي بشر كتير
و رغم سحره و جنونه

أشكرك بجد
نورتيني

Unknown يقول...

أماني عادل:

حاضر يا أماني تشرفني متابعتك و يسعدني إني أزور مدونتك
إستمري في التدوين بصرف النظر عن التواصل..صدقيني فعل الكتابه بيسعد.

نورتيني و سعيده بالتعرف عليكي

Unknown يقول...

مصطفى سيف الدين:

أنا المستمتعه بتواجدكم الرائع و تشجيعكم :)

نورتني

Unknown يقول...

مصطفى جزر:

أشكرك يا صديقي العزيز على الأبيات الرائع لشاعر أقدره كثيراً

سعيده بمتابعتك :)
تحياتي الدائمه لك

Unknown يقول...

أسماء فتحي:

أنا بحبها بكل الأصوات :)
أنا آسفه يا حبيبتي إني مقصره معاكي
إن شاء الله هزورك ده شئ يشرفني اكيد

أرق تحية لكِ

Unknown يقول...

رؤى عليوة:

استاذ إبراهيم رزق كتاباته مشكله :)

أكتر حاجه بتشغلني و تهمني في أي قصة أو تدوينه نهايتها..مبسوطه إنك لاحظتي ده :)

نورتيني يا جميل

Unknown يقول...

محمود بهجت:

اشكرك بجد تعليقك شهاده أعتز بيها جداً :)
أنا قلت هختم بماجده..و لا مستعجلين على الختام :)
فكرة جيده...بس الوقت..إن شاء الله أنفذها قريب

نورتني كتير

Unknown يقول...

رحاب صالح:

هههههههههه مش كلهم يا رحاب متبقيش ظالمه..90% بس :)

نورتيني