الأحد، 24 فبراير، 2013

تملّي معاك


تملّي معاك
ولو حتى بعيد عني فقلبي هواك
تملّي فبالي و فقلبي و لا بنساك
تملّي وَحشني لو حتى بكون ويّاك

كانت تجلس في إجتماع واسع من نخبة من كبار الموظفين و رجال الأعمال, يتناقشوا و يتبادلوا الأراء و المقترحات, و بينما يكتب الجميع حولها ملاحظاتهم كانت هي تجلس هائمة مسلوبة الروح تكتب رساله نداء ترسلها له على الهاتف "بحبـك", غريب حُبه حاضر طوال الوقت مُتجلي في أوقات زحام الأرواح و كأنما يقول لهم جميعاً, تباً لكم هو الأبقى. 

تملّي حبيبي بشتاقلك
تملّي عنيه تندهلك
ولو حواليه كل الكون بكون يا حبيبي محتاجلك

في تجمع أُسري كبير كانوا يحدثونها فترد بإبتسامات و كلمات قصيره لا تدل على متابعه, تتنقل بينهم بلا روح, روحها هناك معلّقة به, الإشتياق يداعب قلبها بلا هواده و عبير أنفاسه مستقر في صدرها, ممتلئة هي به حتى و إن كان المكان خالي منه, يستبد بها إحتياجها إليه, تترك الكون و تنزوي في مكان بعيد لتحدثه, فلا يرد, ترسل له رساله بحروف من عشق و شوق"وحشتني"


تملّي معاك
معاك قلبي معاك روحي يا أغلى حبيب
و مهما تكون بعيد عني لقلبي قريب
يا عمري الجاي و الحاضر يا أحلى نصيب

في البيت تقوم بهوايتها المسائيه, تكتب له رسالة طويله تحكي له عن يومها وعن عذابها في بُعده, تكتب عن الوجود الذي يقنعها بغيابه و كيف أنها ترفضه, تكتب عن الشاي البارد, الإجتماعات البارده, الطعام البارد, الماء البارد الذي تستحم به, و السرير البارد الذي تنام عليه, تحكي له عن زميلتها الثرثاره التي تُكلمها عن رجل أحمق يريد أن يقف بباب حياتها, تحدثه عن والدتها و أختها اللتان يبالغا في الإهتمام بها حد السأم, فكل حواراتهما تخلو منه عن عمد, تكتب له عن الشوق...الشوق الكبيرعندما يشتد وجيب القلب.

تفتح ضلفة الدولاب لتضع الرساله بجوار زميلاتها في الصندوق الخشبي المُغطى بالقطيفة الحمراء و الذي أهداه لها ذات عيد ميلاد,  فتجد أن العدد أصبح كبيراً, تتفقد الأشياء الأخرى بالصندوق, تعثر على هاتفه!
تصله بالشاحن الكهربائي و حين تُضئ شاشته تجد مئات الرسائل لم تُقرأ بعد..


تملّي معاك..


الصورة من الفيلم الرائع للرواية الأروع P.S. I Love You

هناك 19 تعليقًا:

شيرين سامي يقول...

أنا آسفه إني بنشر تدوينات متلاحقه بس غالباً هاخد أجازة قريبة و عايزه أزهقكم قبل الأجازة :)
بعتذر عن أخطائي الإملائيه و عارفه إني ملكة فيها بدون منازع و إنها بتأذي في القراءة زي الإنجليزي الوحش اللي بيعض الودان :) معلش إستحملوني أو سعادوني و دلوني على مرجع نحوي صغير مش ممل

طبعاً عمرو دياب بالنسبة لي محتاج تدوينة لوحده..بس نكتفي بدي دلوقتي

:)

yosef يقول...

والنبي انا عاوز اسمع اغنية ماجدة الرومي ...ما حدا بيعبي مطرحك

قبل الاجازة
الله يرضى عليكِ ويسعدك

مش ما يطلبه الجمهور برضو..!!!

لي عودة لاحقا

شيرين سامي يقول...

أستاذي العزيز يوسف

:)
من غير ما تقول أنا بكتب أغنية لماجده الرومي..مقدرش مكتبش عن إحساس بيبرق زي ماجده الرومي...و ما أكبره تأثري بأغانيها..لكن خليتها لمشهد النهاية :)

و حتى لو مفيش ما يطلبه الجمهور..في ما يطلبه ابي و صديقي العزيز يوسف :)

تنورني دائماً

yosef يقول...

متفوليش حتكتبي
خليك في البيت

هههههههههههه

بالانتظار ابنتي العزيزة
وانتي اللي منورة البلوغر دائما

mostafa gazar يقول...

فلا البعد يعني غياب الوجوه

ولا الشوق يعرف قيد الزمان (فاروق جويده )

رائعه ومليئه بالشجن :)

............
وحقا لا أشعر بالاخطاء الاملائيه ....وصدقا الكلمات تنقلنى الى عالم خيالى ورائع وأستمتع به... وكثيرا ما أقرأ أعمال سابقه لكى لروعتها وعذوبتها وعالمها الساحر ....

شيرين سامي يقول...

يوسف:

هكتب مفاجأة..أغنية بحبها بس مش كل الرجال بيحبوها :)

شيرين سامي يقول...

مصطفى جزر:

:)
أسعدتني بشكل
تعرف بيصعب عليه كتاباتي القديمه
بحس إنها نفسها تتقري تاني
و متموتش :)

أشكرك و دايماً وجودك بيضيف للتدوينه

رؤى عليوة يقول...

الله عليكى

اولا متابعه من اول الاغانى بس معرفش ليه النت بيعملها معايا وانسى
بجد تحفة مستمتعه جدااا

عمرو دياب انا كمان بحبه

وماجده الرومى منتظراها جدا ويارب تكون الاغنية اللى فى بالى :)


كتيييييير بتكون مملة الحياة الباردة
بس كتير بيكون هو ده القدر



دمت بخير

asmaa fathy يقول...

جميلة اختياراتك للاغاني
وأن شاء الله نبقى كلنا تملي معاكي ومتابعينك ههههههه

طيب وكاظم الساهر مالوش نصيب ولا ايه

ده يعتبر من أفضل الناس اللي غنت وتغنت بالمرأة

عموما اي حاجة بتكتبية جميلة :)


تحيـــــاتي
كانت هنا ورحلت
Asmaa Fathy

Mahmoud Bahgat يقول...

من المستحيل بالنسبة لى ان اكتب تعليق مرتين خاصة لم يتمسح الكومنت نتيجة دوسة غير مسؤولة منى ولكن هذا البوست يستحق منى ان اكتب كومنت
فاولا لانه لعمرو دياب نجم جيلنا الذى عشنا معه طوال حياتنا فى أغانيه
و لازالت المفاجئات تتوالى و تشويق للقادم و بمن ماجدة الرومى
و بالصدفة فى حين اكتب التعليق اسمع أغنية كلمات لماجدة الرومى
انا شايف يبقى فى جوايز و هدايا للتوقعات الصحيحة
:-)

ابراهيم رزق يقول...

سكتنا ولكنّ العيون نواطق أرق حديث ما العيون به تشدو
سكرنا ولا خمر ولكنّه الهوى إذا اشتدّ في قلب امرىء ضعف الرشد
ايليا بو ماضى

عمرو دياب
عشان خاطرك همشيها
ممكن تكون اغنية ماجده الرومى لن اعود

او اعتزلت الغرام

مازالت النفسنة مستمرة
انتظرى المفاجاة

تحياتى

مصطفى سيف الدين يقول...

اجازة ايه؟
لا مفيش اجازة مش مسموح بيها :)
لسه فاضل اغاني كتير
جميل احساسك يا شيرين و قدرتك انك تصنعي من الاغاني حكايات

افكار مبعثرة يقول...

رائعة بجد عبرتي عن معنى الاشتياق و غياب الروح في بعد الحبيب بمنتهى الروعة و كأني سامعة صوت عمرو دياب ف وداني و انا بقرا :))
مستنية ماجدة الرومي اوي و بفكر ياترى اغنية مش بيحبها كل الرجال تبقى ايه؟
تفتكري كن صديقي؟ :)
تحياتي

شيرين سامي يقول...

رؤى عليوه:

سعيده إنك متابعه يا رؤى
و أتمنى تكون إختياراتي للأغاني موفقه :)

نورتيني يا جميل

شيرين سامي يقول...

أسماء فتحي:

و أنا فرحانه بتواجدك الدائم يا أسماء:)
أنا كمان بحب كاظم الساهر و كل الصائد اللي غناها...ربنا يسهل :)

أشكرك بجد
منوراني دايماً

شيرين سامي يقول...

محمود بهجت:

هصدمك و أقولك إن الكومنت متمسحش :)
بس كتابتك ليه مره تانيه شئ اسعدني أكيد
عمرو دياب حكايه..كل أغنية له حكايه
كلمات من أجمل الأغاني اللي سمعتها و تأثرت بها في حياتي..
بلاش نسبق الأحداث :)

نورتني كتير

شيرين سامي يقول...

إبراهيم رزق:

:)
شوفت المفاجأة و هقولك رايي هناك :)
عمرو دياب طبعاً :)

نورتني كالعاده يا أستاذي العزيز

شيرين سامي يقول...

مصطفى سيف:

أجازة بقى يا مصطفى عشان متلقوش الجنونة طلعت و قفلتها :)
دايماً جدع و مشجع لي أشكرك يا صديقي

تحياتي الدائمه لك

شيرين سامي يقول...

أفكار مبعثره:

مبسوطه إنك حسيتي بالكلام مع الأغنية و وصلك المعنى :)

خليها مفاجأة :)

أرق تحية لكِ