الثلاثاء، 19 فبراير، 2013

إنت فين و الحُب فين..


حب ايه اللي انت جاي تقول عليه 
انت عارف قبله معنى الحب ايه 
لما تتكلم عليه

المسئولية هي التي تنجّح العلاقات و تصنع الحياة
مسئولية الدراسة
مسئولية العمل
مسئولية الزواج
مسئولية الأبناء
و الحُب مسئولية
من لا يتحملها لا يستحقه و لا ينجح فيه
مسئوليتنا في الحُب أن نُعطي الأمان و الإحتواء
أن نحافظ عليه بكل ما فينا 
و بدون المسئولية في الحُب ينقص و يضيع


انت مابينك وبين الحب دنيا 
دنيا ماتطولها ولا حتى بخيالك 
اما نفس الحب عندي حاجه تانيه 
حاجه اغلى من حياتي ومن جمالك


الحبيب لا يقسو 
لا يهجر
لا يخون
لا يؤذي
لا يرضى بالعذاب لحبيبه
لا يُرضيه إلا حبيبه
لا يفجر في الخصام
لا تهون عليه الدموع
لا يترك يدا حبيبه بمنتهى البساطه
الحبيب يُخلص و يكترث و يتسامح
 من يأتي بكل الذنوب في الحُب ثم يعترف به
فهو لم يُرد بالإعتراف إلا التخدير
الذي يسبق الجراحات الكبيره
المؤلمه


انت فين والحب فين ظالمه ليه دايما معاك
 ده انت لو حبيت يومين كان هواك خلاك ملاك


الحب لا يجعلنا ملائكه ترفرف بأجنحة من نور
و لا يجعلنا أنبياء لا نخطئ!
و لكنه يجعلنا أهدء
و أسعد
و أطيب
من لم يستطع أن يتخلص من نزعة الشر عنده فهو لم يصدق في حُبه


من لم يستطع أن يكون إنسان أفضل فهو لم يصل بعد للمنزلة


ليه بتتجني كده علـ الحب ليه 
انت عارف قبله معنى الحب ايه

معظم إعترافات الحُب ليست سوى إدعاءات 
لأننا نشتاق للفعل نفسه
لوجود الكثير من الفراغات التي ننتظر أن تملأها الكلمه!
أو للوصول لغرض القُرب من الشخص و إستغلاله
الحُب الصادق لا يعرف الأغراض
و لا الأهواء
و لا الأسباب
هو حُب و كفى
لا تنتطق الكلمه إلا إذا كنت صادق فيها
فالكلمات تُعذّب عندما يسقط عنها رداء الصدق

حب إيه اللي إنت جاي تقول عليه!

هناك 27 تعليقًا:

asmaa fathy يقول...

الحُب الصادق لا يعرف الأغراض
و لا الأهواء
و لا الأسباب
هو حُب و كفى
لا تنتطق الكلمه إلا إذا كنت صادق فيها
فالكلمات تُعذّب عندما يسقط عنها رداء الصدق

جبتي من الآخر
أحسنتي الوصف

تحيــــــــــاتي
كانت هنا ورحلت
asmaa Fathy

reemaas يقول...

اه والله المفروض كانوا يحطوا مادة فى الدستور اللى يقول الكلمة دى من غير مايشيل مسؤليتها يتعلق

موناليزا يقول...

من يأتي بكل الذنوب في الحُب ثم يعترف به
فهو لم يُرد بالإعتراف إلا التخدير
الذي يسبق الجراحات الكبيره
المؤلمه

حتة جملة يا بنت الإيه تحفة :)

سورى يا شيرين الجملة طلعت منى كده بعد قراءة الفقرة دى تحديداً
وأنا بحب أكتب تعليق بالكلام اللى بيطلع منى على طول وقتها

"معظم إعترافات الحُب ليست سوى إدعاءات لأننا نشتاق للفعل نفسه لوجود الكثير من الفراغات التي ننتظر أن تملأها الكلمه! أو للوصول لغرض القُرب من الشخص و إستغلاله الحُب الصادق لا يعرف الأغراض و لا الأهواء و لا الأسباب هو حُب و كفى لا تنتطق الكلمه إلا إذا كنت صادق فيها فالكلمات تُعذّب عندما يسقط عنها رداء الصدق"

دى بقى ماقولكيش :)
تعريف قوى وكلام واقعى جدا

أما عن النهى فأضم صوتى لصوتك
لانها كلمة كبيرة اوى فماتستهونش باللى ممكن تعمله فى حد

دام قلمك رائع :)

شمس النهار يقول...

صباح الحب والجمال ياشرين :)

الحب علي بساطته
بس محتاج ان الاتنين يحبوا بعض فعلا
وباكره مقولة اتجوز اللي بيحبك مش اللي بتحبه
صاحب المقوله دي انسان اناني :)

;كارولين فاروق يقول...


من لم يستطع أن يتخلص من نزعة الشر عنده فهو لم يصدق في حُبه

انا واقفه عند الجمله دي لغايه دلوقتي
لانها صادقه بشكل غير عادي

صعب ان الواحد يشيل الغمامه اللي علي عينيه ويشوف الحقيقه

تحياتي وتقديري

mostafa gazar يقول...


الحب لا يجعلنا ملائكه ترفرف بأجنحة من نور
و لا يجعلنا أنبياء لا نخطئ!
و لكنه يجعلنا أهدء
و أسعد
و أطيب
فعلا حقيقه......تدوينه رائعه



ظلالي البيضاء يقول...

السلام عليكم ..
نطقتِ فأجدتِ ..
أدعياء الحب ما اكثرهم ..
والصادقين في الحب ما اندرهم ..
المحب ينطق كل شيء فيه بما في قلبه ..
فليس مِن محبٍ يقوى على إخفاء حبه ..
لأن أنفاسه ودماءه وكلامه ونظرات عيونه وكل شيء فيه ينطق بما في قلبه ..
ولن يعرف المعاني إلا من تذوقها .. وهام بها ..
كل التحية والتقدير ..
ومبارك عليكم كتابكم "بنكهة مصر" في قائمة أفضل 100 من الكتب العربية الصادرة في 2012
http://www.goodreads.com/list/show/27123._2012?auto_login_attempted=true

ليلى الصباحى.. lolocat يقول...

و الحُب مسئولية
من لا يتحملها لا يستحقه و لا ينجح فيه

حب ايه اللى انت جاى تقول عليه

ياااه ياشيرين يمكن فيه ناس كتير باقولها الكلمة دى

الحب يمكن فعلا مش بيخلينا ملايكة لكن دايما بيخلق منا باذن الله بشر طبيعيين لم تصبها انتكاسات فطرة من الدنيا والمجتمعات المادية التى تلهث دائما وراء الشهوات والغرائز الفانية

احسنت حبيبتى القول والاسلوب والتعبير
تحياتى بحجم السماء

افكار مبعثرة يقول...

مش لاقية كلام يتقال بعد كلامك بجد
الحب لا يجعلنا ملائكه ترفرف بأجنحة من نور
و لا يجعلنا أنبياء لا نخطئ!
و لكنه يجعلنا أهدءو أسعدو أطيب
صدقت :)))
رائعة فعلا
تسلم ايديكي

ابراهيم رزق يقول...

حلمنا بنهرٍ عشقناهُ خمراً رأيناه يوماً دماءً تسيل
فإن أجدب العمرُ في راحتيَّ فحبك عندي ظلالٌ ونيل
وما زلتِ كالسيف في كبريائي يكبلُ حلمي عرينٌ ذليل
وما زلت أعرف أين الأماني وإن كان دربُ الأماني طويل
غاروق جويدة

بما اننى ليس لى فى الحب و لا الرومانسية
فاقول الحب من وجهة نظرى
الحب سعادة فأن لم نشعر بالسعادة مع الحب فلا فائدة منه و لا ضرورى
فنحن لسنا ساديين مع انفسنا لكى نعذب انفسنا فى الحب
و سارد واقول مقولة سمعتها نحن لسنا الات و العاطفة ليست بمفاتيح نحب هذا و نكره هذا
انا مع هذه المقولة و لكنى مقتنع تماما ان المحب لا يجرح ابدا من يحب و ان جرحه بطريق الخطأ فانه يتألم اضعاف المه

مازلت منفسن من كتابتك
ههههههههههههههههههههه

تحياتى

Maged.Elsabbagh يقول...

مش حاعلق على الأسلوب لإنك عارفه رأيي فيه و ده طبعاً غير إن رأيي مجروح علشان صلة القرابه إللي بينا :) لكن ملاحظتي إنك أغفلتي في كلامك معاني تانيه للحب زي التسامع و مغفرة الأخطاء باعتبار أننا لسنا ملائكة بأجنحة من نور ولا أنبياء لا نخطئ زي ما قلتي
النقطة التانية هي إن عاجبني دمجك لأغاني ليها ذكريات حلوه عندنا كلنا في كتاباتك ، .... بالتوفيق يا شيرين ;)

!!! عارفة ... مش عارف ليه يقول...

"معظم إعترافات الحُب ليست سوى إدعاءات
لأننا نشتاق للفعل نفسه"

هو ده .. هو ده

رشيد أمديون. أبو حسام الدين يقول...

أحسنت أختي في وضعك لهامش لكلمات الأغنية
أعجبني ربطك وطريقة سوق المعاني

والحب هو احساس سامي وكل شخص يلبسه رداءه، فهو يعتريه فهم وسلوك بشري قابل للاختلال والاختلاف.
مع التحية

شيرين سامي يقول...

أسماء فتحي:

أشكرك يا اسماء و جداً :)

نورتيني

شيرين سامي يقول...

ريماس:

صحيح يا نور فكره هايله :)

شيرين سامي يقول...

موناليزا:

شكراً يا منى و إكتبي التعليق اللي على مزاجك أنا كمان بكتب اللي على بالي على طول :)

مبسوطه إنها عجبتك

شيرين سامي يقول...

شمس النهار:

صباح الورد الجوري :)
أنا كمان مش موافقه تماما على المقوله دي

نورتيني و أسعدتيني

شيرين سامي يقول...

كارولين فاروق:

لازم يا كارولين مينفعش حُب يجتمع مع خبث أبداً..

نورتيني يا فنانه :)

شيرين سامي يقول...

مصطفى جزر:

صديقي الرائع
أشكرك و مبسوطه إنها عجبتك

نورتني

شيرين سامي يقول...

ظلالي بيضاء

أشكرك أخي محمد على تعليقك الرقيق الراقي كالعاده و أتفق معك جدا

بالنسبة لقائمة أفضل الكتب..فبصراحة مش حاسه انها انتصار لأنها بتعتمد على التصويت من الأصدقاء فقط و ليس أي معايير أخرى
و مع ذلك الله يبارك فيك و يسعدك :)
تحياتي و تقديري لك

ظلالي البيضاء يقول...

أختي دكتورة شيرين ..
أسعد الله صباحك بكل الخير والسعادة ..
حقيقةً أعلم أن معايير غود ريدر الوحيدة هي تصويت الأصدقاء وأنه ليس بالنصر الحقيقي .. لكنه نصرٌ وهمي يحدث سعادةً حقيقيةً ولا يشترط لحدوث السعادة الحقيقية أن يكون النصر حقيقياً ..
فقد تعلمت شخصياً أن أفرح لأقل الأمور وكذلك أفرح لإخوتي كذلك لأقل الانتصارات لأن الحياة وقسوتها تجعل الأحزان أكبر من الأفراح ..
تماماً كالأطفال يفرحون حتى ببالون صغير ليس فيه إلا هواء ولا قيمة حقيقية له ..
أشكرك . . وأتمنى لك كل الخير والسعادة والتفوق والنجاح ..
ويكفيني فخراً أن أفتخر بأخوتكم الطيبة الكريمة الراقية ..

شيرين سامي يقول...

ليلى الصباحي

أشكرك يا لولو على تعليقك المشجع كالعاده :)
و بتفق معاكي أكيد

نورتيني يا جميل

شيرين سامي يقول...

أفكار مبعثره

أشكرك و تسلمي كتير :)

نورتيني

شيرين سامي يقول...

ابراهيم رزق

أشرك على هديتك الشعربه الجميله :)
هو المفروض ان الحب يكون سعاده بس
اكن الواقع ان فيه قدر كبير من العذاب مرتبط بالحب
لأن جرح الحبيب ألمه مضاعف
انا شوفت النفسنه هههههههههه
هروح أقراها دلوقتي :)

تحياتي الدائمه لك

شيرين سامي يقول...

ماجد
طبعا التعليق ده كان مفاجأه باانسبة لي :)
مبسوطه برأيك و مش ممكن هنسى انك مشجعي الأول
أنا بالفعل كتبت إن الحبيب يخلص و يكترث و يتسامح
التسامح ميجيش غير من ورا حب صادق
و أكبر مثال تسامح الأب و الأم مع ولادهم

مبسوطه انك نورت المدونه :)

شيرين سامي يقول...

عارفه..مش عارف ليه

عارف سعيده بزيارتك الأولى :)

للأسف الأمثله على ده كتير أوي...
نورتني

شيرين سامي يقول...

رشيد أمديون أبو حسام الدين

سعيده ان كلماتي الصغيره نالت إعجاب كاتب كبير و محترم مثلك :)
أشكرك و أتفق مع تعليقك الراقي
فعلا كل إنسان يلبسه رداءه..حسب مفهومه و قناعاته

نورتني كتير