السبت، 9 فبراير 2013

عن الشوكولاته بالفانيليا :)


مش عارفه أبدأ إزاي
أشكر مصطفى و كل الناس اللي حضرت و لا أقول قد إيه كان يوم جميل
يكفي إن كل الوجودين كانوا من أروع الناس اللي عرفتهم في حياتي
مش هقول أسماء عشان منساش حد زي المره اللي فاتت
بس كل اللي جُم فتحوا بيبان من الهوا و النور على قلبي
الحفلة ماكنش غرضها الكلام عن كتبنا أو إمضاءها
الحفلة زي ما قلت لصديقي مينا منامينو كانت تلكيكه عشان نتجمع مع بعض :)
و ناكل الجلّاب(هنـا) اللي جابه مصطفى
و الشوكولاته اللي جابتها ريم سعيد
و نشم الورد اللي جابته دينا عبد المتعال
و نستمتع بحوار الأستاذه منى طه عن الكتابه و التدوين
الحفلة كانت جميله بيكم
كانت ناقصه صحيح ناس كتير بس تتعوض بإذن الله في مناسبات تانيه
و معلش هتحيز و أقول إن أكتر حد نورني في الحفلة و خلى ليها طعم و نكهة أجمل هي
شموسه شمس النهار الدافئه :)

جانب من الحضور
إبراهيم رزق, شموسه, ساليناز, غاده محسن, محمد الوكيل, نهى الماجد, غاده محمد

نورتوني بجد و كل تجمع و إنتم طيبين

مصطفى بيقرا قصة قصيرة

أنا بقول خاطرة

مصطفى و منى طاهر الناقده

أنا و محمد فاروق الشاذلي المدوّن و الكاتب الرائع

:)

هناك 23 تعليقًا:

مصطفى سيف الدين يقول...

من اسعد الأوقات اللي مرت علي
أجمل صحبة و أحلى ندوة
شكرا يا شيرين بحجم السماء

شمس النهار يقول...

صباح الهنا عليكي ياجميلة
انتي كنتي وردة الحفلة التي لا ولن تذبل ابدااا
وسيظل عطرها الي الابد
انا اللي سعدت بيكم جداااا
وفخورة اني كنت معاكم
بجد انبسطت جداااااا
وشكرا علي مجاملتك اللطيفه
ولما البنات سألوني عنك قلت لهم شيرين فراشه ملون جميله لاتسكن ابداااا
لتسعد الاخرين
:)

ابراهيم رزق يقول...

صلى على النبى
زيدى النبى صلاه
كمان زيدى النبى صلاه

بالصلاه على النبى دى كانت من اجمل حغلات التوقيع فى حياتى

انا حضرت حفلات لكبار الكتاب فى مصر و فى حفلات كانت فى اكبر الفنادق

لكن الحفلة دى ليها احساس خاص دى حفلة كانت بنكهة مصر
كانت حفلة كل الاضواء وليست ضوء اسود فقط
حفلة عيله
و فعلا اللى كان منورها شمس الشموس شموسة
المفروض بقى تعوضوها انتوا ومصطفى سيف عن اكلة الجمبرى والسمك اللى ضحت بيهم
على يدى هى ضحت بكل الاغراءت من اجل الحفلة
الحفلة كانت جميلة بيكى يا شرين وبمصطفى و كل الموجودين
كل الموجودين كانت بتسبقهم ابتسامة
حتى المناقشات و الاختلاف كان بود
اختلفنا و اتفقنا
لكن كان بيسبقنا الحب و الموده
تصدقى لاول مرة مكنتش عايز الحفلة تخلص
والحفلة طالت وصاحبنا القناوى كان القطر هيفوتوه ولحقه على اخر لحظة اصلى احنا شربناه حاجة صفرا و ودناه البورصه
طبعا الحاجة الصفرا دى مكنتش العدس عشان دماغك متروحش بعيد

تحياتى

asmaa fathy يقول...

ماليش داعوه انا عايزه شيكولاته

كنتوا منورين الحفله كلكم ياشرين

ويارب يجمعكم دايما في حفلات كتيييير

جميل ان المدونات الالكترونية تعمل هذا الترابط الجميل بين صناعها والموضوع يتخطى شاشة الحاسوب ويبقوا اصدقاء بجد

تحيـــــــــــــاتي لكِ وللمدونين المصريين في حفلاتك

ASMAA FATHY

ليلى الصباحى.. lolocat يقول...

اجمل شىء حصل السنة دى ان كمية الندوات واللقاءات بين المدونين كثيرة جدا ماشاء الله
رغم انى لم اشارك فيها لكن كلما مررت على صديق او صديقة واستعرضت معهم احداث هذه اللقاءات اشعر انى كنت معهم واشاركهم الفرحة والسعادة


اسأل الله القدير ان يكلل جهد الجميع بالخير

والف مليون مبروك لك حبية قلبى ولسيف التدوين مصطفى المتألق دائما

وتحياتى لكم بحجم السماء

SHARKawi يقول...

ببساطة . باختصار . وعدم تطفل .
دعوة . ربنا يسعد ايامكم . وتكونوا دايما في نجاح .

تحياتي واحترامي للجميع . لكم تقديري

re7ab.sale7 يقول...

سعيدة انك سعيدة وكنت اتمني الحضور بس انت عارفة المسافات البعيدة بتعمل فيا اية كفاية يوم المعرض كنت خلاص هقع من تعبي
بس التعب كله يهون بوجود الصحبة الحلوة

رشيد أمديون. أبو حسام الدين يقول...

أسعد الله أوقاتكم دائما
ويسر لكم طريق النجاح

الازهرى يقول...

مش عارف هتعتبرينى منون ولا إيه
بس عموما صعب تعتبرونى مجننون أكتر من كده

أحلى حاجة عجبتنى فى اليوم الكلمتين التمام عن مرتفعات وذرينج وإيميلي برونتي
هى لها مكانة خاصة فى قلبى وذكريات كتييييييييييييييييييييير
سواء للرواية نفسها أو كاتبتها أو مناسبة قرائتها أو حاجات كتير تانى

كان يوم رااااااااائع
وصعب أوصع شعورى بيه

ابراهيم رزق يقول...

التعليق ده للازهرى

طبعا اكثر حاجة عجبتك بعد الشيكولاته مرتفعات وذرينج
انت و ساليناز كنتوا مشغولين بالشيكولاته بالهنا و الشفا يا اوس
ههههههههههههههههههههه

تحياتى

Bent Men ElZman Da !! يقول...

ياااارب دايماً مبسوطين ومنورين كده
ويارب أنا اكون معاكم متجمعين كده إن شاء الله قريب ^^

شيرين سامي يقول...

مصطفى سيف الدين:

أنا اللي بشكرك يا مصطفى :)
و سعيده لسعادتك

شيرين سامي يقول...

شمس النهار:

مساء الفُل :)
إيه الكلام الحلو ده طب و الله مش عارفه أرد :)
أكيد منبسطتيش قدي كان من أجمل أيام عمري بجد و سعيده إنك نورتيني أكتر من أي حاجه :)
ربنا يخليكي و تسعدينا دايماً بطلتك المميزه

شيرين سامي يقول...

إبراهيم رزق:

أنا مبسوطه و الله بكلام حضرتك عن الندوه و إنها كانت من أجمل الندوات و مصدقاك جداً عشان السعاده بتكون في وجود الصحبه الجميله زي صحبتكم و كل حاجه كانت ماشيه بمنتهى السلاسه و البساطه.
عارف لي صديقه من الفيس بوك (اللي جابتلي الورد) متتخيلش فرحاااانه قد إيه بالحوار لدرجة إنها طلبت مني أبلغها بأي ندوة أو حفلة عشان تشاركنا فيها حتى لو بالسمع :)
يا رب منورني دايماً
و يا رب تكون في تجمعات دافيه كده دايماً

تحياتي و تقديري لك

شيرين سامي يقول...

أسماء فتحي:

طب هنستناكي بقى في التجمع الجاي :)
أشكرك يا اسماء بجد
و الحمد لله إنها كانت جميله بكل المقاييس :)

نورتيني يا جميل

شيرين سامي يقول...

لولو:

الله يبارك فيكي يا لولو إنتي دايماً معانا بروحك و حضورك الجميل بين المدونات
و بتمنى يجمعنا لقاء قريب..محدش عارف :)

نورتيني و اسعدتيني كالعاده

شيرين سامي يقول...

شرقاوي:

اشكرك على دعاءك و أمنيتك الطيبه
نورتني

شيرين سامي يقول...

رحاب صالح:

و لا يهمك يا رحاب أنا متأكده إنه لولا المسافه كان زمانك معانا.
صحيح كل تعب و توتر بيروح و يهون بالصحبه الحلوه :)

أرق تحية لكِ

شيرين سامي يقول...

رشيد أبو حسام الدين:

اشكرك و إتشرفت كتير بزيارتك الطيبه
:)
تحياتي و تقديري لك

شيرين سامي يقول...

الأزهري:

أنا كمان الرواية دي ليها معايا ذكرى حلوه :) أو وحشه محدش عارف!
سعيده لسعادتك و اليوم كان حلو بيكم :)

نورتني كالعاده

شيرين سامي يقول...

بنت من الزمن ده:

المره الجايه هنجيبك بالعافيه :)

reem يقول...

كانت حفلة جميلة يا شيرين
زادت من حلاوتها روحك الحلوة الرقيقة الهادئة .. وشخصية مصطفى الواضحة الجميلة ذات الطابع المصري الاصيل

كنت فرحانة بوجودى معكم وبنجاحكم
و يارب دايماً من نجاح لنجاح وعقبال حفل توقيع الكتاب الجديد بإذن الله

:)

محمد فاروق الشاذلى قلب مصرى يقول...

الصديقة العزيزة / شيرين
سعدت جدا بتواجدى بينكم فى هذه الليلة الرائعة، واستمتعت جدا بالحوار الراقى الذى دار بين الجميع، أتمنى دائما أن تنالى كل الخير
تحياتى