الثلاثاء، 5 فبراير 2013

عن 3 فبراير و عنكم


                                     دودو, شروق إلهامي, نهى صالح, رحاب صالح, أنا
لسه النت قاطع عندي بس كان لازم أكتب عن اليوم ده

للأسف وصلت متأخره رغم إني كنت واخده أجازة من الشغل و ده بسبب مشاويري اللي مبتخلصش..ساعات بحس إني محتاجه 48 ساعة في اليوم 24 دول مش كفاية أبداً, بس المهم إني وصلت..متلخبطه شوية كالعاده..بالذات لما بيبقى في عدد كبير من البشر, و العدد كان مهول بصراحة, عندي سر صغير إن وجودي بين ناس كتير بيصبني بالخجل...شوية يعني.

شوفت ناس كتير كان نفسي أشوفهم رحاب صالح الجميله, غاده محسن, بسنت خطاب, محمد غالية, شروق إلهامي, نهى صالح رغم إننا متكلمناش كتير بس بجد أسعدتني رؤيتك, أحمد صالح شرفت كتير بمعرفتك بجد, أزهري العزيز, محمد الناغي المحترم اللي بيحسسني إني كاتبه كبيره مش عارفه إزاي :), رامي يوسف برضو زي محمد الناغي بيحسسني إني مشروع نجمه :), دودو مواجاهات, نهى الماجد الجميله اللي دايماً بتكتبلي في إهداءتها إنها بتحب إبتسامتي و مامتها السكر اللي باستني و حضنتني و هي بتقولي كلام جميل و طيب :), رباب محمد اللي بحس بحبها لي و طيبتها زي إحساسي بالشمس, خالد ناجي اللي تعبناه كتير و أعتقد إنه قطف اليوم ده ثمار تعبه, صحيح أنا معرفتش أشارككم بشكل كبير نظراً للعدد و نظراً لأني مرضيتش أقعد في الإمضاء و تركت الفرصة للكتاب اللي أول مره ينشروا, لكن سعادة الجميع كانت فواحه و مُعدية :)

سلمى هشام فتحي اللي فاجئتني بتواجدها و ضحكتها الجميله و أهدتني كتاب جماعي هي مشاركه فيه, قد إيه كنتِ لطيفه يا سلمى رغم إني كنت مش عارفه أقعد معاكي بسبب الدوشه و التليفونات الكتير, ماما زيزي اللي بتشع دفئ في أي مكان بتتواجد فيه, صديقتي الرائعه اللي بحبها أوي دينا ممدوح و أسرتها الجميله ربنا يديم عليكي الحُب و النجاح يا دندونه :), غاده محمد, إيثار و صديقتي المميزه لبنى أحمد رغم إننا مالحقناش نتكلم بس تكفيني طلتك الرائعه.

أسعدني التعرف على الكاتبه الجميله شيرين إلهامي بباسطتها و عدم تكلفها, و أسعدني إن نسخ كتابي خلصت, لكن أكتر حاجه أسعدتني بجد اليوم ده كانت مفاجأة أستاذي و أخي العزيز إبراهيم رزق لي لما جابلي الرواية اللي كنت بدوّر عليها من مدة طويله "الحُب في زمن الكوليرا" أشكرك يا أ.إبراهيم و مش عارفه أقولك إيه لكن تواجدك إنت و ساليناز القمر في أي إحتفال بيديني شعور آمن بإن أسرتي معايا و الكتاب من أجمل الهدايا اللي جاتلي :)

في ناس كتير كانت عرفاني و معرفتهومش و في ناس بعتذر لو نسيت أكتب عنهم, لكن اليوم كان جميل و أتمنى أيام أجمل بوجود الكم الرائع ده من الكتاب و المدونين و الأصدقاء, آخر حاجه عايزه أكتبها إني كنت بتمنى وجود فاتيما رغم إن روحها كانت معانا, كتبتلك إهداء بس نسيت أكتب ليوسف و عارفه إنك بتجمعيله كل الإهداءات عشان توريهاله يوم ما قريب, عشان كده بتمنى أشوفك و تجيبيلي الكتاب عشان أهدي قصتي ليوسفك.
رحاب صالح كتبت هنا

و أحمد صالح كتب هنا



متنسوش حفلة الشوكولاته بالفانيليا :)

حفلة توقيع كتاب بنكهة مصر و كتاب ضوء أسود

و كُتّاب صندوق روق مدعوين للتوقيع معانا

يوم الخميس القادم 7 فبراير في راديو أرابيسك شارع قصر النيل (2 ممر بهلر) الساعة السادسة مساء

هنستناكم أنا و مصطفى سيف


هناك 16 تعليقًا:

رؤى عليوة يقول...

من اجمل الايام واللحظات هى فعلا اللى بنقضيها وسط اصحاب " متنقيييييين بجد "

لكن لما تكون الصحبة كمان ناس كنا منعرفش غير اسمائهم بيبقى فيه حاله غريبه بجد

من احلى الايام اللى عشتها وكان باين عليا انى مبسوطة وسعيدة انى شفتك وشفت استاذ ابراهيم وماما زيزيى وكنت اتمنى ان بقية الاصدقاء يحضروا او انى اكون من القاهرة بس عشان احضر كل حفلاتكم

معرفش ليه مش عارفه اكتب عن اليوم ده رغم انى طول الوقت بفكر فيه بس نويت بقى

دمت بخير

Unknown يقول...

نسيت أقول كمان إن سعدت برؤية دعاء العطار صديقتي الجميله و المدونه الرائعه..معرفتش أضيفها في البوست لﻷني سبت النت كافية و داخله من الموبايل

أحمد أحمد صالح يقول...

قليلون من يستطيعون أن يلامسون كيانك فيطوقونه بحب وود يغرقه بهجة وسعادة، أما أن تجد هؤلاء القليلون الوجود قد تجمعوا حولك بكثرة في وقت واحد وفي مكان واحد فأعلم حينها أنك قد نلت سعادة الف عام!
..
هذا كان شعوري في ذلك اليوم، كان أول لقاء لي بتلك النخبة الرائعة، والأكيد أنني لن أدع أي فرصة للإلتقاء بأي منهم تفوت دون أن أستغلها على أتم وجه!
..
أشكرك دكتورة شيرين على كلماتك الطيبة، وعلى كلمات تشجيعك لي أنت والأستاذ إبراهيم. فعلا سعدت جدا وتشرفت بمقابلتك وأتمنى أن تجمعنا لقاءات تسمح لنا بمزيد من الحوار والنقاش.
تقبلي كل شكري وإحترامي.

rona ali يقول...

الله الله ماشاء الله كل دة من ورايا

على فكره الحقد ملينى وهحقد على كل اللى شافوكى وقابلوكى ها بس

ربنا يسعد قلوبكم وضحكتك فعلا بحسها لازم تتبروز وتتحط في تابلوه حلو كده ونفضل نبص عليها ^_^

اسعدنى اسعادكم برؤيه بعض :)

ليلى الصباحى.. lolocat يقول...

مليون مبروك ياشيرين واسأل الله تعالى ان يكلل كل مجهودك انت والاصدقاء بالتوفيق والفلاح
واعذرينى حبيبتى لتقصيرى لكن قلبى معك ومع كل الاحباب ودعائى الدائم لك ولهم بالخير والنجاح والتألق فى كل مجالات الحياة


مبروك لك ولكل الاصدقاء واخشى ان اذكر اسم يقع الاخر سهوا :)

احبكم كلكم واتمنى لكم السعادة بالدارين

تحياتى بحجم السماء

ابراهيم رزق يقول...

فعلا اليوم كان جميل

وكلنا افتقدنا فاتيما
بس روحها كانت معانا
ده احنا نمينا عليكى نم يا فاتيما
ربنا يسهل ونتقابل واقولك نمينا قولنا ايه
الحفلة كانت جميلة بيكو كلكوا

تحياتى

Noha Saleh يقول...

انا مبسوطة جدا انى شوفتك ومبسوطة باليوم جدا رغم انى جيت فى الآخر بس ان شاء الله نتقابل تانى قريب

aya abd elkarim يقول...

مبروك يا شرين و لكل المبدعين اللى شاركوا معاكى فى الكتاب كنت أمنى أكون موجوده و أتعرف على النخبة الرائعة من الكتاب دول بس الجايات كتير و من أبداع لأبداع أن شاء الله :)

رحاب صالح يقول...

حتي ولو دقيقة واحدة شوفنا بعض فيها كفاية اننا كنا مع بعض واننا موجودين بالكتاب مع بعض
شوفي انا اخواتي هيقرأو الكتاب ويقولوا رأيهم
ما عادا رشا لانها داخلة علي ولادة ههه بعد ما إياد يجي ممكن تقراه واقولك رأيها
بجد كان يوم رائع لا ينسي

Salma Hesham Fathey يقول...

الدكتورة العزيزة شيرين ..

والله من زمان كان نفسي أشوفك والحمد لله جت الفرصة في اليوم ده .. لطيفة قوي وودودة وحليتي اليوم بتواجدك والله ..

حابة أشكرك لأني أول ما دخلت أيفنت حملة التدوين الشهري مكنتش متشجعة وأنتي شجعتيني وبعدها دخلت عالم التدوين الجميل وأتعرفت على كتاب من أجمل ما يكون .. توقيعك جميل ومميز وأتمنى أشوفك قريب بإذن الله لأنك فعلا شخصية جميلة :)

وكتابك معايا وقريبا أقولك رأيي إن شاء الله مع إن العينة بينة من قصة "نطفته" :)

تحياتي،،



ظلالي البيضاء يقول...

ألف مبروك الجمعة الجميلة ..
وألف مبروك لكل المشاركين واللي كانوا موجودين ..
كل التحية والتهنئة أقدنها لكم ..

هبة فاروق يقول...

مبروك يا شوشو يا قمر
بجد متخيلة اليوم كأنى كنت معاكم اجمل شىء تجمع المدونين وفرحتهم بنجاحهم
الف مبروك للجميع وكان نفسى بجد اكون معاكم بس انت عارفة بقى الظروف يا جميل
سلامى لامن وجورى القمراية الصغيره

Do3aa El_attar يقول...

كنت فرحانة أوي في اليوم ده بجد إني شوفت ناس نفسي أشوفها فيس تو فيس وكان نفسي أقعد معاكي اكتر من كده ياشيري بس المواصلات والتأخير كانوا العقبة :(

تتعوض بإذن الله :) وفرحت جدًا كمان إن شوفت ساليناز وأستاذ إبراهيم مش كنتي تجيبي آمن عشان كنت ألعب معاه شوية :)

يارب من نجاح لنجاح ياشيري دايمًا وكل أيامك تبقى حلوة بابتسامتك الجميلة دي <3

نيللي علي يقول...

مبروك ياشيرين ومبروك علي النجاح، وأنتي كتاباتك تستحق إنها تنجح ويارب من نجاح لنجاح وعقبال كل كتاب إن شاء الله.

Bent Men ElZman Da !! يقول...

وجودك فى اى حفلة ببقى فيها بيعمل حاجة فى قلبى كده جميلة اوى وبحبها اوى
زى ما بحبك كده بالظبط
مهما قولتلك انتى اد اية سبب فى كل سعادتى اللى انا فيها دى دلوقتى
متأكده انك مش هتصدقينى
سعيدة جدا بيكى وبأنى عرفتك
وإن فى كتاب بيجمعنى بيكى زى صندوق ورق
وفى كتاب رسم خطة لحياتى من غير ما احس زى كتاب بنكهه مصر
بحبك فى الله <3
وزعلانة انى مش معاكم النهاردة :(((

الشاعر والكاتب احمد هيكل يقول...

أنا ألأ حزان وأ نا البركان وانا المقتوال المدفوان في قلب طوفان وانا العايش علي الهامش في بحور الدمع والنسيان
أنا الحروف حين تصمت و تثور
أنا النبض والشعور
أنا رجل يكرها الضعف والغرور
انا وأنا هل عرفتم أنا مين
انتظر انضممكم وتوصلكم الطيب هذا يشرفني
انتظر
http://dmoaa.blogspot.com