الأربعاء، 30 يناير، 2013

الورد مش لازم يموت دبلان

صباحكم سكر :)
يمكن دي من المرات القليله جداً اللي أدخل سايبر أو نت كافية و أول مره أكتب بوست من هناك..و ده لأن الإنترنت اللطيف أعلن العصيان بقاله كام يوم و الموبايل إنترنت مش بيسعف بشكل كافي.

حلقة النيل الثقافية
كنت عايزه أشارككم حلقتين صورتهم في التليفزيون..الأولى كانت من معرض الكتاب..و التانية كانت من ماسبيرو..طبعاً حلقة ماسبيرو كانت ضد رغبة الدولة لأن الدولة كانت خايفه عليه بس أنا نصبت على الدولة كالعاده و أقنعت الرئاسة بإني أروح :)


يمكن لأن برنامج نهارك سعيد كنت بتابعه قبل سنين لما كنت مديرة صيدليه ماكنش فيها للتسلية غير التليفزيون المصري, و شوفت مره حلقة إستضافت د.حسن كمال صاحب كتاب "كشري مصر" و كتاب "لدغات عقارب الساعة" و إتكلم كلام شبهي عن حبه للكتابة و بعده عنها بحكم الدراسة و الشغل و من ثم عودته لها, و إتكلم عن نادي القصة في نادي الصيد (اللي بقيت بحضره بعد كده) و دوره في تشجيعه و صقل موهبته, يومها تمنيت إني أرجع أكتب و يبقى لي كتاب و يكون إسمه له علاقة بوطني و إني أطلع أتكلم عنه في البرنامج ده...و قد كان :)

إحلموا


هناك 21 تعليقًا:

SHARKawi يقول...

ربنا يكرمك يارب . ويوفقك .
وانتي تستحقي . وتستحقي اكتر من دة كمان . يارب يكون النجاح طريقك .

تقبلي تحياتي وتقديري لكي مني دعواتي

ليلى الصباحى.. lolocat يقول...

السلام عليكم

ماشاء الله عليك ياشيرين

زى السكر هادئة وواثقة من نفسك وزى القمر :)
لابد للمجتهد والانسان الصادق ان ينال حقه من التقدير وانت نشيطة وقلمك راقى ويستحق الثناء بارك الله فيك ومليون مبروك حبيبتى ويارب دايما متألقة وسعيدة ومن نجاح لفلاح يااااارب

تحياتى بحجم السماء

faroukfahmy58 يقول...

لا استطيع الا ان اقول ان نجاحك هو نجاح لمجموع المدونين

هبة فاروق يقول...

ربنا يسعدك ويفرح قلبك كمان وكمان يا قمر
ربنا يوفقك يا شيرى

candy يقول...

جميلة ياشيرين .. شفت الحلقة التانية بما أنك أتكلمتى عليها .. بس كالعادة كالعادة فكل البرامج الثقافية بلا استثناء .. صباح فصلان المذيعة !!

شكلها ماقرتش الكتاب ولا شافت المدونة وباين قوى أن حد أداها تلت أربع معلومات "بتدلقهم" دلق وهى مش فاهمة إيه الموضوع أصلا ( مدونة - كتب جماعية - مصر - قصص)

عارفة إيه أكتر حاجة عجبتنى فى باسم يوسف فى السيزت الأول ؟؟ أنه لما كان بيستضيف كُتاب كان تقريبا بيبقى عارف "كل" حاجة كتبوها وبتفاصيلها .. أكتير مش بيقراها كلمة كلمة .. بس كان بيبقى عنده overall view

حسيت بكدة جدا لما استضاف أحمد مراد

وأعجبت بيه -فى النقطة دى- أكتر وأكتر لما راح فى برنامج مع خيرى رمضان وقاله .. دا فى مرة قصة فى كتاب من كتبك كان اسمها "الطرف التالت" على ذكر سيرته !

عموما دى حاجة متضيقكيش اللى خلى مذيعين "الثقافية" أبيض يا ورد :)

ربنا يوفقك دايما.

مصطفى سيف الدين يقول...

استمتعت بالحوار الجميل جدا
ربنا يوفقك دايما

asmaa fathy يقول...

ما شاء الله عليكي

زي القمر وكتاباتك جميلة

ربنا يوفقك عقبال ما كتباتك تترجم بلغات تانيه
تحيـــاتي

Asmaa Fathy



شمس النهار يقول...

ماشاء الله اتكلمتي جميل
وبطريقه لطيفه
ويارب من نجاح لنجاح
:)

ابراهيم رزق يقول...

ورد في ورق سلوفان يا شرين اهديلك ؟
و الا انقله بالطين في الشتلة و اجيلك
الأولاني لو وحا باعجابــــــــانــى
عجبي علي التاني بإيه يوحيلــك
عجبى ؟؟
جاهين بتصرف هههههههه

من نجاح لنجاح با رافعه راسنا بين الامم
و انا مع كارول جدا فى تعليقها

تحياتى

منجي بـــــــــــــاكير يقول...

تقديري و تمنّياتي بمزيد من النجاحات ،،

/ الزّمن الجميل فضاء للإستراحة من عناءات السّفر في الأيام تدعوك لتصفّح ورقاتها و ترك بصماتك ، شكرا لجميل التفاعل
http://zaman-jamil.blogspot.com/

شيرين سامي يقول...

شرقاوي:

أشكرك جداً على ذوقك
تحياتي و إحترامي لك

شيرين سامي يقول...

لولو:

ربنا يخليكي يا حبيبتي على كلامك الجميل
تحياتي و كل الود لكِ

شيرين سامي يقول...

فاروق فهمي:
طبعاً أستاذي العزيز
هو جزء من نجاحكم
كل التقدير لك

شيرين سامي يقول...

هبه فاروق:

الله يخليكي يا هبه و ربنا يسعدنا جميعاً
سعاده أجمل و أكبر من برتامج في التليفزيون :)
نورتيني يا جميل

شيرين سامي يقول...

كاندي:

عارفه يا كارول أنا كل اللي شافوا اللقاءات بلا إستثناء شتموا في المذيعين و يمكن دينا نصير أنا كنت بحبها و هي بتقدم music box و قولتلها يوم اللقاء إنها ضروري تمثل لأنها funny أوي في الواقع.
معتقدش حد بيقدم فقرات يوميه ممكن يقرى كتاب لإحدى الفقرات خصوصاً لو كاتب مش معروف, بيعتمدوا على الإعداد اللي بيعتمد إما على نبذة نبعتها على الميل أو كلمتين في التليفون،
هو في كل الأحوال فشل للإعلام بصراحة.
إنتي لو كنتي شوفتي المذيع الأول و هو بيكح على الهوى و مكتئب كده كنت هتكتبي تعليق أطول :)

نورتيني يا شمعه :)

شيرين سامي يقول...

مصطفى سيف الدين:

أشكرك يا صديقي العزيز :)

شيرين سامي يقول...

أسماء:

ربنا يخليكي يا جميل
أسعدني تعليقك جداً :)

شيرين سامي يقول...

شمس النهار:

كنت بحاول و الله يا شموسه :)
نورتيني و أشكرك بجد

شيرين سامي يقول...

إبراهيم رزق:

أشكرك يا استاذ إبراهيم
تعليق أكتر مما أستحق بصراحه :)
الله يبارك فيك دايماً

بـت خـيـخـة وأي كـلام يقول...

الله .. الله .. الله
:)

انا متفرجتش لسة على الفيديو يا شيرينا
بس عاجبنى اوى فكرة انك كنت بتتفرجى على برنامج من كام سنة و حلمتى انك تكونى فى يوم من الايام ضيفة فى البرنامج ده و يجي يوم و حلمك يتحقق

أنا فرحت :))
حلو اوي الإحساس ده بجد

ربنا يفرح قلبك دايما يا شيرين :)

سلام
اختك خيخة

شيرين سامي يقول...

ربنا يخليكي يا نورا :)
مبسوطه إنك شاركتيني الإحساس ده

نورتيني جداً