السبت، 23 فبراير 2013

زمان و أنا صغير


زمـــان
زمان و أنا صغير 
كنت بحلم أبقى كبير..أبقى كبير
تعب القلب و إتحير مـ الدنيا و مـ المشاوير

عندما كنت صغيره كنت كثيراً ما أرتدي ثياب أمي, أختار الزاهي منها و القصير, أربطه عند الخصر حتى لا يشبه الجلباب, ثم أبحث عن حذاء بكعب عالي يرفعني, أفرد شعري و أضع الذواق ثم أبدأ في التمثيل, ألعب كل الأدوار, الملك الطيب و زوجته الشريره, و الأميره التي ترفض الزواج دائماً و ترفض أن تترك القصر لزوجة أبيها و تقاوم ظلمها, كنت أمثل أدوار الخُطاب المرفوضين أيضاً, عندما كبرت أختي كنت أترك لها بعض الأدوار, لم تكن تستهويني الألعاب العادية للأطفال, بالمكعبات و بقايا الألعاب الصغيره كنت ألعب مع أخي, أصنع معه بيوت بالأقلام و الألون القديمه, نصنع بحر و شاطئ, مصنع, مشفى, مدرسة, مطار, نصنع حياه بأكملها.

الحلم كان بريئ مفروش بالورود و القلب كان جريئ ماليان بالوعود

أحلم و أنا سرحانه أرسم النجوم في كراريسي و كُتُبي حين أذاكر و قبل أن أنام, أحلم و أنا في السيارة أستمع للأغنيات و أصنع تصويري الخاص لكل أغنية, أحلم و أنا أقود دراجتي, أحلم و أنا أطير بالباتيناج, كانت أحلامي لا حدود لها, و مازالت, لكن أحلامي القديمه كانت تسعدني و تعطيني دفعة كبيره للحياه, أما أحلامي اليوم تُعذبني كثيراً, حلمت بأن أكون أميره تترك القصر كل مساء لتعيش مع الصعاليك ثم تعود في الصباح أميره, حلمت بأن أكون مُغنية تغني على مسرح كبير و عيناها تلمع من نشوة الأغنية ثم يصفق لها الجميع بحراره, حلمت بأن أغني و أعزف الجيتارمع فرقة من الأصدقاء في النوادي و الأماكن العامه, حلمت بأن أكتب قصة مسلسل كبير لا يتحدث إلا عن المراهقين و أحلامهم و عذابتهم, حلمت أن أخرج المسلسل, حلمت بأن أكون متفوقه في دراستي و فخر لوالدي اللذان يقدران العلم أكثر من أي شئ في الوجود, رأيت سعادتهما و أنا أتسلم جوائز و شهادات علمية كبيرة, حلمت بأن أكون ثرية أجوب العالم كله أنهل من حضاراته و جمال طبيعته ثم أعود بعد كل رحلة لوطني, حلمت يوماً مع أخي الذي أعد المشاريع و جهز الخطط بأن نصبح مليونيرات و نسدد ديون مصر!


أنا من صغر سني حاسس بشئ جوايا
وحلمت زمان أغنّي و الكون يسمع غُنايا
غنيت غنيت و فـ وسط الغنوة بكيت 
و لاقيت الكون كله بيتغير 
قلت يا ريتني فضلت صغير

حلمت بأن أُحب, أُحب رجلاً واحد في عمري..أهبه كل ما في قلبي, حلمت به أسمر لأني بيضاء, و طويل لأني قصيره, و جريئ لأني خجله, حلمت به بعينان واسعتان و بجزع مشدود, حلمت أن يكون صديقي أشاركه أحلامي و يشاركني أحلامه و نحققها معاً, حلمت أن يكون طيب يذوب في طيبتي و شرير عندما أُعلن عليه شرّي, حلمت أن يكون متفهم لعيوب شخصيتي و مستوعب لإحتياجاتي, حلمت أن يكون واضحاً يصارحني بمخاوفه, بما يغضبه و يسعده, حلمت به طموح لا يثنيه شئ عن مجابهة الحياه, حلمت به يعشقني في النور و يحميني في الظلام و يحتويني و يخلص لي طول الوقت, حلمت به يفخر بي و أفخر أن أحمل إسمه, حلمت به إبني و أبي و حبيبي, حلمت بأن يكون بسيط و عفوي نقضي العمر سوياً يدي في يده و كأنها تمشية طويله لا تنتهي سوى بإنتهاء الحياه.
و كبرت
و عر فت المسئولية
و رأيت الحياة بألوانها الطبيعية
و إكتشفت أن الواقع غير الأحلام
ليس أسوء و ليس أفضل هو مجرد واقع!


و لما كبرت قلت يا ريت ما كنت حلمت و لا إتمنيت
و قلت يا ريتني فضلت صغير
زي زمان

هناك 25 تعليقًا:

ليلى الصباحى.. lolocat يقول...


أنا من صغر سني حاسس بشئ جوايا
وحلمت زمان أغنّي و الكون يسمع غُنايا
غنيت غنيت و فـ وسط الغنوة بكيت
و لاقيت الكون كله بيتغير
قلت يا ريتني فضلت صغير


اخترتى النهاردة كلمات بموت الف مرة لما اسمعها :)

كل واحد بيكون عنده احلام سواء بسيطة او كتير لكن لما مش بيقدر يحققها بيفضل شىء واحساس جواه مؤلم كتير
يمكن بشوية ايمان على صبر الحياة بتمر ويمكن الألم ده هو اللى بيعطى الحياة معنى وبيدفعنا دايما للاستمرار والمجاهدة لكن بيفضل اسمه ألم وحزن مفيش حد بيعرف يقدره ويفهمه بعد الله غير صاحبه

احسنتى اختيار الكلمات واحسنتى التعبير عن ذاتك ياشيرين

صباحك ياسمين على عيونك وتحياتى لك بحجم السماء

Mahmoud Bahgat يقول...

ربنا ما يقطعلك عادة و المرة دى منشنة صح على الأغنية الاكثر تعبيرا عن حياة الكثير منا فمن منا لم يحمل معه أحلام الطفولة يسترجعها من آن لآخر يحاول ان يحقق منها اى شيئ لمجرد انه يرضى نفسه و لكنه الواقع السقيم الذى يحارب فيه الحالمون واقعهم فتتكسر أحلامهم على صخوره.
متنظرين المزيد من أغنياتك بلا ملل أو كلل مستمتعين بإختيارتك ياريت حاجة لمنيير بقى لو سمحتى و أعلم انك لو فتحت باب ما يطلبه المدونين مش هيتقفل ابدا

Mostafa gazar يقول...

ليه يا زمان مسبتناش أبرياء … وواخدنا ليه فى طريق ممنوش رجوع
أقسى همومنا يفجر السخرية … وأصفى ضحكة تتوه فى بحر الدموع..

وقلت ياريتنى فضلت صغير ...
...............................
تدوينه مؤثره جداااااااااا ومتميزه

رؤى عليوة يقول...

تسلم ايد يا شيرين

كتير بنحلم نفضل صغيرين
لكن جت عليا فترة من كتر ما فكرت فى يارتنى كنت فضلت صغيرة
لاقتنى بقول لنفسى ولما ارجع صغيرة هرجع اكبر وواحده واحده همر بكل اللى عديت عليه وتعبنى وجرحنى
وبدأ الحلم يتغير وبقيت بحلم اكبر اوى لما اخلص العمر
نفسى اوى اعرف انا هوصل لفين وبقعد اسأل نفسى امتى هموت ومين هيكون معايا وهيقولوا ايه عنى وهكون عملت ايه

وتتبع الاسئله امنيات واحلام

وطول ما احنا عايشين هنفضل نحلم ببكره مع ان امبارح واخدنا والحاضر بيشوش علينا


دمت بخير

eng_semsem يقول...

ياريتني فضلت صغير
كتير من احلامي اتكسرت واتهدت
لحد ما فعلا بطلت احلم
تحياتي

SHARKawi يقول...

جميلة كعادتك .
دام الله نجاحك .
تقبلي كامل احترامي وتقديري .
لكي مني تحياتي . لكي دعواتي .

أسماء فتحي يقول...

الأحلام دائما ماتكون هاربة
كلما نلاحقها تنظر الينا ضاحكة
وتغدوا بعيدة جدا وبائسة
وعندما ندير لها ظهورنا تعود الينا لاهثه
تمنينا وتغرينا ثم تعود هاربة

فلا تأمنوا لإحلامكم فهي كالأطفال عابثة

تحـــــــــــياتي
كانت هنا ورحلت
Asmaa Fathy

موناليزا يقول...

بحب لحنها أوى
وبحب كلماتها فى أول كوبليه
لكن نيجى على "لما كبرت قلت ياريت لا كنت حلمت ولا اتمنيت
قلت ياريتنى فضلت صغير زى زمان"

وأقول لااا أنا ماصدقت الأيام عدت مهما كان فيها مش عايزاها ترجع
أنا عايزة أخلص بقى :)

أنا كمان كانت ألعاب طفولتى خيالية أكتر منها مادية
مارست كل الأدوار تقريباً :)

عن فتى الأحلام أول مرة أخد بالى إنى فعلاً عايزاه يكون نقيضى فى المواصفات

" حلمت به أسمر لأني بيضاء, و طويل لأني قصيره, و جريئ لأني خجله, ...

جميلة يا شيرين
استمرى :)

ابراهيم رزق يقول...

ماذا يغيظ الليل لو أوقدت عندي شمعتين

و رأيت وجهك حين يغسله الشعاع

و رأيت نهر العاج يحرسه رخام الزورقين

فأعود طفلا للرضاع

من بئر مأساتي أنادي مقلتيك

كي تحملا خمر الضياء إلى عروقي

ماذا يثير الناس لو ألقيت رأسي في يديك

و طويت خصرك في الطريق
محمود درويش

بصى يا شرين
صلى على الزين
زيدى الزين صلاه

زمان وانا صغير كنت بحلم ابقى كبير
دلوقتى بقى حلمى الاول و حلمى المستحيل
ان ارجع صغير تانى و لو يوم واحد

تحياتى
زمان وانا صغير

richardCatheart يقول...

ممتعة يا يرين كالعادة بشكل مباشر او غير مباشر تداعبى احساسنا ماظهر منها ومابطن :) واضح ان الكوبلية الاخير هو امنيتنا كلنا :)
صباحك ورد يا رب

الازهرى يقول...

وحلمت زمان أغنّي و الكون يسمع غُنايا

فكرتينى بأغنية كيرميت

نفسى أكاكى ومين يمنعنى
صوتى الحلو دا يشجعنى

إ]ه العلاقة مش عارف
بس دى أو حاجة وردت على ذهنى

قلت يا ريتني فضلت صغير

بأقولها كل يوم تقريبا
خصوصا إن أنا من الناس اللى بأحب أبقى طفل
بس الحياة مش مصدقانى
ومصرة تخلينى كبير

صباحك ثكر

zeze يقول...

جميلة بجد ياشيري
تتصوري الاحلام حلوة بجد
بس ساعات كتير متبقاش غير احلام وبس
ماشاء الله عليكي وربنا يبارك فيكي

ياريت تزوري المدونة وعايزة رأيك بصراحة بجد يهمني

Unknown يقول...

ليلى الصباحي:

صديقتي الجميله لولو مش كل الأحلام بتتحقق لكن في جمله قريتها في كتاب لأديب أمريكي بتقول أعلم أن أحلامي لم تتحقق ..لكني سعيد رغم ذلك أنها راودتني في السنوات الماضيهز

الحلم زي الواحة نتوقف عندها لنستريح فيها قليلاً نتزود بالقوة و الأمل..لكن القافلة تواصل السفر..و الحياة تستمر.

سعيده إن كلماتي و إختياراتي أعجبتك :)

مساءك و حياتك كلها سعاده

تحياتي الخالصه لكِ

Unknown يقول...

محمود بهجت:

أنا اللي بستمتع بمتابعتكم و تعليقاتكم :)
الأغنية من أكتر الأغاني اللي إتأثرت بيها..غريب أمر الحالمين في الدنيا دي..عذابهم فيها مضاعف!

منير كتبت عنه تدوينه قريب "أقر أنا المسئول أعلاه" إتكلمت عن كتير من أغانيه..بس أكيد الكلام عنهم مبيخلصش.

تحياتي لك

Unknown يقول...

مصطفى جزر:

:)
كل ما يمس الماضي مؤثر..
سعيده بمتابعتك

تحياتي لك صديقي و متابعي العزيز

Unknown يقول...

رؤى عليوه:

هو الحقيقه الواحد بيحن للماضي لما بيحس بالتعب..لما بيحس إنه مش قادر يحلم زي الأول من غير حلمه ما يكون مرتبط بعذاب..الأحلام زمان اسهل لأن العمر لسه قدامنا..دلوقتي الأحلام بقت صعبه الأكسجين قل و قربت تموت مخنوقه!
بفكر في الموت..و ساعات بتمناه!

المهم نفضل نحلم من غير ما نضايق الواقع بالأحلام :)

تحياتي لكِ

Unknown يقول...

أسامه:

و بعدين يا أسامه

لو بطلنا نحلم نموت

دي حقيقه علميه على فكره :)

Unknown يقول...

شرقاوي:

أشكرك على أمنياتك الطيبة
و سعيده إنها عجبتك :)

تحياتي لك

Unknown يقول...

أسماء فتحي:

قريت مره إن الأحلام زي القطر بيجري و نجري وراه لحد ما يوغل في البعد..و إحنا لسه بنجري ورا نفس القطر..بدل ما ننتظر القطر اللي جاي :)

نورتيني يا اسماء و اسعدتيني بتعليقك

Unknown يقول...

موناليزا:

الحنين يا منى..لكل ما هو بريئ و أخضر

مقدرش أقول إنه لازم يكون النقيض...يعني أنا رفيعه مثلاً و كنت بحلم بيه رُفيع :)

هي أحلام طفوليه خليتني أرسم فتى أحلامي بهيئة عمر الشريف :)

نورتيني يا منى كالعاده

Unknown يقول...

إبراهيم رزق:

الله :) حبيت القصيده أوي

أنا بتمنى أرجع لنفس الإحساس..
بصرف النظر عن السن

نورتني و أسعدتني بوجودك كالعاده

Unknown يقول...

قلب القطة:

تعليقك و وجودك هو الممتع

نورتيني يا جميل :)

Unknown يقول...

الأزهري:

مساءك جميل :)

كلنا طلعنا هذا الرجل :)
عادي مش مهم الدنيا تصدقنا ما إحنا كمان مش بنصدقها :)

نورتني

Unknown يقول...

زيزي:

الأحلام جميله طول ما هي أحلام :)
إن شاء الله هزورك قريب يشرفني أكيد أتعرف بمدونتك :)

نورتيني

نيسآان يقول...

اعتذر لكِ حبيبتي و اعتذر لنفسي اني فوتت بوستات الاغاني الجميله هذه...كنت بشوف العنوان في الريدر لكن اؤجل القراءه حتى اكون رايقه للقراءه تماما ...
حسك الموسيقي جميل أوي يا شيرين ...وما تبع الحس الموسيقي أجمل :)