الثلاثاء، 14 أغسطس 2012

إلى شريف


أنا و أنت

كلام سابق عنك هنــــــا


شريف
أخي و أبي و حبيبي 
صديقي و شريك طفولتي و شبابي
معلمي..في الدراسة و في الحياة و في الدين
أنت الوحيد الذي أسأله أي سؤال و يجاوبني بكل حُب تحت كل الظروف
تقوّمني و تُصلحني بألين الطرق و أقواها
 أعلم تماماً أنك ستأتي لو سمعتني في المريخ أناديك
وقوفك جواري هو اليقين
و لكني إخترت ألا أشغلك بعثرات نفسي
و ألا أستغل شهامتك و حبك
أغار منك يا توأمي
فالإحدى عشر شهراً التي تفصلنا تجعلك توأمي
أغار من أخلاق الرُسُل التي تزينك
و أحلم أن أكون مثلك يوماً ما
أنت مثلي الأعلى حتى لو لم أعترف لك
كم كنت قريب و كم أصبحت بعيداً الآن
بيننا صحاري و بحور و قارات
أنت في بلاد الثلج الهادئه
و أنا في بلد مشتعله لا تهدأ...تماماً كنفسي
تعالى حتى تستقيم قواعدي من جديد
و لو أني أعرف أنك ستأتي في مجرد
زياره
عامان و أكثر لم أراك إلا من خلال شاشة
أطمئنك على نفسي الكاذبه
و أبثّك ضحكتي و كلمات الحمد و الشكر
فلم تعد الحياه تحتمل أكثر من ذلك
فإذا كانت عادة الناس مشاركة الهموم و إخفاء الفرح
فإعلم أن عادتي معك أصبحت أن أظهر فرحي ثم فرحي
و قدومك فرحي

في إنتظارك يا أغلى الناس


  Dr.Sharif Samy



هناك 11 تعليقًا:

Ramy يقول...

(:

ربنا يخليكم لبعض

و يرجعهلكم بالسلامة

(:

Casper يقول...

ربنا يرجعه بالسلامة

الازهرى يقول...

يرجع بالسلامة بإذن الله

وربنا يديم محبتكم
وفرحك دايما

Yasmeen يقول...

الله بجد يا شرين الكلام طالع من قلبك اوي ده انا حسيت كل حرف قرأته مقدرش اقول اني حسيت احساسك نفسه بس حسيت جزء كبير أوي منه ...
الله بجد ربنا يخليكو لبعض ويرجعه بالسلامة يارب يسعدكم ببعض

تحياتي للمشاعر الســامية الجميلة الرائعة

بجد حبيت كلامك اووووي ربنا يجمعكم علي خير ان شاء الله

ابراهيم رزق يقول...

بوست جميل
به كثير من المعانى الجميلة
ربنا يرجعه ليكى بالسلامة
و يارب اشوفه فى القصر العينى
بنفس فخره بكليفلاند
حلم اتمنى ان اراه وانا على قيد الحياة

تحياتى

FAW يقول...

ربنا يخليكم لبعض ويقربكم من بعض إن شاء الله

كل سنة وإنتي طيبة يا شيرين

Unknown يقول...

رائعه جدا تسلم ايدك يادكتوره بجد كلام طالع من القلب

Shiko يقول...

ما أجملكم.. الكثيرون يفتقدون مثل هذه الأحاسيس الجميلة.. التي لو تزين بها المجتمع أجمع.. لصارت الحياة جميلة.. ربنا يخليكوا لبعض و يطمنك عليه و يرجعهولك بالسلامة :)

ضياء عزت يقول...

ربنا يخليهولك ويجيبهولك بالسلامة

رحاب صالح يقول...

ربنا يخليكم لبعض
الاخوات منقدرش نقول عليهم كلمة والسلام ولا نحكي موقف وخلاص
لاء
الاخوات جزء مننا واحنا جزء منهم
شيء مش ممكن
مقدرش اقولك انا كمان بحب احمد اد اية ولا هو بيوحشني اد اية حتي وهو هنا
ربنا يخليكم لبعض

Unknown يقول...

رامي
كاسبر
أزهري
ياسمين
إبراهيم رزق
مصطفى فوزي
شريف الصفطي
شريف طاحون
ضياء عزت
رحاب صالح

أشكركم بجد و الله يسلمكم و يكرمكم دائماً نورتوني و أسعدتوني بزيارتكم :)
كل سنة و إنتم بألف خير و سعاده