الخميس، 16 أغسطس، 2012

كحك بالسكر لشخص واحد


قررت هذا العام أن أصنع الكحك بنفسي..أعرف أن الكحك الجاهز بالمحال سيكون أفضل و أوفر و أضمن, لكني أحب أن أجرب طعم كحك من صنع يدي بطعم نَفَسي و بنكهة روحي, سئمت العُلب الجاهزة المغطاه الفاخره, أريد كحكاً وليدي مصنوعاً بخليط مشاعري, محضراً بمقادير همومي, مخبوزاً بفرحي, و مرشوشاً بحُبي..

إنتظرت حتى أصبح البيت خالياً إلا مني إرتديت أريح ملابسي و وقفت حافيه في المطبخ, إشتريت المنخُل اليوم..سعيده به و كأنه لُعبتي المفضله أو ثوب العيد الجديد, أضع رشة ملح على الدقيق حتى ينفرط بسهوله..يبدو أن الملح أساسي حتى في الحلوى! ..أنخل الدقيق بسعاده و أنخل معه حزني و وجعي و همومي, أجنبهم فوق المنخل و أدع الطيب من حياتي فقط يتساقط مع الدقيق..أنخل و أنا أغنّي أغنيه لم أتوقعها لمطربه لا أحبها.

بيقولولي تووووبي...توبي توبي تووووبي...إزاي بس إزاي
تتوبي يا عين إزاي إزاي
عاشقه و غلبانه و النبي...عاشقه و مسكينه و النبي
ده أنا كل حته فتوبي...دايبه...دايبه...دايبه فـ هوى محبوبي

أتخيل كحكي و هو في فمه و آثار السكر على شفتيه, و هو  يجاملني و يقول "حلو عشان من إيديكِ" لكن سرعان ما أعود للواقع..أطحن أحلامي و معها ملعقه من رائحة الكحك أضعها مع البيكنج بودر على الدقيق و أستمر في النخل..و في الغناء بصوت أعلى.

أخفق السمن البلدي مع الحليب بقوه و خفه حتى يتجانسا تماماً أحاول ألا أتذكر إلا كل لحظة حلوه في حياتي حتى ترتسم على وجهي هذه الإبتسامه الغريبه التي تأتيني من دنيا الخيال و التي يسألني الناس عنها عادة و أجاوبهم برفع أكتافي, ثم أضيف الخليط للدقيق المنخول و لا أنسى أن أرش السمسم بسعاده و كأني أرش حياتي بأوراق الورد علّها تصبح يوماً في جمال و نضارة الزهور..

العجين متجانس و ناعم, تتلقفه يدي الصغيرتين النظيفتين بعد أن قصصت أظافري و مسحت طلاء الأظافر مخصوص لهذه المناسبه, أنسى موضوع الكحك و أبدأ في اللعب, أصنع كرات صغيره كثيره أسمّيهم بأمنياتي و بشفاه شبه منفرجه أطبع عليهم قُبلات متعدده بقدر أهمية الأمنيات.

أشكّل الكرات على هيئة قلوب فارغه, ثم أبدأ في الحشو, البعض أحشيه بملبن طيب ليّن هيّن, و البعض الآخر بعين جمل متمرد لاذع كمُهرِ حرون, إنه حشوي المناسب تماماً بعضي ملبن و بعضي عين جمل, أطبطب على العجين بحنان و أغلقه على حشوه, ثم أعيد تكويره و قد إنسجم تماماً مع دفئ يدي, أضغط عليه بحب و فرحة عيد.

نأتي للخطوه المهمه النقش..المنقاش صغير يناسب يدي الصغيره التي لا تطيق الصبر , ليست لدي أي ذكريات مع نقش الكحك غير مشاهدته في الأفلام, فبيتي لم يعرف غير التكلف و الكحك الجاهز, أحاول أن أنقشه بحروف و أسماء و أزيّنه بقلوب صغيره, أعرف جيداً أن حرارة الفرن لن تترك نقشي على حاله, ستصهره كما تصهر كل أحلامي, لكني أنقش بأصابع الخيال الذي لا يكف عن الدوران بحياتي, أجدني أغنّي مره أخرى لمطرب آخر لا أحبه !

اللى فات من عمرى بتندم عليه...ما اتقابلناش من زمان مع بعض ليه
 و العيون لو تنحرم يا حبيبى منك تبقى ايه فايدتها و اعمل بيها ايه
 بس ده مش كل حاجه و انت عارف كل حاجه
 ده انت لو تطلب عنيه مش كفايه.. وان سألت كتير عليه مش كفايه
 عايزك انــــت قلبك انـــــت و ابقى جانبك من البدايه للنهايه

أرصّه في صينيه, أضعه في فرن متوسط الحراره..و أظل في المطبخ في إنتظار و شغف, كأني على موعد مع حبيب لا يأتي إلا متأخراً متبختراً..
بعد خمسة عشر دقيقه أخرجه من الفرن بعد أن تكون رائحته إحتلت المكان مختلطه بأنفاسي المشتاقه العاليه, أقف أمامه مذبهلّه و كأني أم لأول مره ترى الصغير الناعم المستدير بلون أحمر و بشره ذهبيه, أتركه حتى يبرد و عيني لا تريد أن تقع على غيره, ثم أرشّه بسكر أبيض ناعم..فبعد الحراره الشديده يأتي السكر دائماً في النهايه...


فكرة البوست مستلهمه من تدوينة أرز باللبن لشخصين..لرحاب بسام.


هناك 51 تعليقًا:

شيرين سامي يقول...

كل سنة و إنتم طيبين و بألف خير و هنا
عيد سعيد عليكم و على كل حبايبكم
:)

رؤى عليوة يقول...

جميله يا شيرين كل سنة وانتى طيبه

الكحك بالذااااات لازم نعمله فى البيت ورغم انى بتدبس كل سنة فى نقشه بس مفيش فايده محبش الجاهز

جميل اوى الاحلام اللى خلطيها بريحة الكحك

ان شاء الله كل احلامنا تتحقق

دمت بخير

وصف الاحساس يقول...

بعيد عن كلحاجه الخلطه والمقادير دي مطبوطه وعلي ضمانتك
ههههههههه
نفسي اعمله بصراحه
جميل الموضوع بجد
تحياتي

نيسآان يقول...

كل سنه وانتِ طيبه واحبتك كلهم طيبين ...كل سنه وانتِ لذيذه ومبدعه زي كعكاتك :)
بصراحه اشتهيت الكعك على طريقتك مع اني لسه حالاً خارجه من المطبخ بعد ما خبزت كعكاتي و...آآآآه يا ظهري :)

أحمد أحمد صالح يقول...

أشطر حاجة ممكن أساهم بيها في الوصفة دي هي.... إني اكل !!
..
تدوينة بالسكر !!
..
كل سنة و انتي طيبة دكتورة شيرين،و يارب عيد سعيد عليكي و على كل الأسرة،و على كل الأمة الإسلامية بإذن الله.

ابراهيم رزق يقول...



اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتى منقراتى

خالاتى عماتى سيداتى

على تل عجوه وعسل وسمن

ولا مجلس الامن سهرانين

لت وعجين

يبنوا الهرم

قالت حماه المحترم

ياكعك ياسيد الكرم

نبنطلك في المشمشى

يابنت قومى وفرفشى

لاتحوشى ولا تختشى

احمي الوابور واستحمشى

اشى واشى تلاقيه مشى

اشى نغبشى

واشى حبشى

واشى دندشى

واشي انقشى

واشى ينحشى

واشى رشرشى

سكر عليه

بركه ايديه

فرحه عنيه

قال ايه وايه

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالى طوال

وكل شبر وحته من بلدي حته من كبدي حته من موال

*

قال واحد اتنين تلاته واللي كان فى الجرن

كله انفتل وانقتل وانشال وراح الفرن

عيني على رصه راحت ولا رصه جات

عمال اسحر وانا ماشى ورا الصاجات


اصحى يانايم وحد الدايم

السعى للصوم خير من النوم

دي ليالى سمحه نجومها سبحه

اصحى يانايم يانايم اصحى

وحد الرزاق

فواد حداد

جميلة قوى يا شرين
كل سنة و انتى طيبة

تعرفى انا كنت دايما بقول ان ولادنا محرومين من حاجات كتير حلوة كانت بتفرحنا
من ضمنها عمل كحك العيد فى البيت
تعرفى حاجة غريبة انا صممت السنة دى و مراتى وافقتنى اننا نعمله فى البيت
و مهما كانت النتائج هنستحملها
هههههههههههههههههههه
تعرفى كانت تجربة ممتعة جدا للاولاد
بجد فرحوا من قلبهم
قد ايه فى حاجات بسيطة جوانا واحنا بنقضى عليها بسهولة
مفيش متعة انك تشترى الكحك جاهز و لا خصوصية
ملحوظة هو الحك بيتحط له بيكنج بودر
اسالى فيها كده
ههههههههههههههههههههه

كل سنة وانتى و امن و جورى و زوجك وبابا وماما وكل حبايبك طيبين

تحياتى




ريـــمـــاس يقول...

صباح الغاردينيا شيري
صباحك أنفاس العيد من شفاه الأطفال
صباحك رائحة كحك العيد من يدي أطهر النساء
صباحك عيد بنبض قلبك
سعيد بقدر إبتسامتك
جميل بروعة روحك
قرأت هنا إبداع صنعته أنامل روحك
ليصبح. كحك يتذوقه قرائك بحب "
؛؛
؛
كل سنة وأنتِ طيبة
عيد سعيد
لروحك عبق الغاردينيا
كانت هنا
Reemaas

Bent Men ElZman Da !! يقول...


جميل اوووووى وصفك للموقف كله يا شيرين
بالرغم انك بتحكى موقف المفروض انه مبهج
بس لمحه الحزن اللى كانت بتتسرب من بين السطور دى حستها جدا
كل سنه وانتِ جميله وطيبه كده دايماً يارب :))

هبة فاروق يقول...

كل سنه وانتى طيبه سا اجمل شيرى
جعلتى من الكحك حدوته لها مذاق وطعم خاص ومختلف
دمتى مبدعه يا صاحبه القلب الرقيق

ميمي يقول...

كل سنة وانت طيبة ياشيرين وكل عائلتك يارب ،، جميلة التدوينة جدااااا عشت فيها بكل تفاصيلها
بحب عمل الكحك في البيت له نكهة مميزة وحلوة دايما من وانا صغيرة بساعد ماما فيه لأني بعشقه بجد ،،،،
تحياتي

سمير ابن القدس يقول...



كل عام وانت بخير وبركة من الله العلي القدير .
للعيد نكهة بطعم الكعك والسكر أتمنى بأن يهنأ حال الأمة ليتسنى لها بان تتذوق نكهة العيد .....

شمس النهار يقول...

:)
بالهنا والشفا
كل سنة وانتي طيبة

لابتحبي صباح ولا فريد :)))

Ramy يقول...

بالهنا و الشفا

(:

كل سنة و انت طيبة يا دكتورة

و عيد سعيد عليكى و على الأسرة

انا بحب صباح و فريد (:

Israa' A. Youssuf يقول...

من أول ماقرأت وأنا على بالي رز بلبن لشخصين.. لقيتك كاتبة هامش في الآخِر :))

بس شكله في الآخِر طلع حلو أوي :)

كل عام وإنتي طيبة :)

Tarkieb يقول...

كل سنة وانت طيبة والف هنا وشفا

موناليزا يقول...

كل سنة وأنتِ طيبة يا شيرين
ويارب يكون عيد سعيد علينا جميعاً

بما انى ما بحبش وقفة المطبخ فأكيد فى شقتى بإذن الله هشترى الكحك جاهز :)

قلم رصاص يقول...

كل سنه وحضرتك طيبة وعيد سعيييييييييد عليكم يارب :)

وهابي كحك D:

كريمة سندي يقول...

كل عام وانت بخير وهنا وسعادة يارب

Timo.. يقول...

كل سنة وانت طيبة يا شيرين :)

الحسينى يقول...

عزيزتى شيرين
كل سنة وانت والاسرة بخير
لو اتتنى الكتابة لكتبت عن كحك العيد ولكنها لا تأتى :)
التدوينة واحدة من اللى ممكن تسميهم master piece
سلام خاص لأمن وجورى وعيدك سعيد :)

P A S H A يقول...

كل سنة وأنتِ طيبة وبألف خير وصحة وسعادة أنتِ وأسرتك الكريمة وإن شاء الله يكون عيد سعيد عليكم جميعاً بإذن الله :)
تحياتنا

كلام حسام يقول...

لذيذة

الازهرى يقول...

السنة دلى ابتليت إن إخواتى البنات سافروا لعمتى آخر أيام فى رمضان

وكمان كنت اجازة وبناءا عليه

قعدت عملت مع أمى الكحت وسويته لها فى الفرن
وكمان خبزت معاها

وضاع العمر يا ولدى

كل لحظة وهى عيد سعيد على كل أحبابك

Sherif Tahoon يقول...

حقا استمتعت :-)

مصطفى سيف الدين يقول...

روعة
استمتعت جدا بها
و طريقة سردك فوق الرائعة
و اعجبتني النهاية الآملة فبعد الحرارة يأتي السكر

Simple Butterfly يقول...

بصراحة رائعة ... بسم الله ما شاء الله :)

شيرين سامي يقول...

رؤى عليوه:

كل سنة و إنتً بألف خير
الحقيقه أنا معرفش غير الجاهز فعلاً
يا رب يا جميل :)

شيرين سامي يقول...

وصف الإحساس:

لأ أنا مقدرش أضمن أي حاجه :)
الأجمل هي زيارتك
نورتيني

شيرين سامي يقول...

نيسان:

أكيد كحكك أحلى و أحلى و السنة الجايه عايزين ندوقه :)
كل سنة و إنتِ بألف خير إنت و أسرتك الكريمه.

أرق تحية لكِ

شيرين سامي يقول...

أحمد أحمد صالح:

بالهنا و الشفا يا فاندم و أنا مش مسئوله عن العواقب :)
كل سنة و إنت بألف خير و سعاده

شيرين سامي يقول...

إبراهيم رزق:

إيه الهديه الحلوه دي :)
كل سنة و حضرتك و أسرتك الكريمه كلها بألف خير و قُبُلاتي لساليناز.
الحقيقه موضوع البيكنج بودر مقدرش أفتي فيه بس جايز يكون صح :)

تحياتي و تقديري لك

شيرين سامي يقول...

ريماس:
مساءك ورد و جوري :)
و ده أغلى مساء عندي :))
تعليقك أسعدني أيتها المبدعه الجميله

كل سنة و إنتِ بألف خير و هنا

شيرين سامي يقول...

بنت من الزمن ده:

دائماً فهماني يا دينا :)
كل سنة و إنتِ أجمل و أطيب

شيرين سامي يقول...

هبه فاروق:

أشكرك يا هبه هو بقى أجمل أكيد لما تذوقتيه :)
كل سنة و إنتِ بألف خير و سعاده

شيرين سامي يقول...

ميمي:

كل سنة و إنتِ بألف خير سعيده إن التدوينه عجبتك و عايزين ندوق الكحك من إيدك العيد الجاي :)
نورتيني

شيرين سامي يقول...

سمير إبن المقدس:

أهلاً بك في زيارتك الأولى تشرفت بك جداً
كل سنة و إنت بألف خير و سعاده

نورتني

شيرين سامي يقول...

شمس النهار:

كل سنة و إنتِ أجمل و اسعد و اطيب :)

لأ مبحبهومش
:)

شيرين سامي يقول...

رامي:

أي حد رومانسي أكيد بيحب أغانيهم بس إنت عارف يا رامي أنا تقريباً كده مش رومانسية أوي :)

كل سنة و إنت بألف خير و هنا

شيرين سامي يقول...

إسراء يوسف:

أنا بحب تدوينة رز باللبن لشخصين جداً
لما أعمله السنة الجاية هقولك على طعمه :)

نورتيني

شيرين سامي يقول...

تركيب:

كل سنة و إنت بألف خير.. فينك؟
أو يمكن أنا اللي بختفي :)

شيرين سامي يقول...

موناليزا:

أنا كمان ماليش في وقفة المطبخ إلا تحت ظروف معينه..أكون لوحدي و براحتي :)

كل سنة و إنت بألف خير و هنا

شيرين سامي يقول...

قلم رصاص:

كل سنة و إنت طيب و بألف خير و هنا :)

شيرين سامي يقول...

كريمه سندي:

كل سنة و إنتِ طيبة و سعيده و بألف خير :)

شيرين سامي يقول...

تيمو:

تيموووو فينك مختفي بقالك شهور..

كل سنة و إنت بألف خير و سعاده

نورتني

شيرين سامي يقول...

الحسيني:

أخي العزيز أسعدتني زيارتك العزيزه جداً
أتمنى أن تأتيك الكتابه بشكل أكثر كثافه حتى تمتعنا بتدوناتك المميزه.

تحياتي الخالصه لك
و كل سنة و إنت بألف خير

شيرين سامي يقول...

باشا:

أشكرك يا فاندم :)
و كل سنة و إنت بألف خير
نورتني

شيرين سامي يقول...

كلام حسام:

بالهنا و الشفا :)

شيرين سامي يقول...

الأزهري:

هههههههههههههه
برافو عليك و الله بجد أنا بكون سعيده لما بلاقي راجل حريص على مساعدة والدته أو زوجته..خصوصاً في المناسبات دي.
عايزين ندوق بقى :)

كل سنة و كل أيامنا أعياد

شيرين سامي يقول...

شريف طاحون:

شكراً شريف :)

شيرين سامي يقول...

مصطفى سيف الدين:

صديقي العزيز كم أسعدني تعليقك كما يسعدني تواجدك دائماً و ملاحظاتك الدقيقه..دائماً السكر في النهايه يا مصطفى :)

كل سنة و إنت بألف خير و هنا

شيرين سامي يقول...

Simple Butterfly:

زيارتك هي الأروع :)

نورتيني