السبت، 4 أغسطس 2012

الظرف



من وقت ما إشتغلت و أنا كل يوم بشوف الظرف بيتنقل من واحده لواحده و من قسم لقسم
و كان لما بيجيلي كل مره بلاقي مكتوب عليه كلام مختلف..
إعانة أسر فقيره
علاج لأطفال مرضى
حُقن شهرية 
مستشفى مجدي يعقوب
لبس العيد لأسر فقيره
شنط رمضان
و هكذا...
بُكره بإذن الله أنا اللي هجيب الظرف و هكتب عليه


مستشفى أبو الريش


و هعدّيه على كل الأقسام
مش بس لأنه مستشفى ملائكة صغار
و مش عشان مالهاش نصيب في إعلانات التليفزيون
لكن عشان كنت بعدّي عليها كل يوم و أنا رايحة من محطة مترو السيدة زينب للكليه و كان قلبي بيتقطع لما ألاقي راجل شايل لفّه و بيبكي و جنبه زوجته بتصرخ في مشهد يومي..فقدوا زهرة حياتهم..عشان مفيش علاج في المستشفى..عشان مفيش أجهزة..ساعات عشان مفيش لبن!


أنا هكون موجوده بإذن الله مع المدونين قدام مستشفى أبو الريش الياباني الساعة 4 يوم السبت 11 أغسطس
اللي يقدر يجيب فلوس يكون لطيف
اللي مش هيقدر ممكن يجيب أي حاجه للأطفال
اللي مش هيقدر ممكن ييجي و يطبب عليهم بس 
اللي مش هيقدر أتمنى يدعيلهم


و متنسوش
"ما نقص مال عبد من صدقة، ولا ظلم عبد مظلمة فصبر عليها، إلا زاده الله بها عزاً"


{ لَنَ تَنَالُواْ البِرَّ حَتَّى تُنفِقُواْ مِمَّا تُحِبُّونَ وَمَا تُنفِقُواْ مِن شَىءٍ فَإِنَّ اللَّهَ بِهِ عَلِيمُ}آل عمران


((ما من يوم يصبح العباد فيه إلا ملكان ينزلان فيقول أحدهما :اللهم اعطي منفقاً خلفاً,
ويقول الآخر: اللهم أعط ممسكاً تلفاً)) (في الصحيحين)

التفاصيل هنا عند فاتيما روح قلب الملائكة
و هنا عند داليا قوس قزح
و هنا عند بت خيخه (بوست رائع و مؤثر جداً)


رمضان كريم عليكم جميعاً

هناك 13 تعليقًا:

ابراهيم رزق يقول...

جازاكى الله كل خير
جعله الله فى ميزان حسناتك

تحياتى

ابراهيم رزق يقول...

انا نوهت عن البوست ده عندى

Casper يقول...

جزاكي الله خيرا على التذكرة

أحمد أحمد صالح يقول...

مثلما قال الرسول صلى الله عليع وسلم ( مثل المؤمنين في توادهم وتراحمهم كمثل الجسد الواحد ) و انما هذا ليعلمنا معنى التكافل الاجتماعي،جزاك الله كل الخير دكتورة شيرين على التنويه و على المشاركة،و جازى الله كل المشاركين خيرا وجعله في ميزان حسناتهم،و ان عجزنا عن المشاركة بالتواجد أو المال فلا حجة لنا أن لا نشارك بالدعاء كما قلتي..تقبل الله منا و منكم..تحياتي و إحترامي

Angie يقول...

جزاكي الله خيراً

فاتيما يقول...

انتى .. حبيبتى .. يا شوشو
:)



تسلم الايادى

candy يقول...

ربنا يعينكم على عمل الخير ، ويدخل على القلوب الصغيرة المتألمة فرحة بسببكم :')

Deyaa Ezzat يقول...

جزاكم الله كل خير

إذا كنت متواجد ف القاهرة يومها هاجي إن شاء الله

عباس ابن فرناس يقول...

ربنايقدرك ويقدرنا ديما على فعل الخير يادكتوره

وكل سنه ونتى بالف خير
ورمضان كريم

;كارولين فاروق يقول...

حاحاول آجي
بس مش أكيد علشان ظروفي للأسف وحشه
بس حبيت اقولك ربنا يبارك فيكي
وفي كل من سيشارك هذا العمل الطيب
تحياتي

ظلالي البيضاء يقول...

ربما لم أتمنى أن أكون في القاهرة قبل اليوم أكثر من أمنيتي أن أكون فيها يوم السبت الموعود ..
جزاكم الله خيراً أختي شيرين وجزى الله كل من ساهم في هذه الدعوة كل الخير ..
وبارك المولى بكل من يذهب معكم أو يتمنى لو أنه استطاع الذهاب ..
مع التحية الطيبة ..

Bent Men ElZman Da !! يقول...

ربنا يجازيكى خير يا شيرين
كان نفسى فعلا اعملهم حاجه واجى معاكم :((

شيرين سامي يقول...

إبراهيم رزق
كاسبر
أحمد أحمد صالح
Angie
فاتيما :)
كاندي
ضياء عزت
عباس إبن فرناس
كارولين فاروق (حاولي)
ظلالي بيضاء
بنت من الزمن ده

أشكركم جداً و جزانا الله و إياكم
رمضان كريم علينا جميعاً
تحياتي و كل التقدير لكم