زي إنهارده لبست أجمل فستان في حياتي, شلال من النعومه بنور النهار و بريق الكريستال..ده كان فستاني اللي كان تصميمه مختلف عن أي تصميم تصورته أو رسمته قبل كده, بس إكتشفت إن الفستان بيبقى طبقات من الحب و الفرحة مش الأقمشه.
زي إنهارده أول ما شوفتني بوست إيدي و إنت بتديني الورد و ماخدتش بالك إن بابايا كان واقف, و قالك بضيق أنا بس اللي لاحظته "كنت خليها بعد كتب الكتاب"
زي إنهارده إتزفينا و إحنا مبنحبش الزفه بس كنا كل ما نبص في عنين بعض و نفتكر إننا بعد شويه هنبقى كيان واحد مش ممكن يفرقه غير اللي جمعه, بنبتسم و منفكرش في الكاميرات و الناس.
زي إنهارده أصحابي كانوا واقفين حواليه و أنا بمضي العقد و قالولي (مش هتكتبي شروط؟) قلتلهم شرطي الوحيد إنه ميجرحنيش في يوم من الأيام...شرط ميتكتبش يتحس بس.
زي إنهارده قلت لبابايا بصوت مشتاق و فرحان "زوجني موكلتك " وقالك و هو مبتسم و عنيه فيها دمعه بتعبير عمري ما هنساه وصوت رصين جميل " و أنا قبلت"
زي إنهارده كان أسعد و أجمل يوم في حياتي, و يمكن فاكره كل تفاصيله عشان بتفرج علي الفيديو كتير, بشوفه لما بنبقى زعلانين و أفضل أعيط, و بشوفه لما بنبقى بعاد و أفضل أفتكر, و بشوفه لما بتبقى قاسي عشان مزعلش منك, و بشوفه لما أحس إن الحياه بقت مادية أوي عشان أتشحن بوقود من المشاعر.
فاضل سنتين عشان تغنيلي الأغنية اللي بحبها من أول مره سمعتها و إستنتها... "أشهد ألا إمرأة أتقنت اللعبة إلا أنت...و إحتملت حماقة عشرة أعوام كما إحتملتي" زي ما غنيتلي زمان "قولي أحبك" و بعدها " زيديني عشقاً" و "يدُكِ" , صحيح إني عرفت بعد كده إنك كنت بتضحك على عقلي عشان عارف إني بحب الأغاني و الأشعار لكن إنت مالكش أساساً في القصائد و لا في الأدب عموماً, و مش هتقرى كلامي إنهارده غير بعد ما أعملك إيدي مسدس و أحطه على راسك و أجبرك إنك تقرى...بس أنا موافقه تضحك على عقلي :)
كل سنة و إنت سكني و أنا سكنك
هناك 31 تعليقًا:
كل سنة وانتي سعيدة
كل سنة وانتو مع بعض
كل سنة وربنا يباركلكم في ذريتكم واسرتكم
كل سنة وانتو بتحبو بعض
كل سنة وربنا يهنيكم ان شاء الله
عيد جواز سعيد
ربنا يخليكم لبعض يارب و عقبال ما تحتفلي في بعد مية سنة و جعلكما الى الله اقرب و جمعكما في الجنة كما جمعكما على الارض :)
كل عام و انتم بخير
ربنا يخليكم لبعض يارب
ويسعدكم دايماً ويهنيكم ان شاء الله
وعقبال 100 سنه مع بعض
عيد جواز كله حب ان شاء الله :)
كل سنة وانت بالف خير وسعادة ياحبيبة قلبي :)
إيه دا !!
أنتى غيرتى يومى النهاردة !!
ويمكن كل تفكيرى عن حاجة معينة كمان !!
هو ينفع حد بعد تمن سنين جواز يكتب الكلام دا ؟؟؟؟؟؟
وينفع حد بتحب الأشعار والأغانى والرويات تتجوز حد مالهوش فى الحاجات دى ويبقوا متوافقين ومبسوطين ؟؟
أصلا المشاعر بتاعت يوم الفرح بتبقى فعلاً عاملة كدة ؟؟ ولا ياترى الميكب مظبوط ؟؟ الشقة ناقصة الستاير .. أحنا نسينا نعزم مين ؟؟؟
ربنا يبارك فى حياتك
ويزود المحبة بينكم كمان وكمان
وبفرحكم ببعض دايماً
ويملا حياتكم جمال ومودة
:)
دايماً ياشيرى بحس فى كتاباتك بالبساطه والتفاؤل
ربنا يخليكم لبعض ياااااارب ويخليلكم جورى وآمن وتبقى حياتكم كلها سعاده
" قلتلهم شرطي الوحيد إنه ميجرحنيش في يوم من الأيام...شرط ميتكتبش يتحس بس. "
فعلاً هو يتحس بس (: (:
ربنا يسعدك (:
كل سنة وانتى فرحانة وسعيدة ديما ياااااااااارب
وكل سنة وانتم بتحبوا بعض وفرحانين باولادكم
ربنا يديمها عليكم نعمة
كل عام وانتي وزوجك بالف خير
السلام عليكم
كل سنة وانتم فى حب وسعادة
كل سنة وانتم بتجمعكم رحمة ومودة
كل سنة وانتم اسرة جميلة متكاتفة متماسكة قليها واحد شعورها واحد
كل سنة وانتم شئ واحد كيان واحد
كل لحظة وانتم حبيايب فرحانين
كل سنة وانتم طيبسين
عسل ياشيري..ربنا يخليكوا لبعض يارب ويحفظكم ويحفظ أولادكم يارب..ويسعدكم كمان وكمان وكل سنة والحب يجمعكم وكل سنة وانتم في سعادة وهنا وتعالي ياشيري لما ابخرك ياماما عشان العين ومين اللي المدونيين والمدونات هههههههه
كل سنه وانت طيبه وسعيده
كل سنه وانتم مع بعض
كل سنه والحب بيزيد بينكم
كل سنه وانتم قريبن من بعض
ملحوظه اعملي مسدس اعملي سيف بس مش تسبيه الا لما يقرا الكلام الجميل ده
تحياتي
إيه الكلام الجميل ده بس :))
كل سنة وإنتو طيبين . . :)
كل سنة و انت طيبة (:
عيد زواج سعيد
كل سنة و انتم سعداء مع بعض و مع أولادكم
ربنا معاكم دايماً
(:
الف مبروك حبيببتى
وكل عام وانتم فى سعاده وحب
ربنا بديم السعاده عليكم يارب
ههههههههههه
وبعدين ده العادى كل الرجاله كده
بيضحكوا على عقولنا
ربنا يحفظكم
تحياتى
بوست جميل يفيض بالاحساس
كل سنة و انتم مع بعض في حب و سلام نفسي
تحياتي
كل سنة وانتم طيبين
وعقبال عند جوري يا رب تفرحي فيها
كلمات رقيقة ...
ربنا يديم عليكم السعادة
شيرين
كل عيد جواز وانتوا بخير
وعقبال اليوبيل الماسى وانتوا سوا
ربنا يخليكى ليه وتشوفيه دايما زى ما تتمنى ويخليه ليكى وياكل عقلك :)
نصيحه: خفى شوية من الكلام الحلو ده عشان الحسد :)))) ربنا يحميكوا ويسعدكوا.
ربنا يسعدكوا يارب .. :)))
فراشة التدوين
كل سنة وانت سالمه وعيد زواج سعيد ... وعقبال العيد الفضي والذهبي والماسي كمان ... عن جد مافي أحلى من المشاعر الأصيلة بين الزوجين ... أذكر مقولة سمعتها في يوم من الايام عن حوار رجلين في طريقة قياس عمق الحب بين الرجل والمرأة فأجاب أحدهما : إذا لم يكن لك تاريخ مع المرأة فقطعا لن تكون حبيبها الأزلي ... ومشاء الله فقد مضى على زواجكما ثمانية أعوام وهذا تاريخ فيه من الذكريات وبكل تأكيد ماهو في غاية الروعة ... العمر كلو انشالله يا شيرين وربنا يخليكم ويحميكم ويحفظكم لبعض ومع كل سنة يكبر حبكم ويزيد وتفرحو بأولادكم وتشوفوهم بأعلى المراتب وأكيد زوجك مارح ينسى يغنيلك أغنية (( أشهد )) وأكيد مارح ينسى يوقف عند المقطع اللي بقول : (( أشهد أن لا امرأة على محيط خصرها تجتمع العصور وألف ألف كوكب يدور ))
لك مني كل الود
هل عندك شك فى انى حين عثرت عليك
ملكت مفاتيح الدنيا
هل عندك شك فى انى حين لمست يديك
تغير تكوين الدنيا
هل عندك شك ان دخولك فى قلبى
هو اعظم يوم فى التاريخ
و اجمل خبر فى الدنيا
نزار فبانى
كل سنة و انتو طيبين
و عقبال ميت سنة زواج
طبيعى البوست جدا و واقعى
ربنا يفرحكو ببعض و انتم تتمتعون فى مروج الزوجية مع اجمل زهرتين امن و جورى و تتنفسون عطرهم
كل سنة و انتم مرتاحين تالال
هادئى السر
ربنا يارب يقر اعينكم ببعض
ويرزقكم الذرية الصالحة اللهم امين
والف مبروك
وعقبال السنه المليون
كل عام وانتوا بخير وفرح وسعاده شيرين ...ما تخافيش حتسمعي الاغنيه اسرع مما بتتخيلي...السنوات بتركض ركض عجيب يا شيري...يا رب يسعدكم ويهنيكم على طول.
كل سنه وإنتم مع بعض فى فرح وخير وهنا وسعاده يارب
وعقبال الإحتفال باليوبيل الفضى ثم الذهبى :)
أمييييين
السلام عليكم ورحمة الله
كل سنة وانت بالف خير أدام الله عليك نعمة الستر والحب والهناء
تحياتي
كل سنة وانتم طيبين
وفرحااااانين
ربنا يديم عليكم الحب والود والفرح والسعادة
وعقبال اليوبيل الفضي والذهبي والماسي الي اخر اليوبيلات
:))))
اختى المبدعة شرين
نوران الشاملى كتبت بوست اعتذار لكى
هى كبرت فى نظرى اكثر ما هى كبيرة
خلاص يا شرين عفا الله عما سلف
الله يبارك فيكم جميعاً...أسعدتوني بشكل غير مسبوق..و خليتو يومي أجمل بكتيييير :)
يمكن ماكونش عايشه على شموع الرومانسية..و يمكن حياتي فيها عثرات و مشاكل زي أي حد..لكن بحب دائماً أكتب عن الأشياء الجميله عشان أفضل فكراها على طووول و بحب أبص للجانب الأجمل :)
تحياتي و حبي و إحترامي للجميع
السلام عليكم
الله الله الله..... :)
بجد معزوفة من الكلمات...
عجبتني جدا وتأثرت بيها جدا...
أختي شيرين تفوقتِ على نفسك...!
حقيقي استمتعت بالبوست الرقيق جدا ده...
ربنا يسعدك يا رب دائما...
بارك الله لكما دائما وابدا....
تحياتي أختي الكريمة.
............
هو فيه إيه؟ دا تالت بوست ذكرى زواج؟!!!! كده مراتي هتسألني ليه ما عملتليش بوست مخصوص في ذكرى جوازنا؟ :)))
صدفة غريبة!
ذكرى زواجك نفس ذكرى زواجي :)
لكن أنا أنهيت السنة السابعة
وأنتي الثامنة
كل عام ونحن بألف خير :)
يا شعبي الحبيب الصبور المهاود .. تكلم فأنت في قلبي ..
يعني لو كنت من شعب تاني لزوم أسكت ..
أول زيارة .. وإن شاء الله مش هتكون الأخيرة .. لو تسمحي للسوريين يتكلموا هنا ..
مبروك عليكو إنتوا الاتنين ..
تحياتي
يارب دائما فى سعاده وحب و أمل وصحه وخير وعقبال مليون سنه .......و فى حفظ الله ورعايته دائما
إرسال تعليق