الجمعة، 16 سبتمبر 2011

جوري


بين كل أفكاري و أحداثُ يومي

فكرة واحدة تُسيطر على رأسي

سؤال يُحيرني و يزيح النوم عن عيني

من ستكون صديقة عمري و رفيقة دربي

في زمن الصداقة فيه أصبحت أقرب إلى العدمِ

من ستكون حليفتي على أيام الغدر و الهمِ

في زمن أصبحت أصدق المشاعر شئ من الوهمِ

إلى من سأشكو آهاتي و أحكي حكاياتي

و أطمئن لسرّي

في زمن القلوب الخرساء و العقول الصمِ

و أشرقت شمساً في سمائي من حيث لا أدري

أيقنت حين وجدتها أن الرد كان عندي

كان بداخلي جوار قلبي

أقرب إلي من حُضني

أدركت حين رأيتها كم أحبتني و أحببتها

و ربتت عليّ بذراعها الصغير

فضمتني و ضممتها

و أصبح لا شئ يساوي سعادتي

عند النظر بعينها

و آه لو ضحكت...تضحك معها الدنيا

و ينهار همها و غمها

وداعاً يا دُمى الطفولة

فما أروع دُميتي

لم أجد أجمل أو أرق أو أعذب من صغيرتي

جاءت فملأت حياتي بأبهى الألوان و العطورِ

و نزعت ببرآتها كل الأشواك من زهوري

و زرعت بقلبي و حياتي بُستاناً من الجوري




أمورتي الحلوه جوري بقى عندها سنتين....كل سنة و هي حبيبتي :)


ملحوظة: العرسان يمتنعون...معندناش بنات للجواز :))

هناك 50 تعليقًا:

أشرف محيي الدين يقول...

فراشة التدوين :)

كل عام ووردتك الجورية بألف خير ... ماشاء الله عليها متل القمر ... انشالله بتكبر وبتكون جنبك صديقة وابنة وفية وبارة وتفرحي فيها وهي عروس ... وعلى فكرة ابني عمر كان عيد ميلادو قبل يومين وصار عمرو 3 سنين ... واسمحيلي رغم تحذيرك في نهاية الادراج إني اتقدم واخطبها لو :)

كلماتك روعة كالعادة وكم يتجلى فيها أروع أحاسيس الأنثى حين تتحدث بلسان الأم ... مبدعة يا فراشتنا في الكتابة عن أي دور أنثوي بمنتهى العذوبة و الروعة :)

لك مني كل الود

Unknown يقول...

أشرف محي الدين: أشرف مبسوطه إنك علقت بلهجتك لأني بحب اللهجه دي جداً:)

كل سنة و إنت بألف خير و كل سنة و إبنك عمر فارس الرومانسية الصغير بألف خير و سعاده...و أوعدك أفكر في مسألة الجواز دي :)
اشكرك جداً يا اشرف على ذوقك سعيده بتواجدك الرائع و في إنتظارك دائماً.

أرق تحية لك

FAW يقول...

كل سنة وهي طيبة وعقبال مليون سنة

لأ مليش فيه أنا وعدت فزاع إبني خلاص , متصغرينيش قدامه :)

الحسينى يقول...

مينفعش يبقى عيد ميلاد جورى وما امرش أقول كل سنة وجورى بالف خير وعقبال 100 سنة كلهم صحة وسعادة وهنا ان شاء الله
ربنا يخليهالكوا ويخليكوا ليها وتشوفيها عروسه ومتلاحقيش على الخطاب :)))
كل سنة وانتم بالف خير وتحياتى لاجمل وردة جورى

Ms Venus يقول...

حبيبتى عسوووووولة وزى العسل ما شاء الله عليها

ربنا يخليهالك يا شيرى يا رب ويحميها ويحفظها وتفرحى بيها دايما

سواح في ملك اللــــــــــــــــــه- يقول...

ماشاء الله لاقوة الا بالله

ربنا يحفظها ويخليها لوالديها

وتكون لكي نعم الابنة ونعم الصديقة

كل عام وهي بالف الف خير

حفظها الله واخوها لكم

Bent Men ElZman Da !! يقول...

ما شاء الله عليها زى القمر
كل سنه وهى طيبه وعقبال سنين كتير يارب
و ربنا يخليهالك وتفرحى بيها ان شاء الله :)

sabry abo-omar يقول...

الله جميلة اوى .. ربنا يخليهالك ويسعد أيامكم كلها.. فكرتنى ببنتى وهى فى سن سنتين، دى أسعد أيام حياتى ، عمرى بيقف وهى مش معايا ..أكيد هاتعملوا عيد ميلاد تحفة ليها.. كل سنة وانتم طيبين

ابراهيم رزق يقول...

سرداب فى مستشفى الولادة طويل
صرخات عذاب ورا كل باب و عويل
و فى الطريق متزوقين البنات
متزوقين ... للحب و المواويل
عجبى

يا بنت يا ام المريلة كحلى
يا شمس و هالا و طالا من الكولة
لو قلت عنك فى الغزل قولة
ممنوع عليا و لا مسموحلى
انا احب اقول الشعر فى الحلوين
و الحلو اقوله الشعر فى عيونه
و لو ابتديت بشفايفك النونو
ميكفونيش فيهم سبع دواوين
يا ملاك يا جنية يا ست الحسن
يعجبنى توهانك فى احلامك
يعجبنى شد الخصر بحزامك
راحو الصبايا و الصبايا جم
اجمل ما فيهم مين غير بنتى
و اجمل ما فيهم يا بنتى ان انتى
فى عنيكى انتى حنان الام

اذا كانت زهرة الجورى عند الغرب هى رمز الحب
فزهرتنا جورى هى رمز الحب و الجمال و الصفاء و النقاء
كل سنة و هى طيبة و جميلة
تعرفى يا شرين فكرك ده انا فكرت فيه
اللى مخلفش بنات مع احترامى لجميع الولاد لم يخلف
الولاد تشعرى كده انهم ملحوسين هههههه
مهما تعملى هما ملحوسين من جوه و من بره فى شراء الملابس ملابسهم تقليدية ليس بها اى متعة عكس البنات تحتارى و انتى بتشترى
مع احترامى للاستاذ امن بعد سنتين ثلاثة ستشعرى انه منفصل عنك له عالمه كورة بلاى ستيشن سيغرق فى هواياته
عكس البنت التى ستشعرك انها لن تبعد عنك ابدا تأخذك بالحضن و القبلات تنام بجوارك
البنات يا سلام على البنات
لكن زعلان منك يا شرين ابه التحزير الموجود ده العرسان يمتنعون
كده انا زعلت متفتكريش العريس زياد
انا العريس
ههههههههههههههه

ربنا يخلى لكى امن دائما باذن الله و و جورى الفيحاء الجميلة
على فكرة الرباعيات اهداء ليكى
اما المريلة الكحلى فدى هدية جورى و يا ريت تغنيها ليها

yosef يقول...

شيرين
صباح الخير
صباح الفل والياسمين لكِ ولها ولكل العائلة في هذا اليوم الجميل

وكل سنة وانتِ وهيّ والجميع بالف خير
وان شاء الله يا رب تبقى صديقتك ورفيقتك طول العمر

ما بتعرفي قديش انا بحب البنات الصغار وبموت فيهم

ربنا يخليهالك ويحفظها ويديمك لها

كل سنة وانتوا سالمين

مصطفى سيف الدين يقول...

كل سنة وهي طيبة وعقبال 100 سنة
بس ليه العرسان يمتنعون ؟
انا بدور على عروسة حلوة والحمد لله اهوه لقيتها :)
ربنا يخليهالك ويباركلك فيها ويخليها قرة عين ليكي ولوالدها ان شاء الله

Tarkieb يقول...

ربنا يخليهالك ويحفظها يارب .....ويبختها من سنتين ومعمول لها قصيدة من مامتها واحنا في سنها كنا بنضرب بالشبشب ...اختلاف اجيال بقى....

نيسآان يقول...

ما شاء الله ....تبارك الله فيما خلق,
جوري اسم على مسمى....
كل عام وجوري بخير.
وعلى فكره مش ح تستني لما تكبر حتى تكون صديقتك ...هي صديقتك من الان وهي اللي بتشعر فيكِ اكتر واحده في العيله.
حاسه فيكِ كتير شيرين...حاسه بفرحتك لضحكتها وسعادتك لوجودها في حياتك....حتى متفهمه ليش بتقولي ما في عندنا بنات للجواز !!!

سنه حلوه يا اجمل ورده في حياة شيرين.

شمس النهار يقول...

ماشاء الله ربنا يكرمك فيها
وخالي بالك البنات بتكبر
:))))
ان شاء الله تشوفيها عروسة وتجيب لك الاحفاد اللي همه فرحة بجد

لما كانت بنتي بتولد وانا وخداها في حضني حسيت شؤييييط طويل بيجري قصادي وافتكرتها وهي لسه مولودة لما جابوهالي من غرفة الاطفال بعد مافقت ودموعي اللي نزلت من الفرحة والحنية
وافتكرت اول ضحكة واول سنان واول مشي وقعدت احكي لها شوية حاجات علشان تنسي الم الولادة شوية
:))
كل سنة وبنوتك طيبة وسعيدة وبصحة وان شاء الله عقبال 100 سنة في رضا الله غليها وعليكي

حَنيّـن نِضال يقول...

ما شاء الله تتربى بعزك و عقبال ما تشوفي عيال عيال عيالها يارب و تكون ذرية صالحة و صديقة و سند و حبيبة في الدنيا

ينقطع عمل ابن ادم الا من ثلاث علم نافع و صدقة جارية و ولد صالح يدعو لك

عقبال ما شوفيها عروسة بالفستان الاربيض

سندباد يقول...

بسم الله ماشاء الله ربنا يحفظها ليكي ويحميها وتفرحي بيها كل سنة وهي طيبة
تبارك الخلاق فيما خلق

مدونة رحلة حياه يقول...

السلام عليكم
كل سنة وهى طيبة وانتم طيبين وبالفرح مبسوطين وع الطاعة متجمعين
ربنا يبارك لها وينبتها نباتا حسنا
ما احلى كلماتك
دومتى متألقة

غير معرف يقول...

كل سنه وجورى طيبه
عقبال ما تشوفيه اجمل عروسه فى الدنيا
ربنا يخليهالك يارب وميحرمكش من بعض ابدا

ربنا يبارك لك فيها يارب ماشاء الله اموره ربنا يحفظها

zizi يقول...

يا فرحتك بيها ويافرحتها هي بيكي يا احلى وارق ام ..وفعلاً بكرة لما تكبر حاتكون هي سرك الأمين اللي تقوليه وانت مطمنة انه جوه قلب حنون ..لايوم بيكي حايغدر ..ولامرة يقدر يخون ..وكلامك كله رقة وعذوبة ياست الحلوين ..

عاشقه الرومانسيه يقول...

كل سنه وهى صاحبتك وبنتك وحبيبتك وكل حاجه فى الدنيا
وعقبال ما تكتبى بوست فرحها بايدك واحنا نيجى نبارك وايد على الكيبورد وفى الايد التنايه عكاز وبنقول مبروك ياشت ام جورى
بس بلاش يكون الفرح فى شهر شته علشان هتكسف انطقها وشنانى واقعه

دعاء العطار يقول...

ياخرااااااشى ع العسل

بسم الله ماشاء الله .. ربنا يحميها يارب

ساعات كتير بحس ان احنا اللى بنستمد القوة من الاطفال مش الاطفال اللى بيستمدوها مننا

ساعات كتير بحس اننا الاضعف مش هما

بحسها اووووى لما ابقى متضايقه او زعلانه وأبص فى عيون بنت أختى والاقيها بتضحكلى ببراءه ونقاء

ساعتها بلاقينى ضحكت وحضنتها وانا حاسه انها بتقوينى

ربنا يخليلك جورى الاموره وتبقى صديقة عمرك (: (:

بنوتة مصرية يقول...

ربنا يخليهالك يارب .. وان شاء الله تشوفيها عروسة امورة


تحياتى

شمس العصارى يقول...

واوووووووووو اخر العنقود
ربنا يخليهالك يا شيرين هى واخواتها
وربنا يسعدكم فى اسرتكم دوما
تصدقى شبه الصورة اللى فى البروفايل
الا هما يقربوا لبعض ههههههههه بينهم 30 سنة مثلا

بنت قلبى يقول...

يا اختى عسل يا نااااس
عقبالى يارب لما اجيب قمر زى دا
الله يخلهالك ياارب

reemaas يقول...

كل سنة وهى بالف خير وجميله ديما يارب

Emtiaz Zourob يقول...

ماشاء الله عليها ، زي ورد الجوري هالجوري ، ربنا يحفظها يارب ويجعلها قرة عين لك ولوالدها ويجعلها من الذرية الصالحة ان شاء الله ..

هي أجمل من كل الدمى ,, وافضل من كل الصديقات .. ربنا يحميها يارب

وكل عام وهي بألف خير ، عقبال العمر كله يارب.

موناليزا يقول...

كل سنة وهى طيبة
ربنا يحميها ويبارك لك فيها يا حبيبتى

قلم رصاص يقول...

كل سنه وهي جميلة وطيبه وربنا يحفظها

لكن انا باخطبها رسمي لمادو ابن اخويا
وعاوزه تعرفي اخبار العريس هنا من البوست دا
http://2lamrosas.blogspot.com/2010/11/blog-post.html

:)))

مها البنا يقول...

بسم الله ما شاء الله ولا قوة الا بالله
قمررررر تبارك الله

تصدقى بالله ؟ ... أنا جسمى قشعر .. ربنا يباركلك فيها ويجعلها الذريه الصالحه يارب ويجعلها لكِ على خير ما تظنين .. أمين

Sarah .. يقول...

بسم الله ما شاء الله
ربنا يباركلك فيها ويحفظهالك يارب
ان شاء الله تشوفيها زى ما بتتمنى واكتر .. :)

Unknown يقول...

FAW: فزاع...هههههههههه
لأ واضح كده إنه هيبقى رومانسي خالص..على بركة الله :)
كل سنةو إنت بألف خير

Unknown يقول...

الحسينى:حمد الله على سلامتك..كل سنة و إنت بألف خير و سعاده.
شكراً أوييييي على معايدتك الحلوه و في إنتظارك دائماً.
تحياتي الخالصه لك

Unknown يقول...

Ms Venus: شكراً ليك يا فينوس ربنا يخليكي..كل سنة و إنت بألف خير و سعاده.
تحياتي و كل الود لكي

Unknown يقول...

سواح في ملك اللــــــــه: أشكرك يا أخي العزيز على المعايده و الدعوه الحلوه دي:)
كل سنة و إنت بألف خير و هنا

Unknown يقول...

Bent Men ElZman Da !!: ربنا يخليكي يا حبيبتي متشكره أوي على تعليقك و معايدتك الجميله :)
أرق تحية لكي

Unknown يقول...

sabry abo-omar: أنا مش فضوليه بس بجد كلامك أثر فيه جداً (هيه ليه مش معاك؟) سامحني مش عارفه ليه بسألك.

كل سنةو أنت بألف خير متشكره ليك أوي
تحياتي لك

Unknown يقول...

ابراهيم رزق: راحوا الصبايا و الصبايا جم
مبشوفش فيهم غير بنتي
و أحلى ما فيكي يا بنتي إن إنتي
في عنيكي نظرة في حنان الأم

يا سلام أقول إيه على الأبيات الجميله و الأغنية الأجمل...بشكرك أوييييي على ذوقك و رقتك بجد أسعدتني:)
أنا معاك جداً البنت حاجه تانيه...يعني أنا مثلاً صديقة مامتي و بكلمها مية مره في اليوم و بخرج معاها و أختارلها كل شئ و أنا كمان سر بابايا و ملجأه في أي شكوة لكن إخواتي الولاد...على طول مشغولين...و الحياة وخداهم.
على فكره آمن مشغول من دلوقتي بالgames و الكوره و أصحابه وهو لسه مكملش 7 سنين ! :)
كل سنة و حضرتك بألف خير و سعاده و هديتك رائعه أما العريس ظياد فده شرف لينا يا فندم :)
أنا على طووول بغنيلها :)

تحياتي و كل التقدير لحضرتك

Unknown يقول...

yosef: كل سنة و حضرتك طيب و بألف خير و سعاده :)
سعيده جداً بمعايدة حضرتك الرائعه و دعواتك الجميله ربنا يتقبل...و أنا أيضاً أعشق البنات الصغار لكن ليس عندما يبكين :)

تحياتي و دمت بكل خير

Unknown يقول...

مصطفى سيف : ربنا يخليك يا مصطفى كل سنة و إنت بألف خير و هحاول أفكر في موضوع العرسان ده:)

تحياتي و كل التقدير لك

Unknown يقول...

Tarkieb: و الله يا تركيب عادي أنا بكتبلها الكلمات دي و لما بتيجي تطفيلي اللاب توب و لا حاجه بقوم ضربها على إيدها :)
كل سنة و إنت بألف خير

Unknown يقول...

نيسان: ربنا يخليكي نيسان على تعليقك اللي فرح قلبي بجد :)
صعب موضوع الجواز ده مش ممكن بعدكل الحب و المجهود ده حدغريب ياخد كلللل ده على الجاهز...بس كلام في سرك أنا ممكن أوافق إنها تتجوز لكن إبني يتجوز هي دي اللي أصعب :)

نورتيني و أسعدتيني بالزياره
تحياتي و كل الود لكي

Unknown يقول...

شمس النهار: ربنا يخليكي على تعليقك و دعواتك الرائعه وإحساسك كأم و جده أكيد بيخلي دموعك أقرب لأن مفيش أجمل من ذكرياتنا مع اللي بنحبهم :)

سعيده جداً بمعايدتك الرقيقه الحنينه و ربنا يحفظك لولادك و أحفادك و يحفظك ليهم :)

تحياتي الخالصه لكي

آخر العنقــــــود يقول...

ما شاء الله
الله اكبر
ربنا يبارك لك فيها يارب ويخليهالك

ربنا يسعد ايامك بها ويرزقها برك وطاعتك
دمتِ بخير

Unknown يقول...

haneen nidal :ربنا يخليكي كل سنة و إنت بألف خير :)



سندباد: متشكره أوي يا أمجد ده من ذوقك :) كل سنة و إنت بألف خير



مدونة رحلة الحياة: شكراً على دعوتك الحلوه و عليقك الجميل ده كل سنة و إنت بألف خير :)

Unknown يقول...

الحب الجميل : ربنا يخليكي متكره أوي على ذوقك و رقتك كل سنة و إنت بألف خير و هنا :)



zizi : ماما زيزي إيه الكلام الحلو اللي زي السكر ده ربنا يخليكي و تسعديني كده دائماً :)



عاشقه الرومانسيه: دودو نورتيني يا حبيبتي في أول زياره و بشكرك أوي على تعليقك الحلو ده..ماتخافيش إحنا مش هنعجز أبداً :)

Unknown يقول...

دعاء العطار : ربنا يخليكي يا دودو يا رب و فعلاً أنا بستمد منهم بقائي و سعادتي و كل شئ...كل سنة و إنت بكل خير و سعاده :)


بنوته مصرية: ربنا يخليكي و يحفظك يا جميل :)


شمس العصارى: هههههه هي أجمل من أي صورة بروفايل عموماً :)
متشكره أوي على معايدتك الحلوه دي..كل سنة و إنت بألف خير

Unknown يقول...

بنت قلبي : عقبالك يا رب و كل الناس..متشكره أوي كل سنة و إنت طيبة و بخير :)



reemaas: و إنت طيبة يا حبيبتي و بألف خير :)



وجع البنفسج : ربنا يخليكي يا إمتياز أسعدتيني بتعليقك جداً كل سنة و إنت بألف خير و سعادة :)

Unknown يقول...

موناليزا: ربنا يخليكي حبيبتي و إنت بألف خير :)




قلم رصاص: يا سلام ده شرف لينا يا فندم..بس أما أشبع منها شوية :)
متشكره ليك أوي و كل سنة و إنت بألف خير :)

Unknown يقول...

مها البنا: ربنا يخليكي و يتقبل دعاءك متشكره أوي :)



Sarah : بشكرك على الدعوه الحلوه دي ربنا يتقبل...نورتيني :)



آخر العنقود: كلك ذوق حبيبتي بشكرك على الدعوات الحلوه دي...كل سنة و إنت بألف خير :)

زهرة يقول...

كل سنه و هى طيبة .. ايه العسل دة .. ماشاء الله يا شوشو ..

ربنا يبارك لك فيها ويحميها وتشوفيها عروسه زى القمر يا حبيبتى