الأحد، 8 أبريل، 2012

لم تكتب بعد..



أُحبك


إسمع هذه الكلمه بكل حواسك و إحفظها بإحساسك


اُحبــــــــــــك


تذكرها جيداً فأنا لن أقولها لك مرة أخرى
تذكر نبرة صوتي و أنا أنطقها
و رعشة جسدي 
و نظرة عيني التي أفطرت أخيراً بعد أن صامت سنوات عنك
و إسمح لي للمره الأولى و الأخيره
أن أتوسد صدرك
و أغرقه بدموعي
و أدفئة بأنفاسي المتلاحقه
لحظات فقط يا حبيبي
تحمّل نوبة جنوني الأخيرة
و لنتبادل في هذه اللحظات أدوارنا
سأبثك عذابي و الهوان و تبقى أنت الأمان
و ستلقي بألامك فوق صدري و تكون كطفلي
.
..
...
....


و الآن إنتهت اللحظات
و لأني أكره الوداع لن أودعك
أراك يا حبيبي في زمان غير الأزمنه و مكان غير الأماكن
و لكن عدني حتى لقاءنا ألا تنسى تلك اللحظات




مشهد من رواية لم تكتب بعد..




***************


على الهامش






متنسوش حفلة توقيع كتابي بنكهة مصر
يوم الثلاثاء 10 أبريل الساعة 7 مساء
بمكتبة (ألف) شارع الميرغني بعد كلية البنات


الحفلة ماليانه فقرات و كُتّاب و فنانين 
جدول الحفلة كالتالي:
أول فقرة

*
أنا


تاني فقرة 
*
*
برضو أنا


تالت فقرة
*
*
*
كمان أنا 


أيوه الحفلة دي مفيهاش غيري أنا :)
هتكلم عن الكتاب, عن نكهة مصر, عن المدونه, عنكم...و عني يعني
اللي يقدر يجي هستناه و أكون سعيده بيه
و اللي مش هيقدر.....


هكون سعيده بيه برضو :)

هناك 32 تعليقًا:

ابراهيم رزق يقول...

ملاك التدوين

تعالى احبك قبل الرحيل
فما عاد فى العمر الا القليل

اتينا الحياة بحلم برىء
فعربد فينا زمان بخيل
فاروق جويدة

سننتظر الرواية التى لم تكتمل بعد
و ان كان عدم اكتمالها يعطى لها غموض وجمال و اثارة

ناتى لحفل التوقيع
واضح ان فقرات الحفل كثيرة
و ده عايز تنظيم كبير بين الفقرات
واضح ان المنافسة هتكون شديدة بين التلات فقرات و كل ده لصالح المتفرج اللى هو
انا

الف مبروك للكتاب و سلام مخصوص لامن من ساليناز

تحياتى

ليلى الصباحى.. lolocat يقول...

السلام عليكم
بالبداية اهنيك على حفلة التوقيع
مبروووووووووك غاليتى تستحقى كل ثناء وتقدير فانت انسانة مجتهدة وقلمك راقى ومبدع بوركت دائما وسدد الله خطاك واسعد قلبك

ثانيا احييك على خاطرتك الجميييييييلة الرائعة واحساسها العذب ... احساس الانثى الهامس العاشق الرقيق

تحياتى لك غاليتى
دمت بخير
والف الف الف مبروووووووك موفقة دايما يارب

mira@ يقول...

انا دموعي غلبتني
يمكن عشان انا عاوزه اعيط اصلا
بس ده ميمنعش أد ايه المشهد رائع والوصف أروع
ان شاء الله هحاول اجي الحفله :)
الف مبروك يا دكتوره

Angham Salah يقول...

شيرين
ربنا يوفقك
ليتني ف مصر بجد بجد كنت هحاول اجي واتعرف علي هذه الشخصيه الملائكيه
تحياتي ليكي

شمس النهار يقول...

ايوة كده اقرا حاجات حلوة علي الصبح

مش عمر سليمان

:)

كلماتك جميلة
تستهلي كل خير ياشيرين

ومبروك احبيبتي
من نجاح لنجاح

eng_semsem يقول...

بالتوفيق دائما يا دكتوره ومن نجاح الى نجاح
جميله خاطرك وجميل وجودك وسطنا
تحياتي

Tarkieb يقول...

الف مبروك وبالتوفيق يارب

ريـــمـــاس يقول...

مساء الغاردينيا شيري
دائماً رائعة وحرفك راقي
فماأجمل همس الأنثى بـ الحب ورقتها حتى وهي في حالة ألم ورحيل
سـ أنتظر بشغف رواية لم تكتمل بعد :)
والف مبروك من جديد لكتابك وربي لو كنت في مصر كنت أول الحضور:) "
؛؛
؛
لروحك عبق الغاردينيا
كانت هنا
reemaas

لبنى أحمد نور يقول...

الله :)
أنا جاية بإذن الله يا شيرين
ربنا يوفقك يا رب

مها البنا يقول...

امال لو كانت اتكتبت كانت هتبقى ازاى؟؟

رووووووووعه

وبس :)

P A S H A يقول...

جميلة يا دكتورة :)
تسلم الأيادي ، وإن شاء الله بالتوفيق في حفلة التوقيع :)

ابراهيم رزق يقول...

مجلس العدل
ارجو المتابعة

http://loujain16.blogspot.com/2012/04/blog-post.html

زينة زيدان يقول...

رقيقة ناعمة تلك المشاعر
موجعة قاسية في نفس الوقت

عشت الموقف وانتظر الرواية


بالتوفيق دوما عزيزتي

re7ab.sale7 يقول...

الفقرة الخامسة
برضه انا
هههههههههههه
مبروك يا شيرين
بجد الكتاب رائع
وعجبني جدا
وانا قلت لك في المكالمة بينا الكلام ده
بس حبيت اقوله تاني
سعيدة اني شوفت
وكنت اتمني اجي تاني حفل توقيع
بس انت عارفة ظروف السفر
والحفل اللي فاتت بجد كنت تعبانة اووي
بتمني لك التوفيق

zizi يقول...

شيرين الحبيبة آسفة اني ماجيتش عشان ظروف خارجة تماماً عن ارادتي ولو كان بيدي لاخترقت الحجب آتية اليكي .زبصي يا سشيرين ماتنسيش تنزليلي المعطف 40 عندك في المعطف وشكراً ويارب تعجبكم ..

Carol يقول...

مبروك مبروك :)
انا حضرت حفلة توقيغ مكتبة الديوان في اسكندرية
و كان نفسي أسلم و أتعرف عليكي جدا بس كان لازم أمشي بدري للأسف
بس تتعوض إنشاء الله :)

شيرين سامي يقول...

إبراهيم رزق:
راااائعه القصيده حبيتها جداً :)
أشكرك يا استاذي العزيز

الرواية لم تكتب بعد :)
نورتني و شرفتني في الحفله جداً

كل التحية و التقدير لك

شيرين سامي يقول...

ليلى الصباحى.. lolocat ك
أختي الجميله لولو
و عليكم السلام و رحمة الله و بركاته
الله يبارك فيكي يا رب
مبسوطه إنالخاطره عجبتك :)
أرق تحية لكي

شيرين سامي يقول...

mira@ :
أكيد دموعك غلبتك لأنك قرأتيها بمشاعرك..
الله يبارك فيكي يا رب يسعدني التعرف عليكي :)

شيرين سامي يقول...

Angham Salah:
ربنا يخليكي يا أنغام كأنك جيتي تمام و إن شاء الله نتقابل عن قريب.
ألف شكر :)

شيرين سامي يقول...

شمس النهار:
عمر سليمان إيه بس
سلام قول من رب رحيم
:)
مبسوطه إنها عجبتك
الله يبارك فيكي يا رب
منوراني دائماً

شيرين سامي يقول...

eng_semsem:
الأجمل وجودي بينكم :)
الله يبارك فيك يا اسامه

شيرين سامي يقول...

Tarkieb:
الله يبارك فيك أشكرك يا تركيب :)

شيرين سامي يقول...

ريماس:
مساء الخير زهرة الجاردينيا الرقيقه :)
الرواية لم تكتب بعد لا أعرف إن كنت سأكتبها أم لا..
رائع شعورك و متوقع منك أختي الجميله
يا رب منوراني دائماً.

أرق و أعذب تحية لكي

شيرين سامي يقول...

لبنى أحمد نور:
شرفتيني و نورتيني يا كاتبتي الجميله الراقيه :)

شيرين سامي يقول...

مها البنا:
ده من ذوقك و رقتك يا مها :)
نورتيني يا جميل

شيرين سامي يقول...

P A S H A ;
سعيده إنها عجبتك :)
الله يبارك فيك
نورتني

شيرين سامي يقول...

إبراهيم رزق:
هحاول بجد

شيرين سامي يقول...

زينه زيدان:
صديقتي الجميله إشتقتك جداً :)
المشاعر الرقيقه أحياناً تصيبنا بالألم أكثر و تجعلنا نشعر بالقسوة بشكل أوضح.
أخشى أن يطول الإنتظار :)

نورتيني يا جميل

شيرين سامي يقول...

رحاب صالح:
مبسوطه برأيك في الكتاب و سعيده جداً بمكالمتك الغاليه و بتمنى دوام التواصل :)
يا رحاب كفايه إنك نورتي حفلة إسكندريه

أشكرك يا جميل و خلي بالك من صحاتك

أرق تحية لكي

شيرين سامي يقول...

ماما زيزي:
و لا يهمك كأنك جيتي تمام و كفاية تشريفك لي في حفل معرض الكتاب :)
أعتقد مصطفى سيف نزل الجزء ال40 و هروح أقراه حالاً.

تحياتي و كل الود لكي

شيرين سامي يقول...

Carol:
خسارة بجد كان نفسي أتعرف عل كاتبه رائعه زيك..تتعوض بإذن الله في حفل توقيع كتابك..ربنا يوفقك دائماً.
أسعدتني زيارتك و نورتي حفل ديوان أكيد

تحياتي