الأحد، 15 أبريل 2012

شكر و إعتذار

من حفل توقيع كتاب بنكهة مصر بمكتبة (ألف)
أصدقائي رفقاء القلم و متابعيني الأعزاء


وحشتوني :)


كنت عايزه أتقدم إنهارده بالشكر لكل من شرفني في حفلات توقيع الكتاب و كل من كانت عنده نيه و الظروف مسمحتش و لكل من كان ماعندوش النيه كمان..بجد أنا سعيده إن لي أسرة راااائعه على بلوجر و ده يكفيني جداً :)
أخصّ بالشكر


فاتيما
الرائعه روح قلب الملائكه زي ما بيسميها أ.إبراهيم, أم يوسف الإنسانه الجميله بحق و هديتها عندي غاليه جداً.


أ.إبراهيم رزق
أخي الأكبر و سندي و عزوتي في البلوجر هو و إبنته القمر ساليناز و تشريفه لي في الثلاث حفلات يعني لي الكثيييير جداً.


الورد الجمييييل ده هدية من ساليناز:)
رامي
الصديق الرائع اللي وجوده بيفاجئني و يسعدني و يطمّني كمان لأنه من أوائل المتابعين ليّ و لأن قلبه الطيب بيشع الدفئ على كل الموجودين...كل سنة و إنت طيب يا رامي لو بتقرى البوست :)


مدونين إسكندريه الجدعان أوي و الحلوين أوي كمان :)
إيمي
مارو
دودو عاشقة الرومانسية
و بصراحه لما قابلتهم حبيت إسكندريه جداً و حسيت إن بقى لي أهل هناك.


من حفل التوقيع الجماعي بالـ أسكندرية
منى أبو السعود
صديقتي و أختي الجميله الودوده اللي بتشجعني دائماً في السر قبل العلن. 


لبنى أحمد
الحضور الهادئ لشخصية ملائكيه صاحبة قلم اسطوري و فكر متميز. 


عبد الكريم صاحب مدونة شمس العصاري
من أوائل أصدقائي عل البلوجر وجوده كان مفاجاة ساره و سعدت و تشرفت بالتعرف على شخصه الكريم.


رحاب صالح
الرائعه راقيه الفكر أخيراً إتقابلنا من غير معاد و كأن القدر شاء أن تحضري حفل توقيع كتابي دون ترتيب لتكتمل سعادتي بالتعرف على صديقة قلمي منذ بداية التدوين.


مها البنا
المدونه الرقيقه الخجوله اللي شرفني حضورها حفل الإسكندريه و أسعدتني معرفتها جداً.


فاطمه وهيدي
الشاعره الجميله اللي نورتني بحضورها و أهدتني ديوانها الأول


و طبعاً المدونين اللي شرفوني في أول حفلة توقيع بمعرض الكتاب وأخصّ منهم:
ماما زيزي الجميله الطيبة
أ.فاروق فهمي و شمسه و قمره..كارولين و هبه.
و خالد سواح في ملك الله.
عارفه إنهم أكيد و غيرهم كتير زعلانين مني لعدم مداومتي على زيارة مدوناتهم و التعليق بإنتظام,
و عشان كده بعتذر لأي صديق أو صديقه زعلان مني لأني فعلاً كنت و مازلت أمرّ بحالة من إنشغال الوقت بشكل يفوق العادي و قلمي أصابته حمّى الكسل و عقلي أصابه تنميل غريب لا يساعد على الكتابه و المتابعه.
لكن هحاول بقدر إستطاعتي الرجوع لعهدي في مشاركتكم سواء بالكتابه أو بالقراءة و التعليق.


لكم مني كل الود و الشكر و التقدير


شيرين

هناك 24 تعليقًا:

The Royal Couturier يقول...

و الله كان عندى النية بس الحكومة منعتنى من النزول :((((

مبروك عموماً :)))

فشكووول يقول...

على فكره انا كنت رايح .. فوتيها دى بقى ..
الف مبروك على التوقيع وعقبال الكتاب القادم ان شاء الله
تحياتى

Angham Salah يقول...

مبرووووووك شيرين الف الف مبروك
بحب دايما ازورك واقرا كلماتك الجميله حتي وان كانت شكر واعتذار :))

ابراهيم رزق يقول...

ملاك التدوين
اختى العزيزة

انتى تستحقى كل خير باخلاقك الكريمة قبل ابداعك
عندما تيجتمع الابداع مع الاخلاق فبالتأكيد هو شرين سامى
ربنا يخليكى لزوجك و لامن و جورى و بابا و ماكما و يخليهم ليكى

تحياتى

فاتيما يقول...

:-*

Mona Abo - Elso3od يقول...

بتشكرينا علي ايه بس :)
انتي تستاهلي كل خير يا شيرين و يا رب دايما من نجاح لنجاح و ان شاء الله نكون معاكِ دايما في حفلات توقيع كتب قادمة

ربنا يفرح قلبك يا شيرين يا رب :)

;كارولين فاروق يقول...

الف مبروك يا شيرين
والله انا انشغلت الايام اللي فاتت
كتير ده غير استلام عمر جدول الامتحانات
ومن ساعتها وانا مشدوده
اما عن هذا الاعتذار فهذا يدل علي حساسيتك المفرطه التي تتساوي مع حساسيه والدي ...ابي عطوف جدا (يأخذ علي خاطره سريعا جدا) جدا جدا
نحن عائله كما قلت
والعائله لابد ان تتشارك في الفرح
وانا اشاركك الفرح يا شيرين هنا في مدونتك واقول لك الف الف مبروك وسلامي لأسرتك
تحياتي

ليلى الصباحى.. lolocat يقول...

السلام عليكم
اعتذار على ايه يا شيرين المفروض ان المقصر هو اللى يعتذر :)

سامحينى حبيبتى ظروفى ماسمحت ابدا بمشاركتك بالمكان لكن كان قلبى معاكى انت وكل الاصدقاء ربى يوفقك دايما ويوفقهم وبالنجاح والتألق يااااااااااارب
تستحقى كل خير حبيبتى وكفاية وجهك الطيب الصبوح
ربى يبارك لك وفيك وعليك غاليتى
ومن نجاح لنجاح دايما
الف مبرووووووووووووووووووووووووك

وفى انتظار ابداعاتك القادمة


والف مبروك لكل الاصدقاء اللى وقعوا معاكى كتبهم ويارب دايما فى زيادة والخير يعم كل القلوب والثقافة تمحى كل ضلال وجهل

بارك الله فيك ولك حبيبتى شيرين

وسماح لتقصيرى وما تنسينى بدعائك :)

دمت بكل خير وسعادة

عاشقه الرومانسيه يقول...

ياحلاووووووه انا اهو
أينعم بظهرى بس موجوده :))
نورتى اسكندريه ياشيرى
انا كنت فرحانه قوى لما شفتك
وفرحت اكتر لما قريت الكتاب بجد اكتر من راااااااااااائع
تسلم ايدك
دمتى مبدعه

ظلالي البيضاء يقول...
أزال المؤلف هذا التعليق.
ظلالي البيضاء يقول...

أختي الدكتورة شيرين ..
كم أغبط أهلي وأحبابي في مصر لتلك الجمعة الطيبة التي يجتمعون عليها في حفلات التوقيع وفي المهرجانات المتعلقة بالتدوين .. وكم أتمنى أن أشاركهم أفراحهم كما شاركتهم فيها في تدويناتهم ..

حتى إنني أصبحت أضيف لدي على الفيس بوك كل من وجدت بيني وبينه صديقاً أو أختاً من المدونين والمدونات ..

بكل الأحوال ألف ألف مبروك .. ولا أزال على إصراري بطلب نسخة من كتابك .. فقط لأنه "بنكهة مصر" مصر التي طالما عشقتها ..

د.ريان يقول...

صباح الخير ..د.شيرين الراقية

وألف مبروك لكم سيدتي هذا النجاح

تستحقين كل خير وطيبة أختي ويارب

يوفقكِ ومن نجاح إلى نجاح بإذن الله

تقبلي دعواتي بالنجاح في الحياة

العلمية والعملية

Bent Men ElZman Da !! يقول...

يارب دايماً فى نجاح كده يا شيرين
ويبقى اللى شاغلك حاجه كويسه وجميله اوى كده يارب
بالتوفيق دايماً :)

ريـــمـــاس يقول...

صباح الغاردينيا شيري
وألف مبروك من جديد ويارب من نجاح لنجاح انا طبعاً بتمنى لو كنت في مصر ماكنتش تأخرت أكيد بس بجد بغبطكم على لمتكم ويارب يجمعني فيكم في يوم والف مبروك ياشيري "
؛؛
؛
لروحك عبق الغاردينيا
كانت هنا
reemaas

هبة فاروق يقول...

شيرى أحنا أخوات حبيبتى ولا داعى أبدا للأعتذار واللى مفروض يعتذر أنا سامحينى على التقصير بس بالفعل الايام دى الكل مشغول وخاصه قدوم الامتحانات وبالطبع أنتى أيضا مشغوله وربنا يكون فى العون
مبروك على التوقيع وعلى الجوله الرائعه للكتاب بالفعل تستحقى كل خيرا وكل نجاح
ونحن عائله وسنظل عائله يا شيرين
تحياتى لك حبيبتى أختك هبه

re7ab.sale7 يقول...

صباح مشرق يا شرين
والله انا اللي بجد سعيدة جدا بلقائي معاكي ومع المدونين العسل يوم اسكندرية
ووالله لو اقدر اجي القاهرة كنت جيت بس بجد مشوار القاهرة صعب عليا كتير خصوصا اني تعبانة الايام دي
بس بجد انا اللي كنت سعيدة اكتر
وبلوجر ده بيتنا كلنا
وبحب بلوجر ومش بحب الفيس بوك
لان بلوجر له خصوصيتة وكمان اهميتة وشخصيتة الحلوة بينا
واما بالنسبة للتعليقات فأنا بعذر اي شخص
بس بحاول اني اطمن دايما علي اي حد غايب
والمهم عندي اني اطمن عليه وميهمنيش تعليق
بحبك جداااا وان شاء الله لو في سفر للقاهرة قريب اشوفك
:)

eng_semsem يقول...

المهم انك بخير وانا سعيد جدا بفرحتك وبنجاحك وان شاء الله اكون موجود في حفل التوقيع القادم لكتاب جديد يحمل توقيع الدكتوره شيرين
تحياتي وخالص تمنياتي بالتوفيق

أمل م.أ يقول...

الف الف مبروك يا شيرين
يا الله شو فرحانة الك بجد
يا ريت لو كان فيي اجي لمصر
ما كنت رح اتأخر ثانية
بس حسبي الله على الحظ ههههههه
بتمنالك دوما النجاح اكثر واكثر

كوني بخير دوما يا رب

لبنى أحمد نور يقول...

ربنا يحلي أيامك ويديم تألقك يا شيرين
وعقبال ما نشاركك كل فرحة ونجاح يا رب

نيللى يقول...

مبروك ياشيرين ويارب من نجاح لنجاح ويارب عقبال كل الكتب يارب واحضر حفلة التوقيع:)

FAW يقول...

والله بجد أنا من الناس اللي كان عندهم النية ، بس الظروف إتلخبطت مني
سماح بقي

ألف مبروك ومن نجاح لآخر

أنا كنت بستغرب لما بلاقي مدون بطّل يكتب بعد ما نشر كتاب ، بس فعلا حالة التنميل دي شائعة جدا وربنا يفكها ، أكيد ليها مسمي علمي ، متلازمة النشر مثلا :)

مبروك تاسع :)

تحياتي

شمس العصارى يقول...

ايه ده انا اسمى مكتوب :):)
انا سعدت فعلا بحضورى وقرات الكتاب وهو حلو
بالتوفيق فى الاعمال القادمة

مها البنا يقول...

ايه ده؟؟ إسمى موجود؟؟

تسلميلى يا شيرين .. أنا فعلا اللى سعيده جدا بالتعرف عليكى وكان نفسى اتعرف على باقى المدونين الموجودين بس مش كان عندى وقت واضطريت امشى بسرعه

عموما .. أنا عرفت أغلبهم بالشبه من طريقة الحوار وطريقة الكتابه على مدوناتهم وعلى رأسم أستاذ إبراهيم رزق وفاتيما

مها البنا يقول...

ايه ده؟؟ إسمى موجود؟؟

تسلميلى يا شيرين .. أنا فعلا اللى سعيده جدا بالتعرف عليكى وكان نفسى اتعرف على باقى المدونين الموجودين بس مش كان عندى وقت واضطريت امشى بسرعه

عموما .. أنا عرفت أغلبهم بالشبه من طريقة الحوار وطريقة الكتابه على مدوناتهم وعلى رأسم أستاذ إبراهيم رزق وفاتيما