السبت، 3 مارس، 2012

شوية حاجات


أصدقاء البلوجر الكرام وحشتوني بجد
عندي شوية أخبار أحب أشارككم بيها

أولاً
ده بوست لنوران الشاملي صاحبة مدونة بنت خيخة و أي كلام
يا ريت تشوفوه ولو حد قدر يتعاون مع الحالات اللي في البوست يكون له ثواب كبير
هي مش حالات إنسانيه من نوعية برنامج واحد من الناس و صبايا و كده
لأ دول مدونين زينا و ممكن نكون مكانهم في يوم من الأيام 
و دي ضرورة التكافل و حقهم علينا

ثانياً
ده بوست صديقتي الجميله المدونة الفلسطينيه زينة زيدان صاحبة مدونة شروق الشمس
و الحقيقه كان لي شرف مقابلتها لما زارت مصر 
و قضيت معاها هي و أخوها و زوجته يوم جميل في معرض الكتاب
منتهى الإحترام و الرقي و الدفئ الأسري حسيته معاهم
لأ و شربت شاي بالمرمريه المميزه كمان :)
و كان لي نصيب في هدايا من غزة ما أسعدني بها
بعتذر لو كنت متكلمتش عن الزياره قبل كده كنت منتظرة مزاج جيد
لكن زينه سبقتني ببوست أخجلني من روعته
وأحب اشكرها عليه من قلبي و أشكر نيسان أنها كانت سبب اللقاء

ثالثاً
أخيراً نزلت قائمة بأماكن تواجد الكتاب (بنكهة مصر)
و هي كالتالي:

اماكن توزيع الكتاب داخل القاهرة ...

مكتبات ألف - عنوان مكتبة ألف :

فرع الميرغنى : 132 شارع الميرغنى -هيلوبوليس اسفل كوبرى 

الميرغنى بعد كلية البنات


فرع الزمالك : 2 شارع طه حسين-الزمالك - أمام اليمامة سنتر - 

بجوار كلية التربية الموسيقية

فرع المعادى : 84شارع 9 المعادي بجوار محطة مترو المعادي
-----

مكتبة فكرة / سيتي ستارز
 
-----


عمر بوك ستورز : 15 شارع طلعت حرب - وسط البلد فوق مطعم 

فلفه
----
روكسي - اسماعيل (بائع جرائد) - ناصية الامفتريون

------


الاسكندرية :
مكتبة روايات - 67 ش مسلم بن الوليد - الموازى لمصطفى كامل – 

محطة قطار السوق

مكتبات ألف


مكتبة فكرة / سان ستيفانو

طارق خميس


-----


طنطا:
كشك أ.محمد عبد الكريم - خارج محطة قطار طنطا - باب الدرجة 

الأولى
-----
الزقازيق
مكتبة أ. محمد فوزى - ميدان الصاغة ش الجناينى بجوار زهور 

البحراوى

مكتبة طلعت


-----

سوهاج:


مكتبة الصحافة

-----

أسيوط:

مكتبة الصحافة

-----




أتمنى تقدروا تحصلوا على الكتاب و ينال إعجابكم

إجباري كده مش هزار :)


لكم مني كل الود و التقدير و الإحترام

*******************


ملحوظة: الصورة مالهاش علاقة بحاجه..نفسي فـ حصان مش أكتر 

:)

هناك 21 تعليقًا:

بـت خـيـخـة وأي كـلام يقول...

مش عارفة اقولك ايه يا شيرين

بجد الف شكر ليكي على مشاركتك دى


ربنا يباركلك يارب

شكرا يا شيرين

ابراهيم رزق يقول...

اية ده يا شرين ده نكهة مصر وصلت اسيوط
عقبال ما توصل جنا و دى مسئولية الجناوى مصطفى سيف
انا قلت له يعمل فرع فى الصيدلية للكتب
اشمعنى الصيدليات بتبيع شيكولاتة تبيع كتب كمان
ههههههههههههههه
سعيد بتنويهك لبوست نوران ربنا يجازيها و يجازيكو كل خير
معلش مشفتش بوستك الاخير اللى دلوقتى مع انى بدخل بلوجر كتير لكن ظروفى ملخبطة شوية معلقتش عليه اللى دلوقتى
مبروك توزيع الكتاب و عقبال الاردن و فلسطين و السعودية و دى مسئولية ناس عارفين نفسهم
باغبطك على مقابلة اخت الشهيد الاخت العزيزة زينة
تحياتى

شمس النهار يقول...

انتي كمان وحشتينا
والف مبروك علي الكتاب
كان نفسي اكون معاكم بس الظروف منعتني
ان شاء الله الكتاب القادم اكون معاكم

دعاء العطار يقول...

هييييه الكتاب عندنا ف طنطا

الف مبروووووك ياشيرى

ووحشتينا اووووووى :)

سواح في ملك اللــــــــــــــــــه- يقول...

شكرا ليكي للاشارة الانسانية لبوست نوران

تحيتي

عرفة فاروق عبد لله يقول...

اولا حمد الله على السلامة

ثانيا جميلة لفتتك لبوست نوران

ثالثا انا هستنى الطبعة التانية من الكتاب بس لما يترجم انجليزى ان شاء الله

ملحوظة

لغتى الانجليزية ضعيفة جدا

مصطفى سيف الدين يقول...

وانا كمان نفسي في حصان لو لقيتي اعملي حسابي في واحد معاكي
عملتي لفتة طيبة بنشر بوست نوران بارك الله فيها و في ميزان حسنات كل من يساهم في ذلك
معلش الرسالة دي عايز اوصلها لابراهيم
يا عم ابراهيم جنا مش بتاعت صيدليات و لا مكتبات جنا بتاعت جورينوفات و رشاشات :)

زينة زيدان يقول...

عزيزتي شيرين

لفتة انسانية تحمل هدف نبيل
ومشاركة وتحمل مسئولية اتجاه المدونين
فجزاكِ الله كل خير

وأبارك لكِ توفر كتابك على نطاق واسع
من المحافظات وأتمنى لكِ نجاح عظيم..

وما نشرت عن لقائنا وعن كتابك إلا جزء قليل من مكنونات صدري اتجاهك شخصيا
واتجاه اسلوبك الجميل السلس
فأنا حقا أشعر بالتقصير
وان شا الله تكون لنا لقاءات أخرى
ويكون لي الشرف برؤيتك والتعرف
إلى الجميع..
أشكرك أخي ابراهيم وربما يكون لنا لقاء في يوم ما .. بس عندي شرط هو ـكتب عني بوست بعنوان قابلت هؤلاء
هههههههه
تحيتي للجميع

بنوتة مصرية يقول...

مبروك والله شئ جميل عقبال الكتاب الثانى

أمة الرحمن يقول...

اشمعنى المنصورة مفيهاش ؟؟؟

والحصان كده 3 طلبات بس ياريت ابيض :)

واللفتات الانسانية اكيد مش غريبه عنك ياشيرين

اما شوية الحجات فاشترك معك فيه وقت بنحس ان فعلا فيه كام حاجة محتاجين نتكلم عنها بس عشان تهدى جوانا انا دلوقتى كل كلامى عن الحياه خارج مصر يمكن لانها المرة الاول حتى لو زيارة قصيره لكن حبيت اكتب عنها وعن الحجات اللى بحسها فيها

دمت بكل خير

شيرين سامي يقول...

متقوليش حاجه يا نوران
لا شكر على واجب
ربنا يديم عليكي نشاطك و روعة فعلك للخير دائماً.
العفو يا فاندم :)

شيرين سامي يقول...

الحمد لله إن اللخبطه عدت على خير يا أستاذ إبراهيم و ألف مبروك المولوده الجميله ربنا يجعلها قرة عين لك :)
تحياتي الخالصه أستاذي العزيز

شيرين سامي يقول...

شمس النهار ربنا يجعل اللي جاي أفضل دائماً إنت كمان وحشاني جداً :)
نتقابل على خير بإذن الله

شيرين سامي يقول...

دعاء..إنت كمان وحشاني أوي هستنى رايك في الكتاب :)

شيرين سامي يقول...

سواح في ملك الله : العفو يا فاندم :)

شيرين سامي يقول...

عرفه فاروق :
:)
شكراً ليك و أكيد أتمنى إن الكتاب يكون معاك..و هستنى رأيك يا فاندم :)
تحياتي الخالصه لك

شيرين سامي يقول...

مصطفى سيف:
أشكرك يا صديقي العزيز
منورني دائماً
:)

شيرين سامي يقول...

زينه زيدان:
صديقتي الجميله أتمنى تجمعنا لقاءات أخرى أطول و أجمل :)
و سعيده جداً بوجودك بين حروفي

لك مني أرق تحية

شيرين سامي يقول...

بنوته مصريه:
الله يبارك فيكي يا جميل :)

شيرين سامي يقول...

أمة الرحمن:
شكراً ليكي بجد و يا رب يرزقنا ب 3 حصنه بس أنا بتاعي بني :)
مش عارفه صحيح إشمعنى المنصوره..هسأل في الحكايه دي
ربنا يرجعك بالسلامه و يهون الغربه

نورتيني
تحياتي الخالصه لكي

Angham Salah يقول...

مبروووووووووك :))