الأربعاء، 28 مارس، 2012

أبجدية إبداع عفوي..حلم يتحقق

عندما تقطف ثمرة ناضجه من شجره شاهقه وارفة ممشوقة الأغصان في بستان عامر بالجمال الطبيعي و الألوان الأخاذه فأنت بكل تأكيد قد قطفت ثمرة  "أبجدية إبداع عفوي" عندما يكون الإبداع طبيعي غير مهجن ممتزج بفطرة القلم و نقاء الرؤى و عذوبة الأفكار..هكذا رأيت هذا الكتاب الطازج الذي تذوقت أبجديته بنكهات متنوعه من الإبداع الذي يسرق الإحساس بعفويته.


الكتاب بأقلام 80 مدون و مدونه و أجمل ما في الحدوته منذ بدايتها أنها قامت على إختيار أفضل تدوينات في شهر يونيو 2011 بالتصويت و بآراء لجنة تحكيم, بمعنى أن التدوينات المنشوره مُختاره بعناية و ليست لكاتب أراد أن يجمع كتاباته أو كاتبه أرادت أن تنشر خواطرها, و النتيجه كانت مجموعه من الأفكار و الأحلام  بهويات متنوعه و بإرادة واحده و مستوى أدبي مميز أثرى الأدب العربي في رأيي المتواضع.




 أما عن الإهداء فهو يحمل بين طياته مشاعر سنة كامله من عذابات الوطن العربي في اللهث وراء حرية مغتصبه


كنا شركاء في حلم الحرية,
لكنهم ضحوا بأرواحهم و رحلوا..
لنحياها نحن!
نهدي كتابنا لهم جميعاً;
لشهداء الثورات العربية.

المقدمه بقلم الرائعه الناشطه الأدبيه لبنى نور و التي لولاها بعد إرادة الله ما كان ليرى الكتاب نور الإنترنت و دفئ المطبعه.


الأبجدية هي النواة الحميميه لكل كلمة, فكرة و تعبير. حيث تتعدد توافيق الأحرف و المفردات يتخلّق الإبداع. بين أيديكم باقة مئوية بين أدب, فكر, سياسه, إجتماع, إنسان يعبر عن نفسه, مجتمعه و عالمه برُقيّ و حُريّة.

طبعاً الكلام الجامد ده للبنى نور :)
الكتاب هو وطنا واقعنا حياتنا و أحلامنا نلمسها بين قصص الكُتّاب, شعرهم و نثرهم, خاطراتهم, مجتمعاتهم, آراءهم و رؤاهم, لا أستطيع أن أشير إلى مقطوعة عزف من سيموفونية الكتاب بعينها حتى لا أظلم باقي المقطوعات الأدبية الرائعه, أسرتني حواديت الثورة المكتوبه بشكل جذاب غير تقليدي و ليس مجرد سرد لأحداث عايشناها, جذبتني الرومانسية الهادئه و الإنسانيه القريبة إلى القلب و الأفكار الإنسيابية في المقالات المتنوعه و التي تمثلنا كجيل من شباب الوطن العربي ظنه الجميع فقير في الإبداع و التعبير عن الرأي الحُر.


هذا الكتاب يحمل لُغتنا و أسلوبنا و مشاعرنا و يطرح آراءنا و أفكارنا..كتاب بنكهات متعدده من الإبداع سعيده أنني إحدى هذه النكهات :)


و ده جدول حفلات التوقيع


حفلة توقيع أبجدية إبداع عفوي
الساعة السادسه مساء يوم السبت 31 مارس باستوديو أرابيسك, الدور الرابع 2 ممر بهلر شارع قصر النيل من ميدان طلعت حرب وسط البلد.
هستناكم :)


حفلة توقيع كتب ضوء اسود و في صحتك يا وطن و حكايات النورس و كتاب بنكهة مصر
بمكتبة ديوان بالاسكندرية يوم الجمعة 6 ابريل 2012 الساعة الرابعة عصرا
والعنوان / مكتبة اسكندرية - الشاطبي - محل رقم 4 - مكتبة ديوان

المدونين الإسكندرانيه..عايزه أشوفكم :)


حفلة توقيع كتاب بنكهة مصر
يوم الثلاثاء 10 أبريل الساعة السابعة مساء بمكتبة (ألف) شارع الميرغني بعد كلية البنات 
اللي مش هيجي مش هزعل منه..هكرهوا بس :))


دووس على اللينك و إعمل join ما أروع الإحتفال بالنجاح و ما أجمل أن أراكم :)

هناك 8 تعليقات:

لبنى أحمد نور يقول...

مازلت مصرة إنك جميلة وإنك دائمًا تزدادين جمالا
شيرين اللي بتكتب بكل براءة وعفوية هي نفسها شيرين اللي بتشع نورًا في وجه من يلتقيها هي نفسها شيرين الحدوتة
"يوم الخميس" قصة من أجمل قصص الكتاب وكذلك مشاركاتك الأخرى الموجودة في النسخة الإلكترونية
ربنا يحلي أيامك بأحلى النكهات :)

eng_semsem يقول...

يا خساره كان نفسي احضر واكون معاكم واشارككم الفرحه والنجاح بس غصب عني
وان شاء الله احضر حفل توقيع كتابك القادم يا دكتوره
تمنياتي بالتوفيق لجميع اصدقاء التدوين

فاتيما يقول...

أنا جاية السبت ان شاء الله يا شوشو
وجاية كمان اسكندرية لو عشنا وربنا اراد ...

أنا حلوة أهو
جيت تلات حفلات من أربعة
انا عاوزة جايزة بقى ع الحكاية دى

:)

بصراحة
عشان ابقى صريحة
ف معرض الكتاب جيتلك انتى و مصطفى ونور ..
السبت الجاى انا جاية مخصوص للبنى و إيثار ...
وكل حد تانى بعد كده ف الكتاب
فمعلش
:)

ان شاء الله من نجاح لنجاح
ودايما رافعين راسنا و محسسينا بالفخر
والإحساس بالإنجاز

ألف مبروك للكل
و عقبال كتابكم الجاى يا بنات

بوسات وحضونات يا حبيبتى

مصطفى سيف الدين يقول...

انا فخور باشتراكي مع النخبة المبدعة في نفس الكتاب و اتمنى التوفيق دايما
و عقبال الاصدارات القادمة من الفكرة
شكرا يا شيرين
و كويس انك اعلنتي على حفلة توقيعنا

عرفة فاروق عبد لله يقول...

يعنى المفروض نحضر التلت حفلات


طيب هنشترى الكتاب فى كل حفلة


ولا هناخد توقيع فى كل حفلة

للأسف صعب اروح اسكندرية بس اكيد هكون موجود فى حفلة ارابيسك لقراءة الكتاب الذى سمعت عنه الكثير ورأيت

Noha Saleh يقول...

بالرغم من انى ماشوفتكيش بس معرفش ليه بحبك جدا
ربنا يوفقك

شمس النهار يقول...

مبروك لكل البلوجارية
:))
شوفي اللينك ده وياريت تشتركي
http://anahora.blogspot.com/2012/03/2012.html

mira@ يقول...

والله يا جماعه انتو بتبهروني
وبتخلوني اتمسك بحلمي اكتر واكتر اني في يوم من الايام هيتنشرلي حاجه
بس ممكن حد ينصحني ابدأ مسيرتي ازاي ؟؟