الأحد، 16 أكتوبر 2011

كتابي "بنكهة مصر"+ أول خبر صحفي عن الكتاب


أحلامنا هتتحقق

و كلامنا هيتصدق

و الغايب هيعود

ربك لما يريد

الصعب بيتهوّن

و الحزن بيتلوّن

طول ما الإيد فـ الإيد

ربك لما يريد

قلب العاصي يسلّم

و عيونا هتتكلم

و لا شئ يبقى بعيد

حلم كنت بحلم بيه بس مش كل يوم...أمنية كنت بتمناها بس مش كل ساعة...خطوة كنت مستنياها بس عمر ما قلبي إتعلق بيها...مبحبش أتعلق بحاجه عشان بتاخدني أوي من نفسي...لما فكرت إني أكتب كان نفسي الناس كلها تقرالي تقراني...عشان أحس إن كلامي شاف النور و بقى له عمر بيتحسب...و لما لاقيت هنا في حضن مدونتي حدوتي المصرية حب و تشجيع عمري ما حسيته غير هنا...عرفت إني هوصل لحلمي...لأني من غيركم مكنتش هفكر أنشر أبداً.

و عشان كده كنت مستنيه اللحظة دي لما أزف لكم خبر نشر كتابي الأول...فرحتي و أنا بعلن عن الكتاب هنا في بيتي و معاكم أكبر من أي فرحة و أنا بعلن لأي حد...كتابي جمعت فيه بعض من حواديتي المنشوره هنا و بعض الحواديت اللي لسه لم تنشر بعد...حواديت كلها عنك و عني و عن أهالينا و أصحابنا...مصر زي ماهيه بجمالها و مشاكلها و عذابها و عشقها...حواديت بيربط بينهم خط واحد و ليهم نكهة واحدة...نكهة مصر.

عايزه أشكر الأستاذ محمد سامي و دار ليلى على مبادرتهم للنشر لمن يستحق لأنهم فتحوا الباب لمُحبي الكتابه إنهم يخطوا خطوات جديده و يحققوا جزء من ذاتهم بنشر كتاباتهم, المبادرة لسه مفتوحه لحد يوم 31 أكتوبر لو أي حد حابب إنه يشترك..لسه عندك فرصه.



و الورد اللي تحت ده لأستاذ ماجد القاضي عشان مساعدته ليه في تصميم الغلاف...شكراً أستاذي و لن أنسى موقفك معي أبداً.

و الشكولاته دي حلاوة الكتاب كل واحد ياخد زي ما هوه عايز

و وايت تشوكوليت كمان


الكتاب هينزل إن شاء الله في معرض الكتاب آخر ديسمبر...هيكون في حفلة توقيع أكيد أتمنى أشوفكم كلكم يومها بجد.

مين عايز يدوق كتاب بنكهة مصر؟
:)

هناك 48 تعليقًا:

beautiful mind يقول...

والله اتمني اكون موجود اليوم دا
شكله كتاب بمذاق مصري خاص
الف مبروك يا دكتور
ويارب يبقي بدل الكتاب الف
وان شاء الله احمل خطوة

FAW يقول...
أزال المؤلف هذا التعليق.
FAW يقول...

أنا عايز

وهستني حفل التوقيع بفارغ الصبر وأكيد هشتري الكتاب

ألف ألف مبروك وربنا يوفقك دايما وتحققي كل اللي نفسك فيه يا شيرين يا أم آمن :)

بنوتة مصرية يقول...

مبروك الف مليون مبروك ان شاء الله اشتريه ....

هشام الجندي يقول...

أتمنى لك التوفيق من كل قلبي يا أختى الغالية وسأنتظره بإذن الله

دعاء العطار يقول...

الله ياشيررررى

الف مبرووووووووووك وبجد انتى تستاهلى اكتر من كده كمان

ان شاء الله احضر حفل توقيع كتابك

وان شاء الله من نجاح لنجاح دايماً

وطبعاً اكيد كل اللى بيقرا لشيرين سامى نفسه يقرا كتاب بنكهة مصر

ربنا يوفقك يارب (: (:

ابراهيم رزق يقول...

ورد فى ورق سوليفان يا حلو اهديلك
و لا انقله بالشتلة فى الطين و اجيلك
الاولانى لو وحا باعجابى
عجبى على التانى بايه يوحيلك
عجبى ؟؟؟

اختى المبدعة شرين
الف الف الف مبروك
اخيرا الواحد سمع خبر حلو وسط حالة الاحباط اللى الواحد عايشها
الكتاب جميل بأذن الله لانك معجونة بتراب البلد دى و نكهة مصر هى نكهتك
الف مبروك مرة اخرى

تحياتى و تقديرى لابداعك و عقبال كل مبدع صادق

zizi يقول...

الله على المفاجآت الحلوة لما تتوالى ..انتي تستاهلي كل خير عشان قلبك اللي بلون الورد ده ..الف الف مبروك ..تحياتي ودعواتي لكِ بكل حاجة حلوة ..

نيسآان يقول...

ما دام الكتاب بنكهة مصر وبنَفَس شيرين اكيد طعمه زي العسل:)

الف مبروك شيرين وبالتوفيق ان شاء الله

Carmen يقول...

الف مبروك ياحبيبة قلبي :*

Mostafa gazar يقول...

ألف مليوون مبروووووووووك يا شيرين ووالله زى ما قولتلك قبل كده كان نفسى يكون لكى كتب تجمع أعمالك الرائعه ....بجد أنا مبسوط جداااااااااا وفرحان ليكى كتير ......أنتى أديبه متميزه و أعمالك فى قمة الروعه .... و أكيد طبعا هنيجى نحتفل معاكى فى حفل توقيع الكتاب وفى انتظار شهر ديسمبر بفارغ الصبر .و أول فرصه أكون فيها فى القاهره أكيد هدور على( بنكهة مصر)......و ربنا يوفقك وييسرلك الأمور ويارب تكون بدايه لانطلاقه قويه وناجحه نحو المزيد من الابداع والكتب الرائعه.......و فى رعاية الله وحفظه :-)

مصطفى سيف الدين يقول...

بصراحة لمسة الاستاذ ماجد القاضي كانت لمسة عبقرية فعلا
الغلاف بقى روعة دلوقت
طبعا يا شيرين كل الشيكولاتة دي ليا انا لوحدي مش عاملة حساب ليه لباقي الزوار؟ههههههه
الف مليون مبروك يا شيرين وعقبال الكتاب الالف

مصطفى سيف الدين يقول...

بصراحة لمسة الاستاذ ماجد القاضي كانت لمسة عبقرية فعلا
الغلاف بقى روعة دلوقت
طبعا يا شيرين كل الشيكولاتة دي ليا انا لوحدي مش عاملة حساب ليه لباقي الزوار؟ههههههه
الف مليون مبروك يا شيرين وعقبال الكتاب الالف

سندباد يقول...

الف مبروك ياشرين وان شاء الله القادم افضل انتي تستاهلي اكتر من كده
من نجاح الي نجاح ان شاء الله
الف مبروك مرة تانية
ومبروك اكيد لينا كلنا

أشرف محيي الدين يقول...

فراشة التدوين

كم أنا سعيد بهذا الخبر وكم أفاخر بقلمك الرائع الذي راهنت على تألقه ونجاحه وابداعه دوما منذ أول حرف قرأته لك ... ألف مبروك يا شيرين :)

صدقا عاجز عن التعبير عن فرحتي ... خانني قلمي :)

reemaas يقول...

مبروك تاااااااااااانى ومصرة انى عاوزة نسخة موقعه ماعرفش اخدها ازاى اقترحى عليا المهم لازم اخدها

سواح في ملك اللــــــــــــــــــه- يقول...

تعرفي يادكتورة

والله انا فرحان جدا

ومش عارف اوصف مشاعري

بس عايز اقوللك دعوة حلوة

ربنا يزيدك من علمه

ويكرمك مبرووك الف مليون ميروك

candy يقول...

وااااااااااااو
كنت حاسة أن شرين سامى بتاعت الكتاب هى أنتى !
مبرووووووووووووووووووووك
أنا شفت الغلاف من زمان فى الجروب على الفيس وعجبنى جدااااااااااا
أنا هاحضر إن شاء الله علشان أنا كمان ليا كتاب تبع النشر لمن يستحق اسمه :
"دوامات العيش الحاف"
قصص برضه :)
فرحانة جدا بالفرصة دى وأنى هاقابل ناس زيك :))
ربنا يكمل على خير
وبالتوفيق والنجاح

Kem يقول...

اروروروروروروى :))))))
طب و الله تصدقى انى كنت مكتئب و خبرك ده فرحنى جدااا :)))
يلا هغنيلك (الحمد لله انه كتابة مش هتسمعونى) زغروطة حلوة رنت فى بيتنا :)))))

مبروك جدا اوى خالص , عقبال الكتب الكتير اللى بعده ان شاء الله :)
بس ليا رجاء بليز , قوليلنا اول ما تعرفى ميعاد التوقيع, و اعملى فرح يعنى اكتبى كزا مرة عشان اللى مخدش باله اول مرة ياخد , عشان اعرف اظبط امورى و اجى يتوقعلى الكتاب :)))
لازم تكتبيلى اهداء مميز انا اخوكى الصغير المميز (المجنون) :))

Mona Hekal يقول...

الف الف الف مبروووووووووووووك و يا رب يكون الكتاب ده وش الخير عليكي و يجي بعده الف كتاب بتوقيع شيرين سامي ربنا يكرمك يا رب يا شيرين و من نجاح لنجاح ان شاء الله

حَنيّـن نِضال يقول...

lبرووووووووووووووووووك ترليون مبروك و عقبال الكتاب المية و الالف بالتوفيق ^___^

Emtiaz Zourob يقول...

الف مبارك يا شيرين ,, والله بتستاهلي كل خير .. بالتوفيق وان شاء الله في انتظار صدور الكتاب وان شاء الله نحصل على نسخة منه هنا في غزة ..

بالنسبة لدار ليلى ، عن جد خطوة جميلة منهم الاهتمام بالكتاب الجدد ، وبالنسبة للغلاف هيك احلى من الاول ..

ربنا يسعدك دايما وابدا يارب ..

ويوفقك في حياتك الشخصيةوالعامة..

الحسينى يقول...

الف الف الف مبروك يا شيرين
تستاهليها بجد
خطوة كنت منتظرها منك بقالى شوية خصوصاً أنك ماشاء الله حد مميز فى الكتابة عن المشاعر وبتعجبنى حكاياتك أوى
ده غير ان ماشاء الله انتاجك مش قليل ومحتاج فعلا يتجمع فى كتاب
ربنا يجعله بداية سعيدة إن شاء الله لحاجات أحسن جاية
كان نفسى احضر توقيع الكتاب بس غالباً مش هاكون موجود فى مصر
بس الجايات اكتر إن شاء الله
الف مبروك كمان مرة
تحياتى

نسرين شرباتي "أم سما" يقول...

ألف ألف ألف ألف مبروك يا شيرين لكتابك
اسمه جميل أوي
والغلاف كمان رقيق أوي
زيك بالزبط
عاوزة من الوايت تشوكليت
:))))
ابعتيلي بالبريد على بلدي مليش دخل أنا :)
لما بشوف الشوكولاته بنسى كل حاجة
،،،،،،،،،،،،،
يا ريتنا كنا في مصر كان جينا حضرنا الحفلة
كلكم تستاهلو كل خير
انتي وكل اللي دار ليلى عملتلهم كتب
ربي يوفقكم كلكم

،،،،،،،،،،،،،،،،
حاسة إن ده من نتائج الثورة :)

مدونة رحلة حياه يقول...

السلام عليكم
الف مبروك يا دكتورة
حضرتك تستاهلى كل خير
ربنا يوفقك دايما
ونقرالك كتب كتير وكتير

Ramy يقول...

مبروووك

يا دكتورة (:


بأذن الله يكون الأول فى مسيرة ناجحة

و بداية لكُتب كتيييير (:

ربنا يوفقك دايماً

و ان شاء الله ربنا يسهل الأمور و احضر حفل التوقيع

Chaimae Ali يقول...

انا سعيدة اووي اوووي لانك قدرتي تحققي حلم حلمتيه من زمان و لمستيه دلوقتي على ارض الواقع .
الف مبرووك يا شيرين بتمنالك الكتير و الكتير من النجاح و التألق في سماء الادب العربي ..للاسف مش حقدر احضر حفل توقيع الكتاب و لا اني انول توقيعك على نسخة منه.
عقبال ما نشوف سلسلة كتب شيرين سامي بتتوزع في كل اركان وطنا العربي و هنا عندي في المغرب خصوصا
مع كل الحب
شيماء علي

yosef يقول...

شيرين
مساء الخير
مبروووك وبتستاهلي كل الخير
والفنجان اللي على غلاف الكتاب
انتِ قطعة السكر اللي جواه

وحقيقي كل الشكر للاستاذ ماجد القاضي على مساعدتك بالغلاف
بس لو زايد السمار شويّه بوجه الصبيّة
علشان تبان معجبانيّة وبهيّة

الله يوفقك من كل قلبي

Casper يقول...

الف مبروك على الكتاب

وبالتوفيق

مونتي بوكيه ورد يقول...

الف مليون مبروك علي الكتاب الجميل .. و التصميم الجديد رائع اول مره اشوفه دلوقتي
سعيد جدا بظهور عمل من احساس حضرتك في كتاب يشرفني ان يكون في مكتبتي المتواضعه
ربنا يوفقك ومن نجاح لنجاح يارب :))

موناليزا يقول...

بالتوفيق يا حبيبتى إن شاء الله
وبالنسبة لحفل التوقيع ياريت برضه يبقى فيه شيكولاتة :)

saragebaly يقول...

اول دخول ليا عندك بكلمة مبروك :))

الف مليون مبروووك ... ودايما بنجاح وتألق يارب

وعقبال ما نبارك على الكتاب التاني والتالت والعاشر

مبروووك :)

غير معرف يقول...

مساء الغاردينيا شيري
الف الف الف مبروووك
ويارب من نجاح لنجاح اروع
بس عاوزة شوكلاته أستاذ مصطفى أكلها كلها هههههههههههه
بس انا جبت معايا وكلنا ناكل منها ماعدا مصطفى هههههههه"

؛؛

لروحك عبق الغاردينيا
كانت هنا
reemaas
http://www.zilfawi.com/vb/imgcache/15235.imgcache.jpg

ياسمين يقول...

مبروك ياشيري ومعرض الكتاب القاهرة الدولي ولا ايه مش عارفة..؟؟ لاني فعلا اتمني اني اشوفك واشوف كتابك اللي هيكون زي السكر أيضاا ربنا يوفقك ويسعدك يارب

Unknown يقول...

السلام عليكم

ألف مبروك أختي شيرين..
رغم أني باركت لك في مكان تاني لكن كان لازم اشارك في الفرح اللي هنا...

بجد يا بختك (اللهم لا حسد) بأحبابك.. حاسس من كلمات الناس بفرحتهم الحقيقية ليكي..
بالنسبة للورد هدية مقبولة وغالية...
لكن والله أنا شايف إنك مبالغة.. فأنا ما وضعت إلا لمسة صغيرة على الغلاف الذي كان مكتملا بالفعل.. عامة هذه شيم الكرام..

ربنا يسعدك دايما..
وإن شاء الله يكون للكتاب صدى أكبر من توقاعتك بكتير...

تحياتي الدائمة...
.....................
ملحوظة مكارة: يا ترى مشاعر الوالد إيه لما شاف أول كتاب ليكي؟!!! :)

رحاب صالح يقول...

مساء الورد شيري
واله انا فرحانة لك اووي
وفرحانة لكل المدونين او اصحابي اللي نشروا كتب
ودايما بقول عقبالي يا رب
بس انالسة مصممة انا اخلص الرواية وتكون هي اول منشوراتي مش المجموعة القصصية
ربنا ييسر الاحوال
اكيد لو في وقت عندي هجي حفل التوقيع
ولو محصلش بسبب الشغل اكيد هنقابل وقت تاني

P A S H A يقول...

ألف ألف مبروك وبالتوفيق إن شاء الله
دمتي مبدعة
:)
تحياتي

د.ريان يقول...

صباحكِ ود وورد د.شيرين

وألف مبروك ويارب من نجاح إلى نجاح

دعواتي لكم بالتوفيق والسداد

تقبلي أختي تهنئتي

دمتم بكل نجاح

مها البنا يقول...

حقيقى أتمنى أكون موجوده يوم توقيع الكتاب .. بس لسه مش عارفه هكون ساعتها فى مصر ولا لأ

ألف الف الف ملياااار مبروك وعقبال نجاح الكتاب ويكون "أول الغيث" .. إنتى تستحقى كل الخير يا شيرى :)

فاتيما يقول...

الف مليون مبروك يا شيرين

انتى تستاهلى الف خير يا حبيبتى
انا اول نفر ف حفلة التوقيع ان شاء الله قوليلنا بس المعاد والمكان
وانا فرافيروووو وجاية علطول ...


وليا ف الشكولاتة دى حتتين
ليا وليوسف
:)


الف مبروك
وعقبال الكتاب التانى
:)

آه
الغلاف حلو قوى فعلا

eng_semsem يقول...

الف مبروك يا شيرين وكتاباتك هي تستحق فعلا النشر وحواديتك الجميله
ربنا يوفقك ومن نجاح لنجاح ان شاء الله
تقبلي تحياتي

شمس النهار يقول...

اااااااااااالف مليوووووووووون
مبروك
انتي تستهلي كل خير ياشيرين الرقيقة
اديبتنا البلوجرية

وان شاء الله هكون في حفل التوقيع طبعااااااااااااااااا

:))

نيللي علي يقول...

ألف مبروك ياشيرين ربنا يسعدك يارب العالمين

جايدا العزيزي يقول...

الف مليون مبرووووك شيرى

عقبال الكتاب الالف غاليتى

ودائما فى تقدم وتميز

طبعا يستاهل لانك كاتبه رائعه

وشكرا على الشكولا قلبى

تحياتى

شهرزاد المصرية يقول...

ألف مبروك يا شيرين و عقبال الكتاب المئة
و انا حآكل كل الشيكولاتة بتاعتك ما هى مش حتبوظ الدايت

ربنا يوفقك دايما يا عزيزتى

Unknown يقول...

قلمي عاجز عن شكركم على مشاعركم الرقيقه الصادقه...بحبكم جداً و أتمنى أكون جديره بمحبتكم.

الله يبارك فيكم و عقبالكم جميعاً يااااارب تحققوا كل أحلامكم :)
لكم مني كل الحب و التقدير و الإحترام

غير معرف يقول...

مبروك الف مبروك

بالتوفيق والنجااح دائما وعقبال مااقرأ لك الكتاب 100

بورك فيك

زهرة يقول...

مبرررررررررررررررررروك يا حبيبه قلبى ..

جت متأخرة اوى معلش .. بس دلوقت لسه عارفه وفرحت أوى .. هكون من اول الناس اللى تقراه

بحبك جداً فى الله

تحياتى :))