الأحد، 24 يوليو 2011

هي السبب

استيقظ من نومي عادة سعيده نشيطه, أغني أغنيه أحبها و أنا أمشط شعري, ينظر لي في تعجب و على وجهه علامات الغيظ و على رأسه لازال طائر النوم يحلق "ليكي نفس تغني على الصبح؟" يسألني, اضحك ضحكه قصيره قبل أنا أجاوبه "طب و إنت زعلان ليه؟" يستفزه أكثر سؤالي فيرد بكلمته المعهوده التي طالما سمعتها منه "رايقه!"

في طريق سفر صحراوي نُفاجأ بأن الوقود إقترب على النفاد, لا محطه وقود تلوح في الأفق يبدأ الجميع في نوبات قلق و تصورات مفزعه ما عدا أنا أبدأ في لعبه جديده أعلمها للصغير فيضحك,أما هم  فينظروا لي غضباً و غيظاً "مش قلقانه..طب لو العربيه وقفت هنعمل إيه؟" أرد بهدوء "اللي نسي يحط بنزين هو اللي ينزل يجيب بنزين" يرد غاضباً "طب و أما أسيبك لوحدك و حد يخطفك؟" أرد ضاحكه " أنا أخطف عشره و متخطفش"

في إحدى الأيام الصعبه بالعمل تقرر نقل مقر عملي لحي آخر يبعد عن بيتي مسيرة ساعه على الأقل بالسياره, كل زميلاتي مهمومين الحزن يغطينا و الأفكار يترجمها اللسان ترجمه فوريه لتتحول لحلول شبه مسحيله, الكل ثائر و معترض, أمسك أنا بهاتفي المحمول و أبدأ في اللعب, أنهزم و أكسب و أكسب و أنهزم, حركات سريعه متوتره بأصابعي دون تفكير و كيف أفكر و عقلي كان هناك مع أحاديثهن, تقترب مني إحداهن تصرخ..."شيرين بتلعب جيم على الموبايل...إحنا في مصيبه و هي بتلعب جيم" لا أرد.

أتقابل مع صديقات ,تحكي إحداهن عن المصيبه التي حصلت لها عندما سُرق منها سوار ماسي, أتعجب أنها كانت تملك سوار ماسي و لم تخبرنا, لكنها عادة لا تخبرنا الا السئ من أخبارها, تسرد الأخرى قصة مرض إبنتها التي أصيبت بنزله معويه حاده و إلى الآن هي لا تقرب الطعام...أما الثالثه فتحكي عن حماتها و مدى صعوبة الحياه معها و آخر مشاكلها الزوجيه بسبب تدخلها في حياتها...و عندما يأتي علي الدور لأحكي أجدني أبعد عن أي مأساه أو حزن  أقص قصص مضحكه و أروي أجمل أحداثي و كأنني الوحيده بينهن التي لا تواجه أي مشكله.

قريباً كان زميلاتي في العمل منهمكات كالعاده في المشاكل التي لا تنتهي و بينما أسمع ضجيجهن الدائم في أذني و رأسي فجأه يصمت الجميع ثم تعلو ضحكات متقطعه "إنت بتعملي إيه يا شيرين؟" أنظر لنفسي و أنا ألصق فراشات صغيره ملونه على جهاز الكومبيوتر..ثم أعيد النظر لهن فأجدهن في حالة إستغراب على حالتي الميئوس منها و مع ذلك فأشاد معظمهن بالفراشات و لكن بقيت نظرة الإستغراب في عيونهن كلما وقعت على مكتبي.

ربما لا أحد يدري أن هي السبب....الطفله داخلي التي عاهدت نفسي ألا تفارقني حتى أقوى دائماً على الإبتسامه في وجه الحياه.
أنا...الصغيره

هناك 54 تعليقًا:

Bent Men ElZman Da !! يقول...

اجمل حاجه بجدان يفضل جوانا براءه وطفوله تخلينا دايما مبسوطين ونعرف نواجه اى حاجه بسعاده
صورتك عسوله خالص يا شيرين :)

Kem يقول...

حلو انك عايشاها ببساطة اوى كده .
انا كمان جويا ولد صغير عنده 6 سنين , و واحد عنده 36 سنة و فقد الامل فى الدنيا كلها
ابو 16 ده معرفهوش لسة مش مقتنع ان عندى 16 سنة :))
عاجبنى انك مسلمة ان اللى هيحصل هيحصل
و ان اللى بغلط هو اللى يتحمل
اما بقول الكلمة دى بيقولوا عليا قليل الادب معرفش ليه :))

على فكرة شكلك كان لطيف اوى و انتى ضغيرة :))

ليلى الصباحى.. lolocat يقول...

السلام عليكم
اطلقى لها العنان لتمرح وتفرح وتجرى وتعدو بمنتهى الحرية والبراءة
فليس هناك اجمل ولا اعذب من ان تسكن ارواحنا براءة طفلة


جميلة انت بروحك وبصورتك الطيبة الجمية التى تشع بهاء وصفاء

بوركت اختاه واسعد ايامك وعمرك

كل سنة وانت بكل خير وسعادة

تحياتى وتقديرى

كريمة سندي يقول...

في كل داخل منا طفلة بريئة مدللة .. تستحق الاعتناء بها من أجل الترويح عن أنفسنا .. ما أجملها من صورة تبقى في الذكرى

إســـراء يقول...

أولاً صورتك عسولة أوى ماشاء الله
وأكيد دلوقتى أحلى يا قمر .

جميلة هى نظرتك للحياة والأجمل الطفلة التى تحتضنيها بين أجنابك

أنا بشبهلك أوى فى التفكير بالشكل ده
ودائماً انا من أتعجب من علامات الاستغراب التى تبدو على وجوههم خلال هذه اللحظات التى أبدو فيها هادئة مع ان الموقف من وجهة نظرهم يستحق الانفعال والتوتر والقلق ِِ!!! لا أعلم لماذا ،، وللأسف البعض يعتبر هذا برود ولا مبالاه .

خالص تقديرى و أسعدنى التوبيك جداً جداً
بالتوفيق دائماً حبيبتى

ابراهيم رزق يقول...

مرحب ربيع مرحب ربيع مرحبة
يا طفل يا اللى فى دمى ناغا و حبا
علشان عيونك يا صغنن هويت
حتى ديدان الارض و الاغربة
عجبى
يا ريت نقدر نعيش حياتنا كلها كده
عارفة يا شرين الواحد بيتلكك عشان يرجع صغير مرة بزملاء الطفولة و مرة بالرحلات و مرة بالمصايف
انتى عارفة ان الطفل ده جوانا كلنا حتى العواجيز و المسئولين لكن الشاطر اللى يقدر يطلعه و الشاطر اكتر اللى يقدر يطلعه من الغير و دى هواية عندى مش وقتها ان الواحد يحكيها
لكن عيشى الحياة مع امن كأنك فى سنه صدقينى هتعيشى الحياة مرتين
تحياتى و كل سنة و انتى طيبة

مصطفى سيف الدين يقول...

دعي تلك الطفلة بداخلك لا تحاولي ان تنبذيها
فهي الحياة بالنسبة لك وبدونها تصبح الحياة مجرد روتين
تحياتي

سندباد يقول...

الثقة بقضاء الله سبحانه وتعالي افضل دواء وحل للقدرة علي التحمل الثقة بان كل ما يتاي به الله هو خير لنا جميعا ولكنا لن نفهم ولن نعي الان ربما غدا او بعد غد او بعد سنة وربما لان فهم ابدا المهم ان نثق بان الخير هو القضاء والقدر حتي ولو كنا نراه شر
اما الطفلة التي بداخلك فكلنا نطمح ان يكون لدينا ذلك الطفل
تحياتي ليكي

مجداوية يقول...


السلام عليكم

اسمحيلي أعلق تعليقين هنا

التعليق الأول بخصوص هذه التدوينة

جميل بالطبع ألا نفقد براءة الأطفال فينا أو نقائهم أو صفائهم ولكن من المهم أيضا ألا ننأى بعيدا بها عن غيرنا وخاصة في الأوقات الحرجة
الطفولة أجمل فيها كما أعتقد أنا أنها بلا مسئولية مكبرين دماغهم لأنهم غير مسئولين
احساس الآخرين بأنك تشترين دماغك أو لا تشاركيهم قلقهم حتى ولو كان قلقهم دون داع نوع من التخلي عن المسئولية تجاههم وهي المشاركة الوجدانية
لا تفقدي روحك المرحة المطمئنة ولكن اوجدي سبيلا لتلمسي وجدان من حولك ولو بكلمة فلا يتهموك بالإنفصال عنهم والعيش في دنيا تانية

التعليق الثاني على التدوينة السابقة

جدول المذاكرة من النادر أن يلتزم به أحد ودائما رغم رغبتنا الشديدة في التفوق والنجاح ومحاكاة غيرنا الذين يذاكرون بالساعات وبهذا الجدول المعجزة المعجز لنا :) كنا بالكتير نلتزم يومين أو ثلاثة ثم تحدث ظروف تجعلنا نتكاسل ونتراخى فيحدث الإحباط فلا نذاكر مذاكرتنا ولا نذاكر على الجدول كمن رقصوا على السلم أو كمن لم يطولوا عنب الشام ولا بلح اليمن :)

ولهذا أتفق مع من قال لك ألا تلزمي نفسك بأى جدول بل اجعلي طاعتك تزداد بزيادة قربك إلى الله فهي ستزداد تدريجيا ودون أن تدري كل ما يلزم لهذا فقط , النية والإصرار
فلا تحملي نفسك مالا تطيق أو بما يستطيع غيرك فعله فكل انسان له طاقة وقدرة
هذا بالطبع ليس تثبيط لهمتك بل لكي تنتبهي للعوائق وتتوقعيها وتتخطيها بالإرادة
رمضان فرصة ذهبية لا تعوض للقرب من الله لأن الشياطين مصفدة فلا حجة للإنسان غير نفسه وسيعرف وسيدرك من الذي يمنعه لأن نفسه هي التي ستمنعه
والنفس في الشهر الكريم مروضة بالصيام والرغبة في بلوغ العتق من النار فاغتنمي الفرصة وافعلي ما تستطيعين
وربنا يتقبل منا ومنكم وكل عام وأنت واسرتك وكل أحبابك بخير
مع شكر خاص للأخت نيللي لأنها أرادت أن يستفيد غيرها بما تفعل فجزاها الله خيرا

واعتذر للاطالة

سواح في ملك اللــــــــــــــــــه- يقول...

انتي شخصية قدرية

اي تؤمنين بالاقدار

مثلك من يملكون الحلول

في الوقت الذي فيه الكل متوتر

ويخشي مايخشي من حدوث شئ ما

يخرج الحل منك بكل سهولة ودون اضطراب

تحيتي

Unknown يقول...

مجداويه: و عليكم السلام و رحمة الله و بركاته
يالنسبه لتعليق حضرتك على هذا البوست, أنا لم أقصد من الطفوله التوهان و الانفصال في عالم آخر للهروب من المسؤليه أو عدم تلمس وجدان الآحرين...لأني الحمد لله إنسانه مسؤله منذ صغر سني لكن ما قصدته و لم تلاحظيه بين سطوري هو أني لا أطيل في القلق و لا أنثره على الآخرين لا أحب أن أشارك الآخرين الا بأخباري السعيده تعودت أن ألملم الحزن و القلق في نفسي و أن أقاومه بطفوله تسكني و أضحك في وجهه لأني أعرف أن كل مشكله لها حل و كل ظرف نستطيع التأقلم معه بإيماننا و إرادتنا أما البكاء على اللبن المسكوب و المبالغه في الشكوى و الحزن ليس من طبعي...و هذا لا يمنع أبداً أني أتلمس وجدان كل من حولي بالحب...و الجميع يلجأ لي في مشاكلهم أتدرين لماذا...لأني أعرف كيف أهوّن عليهم و أرفع من معناويتهم كسحابه ورديه تمطر ورداً و تشدو بأغنيه :)


بالنسبه للتعليق على البوست السابق فهي محاوله و إجتهاد من نيللي و لأني أحب الجداول و أحب أن أضع لنفسي هدف يشجعني و يشد من عزيمتي فأعجبتني الفكره التي صنعتها أيضاً قبل عدة سنوات و كانت نتيجتها مرضيه تماماً...عموماً عبادة الله ليس لها قواعد معينه و كل إنسان عليه إنتقاء ما يناسبه و يشجعه...كلامك طبعاً لا خلاف عليه.
أشكرك عزيزتي على تعليقك و إهتمامك و سعيده دائماً بزيارتك.
لك مني كل التحيه

Carmen يقول...

انا كمان جوايا طفلة ش عاوزة تسبنى :)

ماشاء الله كنتى زى القمر وانتى صغيرة

ربنا يحفظك حبيبتى

موناليزا يقول...

أحييكِ يا شيرين :)

Radwa Ashraf يقول...

أحسن حاجة بجد .. متخليش الطفلة الى جواكى دى تسيبك أبدا ,
صدقينى الأطفال اللى جوانا دول هم اللى بيساعدونا على البقاء =)
بعد تدوينتك دى .. فرحت بالطفلة اللى جوايا أووى بقى
و ما شاء الله عليكى .. كنتى طفلة قمر :)

عباس ابن فرناس يقول...

الجميع لم يولدو شباب اوشيوخ كلنا كنا اطفال بس قليل منا من يستطيع ان يبقى على هذه الطفل او بمعتى اصح لايجبره على الرحيل

تحياتى المستعطرة

FAW يقول...

جميل قوي إن الإنسان يفضل بسيط وطفله الداخلي موجود في كل مواقفه .. رغم إن ساعات الموضوع ده بيقلب بمشكلة , بس برضو ميزة . .


إيه التكشيرة الحلوة دي P:

reemaas يقول...

خليكى زى مانتى ياشيىرى طالما عندك القدرة على ده طالما مافيش فايدة من اننا نخنق نفسنا يبقى لازمتها ايه

الطفله دى هتساعدك تعيشى اطول وقت سعيدة اوعى تتخلى عنها

جايدا العزيزي يقول...

كم هى طفولتنا ما تجعلنا نحيا

وكلما افتقدناها اعدناها بداخلنا

رائعه شيرى

ومين القمر دى واضح الشقاوه فى عنيها

وايضا الابداع ههههههه

تحياتى

نيللي علي يقول...

احلى حاجه البساطه وان نورنا يفضل مضئ بداخلنا وهو نور الطفوله

غير معرف يقول...

مساء الغاردينيا شيري
وأبقي تلك الطفلة بداخلك
لاتجعليها تكبر مع الظروف والحياة
أتعلمين أجمل مافينا طفولتنا "
؛؛
؛
وصورتك وانتي صغننه بسم الله ماشاء الله تجنن يبقى اكيد انتي زي القمر :) "
؛؛
؛
لروحك عبق الغاردينيا
reemaas

Mostafa gazar يقول...

الناس كالنوافذ ذات الزجاج الملون فهي تتلألأ وتشع في النهار وعندما يحل الظلام , فإن جمالها الحقيقي يظهر فقط إذا كان هنالك ضوء من الداخل .....و قرأت للكاتب عبد الوهاب مطاوع عباره رائعه ..حكمه قديمه تقول.....لكل منا شمسان شمس تشرق كل صباح و شمس تشرق في قلبه....ولكن.
مهما أضاءت شمس الصباح وأشرقت
فإننا لا نراها إن كانت شمس قلوبنامطفأة...
ومهما أضاءت شمس الصباح وأشرقت
فلن تشرق دنيانا مادمنا لا نرى جمالها ولا نستمتع به

طابت لكى الحياه ودامت لكى بكل خير وحافظى دائما على الطفله التى بداخلك وفى حفظ الله ورعايته

Unknown يقول...

بنت من الزمن ده:ربنا يخليكي يا دندونه إنتي الأجمل أكيد...يا ريت بس الطفوله متفارقناش عشان من غيرها الحياه هتبقى صعبه بجد.
تحياتي ليكي

Unknown يقول...

أغاني الشتاء:و الله يا أكرم صدقني مفيش حاجه هتتغير لو فضلنا مكشرين و قلقانين و خلاص المشاكل بتتحل لما نفكر فيها و نحلها مش لما نفضل نشكي و خلاص.
ياااااريت كنت أنا اللي لسه عندي 16 سنه كنت هعمل حاجات كتير فاتتني.
ميرسي على ذوقك و شكراً على تعليقك الجميل:)
تحياتي ليك

Unknown يقول...

أم هريرة.. lolocat: و عليكم السلام و رحمة الله و بركاته
لولو أختي العزيزه أنا فعلاً سيبالها العنان لكن للأسف الحياه مليانه حدود و إحباطات و منحنايات بتصعب العدو بحريه.
كلمات انت هي اللي طيبه و جميله و أسعدتني جداً.
شكراً جزيلاً لكي أختي الجميله
دمتي بخير و سعاده

Unknown يقول...

كريمه سندي: صدقتي يا عزيزتي ما أجكل أن تظل الذكرى حيه في قلوبنا تعينا على صعوبة الحياه.
تحياتي و تقديري لكي

Unknown يقول...

إسراء: بشكرك جداً على ذوقك و رقة تعليقك بجد أسعدتيني.
لأ طبعاً هي مش لا مباله بالعكس ده تفكير إيجابي إني منساقش ورا الحزن و النكد و القلق أني أحاول أحل مشاكلي بهدوء و مبعثش روح القلق و الضيق في من حولي.

و ده ميمنعش إني سخنه جداً و عصبيه على فكره :)
سعدت بتعليقك لكي مني أرق تحيه

Unknown يقول...

ابراهيم رزق: أستاذ إبراهيم بشكرك أولاً على أبياتك الرائعه اللي دائماً بتشاركنا و تسعدنا بيها.
ثانياً ياريت كل إنسان يحتفظ بالطفل اللي جواه على الأقل هينسى شئ من همومه و هياخدها ببساطه أكتر.
و طبعاً ده ميتنافاش مع إن الإنسان يكون مسئول و قد المسئوليه كمان.

تحياتي و كل التقدير لك

Unknown يقول...

مصطفى سيف: أتمنى يا مصطفى لكن الدنيا كلها ضد هذه الطفله.
تحياتي الخالصه لك

Unknown يقول...

سندباد: اشكرك على تعليقك الرائع فعلاً الثقه و الإيمان بالله أهم سبب أن الإنسان يضع قلقه جانباً مؤمناً بأنه لن يصيبنا الا ما كتب الله لنا و الله لا يفعل الا الخير.
كل منا لديه طفل لكن منا من يحبه و يدلله و منا من يهمل وجوده أو لا يوليه إهتمامه.
تحياتي و إحترامي لك

Unknown يقول...

سواح في ملك الله: أعتقد إنت عندك حق فبالرغم من إني بحب أخطط ليومي و حياتي لكن في مواجهة أي مشكله بحس إن القدر أكيد مش هيخذلني لأني مؤمنه بأن ربنا أكيد يريد لنا الخير.
شكراً سواح تحياتي و كل الإحترام لك

شمس النهار يقول...

الصورة جميييييييييلة

واوعي تطلقي سراح الطفلة اللي جواكي خاليها كده

لو طلعتيها هتنسيها خاليها في قلبك

Unknown يقول...

كارمن: ده من ذوقك يا حبيبتي و حافظي على البنت اللي جواكي :)
أرق تحيه لكي

Unknown يقول...

موناليزا: شكراً يا مونا و ألف تحيه ليكي يا جميل :)

Unknown يقول...

Radwa Ashraf: على الأقل يبقى في حاجه حلوه الواحد يرجعلها لما الجنيا تيجي عليه زي الورده اللي مبتدبلش.
إنتي اللي قمر يا رضوى ألف شكر ليكي على ذوقك:)
تحياتي الخالصه لكي

Unknown يقول...

عباس إبن فرناس: عمري ما هجبرها على الرحيل بس يا رب هي اللي متزهقش من قسوة الحياه و تمشي.
شكراً لزيارتك الجميله
تحياتي و تقديري لك

Unknown يقول...

FAW: عندك حق ساعات بتقلب بنكد :( و نظام بقى إنتي فوادي و إحنا فوادي و كده يعني.
بص هي العنين مكشره بس الشفايف مبتسمه و متسألنيش إزاي :)
شكراً ليك و يا رب منورني دائماً

Unknown يقول...

reemaas: عندك حق يا نور الدنيا مش ناقصه خانقه...بس تعرفي هي مبتخلنيش سعيده لكن مبتخليش الزعل و القلق ياخدني أوي...با رب تفضل بس و متزهقش من الدنيا.
أرق تحيه لأجمل بنوته مصريه

Unknown يقول...

جايدا العزيزي: و الله أخجلتيني من تعليقك ألف شكر ليكي يا جايدا بجد أسعدتيني بتعليقك.

تحياتي و كل الود لكي

Unknown يقول...

نيللي: بساطه + نور = طفوله...و ما أجمل الطفوله الدائمه لمن يفهمها.
أرق تحية لكي أختي الحبيبه

Unknown يقول...

ريماس: شكراً يا حبيبتي من بعض ما عندكم :)
أجمل شئ ينير أرواحنا هي طفوله بريئه من شوائب الحياه سعيده بالفطره.

أرق تحيه لأرق ريماس
نورتيني بالزياره

Unknown يقول...

mostafa gazar: مش لاقيه رد على تعليقك غير إبتسامه كبيره أويييي...كلام رائع أشكرك و أشكرك و أشكرك إنك شاركتنا بيه و أسعدني جداً تعليقك الذ لا يأتي الا من قلم و فكر رائع...أتمنى يا مصطفى لو تفكر في إنشاء مدونه و لو نويت و إحتجت تسألني عن أي شئ تحت أمرك لكن أشعر انك ستكون مدون رائع.
تحياتي الخالصه أخي العزيز

Unknown يقول...

شمس النهار: لو كان عليه مش عايزها تسيبني بس للأسف حاجات كتير بتوقف ضدها...أخجلتيني بذوقك ده عنين حضرتك اللي جميله عشان شافت الصوره جميله:)
تحياتي الخالصه لكي

دعاء العطار يقول...

كل مابعرفك اكتر كل مابحبك اكتر (:

اوعى تكونى غير كده ياشيرى (:

كاتبه حاجه شبيهه بيها بس الفكره مختلفه هنشرها عن قريب (:

د/دودى يقول...

هى الاموره دى انتى؟؟؟...يا بختك لان الطفله اللى جوايا بحسها بتكبر للاسف

Ms Venus يقول...

عسوووووووولة اوى يا شيرى


خليكى كده بجد دايما واوعى تتغيرى

ياريت كلنا نقدر نعمل زيك

لكن بنكبر غصب عننا

بجد غصب عننا


سامحينى على التأخير

نيسآان يقول...

شيرين الكبيره,,,

ديري بالك على شيرين الصغيره وأوعي تخليها تكبر!!! خليها تفرح وتتنطط وتغني و ترقص زي ما هي عاوزه....خليها عايشه ببساطه بعيداً عن تعقيدات الكبار وعالمهم الحزين ... سيبيها تلعب جيمز وتاكل شوكولاته وحذريها من تقليد الكبار في حركاتهم المتصنعه او احاديثهم الممله....هي كده عسل واحلى من العسل.
باين من الصوره انك قمر....ما شاء الله ...ربنا يحميكِ.

آخر العنقــــــود يقول...

الله بجد يعني
نفسي اقدر احافظ على ابتسامتي زيك كده على طول يا دكتورة
ربنا يارب يديمها عليكي نعمة

دمتِ بابتسامة وكل سنة وانتِ طيبة

*على فكرة صورتك حلوة :)

Unknown يقول...

دعاء العطار: ربنا يخليكي يا دود القلوب عند بعضها..هدخل حالاً أقرى كل اللي فاتني.
نورتيني يا جميل

Unknown يقول...

د/دودى: ميرسي يا دودي ده من ذوقك و الله :)
بإيدك ماتخليهاش تكبر دلعيها و خليها تطلع لما تحتاجيلها.
أرق تحية لكي

Unknown يقول...

Ms Venus: شكراً يا أرق فينوس إنتي اللي كلك ذوق...صعب أوي موضوع غصب عننا ده للأسف حاجات حلوه كتير بتضيع مننا مغصوبين.
اتمنى تبحثي عنها و أكيد هتلاقيها جواكي...متأخرتيش و لا حاجه كفايه إنك نورتيني.
تحياتي و كل الود لكي

Unknown يقول...

naysan: نيسان مش عارفه أقولك إيه تعليقك أثر فيه جداً يمكن لأني مش عارفه أدير بالي عليها و خايفه تضيع مني في قسوة الحياة...أنا فعلاً بكرررره التصنع و الأحاديث الممله...اسعدتيني جداً بتعليقك و أجمل ما فيه لهجتك الشاميه اللي بحبها أويييي:)
تسلميلي و أرق تحيه لكي
دمتي بكل خير و سعاده

Unknown يقول...

آخر النقود: إنتي اللي حلوه بجد بشكرك أوي على التعليق الجميل ده و ربنا يقدرني و يقدرك على الإبتسامه دائماً مهما كان :)
تحياتي ليكي

غير معرف يقول...

كل عام وانت طيبه وبخير يا شرين


۩ رمضان كريم ۩

شمس العصارى يقول...

خدنا ايه من الحزن يعنى
جميل ان الانسان يعيش نفسه مش واقعه بس
الا معرض الرسم امتا ههههههه