الجمعة، 15 يوليو، 2011

أرجوك لا تبتسم لي


أرجوك لا تبتسم لي

فأنت لا تعلم ماذا تفعل إبتسامتك بي

تجعلني أدخل في بيتي أرقص طرباً

تجعلني أفتح أوراقي أكتب شعراً

تملأني سعاده تغمرني و تلعب بي

فلا تبتسم لي

تسرقني من بين الناس

يتكلمون يضحكون و لا يشعرون بإحساسي

إحساسي بفرحه تغطي الكون

و تصبغ حياتي بأزهى لون

فأتألق كالزهور و اغرد كالطيور

و أغرق في البحور و أمتلك الدهور

و تبتسم الدنيا لي

فلا تبتسم لي

لا أريدك أن تنزع عني وقاري

أو أن تخرج عن المسار قطاري

لا أريدك أن تقترب

فقد أفقد معك نوم ليلي و جد نهاري

و قد تحترق أنت بناري

فلا تبتسم لي

أنا لم يبقى في لا تبتسم لي

ألا يكفيك ما بي

لا تبتسم لي

هناك 25 تعليقًا:

Mona Abo - Elso3od يقول...

كنتي سيبيه يمسكها يا فوزية ههههههههه مش عارفة ليه افتكرت الجملة دي معلش بقي يا شيرين القافية حكمت
ارجع للبوست ليه بقي مش عاوزاه يبتسم خليها سعيدة و فرحانة و لو للحظات و فيها ايه لما تخرج عن وقارها لبعض الوقت ؟ و تنسي احزانها و همومها .... خليه يبتسم
صباحك خير و هنا يا رب

شيرين سامي يقول...

ههههههههه حلوه يا منمن
بالنسبه للبوست أنا بتفق معاكي ان الحب لازم يخرج الانسان من وقاره لمنطقه أشبه بالخيال المجنون و الا أصبح درب من الرتابه لكن...
أحياناً بنخاف نقع في الحب ده بنخاف نتعذب أو نعذب الطرف الآخر و احنا مش متأكدين إذا كان ينفع تكمل القصه و لا لأ ساعتها بتبقى الابتسامه عذاب.

تحياتي ليكي يا أجمل منى

norahaty يقول...

جميلة

تخاريف مترجــِــمة يقول...

أحسن برضه يا شيري اوعي تخليه يبتسم :)

كل حد في مكانه كده افضل مش عاوزين وجع قلب :)

المشكلة ان النصايح بتكون بعيدة شوية عن الواقع :(

رائعه حبيبتي
دمتي بكل خير
سحر

مجداوية يقول...



السلام عليكم


تعليق أختنا منى أضحكني
:)

وماذا ستفعل التكشيرة ؟
:)
أعتقد أن الإبتسامة ستكون أفضل حالا

ومن جملة المميزات التي تحدثها هذه الإبتسامة فكان الأولى أن تقول " ابتسم لي "

ناس مش عارفة مصلحتها صحيح!

:)



eng_semsem يقول...

ومهماعملتي برده هيضحك ويبتسم قدامك
انت السبب وه مش بيقدر يمنع نفسه منك
والبسمه لما تملى الدنيااحلى بكتير من التكشيره
ربنا يجعل ايامك كلها سعيده ومليانه ابتسامات
تقبلي تحياتي

شمس النهار يقول...

عني لو كشر هنقول بيكشرلللللللللي

ولو ابتسم الحق ده بيموتني ببتسامته اه ياني هموت

طيب يعمل ايه؟؟؟
:)))))))))

بس بجد بجد كلمة رائعة قليلة علي الكلام الجميل ده

FAW يقول...

إيه بس الإبتسامة المخيفة دي :))

بس فعلا عندك حق , ساعات بيبقي الإنسان اللي قدامنا رائع بس متأكدين إن الظروف مش هتسمح فبنبقي خايفين إن الموضوع يفشل ونرجع نندم

تحياتي . .

Hadeir يقول...

سيبيه يبتسم وسيبها تجنن
مش لازم تخاف من حاجه
ولا من حب ولا من غيرو
مينفعش منعيشش عشان خايفين نموت
ولا ايه ;)
البوست بجد رائع وعجبنى جدااااا

reemaas يقول...

لييييييييييييييييه
سبيه يبتسم سيبى الدنيا تحلو وتتغير يا شيرين

آخر العنقــــــود يقول...

حلوووة اوى
حستها خفيفة ولذيذة :)
بس المرة اللي جاية سبيه يبتسم لاحسن الابتسامة باقت نادرة في ايامنا دلوقتي

تحياتي لأرق بنوتة

تشاك نولاند يقول...

ههههههههههه
يعني لو ابتسم مش عاجب
ولو كشر بيصير شرير
طب شو يعمل عشان ترتاحي

The illusionist يقول...

ليه
ما تسيبيه يضحك
هو ايه يعنى ليه يعنى

هو البوست حلو واسبابك وجيهه

بس ايه يعنى
عشان الكلام ده ميبتسمش
لا هيبتسم بقى
هه
وبصراحه تحسى انها جايبه على سك على بناتك

ما تسيبيه يمسكها يا فوزيه

ابتسم يا عم ولو حد كلمك تعالى عندى وانا هسيبك تبتسم لبكره

بلد بتاعه شهادات صحيح

:)

Bent Men ElZaman Da !! يقول...

"أنا لم يبقى في لا تبتسم لي

ألا يكفيك ما بي

لا تبتسم لي"

رقيقه اووى يا شيرين
حبيتها اوى
تسلم ايدك

حَـبآيـۃْ.بـטּـدۉڷ يقول...

بَلاشْْ مِنُّه فِعلاً ..

حِلوَه خالِصْ يا شِيِرِينْ ..:)

جداً يَعنيْ ..:):)

كريمة سندي يقول...

الابتسامة التي تخرج من القلب تصل للقلب أما إذا كانت ابتسامة صفراء فلا حاجة لنا بها!!

مصطفى سيف يقول...

دعيه يخرجك من وقارك كي تتذوقي طعم السعادة التي لا تكتمل بدون ابتسامة
القصيدة جميلة وانتقائك للحروف رائع كعادته والفكرة مميزة

ريــــمــــاس يقول...

مساء الغاردينيا شيري
أجمل لحظات قد تجعلنا نرتبك ونبتسم في ذات الوقت حين يبتسم هو لتجدين نفسك مسحورة ..مبعثرة من إبتسامة"
؛؛
؛
شيري
حرفك رائع
والكلمات تبتسم هنا زهواً بكِ
؛؛
؛
لروحك عبق الغاردينيا
كانت هنا
reemaas

Tears يقول...

مالها خايفة من الابتسامة كده...لو عقلها رافضة مهما ابتسم مش ح ياثر فيها و لو هى شايفاه مناسب يبقى على خيره الله و ما تخافش من الابتسامة :)

ابراهيم رزق يقول...

وقفت ساعة الصبح باغسل سنانى
قالت لى شى قوتى و لمعانى
ايش تطلب اليوم منى ضحكة اسد؟
و لا ابتسامة اعلانات امريكانى؟
عجبى ؟؟؟

الضحكة اذا كانت صادقة و ليست ابتسامة استعراض القوى او مزيفة و غير صادقة
هى اكسير للحياة و التفاؤل و لاخوف منها مطلقا
دعيه يبتسم دعيه يعيش الامل و يبعث الامل و ينشر الامل

تحياتى

سندباد يقول...

قليل من الحب لا يضر
والكثير منه مُسكر
قليل من الجنون لا يؤذي
وانا اريده اكثر واكثر
وانا اعددت لكي كأسا في كثير من الحب ومن الجنون اكثر
معلش مش عرفت ارد غير كده
تحياتي لقلمك الرقيق الراقي

faroukfahmy58 يقول...

شيريــــن
انا لست معكى
انا اريد هذا الخروج عن الوقار طالما يأتى عن طريق الحب
انا اريد ان اكون مجنونا مادام جنانى وجنائى وحبائى جاء عن طريق الحب
انا لااريد ان اخاف واخاف واخاف ان اقع فى الحب لان من خاف سلم وانا لااريد ان اسلم من الحب
انا اريد ان اتعذب من الحب فعذابه له طعم مختلف ولسعة مذاقه تكوى القلب قبل اللسان وتساعد على جريان الدم فى عروقى
انا اريد ابتسام الحبيب ولو كان ساخرا حتى ارى اللآلئ داخل فمه العاجز الوصول الى ابواب شفتيه
الحب فيه عزائى وبقائى طالما قلبى فى شرخ شبابى يدق
مع تحياتى شيرين
الفاروق

شمس العصارى يقول...

فعلا للابتسامة مفعول السحر
بس مش لدرجة تخليها تطير كده ههههههه
كلام جميل يا شيرين

Carmen يقول...

مممممم جميلة جدا ياحبيبتى رغم انها غريبة شوية بس عجبتنى كرتها

تسلم ايدك حبيبتى

تحياتى

شيرين سامي يقول...

رد جماعي اعذروني

ليس كل حب بإمكانه أن ينمو و يكبر بعض الحب أفضل له أو يؤد قبل أن يولد لاسباب عديده ليست محل مناقشه الآن و الا لم يكن عند الحليم حافظ ليغني (اشتقت اليك فعلمني ألا أشتاق علمني كيف أقص جذور هواك من الأعماق) أو (أهواك و أتمنى لو أنساك) إذن إتفقنا أن ليست كل إبتسامه و خروج عن وقار قد يؤدي الى قصة حب مجنونه ربما تؤدي الى الكثير من العذاب بالرغم من لذتها.

أتمنى أن أكون وفقت في شرح وجة نظري و أسجل إعجابي و ضحكي الشديد على معظم تعليقاتكم و سعيده بالتعليقات من متابعين جدد نورتوني و أسعدتوني بالزياره.

تحياتي و تقديري للجميع