يعني إيه كل الورود الحلوه دبلت في الجناين
يعني إيه كل المعاني الحلوه راحت مبقاش الا الغدر باين
يعني إيه كل القلوب الصادقه سكتت متسمعش الا خاين
يعني ايه تعيش مطاطي و الحس واطي و انت من أشرف المداين
يعني خلاص الكل ثاير
يعني خلاص الهم زايل
يعني خلاص الشمس طالعه و الفجر غائر
يعني خمسه و عشرين يناير
**********
**********
لما لاقينا ناس كتير إتغيرت و بقت غيلان
و ناس في فقر إتمرمطت تتعشى ذل تفطر هوان
و ناس عايشين بياكلوا بعض زي الحيتان
و ناس في سكه إتعثرت
إتقدمت إتأخرت
الكل راضي بإمتنان
و لما لاقينا الظلم طاقه إتفجرت
أزمة ضمير و إستفحلت
و كل نقطة من الفساد صبحت طوفان
و أرض خضرا إتصحرت
و صحرا واسعه إتعمرت
سرقها ندل خسيس جبان
زوقها زي ماتكون خطيئه
ضيع ملامحها البريئه
نساها إيه هيه الحقيقه
خلاها تشحت بالسليقه
شاي يا باشا
يشرب في دمك و كله بشاشه
و إن فكرت في يوم تبان
يقولك هس ده أنا فلان إبن فلان
خلاص يا صاحبي الحق بان
يوم ما كل قلب إتوجع
مسلم مسيحي غني فقير صبيه و جدع
كل اللي عمره ما اتسمع
إتجمعوا هنا في الميدان
الحق بان
يعني خلاص الصمت و الخوف معادش حاير
يعني خمسه و عشرين يناير
**********
**********
دمك يا صاحبي كان رخيص مالهوش تمن
دم الشهيد خلاه نفيس خلاك عزيز
خلى ركودك زلزال عنيف فوش المحن
خلى اللي كان بحبها كافر زمان
يفخر يقول يا بلدي يا أعظم وطن
شايف بعيد صبيه سمرا و بضفاير
جايه في عنيها البشاير
يعني خلاص الشمس طالعه و الفجر غائر
يعني خمسة و عشرين يناير
هناك 30 تعليقًا:
الله عليكى يا شيرى يا جميلة لخصتى حدوتة 25 يناير باجمل المعانى والمشاعر واهم الاحداث
لعنة الله على كل حاكم ظالم ومسئول فاسد
تحياتى لاجمل شيرى التى تمتعنا دائما
بجد كل ما أقرالك حاجه بيزيد تفاؤلي بالحياة . .
كلماتك جميلة جدا ولخصت الحكاية في معاني رائعه . .
تحياتي .
عاوزة الايام دى تعدى على خير وترجع مصر لاستقرارها وامنها من جديد وتبقى احسن من الاول كمان
شيرين سامى
ناس فى فقر اتمرمطت تتعشى ذل تفطر هوان ما اعظم هذا التكوين اللغوى انساب فى عبارت ناطقة صادقة ولكن يا شيرين شعاع الفجر يلاحقنا وعطش القلب يزول وهذا وجه الزمن يحول
منظومتك كانت لها طله جاءت فو وقتها وصادفت محلها دمتى لنا شيرى
بكره احلى
انا متفائلة
يعني ايه 25 يناير
يعني مصر للاحلى دوما ان شاء اللـه
،،
رااائعه ،، تسلمي يارب يا شيري
اختي الفاضلة
سنظل نكتب ونكتب حتى ينتهى المداد من اقلامنا ولن نفي حق تلك الثورة العظيمة او ذلك الشعب العظيم
احسنتي وابدعتي كتبتي كل ما نود ان نقول
انها ثورة ضد الفساد والجبن والذل والقهر
تحياتي لكي
يعني احنا بقينا في زمن ربنا سبحانه وتعالي وحده اعلم به وقادر يخرجنا منه
تحياتي لك اجمل شيرين
اقول ايه طيب فعلا لخصتي حال البلد و الثورة في الكلام الهايل ده
تسلم ايدك يا احلي شيري
و علي فكرة احرجتيني بتعليقك :)
الله عليكى
حلوه اوى اوى ى اوى
تسلمى عبرتى عن الى جونا والله
تحياتى لكى
كلماتك واسلوبك جميل
الواحد متفاءل بجد
يارب فرحتنا تكمل على خير
السلام عليكم
جميلة كلماتك أختي شيرين.. وإحساسك واضح فيها قوي..
تقبلي تحياتي..
تحياتي وتقديري لاسلوبك المميز وربنا سبحانه وتعالي يكملها علينا بالخير
السلام عليكم
أعزك الله وزاد موهبتك و أسبغ عليكى نعمه
بجد كلماتك مؤثرة و معبرة
تحياتى لك
الله يا شيرين
بجد كلمات رائعة ومعبرة جدا
يسلم قلمك حبيبتى
أسلوب مميز وجميل جدا وعجبنى اوى التعبير دة بالذات
أزمة ضمير و إستفحلت
تحياتى
بجد مفيش تعليق يعبر عن جمال الكلام اللى انتى كاتباه
بجد كلمات رائعة ومعبرة جدا
تسلم ايدك :)
وربنا يرجع لمصر الامن والاستقرار ويبقى الوضع افضل مماكان بمراحل ان شاء الله
دمك يا صاحبي كان رخيص مالهوش تمن
دم الشهيد خلاه نفيس خلاك عزيز
شيرين أنتى قلتى كل حاجه
الأحساس اللى فى كلامك حلو أوى وإن شاء الله مصر أحلى واللى جاى أحلى
وعلى فكرة أنا كمان متفائل :)
دمتى ودام أحساسك العالى
فراشة التدوين
الثورة حياة
الثورة ايقظت فيك احلى الاشعار
فعبرت باصدق الكلمات
ولخصت الحكاية من البداية للنهاية
وكتبت بقلمك كل مايخبيه قلب انسان
تحياتي
من اجمل ماقرات لاختي
شيرين حطيتي احساسك كلة فيها
الله الله عليكي بجد
تحيتي
كل معني كنت تقصديه
شعرت بها ..حقيقي ابدعت
يا شيرين كلمات معبره وقويه
تحياتي
فعلا بوست جميل
الذى حصل فى ميدان التحرير حلم يعجز اساتذة الشعر و البلاغة ان يوصفوه لكنك وصلتى لدرجة عالية ببساطة و دون فذلكة
تحياتى
الله عليكى بجد حبيبتى
ماشاء الله اتكلمتى وعبرتى بطريقه اكتر من روووعه
دمتى ودام احساسك وقلمك
كلمات في غاية الروعة
مهما سطرنا في مديحها فلن نوفيها حقها
خالص تحياتي
Casper
بجد ماشاء الله عليكى
كلامك متميز ومميز جداااااااااا
مبروووووووك للمصريين كلهم ويارب الايام اللى جايا تكون احسن واحسن
لك كل المودة ........
مستوى عالي
و ده المنتظر من موهبه زييك يا شيرين
يعني ايه تعيش مطاطي و الحس واطي و انت من أشرف المداين
يا ريت لو شيلتي الألف و اللام من "المداين"
شرين
مبدعه
طول عمرك
والله
جميله جدا
كلمتك
يا سلام يا استاذه شيرين..
حدوته بلغه عامية جميلة
ده الملخص والمفيد فعلا.
بجد مدونة حضرتك وحشتني..
ليها عندي طابع مختلف
..
تحياتي وتقديري
اجمل من جميله يا شيرى روعه بجد
كل مرة بدخل عندك بكتشف فيكي جزء جديد :)). بس برده جمـيل زي كل اللي قبله
أسلوبك جميل أوي و لخص كـتير من الحدوتة. صحيح ناس كتير فاهمة الحرية غلط و مش عارفة المفروض إيه اللي يتعمل بس أنا متفائلة كتير. إن شاء الله بكرة هيبقى أحلى
أطيب تحياتي لرقيك و بساطتك
إرسال تعليق