الاثنين، 28 فبراير 2011

ملحوظه صغيره

أعزائي المدونين و المدونات بشكركم على دعمكم و مشاركتكم الدائمه لي و تعليقاتكم أكيد بتهمني جداً و بتفرق معايا جداً جداً لكن عندي ملحوظه صغنتوته خاصه بالقصه الأخيره (معطف من القيود) جاءتني تعليقات معجبه جداً بجملة (فكان المعطف كفنا يحوي جسدا بلا روح) أعزائي ليست في القصه هذه الجمله انما هي من تعليق مصطفى سيف و هو أول تعليق على القصه.
اذا كانت الجمله أعجبتكم (كما أعجبتني) للدرجه دي أنا ممكن أضيفها مفيش مشكله :) لكن أرجو ان تقرأوا القصه اذا أردتوا التعليق و لو لم يتسع وقتكم أو لأي ظروف لم تستطيعوا فهذا لن يغضبني أبداً فالأهم من التعليق هو احساسكم بالكلمات و احساسي اني استطعت أن أوصل أفكاري و مشاعري.
بشكركم مره تانيه و في انتظاركم دائماً لنقدي و توجيهي و مشاركتي بأراءكم و أتمنى دائماً أكون عند حسن ظنكم.

                                                                                                                                       شيرين



هناك 40 تعليقًا:

سواح في ملك الله- يقول...

الاخت الفاضلة
شـــــيرين
لاسف لم اقراها
رايح اقراها وانشاء الله هنعلق عليها

مصطفى سيف يقول...

مش عارف الصراحة اقولك ايه يا دكتورة
انا آسف اني حطيتك في الموقف المحرج ده
لو اعرف ان جملتي دي هتعمل المشاكل دي مكنتش كتبتها

FAW يقول...

الأستاذ مصطفي سيف

بحييك من هنا لإسكندرية

شيرين سامي يقول...

بالعكس يا مصطفى سيف الجمله دي عجبتني جداً و خلتني أخد بالي ان مش كل الناس بتقرى بتركيز و تمعن و ده شئ طبيعي لكن ساعات الواحد بيفتكر ان الناس شبهه:)
و بعدين أنا فرحانه أوي ان الجمله علقت مع الناس عشان كده كنت عايزه أرجع الفضل ليك:)

Tears يقول...

هى جملة حلوة

و يبدا ان لما الواحد بيقرا كله بالتعليقات او الاراء المختلفة التاثير فى الاخر بيكون تراكمى خاصة لو بيصب فى المعنى العام او المغزى


تحياتي شيرين

MaldiNi يقول...

هو فعلا زى ما Tears قالت

واحب ان اوضح ان اعجابى بالجمله خصوصاوذكره فى التعليق لاينقص من اعجابى بالبوست كله واسلوبك فى الكتابه انا قريت البوست كله وتعليق مصطفى قبل ما اعلق بس يمكن هيا علقت معايا
اكاد اقسم انى قرأت هذه الجمله فى البوست اكتر من مره! :)

تحياتى لكى تانى على البوست وتحيه لـ مصطفى سيف على الجمله المعبره جدا
اللى عملت القلق ده كله :)

Mona Abo - Elso3od يقول...

تصدقي بالله اناشكيت في نفسي اني مش قريت كويس لما شفت التعليقات وفضلت اقول ياربي هي فين الجملةدي هو انا كروت وانا بقرا رجعت قريت تاني ملقيتش حاجة استغربت اوي و برضه شكيت في نفسي مش معقول كل دول شافوا و انا لأ :)))

Mona Abo - Elso3od يقول...

تصدقي بالله اناشكيت في نفسي اني مش قريت كويس لما شفت التعليقات وفضلت اقول ياربي هي فين الجملةدي هو انا كروت وانا بقرا رجعت قريت تاني ملقيتش حاجة استغربت اوي و برضه شكيت في نفسي مش معقول كل دول شافوا و انا لأ :)))

موناليزا يقول...

:) تعرفى ياشرين انا بحييكِ على كلماتك دى بجد وكان نفسى اوى اكتبها عندى كذا مرة بس ماعرفتش أصيغها كده
أنا كمان فيه تعليقات معينة بتجيلى احس فيها ان اللى بيعلق ماقرأش اللى انا كاتباه وده بيضايقنى
لانى مستعدة اقبل النقد والاختلاف لكن مش قادرة اقبل النفاق

carmen يقول...

‏^‏_^ والله فكرتها جملة في القصة ومش اخدت بالي منها وانا بقرأ بس كدبت نفسي اما لقيت اقتباسات كتير لها خصوصا ان المعني وصلي وحسيتها مش غريبة ^_^

هبة فاروق يقول...

حبيبتى شرين اقسم اننى قرات بوستك الى اخرة ولكننى عندما شاهدت التعليقات اعجبتنى الجملة وتخيلت انى قراتها فعلا فى قصتك لانها تشبة الى حد ما مضمون القصة
اسفة لو كان تعليقى سبب لكى الضيق
فانتى تعلمين انى اشد المعجبين بكتاباتك

faroukfahmy58 يقول...

كتابتك عزيزتى شيرين يتبارى فيها التواضع والخشوع مع حلاوة العبارة وحسن الصياغة وكلامك عصارة حنينك وانينك فكيف لانقرؤك بعمق ونعلق بفهم ونحن بك متشبسين متعلقين ؟؟؟ دمتى لنا ودامت لنا خواطرك

شهر زاد يقول...

فراشة التدوين
الكلام الفار من القلب دون رقابة يصل الى القلب دون رقابة
وانت كلامك سلسل جميل مشوق يغري اي قاارئ بتذوقه
مزيدا من التألق انشاء الله
تحياتي

ويبقى الأمل يقول...

تحياتي
هذه اول زيارة للمدونة وهي جميله ...وانا لست محبزاً لأن تغيري في قصتك بالرغم من أن الجمله ستجعلها من الروائع ... ولكن إن حدث ذلك فلربما لا يمكن أن يتوقف ... ولكن ربما عليكي أن تجعلي ذلك في كتاباتك القادمه إن شاء الله ...
ملحوظة :
يا شعبي الحبيب الصبور المهاود .. تكلم فأنت في قلبي .. الا تخشين من ان نثور عليك يوماً ما ...(O_0)

مدونه ما كفايه بقى يقول...

هقرأها وأقول رأيى ان شاء الله

re7ab.sale7 يقول...

اختي العزيزة
اشد ما اكرهه النفاق والمجاملة
وانا ان لم استطع القراءة او التعليق فلا يجب ان اقول اي كلمة وحسب
لهذا انا احيانا كثيرة اقراء ثم بعد ذلك بيوم او اكثر اكتب التعليق
حتي اكون حقا استطيع أن اخرج ما شعرت به ...لانني قد لا اكون في حالة تسمح لي بكتابة تعليق وقتها
لهذا اكره جدا ان اجد تعليق عندي " جميل روعة حلوة اووي يا رحاب" اكره هذا جدا
واكره ان يجاملني احد لانني لن انجح بهذه المجاملة ...احب النقد البناء

ولا احب ايضا أن يكتب لي احد التعليق بشكل شخصي فما اكتبه غير شخصي بالمرة ولن اكتب شيء عن حياتي الخاصة ليعلق عليها الاخرون
اسفة للتطويل
سأعود للقصة أقرئها ثم اكتب تعليقي ان استطعت
تحياتي وارجو ان تكوني فهمت كلماتي جيدا

reemaas يقول...

طب والله قريتها حتى ماخدتش بالى من تعليقات الناس لانها كتير بدون ار يا شير ى يعنى هههههههههه

ابراهيم رزق يقول...

لم يبق فى شوارع الليل
مكان اتجول فيه
اخذت عيناك
كل مساحة الليل
نزار قبانى

دائما اجمل قصص الحب هى التى لم تكتمل و للماضى شجنه الجميل و دائما يحن المرء الى الماضى و عندما تخلصت من قيود معطفها كأنها تخلصت من حاضرها و عادت الى ماضيها الجميل فهل تجده قصة جميلة بتفاصيل اجمل

ابراهيم رزق يقول...

مش للنشر
اخطاء كيبوردية
صناديق البريد
يمشى بدلا من يشمى
خالص تحياتى

ثـــوره الــغضب يقول...

بجد كنت عايز اضحك

لأن بيحصل كتيير وناس بتستسهل وتفهم البوست من اول تعليق اكيد سيف مكنش يقصد شيئ ولكن التدوين لم يعد تدوين واتمنى ترجع القرأه كما كانت فى سابق الزمن

سورى لأنى مقرأتش قصتك ومكنتش موجود اصلا بس اوعدك هقرأها

تخاريف مترجــِــمة يقول...

شيرين للاسف انا ملحقتش اقرأها قبل كده بما اني كنت بره الخدمة الشبكية :)
بس بجد رائعه
وطبعا
انا بحييكي على تنبيهك ده والله
الردود التي تأتي لمجرد الرد للاسف بتؤلم جدا :( مش محتاجينها لو هتيجي بنفاق

وبحيي اخونا مصطفى لبراعته التعبيرية

♥نبع الغرام♥♪≈ يقول...

مش عيب اننا نستفاد من بعض حبيبتى
وجميله اوى ملحوظتك
ان شاء الله هروح اشوف القصه

تحياتى
ايناس

اسماء عبدالعزيز يقول...

حبيبة قلبي الجميلة
دكتورة شرين
وحشتينى ياقمرى
ودايما مبدعة ورائعة
انا قريت القصة وبجد جميلة جدا
اتمنى لك مزيد من النجاح والتفوق
دمت بحب

شيرين سامي يقول...

تيرز و هبه فاروق و مالديني و كارمن و ريماس أنا مش متضايقه أبداً و عارفه ان الجمله حلوه فعلاً و بتعلق مع اللي بيقرا
شكراً و تحياتي ليكم

شيرين سامي يقول...

منى أبو السعود: أنا نفسي شكيت في نفسي ههههههههه و حسيت اني مش فاهمه:)
نورتي يا قمر يا مركز انت

شيرين سامي يقول...

موناليزا: عندك حق في كل كلمه شكراً يا جميل لتواجدك و تعليقك الرائع:)

شيرين سامي يقول...

فاروق فهمي: أحرجتني بذوقك يا أستاذي ربنا يديم عليا تعليقاتك الرائعه
تحياتي العطره لك

شيرين سامي يقول...

شهرزاد: أشكرك جداً على كلماتك الرقيقه المشجعه دائماً
نورتيني يا شهرزاد التدوين

شيرين سامي يقول...

و يبقى الأمل: أولاً نورتني بزيارتك الأولى و أتمنى ألا تكون الأخيره
طبعاً لن أضيف على قصه كتبتها من رحم أفكاري جمله لم أتبناها مهما كانت رائعه اشكرك على مجاملتك الرقيقه بالنسبه لشعبي لا تخف من الثوره فقد فهمتكم الآن!!ههههه
تحياتي لك

شيرين سامي يقول...

مدونة ما كفايه بقى: في انتظارك يا عزيزتي:)

شيرين سامي يقول...

رحاب صالح: أختي الجميله اللي بحب آراءها جداً عندك حق التعليق اللي ميتعداش كونه مجامله بيبقى مش مفيد زي ما يكون تعليق بيحتوي علو نقد أو وجهة نظر أو مواطن حقيقيه للاعجاب و بردو بينرفز جداً ان قارئ يعلق على قصه أو خاطره بشكل شخصي و كأن مش من الطبيعي ان الخيال يبقى خصب و ينبت أفكار متعدده و حالات مختلفه!
شكراً يا رحاب على تعليقاتك الجميله المختلفه دائماً
و يا رب دائماً منوراني

شيرين سامي يقول...

ابراهيم رزق: بشكر حضرتك مرتين مره عشان أبيات نزار اللي دائماً بتبهرني و مره عشان قراءتك و تعليقك الرائع اللي حسسني اني قدرت أوصل المشاعر المراده من خلال كلماتي .
بالنسبه للأخطاء عُلم و ينفذ:)
تحياتي الخالصه لك

شيرين سامي يقول...

ثورة الغضب: اضحك هو شئ مضحك فعلاً :)
أشكرك على متابعتي و في انتظار قراءتك للقصه بس اوعى تقولي نفس الجمله:)
تحياتي ليك

شيرين سامي يقول...

تخاريف مترجمه: حبيبتي براحتك اقريها لو جت فرصه لو منفعش و الله مهزعل اشكرك على انها عجبتك و تعليق مهم و صحيح جداً.
و بضم صوتي ليكي فاعجابي بتعليق مصطفى سيف
تحياتي الخالصه ليكي

شيرين سامي يقول...

♥نبع الغرام♥♪≈: عزيزتي مفيش مشكله نستفيد من بعض لكن أنا كنت بهزر مش ممكن هاخد جملة كاتب و أنسبها لنفسي مهما كانت حلوه.
بشكرك يا جميله و نورتيني

شيرين سامي يقول...

أسماء عبد العزيز: صديقتي و أختي الجميله المدونه و البلوجر كله نور حمد لله على سلامتك و بشكرك على تعليقك اللي أسعدني جداً خاصة انه من كاتبه رائعه مثلك.
تحياتي الخالص لكي

;كارولين فاروق يقول...

الحمد لله اني قرأت البوست
جيدا وانت تعلمين ذلك
اما عن ملحوظتك فهي في
غايه الاهميه لمن يريد المجامله
فقط
فأنا اري ان من لا يملك الوقت
للقراءه او لم يعجبه البوست
فمن الاحسن له الا يعلق
وسوف يحترم علي ذلك

Dev Nasser يقول...

ما قراتها .. مشان كدة ما راح اعلق حاليا مشان ميكون تعليقي خارج عن الموضوع ولا غير معبر عن فهم جيد لهدف التدوينة (المقالة ) بس راح اعلق ان شاء الله واقول رايي
سرني تواجدي هنا
كما تشرفني متابعتك ومشاركتك على مدونتي
http://pxfree.blogspot.com/
تحياتي

Days and Nights يقول...

الأخت العزيزة / شيرين

مدونة أكثر من رائعه ... بلفعل أنتى حدوته يحب متابعتها ... دمتى بكل الحب

السيد الحسيسى يقول...

رائعه
ارجو من سيادتك الانضمام لمدونتى وتنظيمها كمدونتك الرائعه وشكرا لك