و مترضاش تتهان كرامتك
لسه في ناس بتعشق تفاصيلك و سحرك
مش بس نيلك و ليلك و طينك و شمسك
في حاجه غصبن عن الواحد تخليه يسامحك
و برغم من غيبة شروق الحق فيكِ
و برغم من طول ليالي الغُربه فيكِ
و برغم من كل كاره و جارح ليكِ
لسه في ناس نفسها باديها تداويكِ
ولو في ناس بتحلم تفرّق ولادك
ولو في ناس بتسرق باسمك تزوّر باسمك و تغلط في ذاتك
اصبري...دا الصبر زوادك و زادك
و لو في ناس بالاسم أهلك
في ناس ممكن تعمل أي حاجه لأجل ابتسامتك
يمكن بننسى يمكن بنقسى لكن في الآخر مالناش الا حُضنك
و بلمه حلوه و أكله حلوه و تمشيّه حلوه بين شوارعك
نتمنى نفضل باقي العمر جنبك
و حتى لو في ناس نفسها تقطم زمارة رقبتك
بردو في ناس بتدوب في أرضك
و لو في ناس بتخونك
في ألوف لأ...ملاين تقبل تموت و تصون عرضك
و لو في ناس ترضى تتهزم قصاد مشاكلك
في ناس كتير معاك ضد غدر زمنك
و لو في ناس نسيوا مكانتك...و افتكروا ضعفك
باعوا ضمايرهم و استهونوا بغضبك
متزعليش يا غاليه
لسه في ناس بتحبك
هناك 53 تعليقًا:
رغم غضبنا منها فى بعض الاحيان
رغم الحال المنيل اللى ميسرش عدو ولا حبيب
رغم اغن الفساد زاد و استشرى و ريحته بقت تزكم الانوف
الا اننا منقدر نعمل حاجه غير اننا نحبها
بلدنا بقى و اللى مالوش خير فيها مالوش خير فى حد
كلامك حلو اوووى و محسوس جدا
انشودة جميلة فى حب مصر
وانا كمان بحبها بحلوها ومرها
تسلم ايدك ياقمر ومصر حتفضل حلوة بعيون اهلها
و لو فيه رجالة مش فالحين فى اى حاجة غير التحرش و المنشطات و الحشيش بدل ما يثورا لكرامتهم و حقوقهم و ثرواتهم و حريتهم و مستقبل ولادهم سامحينا لاننا خلاص ح نضيعك و ح تبقى ذكرى لو فضلنا كده و التاريخ بيثبت ان احنا فى اتجاه الهاوية و ده مش تشاؤم لكن ممكن اثبته بالارقام و بعلم الاقتصاد مش بس بالسياسة و الواقع لولا ضيق المساحة
ربنا يبعتلنا رجالة زى تونس و الجزائر !!!
فيه
أكيد فيه كتير
بس المشكله مش فيها فى اللى مسكنها
و بيكرهونا فيها
اممممممممممممممم
برغم كل شيء بنحبها وهنفضل نحبها مهما حصل ومهما قلنا في قلوبنا غير كلامنا...
انشودة ...تستحقي عليها بوسات وحضونات كتيييرة
رغم كل الاهانات والبهدلة اللي شفناها
رغم الفقر والجهل والمرض اللي ملانا
رغم كل الفساد والسرقة والجشع اللي هاجمنا
مش هنملك حاجة تانية غير اننا نحبك بجد
جميل اننا نتغنى بحبك يا مصر
كلامك جميل يا شيرين وطالع من القلب
تحياتي
كلام من القلب
للرقيقة شيرين
كلامك جميل وطالع من جواكي
تحياتي ياشيرين
دمتي دائما اختا فاضلة
السلام عليكم ورحمة الله
كل ما اسمع او اقرأ كلام زى كلامك افتكر
قصيدة صلاح جاهين (( على اسم مصر التاريخ يقدر يقول ماشاء ... انا اسم مصر عندى احب واجمل الاشياء ))
مصر مش جرد مكان ولا مجرد تاريخ ولا مجرد ناس
مصر دى الدم اللى بيجرى فى الشرايين
لا تتصورى مدى حزنى عليها وهى بتشيخ امامنا وما حد راضى يبوس اديها ويقولها حقك علينا يا امى
الكل عايز يخلص على الشوية اللى فاضلين فى عمرها للاسف
والله ياشيرين خايفة اوى اوى من اللى جاى ربنا يستر
تحياتى لك حبيبتى
بالنسبة للصورة لو عندك حد يفهم فى الفوتوشوب يعدل من الصورة ويجعلها بحجم يتناسب مع راس الصفحة انا اخويا هو اللى بيعمل الاشياء دى لى بس هو مسافر الان لو ماعندك حد انتظرى ايام وان شاء الله اخليه يعملها لك وارسلها لك ان شاء الله حبيبتى
ربنا يوفقك دايما
دمت بخير
ماهو زي ماقال جاهين
عشق زي الداء
:)
خاطرة جميلة ياقلبي
تسلم ايدك
فكرتيني بفيلم عسل اسود ^_^
فراشة التدوين
هو انا مش منها وبعشقها تبقى حالة ايه من الناس الي من ترابها
الفساد ملوتش مصر لوحدها دا فيروس بين الدول العربية
ربنا يحمي بلدانا ويعفيهم ويخلي مصر ام الدنيا
تحياتي
جميله قوي كالعاده
تحياتي . .
لسه في ناس بتحبك
و مترضاش تتهان كرامتك
لسه في ناس بتعشق تفاصيلك و سحرك
مش بس نيلك و ليلك و طينك و شمسك
في حاجه غصبن عن الواحد تخليه يسامحك
و برغم من غيبة شروق الحق فيكِ
و برغم من طول ليالي الغُربه فيكِ
و برغم من كل كاره و جارح ليكِ
لسه في ناس نفسها باديها تداويكِ
شيرى
الله عليك يا قلبى
طبعا بنحبها مهما يحصل منها انا وانت وتمانين مليون مصرى بيحبها
رائعه هى وطنيتك غاليتى
دمت مبدعه
تحياتى
يافرحتها بالناس اللى لسه بيحبوها بس مايقدروش يعملوا لها حاجة
كأبتيني يا موناليزا:(
بس اللي أعرفه ان الحب في حد ذاته قوه تقدر تخلينا على الأقل نصلح نفسنا و نغير أي غلط نشوفه لم مش بادينا بلسانا و لو مش بلسانا بقلبنا و صدقيني احنا بنحاول نتأقلم و نتغلب على الواقع أحسن ما نهاجر و لا نتغير عشان نواكب الفساد و لا نيأس و ندفن وشنا في الرمل
حبنا لمصر بيجري مجرى الدم حتى لو مقدرناش نعمل حاجه
الحمد لله انا مش من الناس دول هههههههه
اقصد الناس اللى بيحبوها يعنى ههههههه
ولو لم اكن مصريا لوددت ان اكون كنديا
وهى كندا وحشة يعنى ههههههههههه
وبعدين انا مش عارف مين الناس اللى علقوا قبلى دول هما بيحبوها طيب وانا مالى
ماتقلش ايه حندى مصر ... نقول ايه ادتنا مصر
ندخل بقا على مصر ،،،،،،،،،، ما احنا كنا فى كندا من شوية هههههههه
الناس بالمكان ولا المكان بالناس
اعتقد ان المكان بالناس يعنى الناس هى اللى بتدى للمكان روح وقيمة وهما برضه اللى بيشوفوه جميل او وحش
مصر دى مصرين
مصر النيل والنخيل والشجر والطيبة والزرع والمعابد والاهرمات
او مصر الناس والنظام الحاكم والمستفيدين والفساد والامن والجبروت
الخلاصة لما احب امشى فى مصر المكان بيمنعى - بالقوة - مصر النظام
وعجبى
يعنى لو سألنا صيدلى ومعاه عربية وعياله فى مدارس خاصة يقول مصر حلوة وبحبها
وده وصف لناس كتيييير هههههههه
انما لو رحنا العشوائيات حنلاقى ناس ب ب ب يووووه بــ ..... على مصر وام مصر واللى بيحبوا مصر
ودول ملايين كتير ودول الاغلبية
باختصار تانى بدل ما تاخدى طريق النصر من بعد اشارة نادى السكة وتكملى وتشوفى عباس العقاد ومكرم عبيد والنادى الاهلى والشروق وشيراتون
لا يا بابا : خدى طريق النصر من ناى السكة واطلعى على السيدة عيشة والويقة والمدافن .... روحى هناك بقا وقولى براحتك " بحب مصر " ومليش دعوة بالرد اللى ممكن يردوه عليكى هههههههههه
ثم ان اللى بيقول انه بيحب مصر الرئيس بذات نفسه بيرد عليه وبيقله انت كداب .... حتى اسمعوا كلامه وانتوا تصدقوا ،،،،، وإلا وافقولوا على التوريث
ال مصر ال
الا مصر دى دولة ولا بنك
حبوا مصر براحتكم .... حبتكم العافية
يا عبد الكريم يا عبد الكريم و الله بعدي على الدويقه و نادي السكه و المدافن و ركبت باص و مترو و اتدعكت بردو مش مرفهه أوي كده و بعدين دي مشاعر جوايا هو حرام حد يحبها للدرجه دي حتى الحب كتير عليها!!!
أنا واحده بشوف الأشياء بعيوني و الأماكن بحلوها لو عديت جنب كوم زباله هشوف مائدة الرحمن اللي جنبه و بعدين المشكله في النظام و الناس الفاسده مش في الأرض الطيبه
التعليق اللي اتحذف عشان مُكرر
احنا مبنتهددش:))
واوا يا شيرين
واوا
سيرة مصر وحبنا ليها اللي عامل زي ادمان المخدرات بقى واوا
ادمان مخدرات مخلينا نتطوح بدون انجاز
الواحد يزهق ويمل
ويرجع تاني بالأمل
وبين الأمل واليأس
يعيش معظمنا الآن
وبرضه بنعشقها
شكرا على الإحساس الروعة والكلمات الجميلة
حب الوطن فرض عليا
رغم كل شئ الوطن عرض وكرامة وبرغم المعاناه والتعب والتشاؤم ده وطني
تحياتي وتقديري لاسلوبك المميز
الله عليكي يا شيرين بجد هايلة ايوه فعلا بلمة حلوة و اكلة حلوة و تمشية بين شوارعها ننسي كل حاجة
ربنا يحفظها و يرحمنا من اللي ماسكها
تصدقي بالله كنت علي بالي النهاردة و كنت هابعتلك ماسيدج علي الفيس اطمن عليكي
بس خلاص اطمنت :))
خلا يا جدعان
انا اسف
مصر ام الدنيا وحبيبتنا كلنا
هو فى حد ميحبش امه برضه يا جدعان هههههههههههههه
وبعدين انا اتكلمت على الصيادلة هو انا كلمتك هههههههههههههه
http://www.shorouknews.com/ContentData.aspx?id=371662
محاولة جميلة منك
مع اني مش عارف باين اتلخبطت وفاكرتك بتوجهي الخطاب لمذكر مش مؤنث ...يمكن عشان
مافيش كسرة تبين
يالا العتب على النظر
بس هي جميلة
حلوة القصيدة جدا يا دكتورة شيرين
انتى بتصبرى مصر ، طيب كويس
شعر بسيط لكن فعلا نابع من القلب .
على فكرة أنا كنت ع ( اقرا ) القصيدة قبل ما حضرتك تعلقى عندى ، بس المشاغل بقى خليتنى معلقش على طول ، فسيبتها فى المتصفح شوية :)
تحياتى لحضرتك
الكاتب الكبير مُحب :)
أنا مش من الناس اللي بعلق عندك عشان تعلق عندي أنا بعلق على اللي بقراه و بيعجبني بس
أشكرك و نورت
الله عليكى يا شيرى
كلها دفعه قويه لإشعال الحب بعد إخماده
لسه فى ناس بتحبك
وهتفضل تحبها
ربنا يسترها معانا
ان شاء الله
تحياتى لجمال كلماتك
الدكتورة الموقرة شيرين سامى
أنا حاسس انك زعلتى من كلامى :(
أنا زيك بالظبط على فكرة
واللى قلته ده ، قلته لحسن حضرتك تفتكرينى من الناس اياهم :)
بتوع تعليق بتعليق :)
دمتى فى خير وسلام .
كلنا محتاجين نفهم دا ونقوله لنفسنا اننا لو بنعاتب او بنقول فى حاجه غلط دا لاننا بنحبها وعايزنها احلى بلد فى الدنيا والعيب عمره ماكان ولا هيكون فيها العيب فى اللى اتمكنوا منها باى طريقه من الطرق بصراحه زهقت من كل الاس تقول فى وفى وفى طيب ما نقول حلول بقى احنا عرفنا فى مشاكل حل بقى ولا غاويين نقول كلام وخلاص
تحياتى ليكى بوست حلو ومهم
انواع الحب كثيره جدا منها بطبيعة الحال حب الوطن لانه يشهد فرحى وحزنى يشهد سعادتى وجرحى اجد فيه الشىء الحميل واجد فيه الشىء المر ولولا ان ارى الاشياء السيئه ما احببت الاشياء الجميله. كل شىء يوجد به الجميل والسىء لان ما خلق شىء كامل الا رسولنا الكريم انشوده فعلا جميله ومهما حدث فعلا لا يوجد بداخلنا الا كل حب لوطننا الغالى الذى نفديه بدمائنا تحياتى لكى على كلماتك الجميله تقبلى مرورى وارجوا ان تشرفينى بمدونتى المتواضعه لكى تحياتى الاحــــــــــــــــلام
اى الجمال ده ياشيرى
بجد تحفة
هتفضل مصر مهما اتغيرت معالم الدنيا هى ام الدنيا
لا اشعر بمعاني هذه الابيات اصبحت لا اصدق اي شيء غير اننا لا نغير
و مصر لن تتغير الا بنا حينها استطيع ان اشعر بتلك الابيات
مصر بقت علي كف و ليس في القلب
او ممكن تكون في قبضة غيرنا الي ان تستقر مره اخري في قلوبنا ...
يحلها الشعب مع نفسه بقي
مش يحلها الحلال زي كل مرة و كله بأمر الله عموماً
تحياتي
فعلا رغم اى حاجة وكل حاجة بنحبها وبنحبها اوى كمان
بحييكى ياشيرين بجد جميلة جدا
وكمان بعتذر عن تقصيرى الشديد
العزيزة شيرين ممكن نخلى الكلام عن التدوينة فى الأخر علشان أنا عندى خناقة مهمة مش ممكن تتأجل؟ :)
طبعاً أنا دخلت متأخر وكالعادة باقرأ التدوينة والتعليقات عليها ولقيت ناس بتنتقد أحوال سيئة فى مصر وكأن مصر دى هى اللى بتسرق وهى االلى بترتشى وهى اللى بترمى الزبالة وهى اللى عايشة بسلبية.
مصر دى هى صورتنا فى المراية لو أنت سايب شعرك منكوش ومش حالق دقنك على الصبح يبقى لازم تتخض لما تبص فى المرايه أوعى تشتم المراية وأوعى تكرهها لأن المرايه مش هتوريك حد تانى المرايه بتوريك نفسك.
اللى زعلان من الزبالة فى الشوارع عمل إيه علشان يحل المشكلة؟
واللى بيتكلم عن العشوائيات عمل إيه علشان يخلى العشوائيات مكان أحسن؟
أتطوع علشان يقدم لهم مساعدات؟
قدم من وقته كام ساعة كل أسبوع علشان يعلم الولاد هناك سلوكيات كويسة؟
اللى بيسأل مصر أدتنا إيه مصر أدتنا كتيييير لكن إحنا إدينالها إيه؟
اللى بينتقد مصر بينتقد واحد واقف قدامه فى المرايه.
لما نحاول نصلح مصر سنين قد السنين اللى خربناها فيها وقتها يبقى لينا حق نتكلم.
التدوينة جاية فى وقتها يا شيرين وتلقائية كالعادة وفيها ألفاظ دمها خفيف :)
بس المشكلة أنها جات على الجرح
تقبلى تحياتى ومعلش أنى جيت أتخانق عندك بس الكبت ضار جداً بالصحة :)
الاستاذ حسينى : -
اسمح لى أن أقول أننى موافقك مائة بالمائة
تحياتى
يسلم لسانك
كلام جميل من القلب
من عاشقه لبلدها
ومهما حدث من احداث
بيد اعدائها ستظل
في القلب
ومهما عانينا فيها
ستظل في القلب
تحياتي لك
السلام عليكم شيرين
تحياتى
والله يا غاليه طول عمرنا بنحبها بس هى ما بتديش حد حاجه .. دائما بتاخد وخلاص .. مش عارف ليه احنا بنحبها مع انها ليست حنينه علينا
تحياتى
ما شاء الله
جميلة جدا
وبالطبع مصر لن نجد فى اى بلد افضل منها ومن اهلها
بارك الله فى قلمك الجميل
بنحبها
كلنا بنحبها
رغم الالم
و لو في ناس نسيوا مكانتك...و افتكروا ضعفك
باعوا ضمايرهم و استهونوا بغضبك
متزعليش يا غاليه
لسه في ناس بتحبك
اكيد
بنحبها
وربنا يديم علينا حبها
تحياتي
رائعة جداً هذه الكلمات المعبرة الصادقة
نعم لسه فى ناس بتحبك وستظل تحبك مهما حدث ومهما كان......
السلام عليكم ورحمة الله وبركاته
_________
خاطرة جميلة جدا حملت أجمل معاني في حب مصر التى هي أمنا جميعا
واتفق مع الاخت " صيدلانية طالعة نازلة "
أن اللى ملوش خير في بلده ملوش خير في حد
_________
خالص تقديري واحترامي
ومعذرة على التأخير
Casper
عزيزتي
في كل مرة انا مقصرة ومتأخرة سامحيني
حبيبتي هكذا دائما القلوب الصادقة في حب الوطن يخرج كلامها عزف لحن على وتر الانتماء للأرض لا فرق عندي بين فلسطين ومصر ما دامت بلادنا عربية فهي أرضنا جميعا
احببت تغنيك بالارض وبالوطن وبحبك له ونحن ايضا نحبه ونحب جذورناالراسخة به
تحياتي لحسك الرائع
كلمات رأئعة أحييكي عليها وياريت تنزرع في قلب كل مصري لأننا لو حبناها بجد هنقدر نخلي أيامنا فيها أحلى
أصحابي و اخواتي المدونين و المدونات تعليقاتكم أهم حاجه في أي بوست بنشره بشكركم أوييييييييي على مشاركتكم و تشجعيكم ربنا يخليكم ليه:))
دكتوره ستيته نورتيني بعد غيبه و تعليقك بيفرق معايا جداً شكراً ليكي
أستاذ فشكول نورتني حمد لله على سلامتك و يارب دائماً متابعني
فينوس البلوجر كله نور و مدونتي بالذات حمد لله على سلامتك
Manoo و محمد الجريحي و الأحلام و شوارعي أول زياره بجد سعيده جداً و يا رب تتابعوني دائماً عشان أسعدتوني بتعليقاتكم
شمس العصاري, موناليزا و المصوراتي عارفه انكم بتحبوها أكتر من أي حد عشان كده غيرانين عليها و مهمومين بيها سعيده بآراءكم جداً الحسيني تعليقك عجبني أوي و مظبوط جداً دائماً آراءك مُميزه و بتعجبني
تحياتي للجميع:))
السلام عليكم
حبيت كلماتك وتتصبيرك لبلادك
وربنا اكيد بياخذ لكل ذي حقِ حقة
تقبلي مروري
سلامي لاجمل شرين.
السلام عليكم
أختي شيرين..
أنا من الناس دي والله..
من اللي مش ناويين يسيبوها للي فاكرين إنهم تكية ليهم!!!!
جميلة كلماتك العفوية المعبرة..
تحياتي أخي الكريمة.. ومعذرة على التأخير في التعليق رغم أني قرأتها من أول يوم..
يا بلد معاندة نفسها..
يا كل حاجة وعكسها..
ومع ذلك..
فعلا..
بنحبها..!!
بلدنا هتفضل فى قلبنا
هنفضل نحبها وبروحنا نفديها
مهما كنا بنعانى فيها
السبب مش فيها
السبب فى البعض فيها مدمرين كل حاجة حلوة فيها
كلمات جميلة شرين
تسلمى عليها
مع خالص تحياتى
كلمات نابعه من قلب بيحب مصر
وما خرج من القلب لا يصيب سواه
وزى ما قال شاعرنا الجميل صلاح جاهين
أكرهها وألعن أبوها بعشق زى الداء
تقبلى تحياتى
كلنا بنحب مصر
مصر مهب ام المصريين فقط بل أم كل العرب
وياااااااااااارب ترجع الامور احلى
الوطن محبوس ومقيد زى ماحنا مقيدين
يوم ما هانتحرر هيتحرر هو كمان معانا
إرسال تعليق