أول واجب تدويني أكتبه و بصراحه محتاره أوي كأني أول مره بكتب, الواجب طلبته مني المُدونه الجميله وداد صاحبة مدونة شوق وحنينhttp://wedadsalah.blogspot.com/ مطلوب مني أجاوب على سؤالين
الأول:هل أنا فضوليه و بحب أتدخل في شؤون الآخرين؟
الاجابه: يمكن تكون غريبه بس أنا مش فضوليه خالص و مش حشريه أبداً مع الناس و الأصدقاء , يمكن بس مع أسرتي بابايا و مامتي و اخواتي و جوزي طبعاً طبعاً لكن غيركده مبعرفش من الناس غير اللي هما عايزين يقولوا و مبسألش حد غير لما تكون في حاجه تستدعي السؤال و مبحاولش أعرف حاجه متخصنيش الا لو عايزه أطمن على حد مثلاً ,
بس عندي مشكله اني بقول على طول يكفي انك تسألني سؤال واحد عشان تعرف قصة حياتي, يعني لما بتكلم مع حد بيعرف عني كل أخباري و بلاقي نفسي ماعرفش عنه حاجه, الحكايه دي بتضايقني أوي في نفسي, أُمي الحبيبه بتقول عليه اني (بتدلق) في الكلام و أول حاجه بقولها هي اللي مفترض اني أخبيها, ده غير ان الناس بتقعد تسأل فيه و محدش بيقولي حاجه عن نفسه!!!
الثاني:ما هي الأسأله التي تستفزني؟
الاجابه:كتيييير بداية من (عندك كام سنه؟) (بتقبضي كام؟) طب و انت مالك...
في ناس تقابلها تقولك (هتخرج فين النهارده؟) (هتتغدى ايه؟) ساعتها بقول بس اليوم باظ و الأكل هيتحرق
ده غير الأسأله الأكثر استفزازاً لما البنت بتتخرج بغمز و لمز (ايه يا ست البنات مفيش حاجه كده و لا كده؟)
و أول لما بتتخطب (هتتجوزوا إمتى ها ها؟) تقريباً كل ما تشوفك
و أول لما تتجوزوا ( أخبار الجواز ايه؟) طب المفروض تردي تقولي ايه...
بعد الجواز بشويه (إيه مفيش حاجه في السكه؟) إتفضلوا معانا...
و لو إتأخرتي في الحمل(طب العيب منك و لا منه؟) العيب منك...
و لما تجيبي بيبي (ها بترضعي طبيعي و لا صناعي؟) زراعي...
و لما تُفطمي البيبي (مش هتخاويه ؟) (هتخلفي تاني امتى؟)
يا ناس يا هووه انتو مالكو سيبوا الناس في حالها الدنيا ماليانه ضغوط مش ناقصه كمان حد يضغظ على أعصاب غيره بأسألته المُستفزه
يا رب ماكونش طولت عليكم و أحب أمرر الواجب ده للمدونين أصحابي كلهم بس هختار خمسه أجبرهم عليه,
سندباد صاحب مدونة فكره
آخر أيام الخريف صاحبة مدونة بره الشبابيك
سواح في ملك الله صاحب مدونة سواح في ملك الله
نهى صالح صاحبة مدونة كلام فاضي
الحسيني صاحب مدونة ديزرت روز
الأول:هل أنا فضوليه و بحب أتدخل في شؤون الآخرين؟
الاجابه: يمكن تكون غريبه بس أنا مش فضوليه خالص و مش حشريه أبداً مع الناس و الأصدقاء , يمكن بس مع أسرتي بابايا و مامتي و اخواتي و جوزي طبعاً طبعاً لكن غيركده مبعرفش من الناس غير اللي هما عايزين يقولوا و مبسألش حد غير لما تكون في حاجه تستدعي السؤال و مبحاولش أعرف حاجه متخصنيش الا لو عايزه أطمن على حد مثلاً ,
بس عندي مشكله اني بقول على طول يكفي انك تسألني سؤال واحد عشان تعرف قصة حياتي, يعني لما بتكلم مع حد بيعرف عني كل أخباري و بلاقي نفسي ماعرفش عنه حاجه, الحكايه دي بتضايقني أوي في نفسي, أُمي الحبيبه بتقول عليه اني (بتدلق) في الكلام و أول حاجه بقولها هي اللي مفترض اني أخبيها, ده غير ان الناس بتقعد تسأل فيه و محدش بيقولي حاجه عن نفسه!!!
الثاني:ما هي الأسأله التي تستفزني؟
الاجابه:كتيييير بداية من (عندك كام سنه؟) (بتقبضي كام؟) طب و انت مالك...
في ناس تقابلها تقولك (هتخرج فين النهارده؟) (هتتغدى ايه؟) ساعتها بقول بس اليوم باظ و الأكل هيتحرق
ده غير الأسأله الأكثر استفزازاً لما البنت بتتخرج بغمز و لمز (ايه يا ست البنات مفيش حاجه كده و لا كده؟)
و أول لما بتتخطب (هتتجوزوا إمتى ها ها؟) تقريباً كل ما تشوفك
و أول لما تتجوزوا ( أخبار الجواز ايه؟) طب المفروض تردي تقولي ايه...
بعد الجواز بشويه (إيه مفيش حاجه في السكه؟) إتفضلوا معانا...
و لو إتأخرتي في الحمل(طب العيب منك و لا منه؟) العيب منك...
و لما تجيبي بيبي (ها بترضعي طبيعي و لا صناعي؟) زراعي...
و لما تُفطمي البيبي (مش هتخاويه ؟) (هتخلفي تاني امتى؟)
يا ناس يا هووه انتو مالكو سيبوا الناس في حالها الدنيا ماليانه ضغوط مش ناقصه كمان حد يضغظ على أعصاب غيره بأسألته المُستفزه
يا رب ماكونش طولت عليكم و أحب أمرر الواجب ده للمدونين أصحابي كلهم بس هختار خمسه أجبرهم عليه,
سندباد صاحب مدونة فكره
آخر أيام الخريف صاحبة مدونة بره الشبابيك
سواح في ملك الله صاحب مدونة سواح في ملك الله
نهى صالح صاحبة مدونة كلام فاضي
الحسيني صاحب مدونة ديزرت روز
و بنتهز الفرصه عشان أنوه عن حملة بؤجة الخير الشتويه اللي بيقوم بيها المدونين الجدعان أحسن ناس عشان يجمعوا ملابس و بطاطين للناس البسطاء خاصة اننا داخلين على الشتا و حرام يبقى عندنا فائض مبنستعملوش و شيلينوا لحد ما العته هتاكلوا و مستخصرين نديه لحد الفقر كل جسمه قبل البرد, ترضاها لأخوك مش احنا اخوات بردو و لاهي شعارات و خلاص, و لو خايف على فلوسك متقلقش (ما نقُص مال من صدقه) و اللي معندوش اللي يتبرع بيه على الأقل ممكن يساعد بمجهوده للمعلومات عن مكان و معاد التجمع على الرابط ده :
http://bloggers-house.blogspot.com/2010/11/blog-post_24.html
بيت المدونين
http://bloggers-house.blogspot.com/2010/11/blog-post_24.html
بيت المدونين
تحياتي و سلامي و حبي للجميع و يا رب ماكونش طولت عليكم
ملحوظه: الهورمورك يعني الهووم ورك بس بلُغة آمن إبني :))
هناك 57 تعليقًا:
صباحك سكر وعنبر
أشكر هذا الواجب التدويني الذي أتاح لنا الفرصة للتعرف على بعض جوانب شخصيتك وصراحه من أهم ما اكتشفته وأنا أقرأ هذه التدوينة بالاضافة إلى فكرتي السابقه عن احساسك المرهف عند الكتابه هو خفة دمك الجميلة جدا ومن جانب آخر انسانيتك الرائعه في الترويج لمساعدة المحتاجين والفقراء ... ماشاء الله عليك يا شيرين
ذكرتني فعلا بمقولة للكاتب الكبير أنيس منصور (( المرأة الفاضلة صندوق مجوهرات يكشف كل يوم عن جوهرة جديدة )) .
نهارك سعيد
شرين الجميلة
وحشتيني ياقمر
لو اوى الأكل هيتحرق دى
هههههههههه
دايما معايا بصراحه
اول ماحد يسأل السؤال دا
بحس ان الكله باظت
والجوازة باظت
هههههه
دمت بكل الحب
كوني بخير
سلام عليكم الاخت الطيبه شيرين
بحكمي علي ماقلتي انتي شخصيه طيبه
جدا جدا ومحط انظار من حولك
وكثيرون هم من يطمعون في كرمك
الي حد محاولة تدخلهم بالاسئلة
التي تطرق الي حياتك الشخصيه
وتؤرقكي
طمعا في التقرب منكي
والتطفل علي حياتك
وانا اسدي لكي نصيحة من اخ
من سنة رسول الله
صلي الله عليه وسلم
واستعينوا عي قضاء حوائجكم
بالصبر والكتمان
اما عن الهموورك بتاعي فانا
تحت امر اختي الفاضله
سوف يكون اول بوست اكتبه هو الهموورك بتاعك
تحياتي الطيبه لكي
شكرا انك عرفتينا عليكي من خلال الواجب التدويني ده
وجزاكي الله خير علي تنويهك علي بؤجة الخير وربنا يخليلك آمن
وشكرا علي التدبيسة دي ياسيتي
تقبلي مروري
اجاباتك جميله يا شيرى
والصراحه عندك حق فى الاسئله المستفزره دى
جزاكى الله كل الخير عن التنويه
ويارب نشوفك يومها ان شاء الله
كل همورك وانتى طيبه
السلام عليكم ورحمة الله
جزاك الله خيرا حبيبتى انك شاركتينا ارائك الجميلة
تقريبا كلنا مشتركين فى بعض الامور
عندك حق فى كل كلامك و ما ابشع وافظع ان يتدخل انسان بشكل مستفز فى حياتنا برغم انك لم تطلبى منه هذا
والاجمل محاولاتك لفعل الخير بارك الله فيك واعانك عليه حبيبتى
دمت بكل حب وحنان وصفاء
واجب ناجح
وكلامك اتفق معاكى فية
ربنا يوفقك ويكرمك
مع حالص تحياتى
عسل يا شيرى ضحكت وانا بقرا الكلام
وانا كمان عندى تدبيستين الاولى زيك الاجابة
على السؤالين والتانية كرسى الاعتراف
ربنا يستر بقى سلامى لكى ولاسرتك الجميلة
عشرة على عشرة فى الهوم ورك يا شيرى انا عن نفسى بقيت اقول انت مالك للناس كتيييييييييييييييييير
هههههه فعلاً أسئله كلها من الصنف المستفز خصوصاً المتعلقة بالزواج والحمل "أشياء شخصية لا يجوز بأى حال التطفل عليها"
أشكرك على التدبيسه وإن شاء الله تكون تدوينتى القادمة
وجزاك الله خيراً على التنويه عن حملة بؤجة الخير الشتوية "الدال على الخير كفاعله" تقبل الله منك وجعله فى ميزان حسناتك
تحياتى لآمن وللهورمورك بتاعه :)
السلام عليكم
تحياتى
بصراحه البروفيل سكر وعسل نحل وتمر هندى كمان
انا قعدت قدام البروفيل ييجى ربع ساعه ..
تحياتى على هذا التاج الجميل واجاباتك الرائعه
تحياتى
ههههههههه
والله انتي حكاية يا شيرين
بجد دمك خفيف ربنا يحميكي
على فكرة انا الاول كنت مستغربة اوي من العنوان
وقلت معقول مش عارفة تكتب كلمة الهوم ورك
هههههههههه
ربنا يخلي آمن ( ما شاء الله اسم جميل جدا ) ربنا يحميه
على فكرة إللي زي شخصيتك بتقول كل حاجة في ناس كتير بتحبها
إللي في قلبها على لسانها
ودي شخصية طيبة جدا وانتي خير مثال عليها
احب أسالك سؤال : أنتي عامله ايه النهاردة ؟
يلا عايزة اجابة السؤال تقرير يومي عنك هههههههههههه
بالنسبة بقى للأسئلة المستفزة
فعلا مستفزة جدا جدا
وخصوصا في حكاية الخطوبة والجواز
تصدقي انا في شغلي ساعات بعد كل جمعة يسألوني يوم السبت ها مفيش عريس كده ولا حاجة ؟
على اساس إني كنت واقفة يوم الجمعة على باب الجامع امبارح وبدور على العريس
ههههههه
معلشي طولت في البوست
اشكرك جدا على التنويه عن بؤجة الخير
ان شاء الله اقرا الموضوع ويارب يقدرنا كلنا على فعل الخير
ملحوظة : ياريت تعدلي رابط مدونتي مش مضبوط
بجانب ذوقك و رقتك كمان دمك خفيف ربنا يسعدك و يوفقك و يبعد عنك اصحاب الاسئلة المستفزة:)
فعلا الاسئلة دي تغيظ جدا خصوصا اسئلة الخطوبة و الجواز و بعده مافيش حاجة جاية في السكة
روتين بشع حتي الروتين في الاسئلة.
و شكرا علي تنويه البؤجة و ياريت تكوني موجودة لاني احتمال اكون موجودة اشوفك :)
شيرين
وحشانى يا سكرة
لا بس ما يتخفش عليك
قدرت تعدى البحر
وايه من غير ما تتبلى
حلوه اجاباتك ياقلبى
وعقبال المرة الجايه
وحشااااااااااانى
تحياتى
ههههههههههه صدقينى معاكى حق اسئلة منتهى الاستفزاز وبتخلينى استغرب جدا من اللى بيسألها
واجب واجابات جميلة يا شيرين
وردة لعيونك
جميلة الإجابات يا شيري
وربنا يخلي آمن والهورمورك بتاعه :)
فعلا اسئلة مستفزة جدا هههههههه
==========
تقبلي مروري
casper
اجاباتك طبيعيه اوي يا شيرين
وحكاية انك بتدلقي دي دليل على طيبتك وحسن ثقتك الدايمه في الاشخاص اللي قدامك
اما بالنسبه للاسئله اللي ذكرتيها بجد اسئله فعلا تخنق
مشكوره يا حبيبتي على صراحتك وجزاكِ الله خيراً على تنويهك للحمله الخيريه
سررنا بالمرور فى هذه المدونه المتميزه ويهمنا تواصلك معنا كاول برنامج أذاعى عن النت والمدونات والموضوع فى البوست كنا نفكر فى طرحه فى البرنامج ولذلك نرجوا الا يكون لديك مانع فى المشاركة معنا فى تناول هذا الموضوع ولمعرفة تفاصيل اكثر ندعوك لزيارة مدونة البرنامج
http://netonradio.blogspot.com
نتى طيبة اوى ياشيرين
وفعلا الاسئلة اللى ذكرتيها مستفزة جدا وتجيب الضغط
وشكرا على التاج ياقمر
وما بتتعلميش ابدا لسه بتندلقي في الكلام ايه كل ده سيب حاجه لبكره بس شكلك طيبه عشان كده مش عايزه تخبي حاجه واسئلة الناس الممله ماليه حياتنا الله يعينك ويعينه
أشرف محي الدين:أسعدتني بكلماتك و أخجلتني بذوقك شكراً على كلماتك الرقيقه
اسماء عبدالعزيز: انت وحشتيني أكتر ولو اني طول الليل مع قصتك الجميله تحياتي يا قمر
سواح في ملك الله-:شكراً على رأيك فيّه بحاول والله في موضوع الكتمان ده , في انتظار الهومورك بتاعك:)
سندباد: مفيش تدبيسه و لا حاجه شخص هادي زيك عايزين نعرف ايه اللي بيستفزه, تحياتي ليك
الحب الجميل: شكراً يا جميله ربنا يسهل بس بصراحه صعب تحياتي ليكي
أم هريرة (lolocat):و عليكم السلام و رحمة الله و بركاته شكراً يا عزيزتي على الزياره و دمتي دائماً بخير و ود
Tamer Nabil: شكراً و نورتني بزيارتك
هبة فاروق: شكراً يا هبه دائماً كده منوراني
reemaas: أشكرك يا قمر و عندك حق :)
الحسينى : شكراً يا عزيزي و في انتظار الهومورك:)
فشكووول: زيارة حضرتك هي اللي سكر وورد و ياسمين نورتني
وداد: سعيده بتعليقك الجميل و خلاص بقى اتعلمت محكيش قصة حياتي على طول من أول مره يمكن من تاني مره هههه ربنا يكرمك ان شاء الله و بشكرك يا حبيبتي
Mona Abo - Elso3od: شكراً يا منى دائماً بتكسيفيني بذوقك بس للأسف غالباً مش هعرف أجي التجمع, ان شاء الله أشوفك على خير مره تانيه:)
جايدا العزيزي: شكراً يا عزيزتي على زيارتك الحلوه و انتي وحشاني أكتر:)
Ms Venus: ميرسي على الورده و الزياره الحلوه دمتي بود
ستيتة حسب الله الحمش: زيارة حضرتك هي الأجمل و أشكرك على تعليقك اللي بيسعدني دائماً
Casper: شكراً يا كاسبر نورتني
Dr/ walaa salah: دائماً بستنى زيارتك و تعليقك شكراً يا عزيزتي
انت تسال والكمبيوتر يجيب: نورتني بالزياره بالفعل زرت المدونه و على استعداد للمشاركه تحياتي لك
Noha Saleh: شكراً يا جميله و في انتظار الهومورك:)
eng_semsem: شكراً على زيارتك و تعليقك ضحكني أوي ربنا يعينا جميعاً نورتني
اهلا بك في القفص ياقمر^_^
بجد مبسوطة اوي اني اتعرفت اكتر عليكي
تحياتي لارق بنوتة
هههههه
ضحكتني جدا الأسئلة المستفزة دي
والله عندك حق ..
ربنا يبارك في إبن حضرتك
وانا فعلا استغربت الكلمة في الأول ^ _ ^
تحياتي
أنا شايف إن إجابة السؤال الثاني تتوقف علي إجابة السؤال الأول , أكيد كويس إن دي إجابتك :)
بوست لذيذ .
تحياتي . .
إية ده...؟ إنت متجوزة وكمان عندك ابن ...؟!
والله ده مش سؤال ده استغراب بس ...لما لقيتك كتبت ده ....
بس انت شخصية لذيذة بجد
ويمش معاك خالص انك تتكلمي عنك بالطريقة دي وتكوني مدلوقة علي رأي مامتك ده غلط اووي
قولي بس الكلام العادي مع اني محبش اقول كل حاجة عن نفسي
مبعرفش احكي عن خصوصياتي الا بشكل خواطر او قصص لكن كلام مباشر لالالالا
خالص....
شيرى عملت بوست جديد فى انتظارك يا قمر
السلام عليكم
ردودك اعطت للواجب جمالية خاصة جدا
شكرا لك ولمدونتك الرائعة
حلوة زراعى دى ياشرين ههههه
بجد اجابتك كلها كانت عفوية وتلقئية
زيك تمام
وعلى فكرة واضح ان الست الوالدة
عندها حق
تحية مستعطرة
لا فُض فوك، وأضحك الله أيامكِ
فعلا كلامك صح
أزيك يا شيرين دي أول مره ادخل مدونتك
ما شاء الله جميله
وإجاباتك طبيعية وصريحه
وفعلاً الأسئلة اللى ذكرتيها بجد رخمه قوي
أدعو الله لك التوفيق
وجواك الله خيرا على الحملة الخيرية
أنا دخلت الموضوع جميل جدا ما شاء الله
السلام عليكم
هذه ليست زيارتي الأولى.. لكن تعليقي الأول.. أصلي غالبا أقابل شعرا أو زجلا وأنا بيني وبينهم سوء تفاهم!!! :)
لكن هذه التدوينة بجد ضحكت فيها من قلبي... أحلى ما فيها إجاباتك على الأسئلة المستفزة :) هي بصراحة أفضل استفزاز أقدمه للمستفز...
بس السؤال: تقدري تقولي كده للسائل في وجهه؟!!
أصلي بصراحة باجاوب الإجابات دي تقريبا ... بس بقولها للسائل وجها لوجه!!! :)
أحيكي على تلقائيتك وبساطتك في التعامل مع المحيطين فهي تدل غالبا على قلب أبيض (زي ما بيقولوا).. أحسبك كذلك ولا أزكي على الله أحدا..
تحياتي أختي الكريمة.
و أخيرا وبعد عناء ......أستطيع أن أعلق فى المدونه..., والتعليقان اللى فاتو كان فيهم مشاكل تقنيه......معذرة
و هورمورك فى منتهى الروعه....و ربنا يخلى آمن
و معكى كل الحق........فعلا أسئله غايه فى الاستفزاز
و فى حاجه نفس أقولها من زمان .....ان اختيارك للصور فى منتهى الروعه وفى قمة الذوق.....و المدونه كلها روعه و يا أيها الشعب الصبور المهاود..جامده جداااااا...أنا عارف ان كل كلامى ده متأخر جداااااا....بس عزائى الوحيد انى كنت دايما بدخل على المدونه و أقرأ فيها من زمان ...من قبل صفحة الفيس بوك...ربنا يوفقك وييسرلك الأمور......و فى رعاية الله
شكراً يا مصطفى بجد مبسوطه أوي بكلامك و تعليقاتك دائماً بستناها و تعليقك النهارده في المدونه هو مُفجأه جميله لأني عارفه انه صعب التعليق للي معندوش حساب جوجل
يا رب أفضل عند حسن ظنك و تحياتي الشديده لك
إرسال تعليق