طبيعي
لما كل
آسفين يا ريس
الأقباط
الحزب الوطني السابق بأسرهم و أصدقاءهم و منتفعيهم
من عمل بالجيش و الشرطه بأسرهم و أصدقاءهم و منتفعيهم
حزب الكنبه و بتوع الإستقرار الإستقرار و عايزه أجيب ريش و بيضزا لإبن أختي
الستات الشيك المتعجرفات
الناس الغلابه اللي عايزين يعيشوا في ضل راجل و خلاص
كارهي الثورة
مرضى "ستوكهولم سيندروم" بتاع أنا (أنا عايز واحده تهزأني تهزأني تهزأني)
اللي بيحبوا البونبوني
اللي بيحبوا البلوفرات السودا ماركة مصر للطيران
اللي شايفين إن المطار أجمل حاجه في مصر و ياريت مصر كلها تبقى مطار كبير
لما كل دول يجتمعوا على شخص واحد حتى لو هو ضد الثورة..طبيعي طبيعي جداً إنه يحصل على أعلى الأصوات
بتقولي إيه يا شيرين
الثوره باظت..و الشهدا دمهم راح..
زمنهم بيتفّوا علينا دلوقتي..
كنا بس بنشيل النظام القديم و نضف تحته و بعدين نرجعه تاني..
عادي هو ده شعب الحريه..هو ده نتاج 30 سنة فساد و جهل و فقر..منتظره إيه؟
ديمقراطيه؟؟!!
طبيعي
إنت زعلانه ليه و مقهوره ليه يا شيرين
سبق و قلت في بوست سابق إني ديكتاتوريه و أفتخر..طالما إن هي دي الديمقراطيه
طز في الديمقراطيه
طبيعي
لما كل
اللي بيتوزع عليهم أنابيب و زيت و سكر
اللي عايزين يرضوا ربنا و يدخلوا الجنة
اللي شافوا دعايه عميتنا من كترها و إعلانات التليفزين و غيرها و فهموا قد إيه الناس دي معاها فلوس
اللي عايزين راجل بتاع ربنا
اللي معجبين بالبرلمان و أداءه و عايزين إستكرار
يجتمعوا على رجل واحد حتى و إن كان مجرد واجهه طبيعي إنه يحصد أعلى الأصوات
حمدين ده يعّ و أبو الفتوح كُخ و الباقين محترمين جداً بس مش موجودين على الخريطه
مفيش غير مرشح الجامع و مرشح الكنيسه
أصل إحنا شعب تقي أوي بصراحه
صديقتي القبطيه بتقولي متختاريش حد إسلامي عشان إديهم ملطخه بالدماء..على أساس إن شفيق إديه ملطخه بالمانيكير مثلاً! و كأن حادثة كنيسة القديسين ماكنتش على يد النظام السابق!
صحيح
هناك من يناضلون من اجل التحرر من العبودية ... وهناك من يطالبون بتحسين شروط العبودية ..
د. مصطفى محمود ... رحمه الله
و دلوقتي يا إما تختار إنك ترجّع نظام المخلوع و ترجع تبوس الجزم و تبدي الندم
يا إما تختار الجماعه و مصلحة الجماعه و مجهول يحمل خيرت لمصر و مشروع "الفنكوش" قصدي..النهضه.
أنا عن نفسي إخترت..الشفيق مرسي
إحنا خلاص صوتنا...نُلطم بقى
عوضنا عليك يا رب
لكِ الله يا مصر
هناك 26 تعليقًا:
طبعا مش محتاج أقول أنا إتجاهي إيه
بس لسه كنت بتفرج علي د/منال عمر علي النهار
قالت حاجه معقولة . . لو هختار ما بين القاتل والمخادع ، يبقي التاني أرحم
عالأقل هتعامل بمنطق المصلحة ، وهو عارف قيمة الخمسين في المية بتوع حمدين وابوالفتوح اللي هيساعدوه
بجد أنا هتجنن من الإختيار ده برضو . . بس التغيير ولو للأسوأ (بإفتراض إنه أسوأ) أحسن من السئ اللي متأكد إنه سئ
ولسه عندي أمل في الطعون
وربنا يتولانا برحمته :(
مازلناشعوبا تصنع الفراعين
انا مقهورة
مش هقول غير حسبى الله ونعم الوكيل
دالوقت يجب تحكيم العقل كويس جداً ..
طالما إن واحد منهم هيكون رئيس مصر سواء برضانا أو غصب عنا..
يبقى مرشح الإخوان - اللى مجربناهمش فى أى موقع تنفيذى حتى الآن أصلاً - أكيد أحسن من واحد متأكدين إنه فاسد وقاتل أو على الأقل شارك فى القتل والانتهاكات بصورة أو بأخرى , ولا إيه ؟!
ومن الحكمة والموضوعية والانصاف ..
أن نرضى - بمزاجنا - باعطائهم الفرصة كاملة للاخوان , ثم نحكم على التجربة الاخوانية كاملة خلال فترة ال4 سنين.
على الأقل إحنا واثقين إن الاخوان مش هيقتلونا أو يعتقلونا أو يسحلونا .. فخلافنا معاهم سياسى لا أكثر .. يمكن التعامل معه بأساليب راقية.
بينما خلافنا مع النظام السابق استراتيجى دموى أبدى لا يمكن التعايش معه إطلاقاً.
تحيتى أختى شيرين.
محبط احباط السنين
عينى مكسورة بجد
مش عارف اعمل ايه
مش ممكن كنت اتخيل يوم ابقى فى الموقف ده
اختار بين الجزمة و الكاوتش
اختيار بين اثنان احلاهم مر
لم اكن اتخيل ان اكون خائن
لو اخترت شفيق اكون خاين للثورة
لو اخترت مرسى اكون خاين لايدلوجياتى اللى اتربيت عليها و مفتنع بها
لو امتنعت اكون سلبى فى اتجاه عودة نظام قمعى
لا بديل عن الاستبن اختيار
ربنا يستر و متشلش او اتنقط
لو كان الاحباط رجلا لقتلته
عزيزتي شيرين
مازال الأمر بين يديكم
ومازلتم تستطيعون اختيار أقل الأضرار
اقرئي ما كتبت هنا
http://zena-zidan.blogspot.com/2012/05/blog-post_26.html
أرجو ألا تخذلونا
المقاطعة لان شفيق ناجح ناجح بالتزوير وبكرة تشوفي
كلنا اتحبطنا واتلخمنا وجتنا خبطه على دماغنا....
هذا تعليقي اللي تركته عند زينه في رسالتها الى المصريين العظماء ...
...........
على قد فرحتي في الفتره اللي فاتت وانا اتابع التحضيرات للانتخابات على قد ما احبطت امس وانا اتابع النتائج أولا بأول.
انا كالاغلبيه التي ضربت كفاً بكف و صوّتت بأعلى صوتها استنكاراً وهي تتابع تقدم شفيق في الاصوات !!!
مصيبه اذا كان هناك من لا يزال يبيع صوته!
ومصيبه اذا تم تزوير الاصوات عمداً!
والمصيبه الاعظم ان يكون هناك من صوّت لشفيق بكل ارادته الحره بالرغم من كل مما حدث ولمجرد النكايه في الاخوان !!!
هذه رسالتنا اليكم...ايها المصريين العظماء
رسالة من كل فلسطيني وعربي ...
الامر بأيديكم فلا تضيعونا حفظكم الله .
مش هقول اكتر من الاصدقاء
لاحول ولاقوة الا بالله وحسبنا الله ونعم الوكيل
كأننا رجعنا للخلف سنين طويلة تانى
فوضت امر بلدى لله الرحمن الرحيم
ربنا يعديها على خيييييير
مساء الخير شيرين
لا تقلقي ابدا
فرج الله قريب
والشعوب ستنتصر ان شاء الله
http://yosefstranger.blogspot.com/2012/05/blog-post_26.html
ولسه ياما هنشوف
اللهم إني أشكو إليك جلد الفاجر وعجز الثقة
من دعاء سيدنا عمر وذكرته د.منال عمر
أشكوووووو إلييييييييييييييك
http://yosefstranger.blogspot.com/2012/05/blog-post_27.html
مساء الخير
FAW:
أنا كمان عندي أمل في الطعون شبه أمل أهل الحته كده لما يستنوا الفتوة يجي يخلصهم..أمل ضعيف بصراحه.
ربنا يتولانا
نورتني يا مصطفى كالعاده
سواح في ملك الله:
مع الأسف :(
دعاء:
و أنا برددها معاكي بس مش عارفه على مين..حاسه إني شاركت بالمهزله دي أنا و أسرتي لما فتتنا أصواتنا.
ربنا يستر
محمد نبيل:
كلامك منطقي
بس مش قادره أثق في الإخوان بصراحه
و لسه مش عارفه هعمل إيه
هنتظر الطعون و ربنا يستر
أشكرك على زيارتك و تعليقك
تحياتي
إبراهيم رزقك
صبراً أستاذي
مش هنسلم بسهوله
صحيح إحنا محبطين جداً
بس هي دي إرادة شعب مازال في حالة التعافي من كل ما ألم به.
أتمنى يكون الجي أفصل
مش عارفه إزاي
مجرد أمنيه
تحياتي
إبراهيم رزقك
صبراً أستاذي
مش هنسلم بسهوله
صحيح إحنا محبطين جداً
بس هي دي إرادة شعب مازال في حالة التعافي من كل ما ألم به.
أتمنى يكون الجي أفصل
مش عارفه إزاي
مجرد أمنيه
تحياتي
زينه:
صديقتي العزيزه
مش جايلي قلب أختار
مسؤليه كبيره
و الإختيارين اسوأ شئ توقعناه
ربنا يستر
تحياتي الخالصه لكي
تركيب:
ياااا خوفي من بكره
نيسان:
أختي العزيزه
للأسف ناس كتير فعلاً صوتوا لشفيق
و لسه ناس أكتر هتصوتله
عشان ناس كتير ضد الثورة و ضد الإسلامين اللي خالونا نفقد ثقتنا فيهم مع الأسف.
ربنا يستر
دعواتك صديقتي المخلصه
لولو كات:
ربنا يستر يا لولو
إحنا في حالة ترقب
منتظرين معجزة
مع الأسف
نورتيني يا صديقتي الجميله
يوسف:
أستاذي العزيز
أتمنى
يا رب مش بنكلك غير نقول يا رب
نورتني أستاذي
عمرو يسري:
:(
أكتر من كده
ستيته:
رغم الظروف
بس إسمك لوحده بينور المدونه
بجد
إحنا كلنا جوانا نفس الإساس
أشكووو إليييك
ربنا يستر
تحياتي لأجمل دكتوره
إرسال تعليق