أولاً أنا بعتذر عن لخبطتي الفتره اللي فاتت و رغبتي إني أقفل المدونه و من ثم "الشباك" ثم عودتي..بصراحه أنا كنت بستنكر جداً لما حد يقول همشي و كل الناس تزعل و تقوله خليك و بعدين يرجع تاني بعديها بفترة بسيطه..و ماكنتش أحب أعمل كده..بس أنا فعلاً كنت عايزه أقفل المدونه و كنت كمان محتاجه ليكم.. لناس بيجمعني بيهم حب عفوي و بجد غيرتم حالتي كتير لدرجة إني كنت عايزه أرجع أكتب تاني يوم ما نزلت البوست و قريت تعليقاتكم..بشكركم بجد.
ثانياً بقى في نجاحات صغيره حابه أشاركها معاكم و لو إن مش كل نجاح سعاده لكن كل سعاده نجاح..ربنا يرزقنا جميعاً السعاده.
ده لينك حوار لي إتنشر في جريدة السياسه الكويتيه (جريدة ورقية) محدش سمع عنها طبعاً :)
و ده و أنا أقرأ من كتابي "بنكهة مصر" في المجلس الأعلى للثقافة بدار الأوبرا المصرية في ندوة تواصل.
و ده لينك حوار صغير لي على إذاعة الشباب و الرياضة
ثالثاً بقى و لو إني عارفه إنه مش وقته..بس المعاد كان متحدد من فترة طويلة
بدعوكم لحضور ندوة لمناقشة "كتاب بنكهة مصر" بيحضرها عدد من أعضاء إتحاد الكتاب و الأدباء و المثقفين...و هيكون في توقيع للكتاب في نهاية الندوة.
و بيقدمها المهندس الأديب محمد محرم و الناقد الأستاذ نبيل عبد الحميد و الناقد الدكتور فيصل حفيان...اللي هيعصرني :)
تحت إشراف اللجنة الثقافية بنادي الصيد في الدقي
المكان في نادي الصيد في الدقي
الدخول من باب 9 شارع ميشيل باخوم (النور سابقاً)..بدون كارنيه أو تذاكر طبعاً.
يوم الأربعاء 30 مايو الساعة السابعة مساء
الدعوة عامه
هيسعدني و يشرفني حضوركم أكيد
هناك 22 تعليقًا:
السلام عليكم
بالتوفيق يا دكتورة
حضرتك تستاهلى كل خير
ملاك التدوين
كلها اخبار جميلة
تدعو للتفاؤل وسط بحر الاحباط الذى يمر بنا
يا ريتنا اقدر اجى و اشارك
لكن
تحياتى
مش قلت لك ان القلم الصادق بيفرض نفسه على صاحبه :)
قلمك هو اللى اجبرك على الرجوع ياشيرين
لو كنت مجرد هاوية تحب تجرب يعنى ايه مدونات كنت اخدتى شوية وقت وتركتى مدونتك واصدقائك اللى حبوك لكن لانك صادقة وقلمك راقى ويستحق التقدير رجعتى لمدونتك ولنا ولكل اللى بحبوكى :)
تستحقى كل تقدير غاليتى ويارب السعادة دى تتوج برئيس لمصر يسعدنا كلنا ياااااااارب
موفقة دايما وان شاء الله من نجاح لفلاح باذن الله حبيبتى
تحياتى الدائمة لك
السلام عليكم ورحمة الله وبركاتة هي خير بداية. فأحيانا تتوه مني الكلمات المناسبة للبدايات .
شيرين سامي . بالفعل هذا ما توقعتة منك بل أني كنت متأكدا من ذلك .
وكما قالت الأخت ليلى الصباحي . أن ما أجبرك على الرجوع هو قلمك .
سيدتي عندما اضفت ردي في المرة الماضية في الحقيقة لم أكن أعرف الكثير عن انجازاتك أو نجاحك المبهر المشرف .
وبعد ان سمعت ردك الجميل والذي لم أعيد الرد عليه لصعوبة تواجد الكلمات في مخيلتي الأجمل من كلماتك . ولسعادتي بتفهمك للمقصود واعادة تفكيرك فيما قولتية.ذهبت إلى اليوتيوب أبحث عنك وإذا بي أجدك في البداية كعادتك . النيل الثقافية ولقاء مناقشة الكتاب في دار النشر مع الكثير من الأصدقاء والمدونون الناجحون ( ربنا يجلعني منهم . وزيكم )
وانقسم فكري الى : عقلي يخبرني بأن لا أفقد الأمل في الغد . فها هي شيرين سامي .
يخبرني أيضا بأن شيرين سامي لن تستطيع أن تبتعد كثيرا عن هذا العالم التي وجدت نفسها به . نشرت نورها وضيائها لمن حولها.رسمت ابتسامة على وجوه اصدقائها . ولن تستطيع محوها .
جلست أنتظر الجديد وإذا به شباك ( موارب ) ينشر بعضا من نور كلماتك وحروفك . ويبقي حبل الوصل ممدودا .
ولكن هذا لم يكن يكفيني لأدخل وأضيف ما أضيفة الآن . كان عندي يقين تام بأن هذا لا يكفي . وبأنك ستعودي فاتحة جميع الأبواب فاتحة جميع الشبابيك . ليكتشف العالم من بين كلماتك الكثير ( الأمل - التفائل - النجاح - الجمال - البساطة - الحب - الصداقة - إلخ.. )
وها انتي اليوم سيدتي مازلتي موجودة . فأنتي لم ترحلي لتعودي .
أضيف أيضا مع تأسفي الشديد لإطالتي في كلماتي . أني سعيد لنجاحك يوما بعد يوم . فأنتي تستحقي الأكثر .
وكما ذكرتي ( كل سعادة نجاح ) وأنتي نجحتي بأكثر من جهة . سعادتك بنجاحك . وسعادتنا.
وأخيرا(( أشكرك شيرين لاشتراكك في شخابيطي والتي أعطتني دفعة للأمام وأمل في الكتابة . فبعد أن كان المهتم 0 أصبح اثنان فثلاثة ))
تحياتي . وتقبلي مروري
صباح الغاردينيا شيري
ستبقين دائماً جميلة ومتألقة
وهكذا أنتِ في قلوبنا ايضاً
لاتغيبي لأننا في أنتظارك"
;;
;
لروحك عبق الغاردينيا
كانت هنا
Reemaas
بكل المودة والتمنيات لك بالتوفق والمزيد من التفوق والنجاح .. أختي دكتورة شيرين ..
مع التحية الطيبة ..
الف مبروك يا شيرين
ربنا يوفقك يا رب
انتي تستاهلي كل خير
مساء الخير
وبالتوفيق ان شاء الله
ويارب دايما في نجاح متواصل
تحياتي
حمدالله على سلامتك ياشيرين
هو تقريبا كتير مننا كنا غايبين الفترة اللى فاتت
بس كله بيعدى وان شاء الله دايما فيه خير ونجاح
عجبتنى كلمتم ان من كل نجاح سعادة كتير بنحقق حجات والناس تحسدنا علينا واحنا مش حاسينها زيهم
لكن يمكن البسمه فى عيون حوالينا تكون سبب سعادة
يارب دايما للامام
اول حاجه دي من اجمل الاخبار في الزمن الي بقاش فيه اخبار حلوة رجعتك افرحت قلوبنا و نورتي الدنيا
و بتستاهلي اكتر من هيك بكتير و يارب يكتبلك السعاده و النجاح يارب
و حمدلله ع السلامه يا دكتوره :)
انا على فكرة كنت عارفه انك راجعه و فرحت كمان رجعتك :)
بالتوفيق ويارب دايما من نجاح لنجاح
مدونة رحلة الحياة:
و عليكم السلام
الله يخليك يا محمد
أشكرك و جداً
:)
إبراهيم رزق:
و بعدين يا استاذ إبراهيم
ده إنت اللي كنت بتشجعني
إن شاء الله ربنا يحلها من عنده
أنا كمان و الله مش لسه محبطه لكم بقاوم
هزورك و أشوف جديدك حالاً
لا مزيد من الإكتئاب
نورتني
ليلى الصباحى.. lolocat:
إيه الكلام الحلو ده أنا مش قده :)
ربنا يخليكي يا لولو و يجعلني قد ثقتك بي و بقلمي :)
أنا فعلاً مقدرش أبعد عن الناس اللي جمعتني بيهم مشاعر صادقه و إنت على رأسهم يا أختي الجميله :)
أشكرك جداً أسعدتيني بتعليقك
أرق و أعذب تحية لكي
SHARKawi:
و عليكم السلام و رحة الله و بركاته
صدقني كلماتك و تعليقك الرائع السابق كان له أثره علي و أسعدني كما أسعدني تعليقك الآن..اشكرك و أتمنى أكون قد ثقتك بكلماتي..أنا لم أحقق أي إنجازات على فكرة إنت بإذن الله تحقق ما هو أفضل..و أنا الأسعد بإشتراكي في شخابيطك و هتلاقيني بعلق عندك كلما سمحت الظروفز
أشكرك جداً على كلماتك الطيبه الجميله
تحياتي الخالصه لك
ريماس:
زهرة الجاردينيا الجميله
مساءك سكر
سعيده بوجودك دائماً
و أشكرك على عطرك الذي تنثريه هنا كل حين :)
أرق تحية لكي
ظلالي بيضاء:
أشكرك أخي محمد الله يبارك فيك يا رب :)
كل التحية و التقدير لك
مصطفى سيف الدين:
اشكرك صديقي العزيز
كله من تشجيعكم الرائع
:)
نورتني
mohamed amer:
اشكرك على تعليقك الجميل و مشاعرك الطيبه و دعوتك الرائعه.
:)
تحياتي الخالصه لك
رؤى عليوه:
يبدو إن فاتني كتير للاسف لإنقطاعي الفتره اللي فاتت..بعتذر عن تقصيري معاكي أتمنى تكوني بخير دائماً.
فعلاً النجاح في رأيي ليس سعاده و لكن السعاده في حد ذاتها نجاح.
أشكرك و سعيده بوجودك بين كلماتي
أرق تحية لكي
haneen nidal:
الله يخليكي يا حنين و الله كلامكم الجميل و إحساسكم الصادق هو السبب الحقيقي في عودتي ربنا يديم بيننا المحبه و أنا أكيد اسعد بالعوده للتواصل معكم :)
نورتيني يا جميل
عمرو يسري:
أشكرك يا فاندم و يا رب دائماً منورني
:)
إرسال تعليق