الثلاثاء، 31 يناير، 2012

حفل توقيع...بنكهة الحب


مساءكم سكر و عنبر :)
إمبارح كان حفل توقيع كتابي بنكهة مصر و كنت مبسوطه جداً و مازلت :) 
أجمل شئ لما تلاقي حواليك ناس بتحبك بجد
و أنا شوفت إمبارح أجمل ناس 
مش هقدر أعد لأنهم كتير الحمد لله
لكن ماما زيزي كانت نور الحفلة و أجمل ما فيها
دكتور صبري أبو عمر أسعدني جداً وجوده و التعرف على شخصه المحترم
فاتيما كان لها حضور مميز كالعاده فرّحت قلبي بكلامها و إحساسها
أستاذ إبراهيم رزق و الورد الجميييييل اللي قدمتهولي ساليناز كان أغلى هدية
رامي متوقعتش أشوفه و قد إيه أسعدني حضوره
أستاذ فاروق فهمي و هبه و كارولين شرفوني أكيد
أبو حميد رغم إنه كان عيان و أزهري و مصطفى ريان
علي مهنى (عباس إبن فرناس) وجوده كان مفاجأة لي
دكتور مصطفى جزر مش قادره اعبر عن سعادتي بحضوره 
دينا بنت من الزمن ده..أجمل ورده في الحفل
كارولين نبيل الكاتبة الكبيره الصغيره :)
أحمد عاشور الكاتب الواعد
و كل زملائي في دار ليلى و على رأسهم طبعاً أستاذي العزيز ماجد القاضي
بجد ألف شكر جعلتوا الحفل بنكهة الحب :)

ده غير صديقاتي و أهلي بس دول مش هشكرهم عشان دول إجباري ييجوا :)
شوية صور على الماشي كده


مع ماما زيزي :)


بالترتيب أنا و رامي و استاذ ماجد القاضي و أستاذ محمد سامي صاحب دار النشر


مع صديقي وشريكي في الحفلة الكاتب المميز محمد الجيزاوي

و أخيراً فيديو حلقة النيل الثقافية...كنت سبحان الله عاقلة و هادية على غير العاده :)


عارفه إني مقصرة في الكتابة و في متابعتكم بس إن شاء الله لنا عودة :)

هناك 30 تعليقًا:

ابراهيم رزق يقول...

اختى العزيزة

الف الف الف مبروك

بجد الحفلة كانت حلوة جدا
و كنى الملكة المبدعة
كانت حلوة بيكى و بزوجك و بامن و جورى و بابا و ماما و كل الناس الحلوة اللى جت
انا كنت مريض بقالى كم يوم و تقريبا كنت منفصل عن الدنيا
من يوم ماسبيرو لولا تنبيه من فاتيما قمت و جيت جرى
ماليش دعوة انا عايز نسخة موقعة انا انشغلت مع الناس الحلوة من ساعة ما جيت و نسيت اخد نسخة
ههههههههههههههههههههه
مبروك مرة اخرى و عقبال الكتاب الثانى و عقبال ما ترجعى تانى بكامل نشاطك تحياتى

yosef يقول...

الف مبروك يا شيرين ,,,,, الله يوفقك ويرضى عليكِ ويسعدك

سواح في ملك اللــــــــــــــــــه- يقول...

مبروك يادكتورة

للاسف كنت مشغول جدا

بس كفاية فرحتك وفرحة احوانننا اللي حضروا

الف الف مبروك وعقبال بقي الرواية الجديدة

haneen nidal يقول...

و كمان مره و مره ومره ومره الف مبروووووك و عقبال الكتاب الالف و ربنا يديم الفرحه عليكي و معلش خد راحتك اصلي زحمه الفرحه بتوه برضوا و نحنا اكيد عذرينك و بنفس الوقت متشوقين لجديدك يعني مش تاخد راحتك اووي :)

و الحلقه كانت جميييييييييله و التي في نور بيكي . . انا قعدت اهلي كلهم يشوفوكي اهو الواحد بيفرح مع الناس الي بحبهم ربنا يوفقك كمان وكمان يارب و نفرحلك بزياده ^_^

مها البنا يقول...

جميله الحلقه يا شيرى كنتى متألقه فى الردود والحوار .. مع انك كنتى متوتره فى البدايه :)

عجبنى قوى قوى لما قولتى ان مصر بالنسبه ليكى مش الهرم والنيل بس .. انما هى الشوارع والحارات ووشوش الناس .. حسيت قوى كلامك ومش لاقيه تعبير يليق باللى حاسه بيه

من تقدم لتقدم يا قمر .. ويارب نشوفك فى خير دايما

تحياتى

candy يقول...

ألف مبروك يا شيرين كنتى منورة :)

ميرسى على تعليقك الجميل ن أنا بجد مبسوووووووووطة جدا بالناس اللى شفتهم أكتر من اى حاجة ..


وعندى ليكى صور كتير هابعتهوم لما أوصل البيت :)

خالص حبى <3

نيسان يقول...

ربنا يكتر المحبين يا شرين:)
والمحبين اللي ما قدروا يحضروا كتار برضو...ان شاء الله ربنا يجمعنا على الحب والخير مع كتاب تاني وتالت ان شاء الله...ابقي اقرأي المعوذات كتير....عشان قرّيت كتير عليكِ بس مش حسد وحياتك... قرّ بنكهة الحب برضو ههههه

Carmen يقول...

الف مبرووووووووووووووووووووك ياقلبى وربنا يسعد قلبك دايما ويحقق كل احلامك

أم هريرة.. lolocat يقول...

السلام عليكم

مبروك اختى الغالية
الف الف مبروك وعقبال الكتاب الألف

الفيديو رائع وجميل وانت خجولة وزى السكر حبيبة قلبى
ربى يوفقك و يجعلك دايما متألقة ومبدعة وتحققى كل احلامك

وسامحينى على التقصير لكن ادعيلك وكل الاصدقاء بظهر الغيب بالتألق دايما والتوفيق

هديتى اليك

http://bloggers.rigala.net/t1165-topic#5182

الف مبروووووووك
تحياتى وتقديرى

أم هريرة.. lolocat يقول...

نسيت اقولك ان الصور اكتر من رائعة وجميلة
تحية لكل الاصدقاء اللى حضروا الحفلة
جزاكم الله خيرا جميعا على لحظات الابداع والسعادة التى شعرنا بها هنا

مبروك ياشيرين :)

أمة الرحمن يقول...

يارب عقبال الكتاب المية

الف مبرووووك

مازلت فى بدايته ومتشوقه للنهايه
:)

دمتى بخير

Aya Mohamed يقول...

الف الف مبررررروك كنت مستنيه الصور جدا واول ما نزلتيها على الفيس فرحت بيكى اوى
الف مبروك يا جميلة
وياريت تحضرى تجمع كتاب ابجدية ابداع عفوى يوم الجمعة انا عارفة انك هتروحى الاحد بس احنا كمان عايزين نشوفك :)

مصطفى سيف الدين يقول...

الف الف مليون مبروك ليكي يا دكتورة و الاستاذ محمد و الاستاذ ماجد
واكيد كانت حفلة حلوة الحمد لله انكم قضيتوا وقت سعيد
بالتوفيق ليكي دايما
و ربنا يجعل كل ايامك سعيدة

أبو حسام الدين يقول...

هنيئا لك ومبرك، أتمنى كل التوفق

ريـــمـــاس يقول...

صباح الغاردينيا شيري
الف
الف
الف
مبرووووووووووووووووك
بجد بغبط على الناس الي كانت حواليكي مافيش احلى من انك تشوفي ناس حبيتيها من قبل ماتشوفيها وكفايا ماما زيزي الي نورت الحفلة ربنا مايحرمناش منها واممم كان نفسي اقولك بوسي ساليناز بنت استاذ ابراهيم عشان بحب البت دي اوووووي
ويارب دايما من نجاح وابداع لاجمل منه "
؛؛
؛
لروحك عبق الغاردينيا
كانت هنا
reemaas

reemaas يقول...

كان نفسى ابقى موجودة جداااااااااا بس اعمل ايه نفسى يعملوا افتتاح فى المحافظات

Bent Men ElZman Da !! يقول...

الف الف مبروك يا شيرين
بجد انتى اللى كنتى ملكه الحفله
مبسوطه بيكى و ليكى اوووى
وربنا يوفقك
ويارب رقيقه وجميله ومتالقه دايماً:))

Carol يقول...

مبروك يا شرين
خلتيني أشعر إني كنت معاكي فعلا :)
من أول ما كتبني خبر نشر الكتاب لحد حفل التدوين
و ماما زيزي وصفت كل حاجة بالتفصيل :))

و اتفرجت على اللقاء بتاعك كنتي أمورة خالص و كنتي بتتكلمي أحسن من المذيع :))

فاتيما يقول...

صباح الخير يا شوشو

اولا بادىء ذى بدء عاوزة أسجل اعتراضى الرهيب ...

بنت من الزمن دا كانت موجودة
وانا معرفش ؟!!!!

انا زعلانة قوى انى مشوفتهاش
وسلمت عليها


ثانيا بقى

احنا المفروض نشكرك
ونشكر كل حد جميل نعرفه وعمل كتاب
اضاف للمكتبة العربية رصيد
وكمان رفع راسنا كمدونين
واخيرا بيجمعنا بالحب ف حفلة توقيع كتابه ....

الحفلة على قرفة اصحابها
انتى و نور
كانت حلوة
عشان حب الناس ليكو كان مغلفها
انبسطت قوى بكل حد جه
ماما زيزى وكاندى وايثار والكل
بصراحة كلهم ناس حلوين بجد
نقاوتك يا حبيبتى

ولادك عسولين قوى
احنا خضيناهم ..معلش
:)

تحياتى لزوجك العزيز
وعقبال الكتاب الجاى يا شوشوووو

وصف الاحساس يقول...

الف مبروك يا قمر
بالتوفيق ان شاء الله

نسرين شرباتي "أم سما" يقول...

ألف ألف ألف مبروك يا شيري
ليكي ول أ. ماجد القاضي
بجد فرحت ليكم ولكل الكتاب من كل قلبي
وبجد كان نفسنا نكون موجودين
بالتوفيق يا حبيبتي
وإن شاء الله تشوفي على وشه الخير :)
وماما زيزي منورة جداً :)

افكار مبعثرة يقول...

الف الف الف مبرووووووووووووووك كان نفسي ابقى موجودة و اشوفك و اشوف كل الناس الحلوةالي كانت موجودة
ربنا يبارك فيكي يا رب و عقبال الكتاب ال100 ان شاء الله
ماشاء الله شكلك زي القمر ربنا يحميكي
تحياتي :)

zizi يقول...

شيري الجميلة ..أقول إيه والا إيه ..كانت حفلة ممتعة بكل المقاييس وكنتي منورة ومتلألأة ..واسرتك كانوا منورين الحفلة ..وكان نفسي اتعرف على بابا وماما عشان اشكرهم على حسن تربيتهم واهنيهم لكن بقى إنتي توصليلهم ..أنا بس ليا طلب صغير ..بما إن الزمان أتاح لنا جميعاً فرصة التلاقي دي ليه مايكونش بيننا لقاءات مستمرة ولو مرة كل شهر ..ماتتصوريش يا شيرين أنا كنت سعيدة بيكم وبينكم أد إيه وعلى رأي فاتيما كان نفسي برضه اتعرف على بنت من الزمن ده وياريت إذا جت يوم الحد عشان حفلة مصطفى سيف نبقىنقابلها إن شاء الله ..واشكرك على الصورة قوي وبعد إذنك حانقلها عندي إذا كان ممكن مش ممكن ارجعهالك تاني ...هههههههه

تحياتي لكي ولكل من حضر الحفل وللجميع ونلتقي دائماً على خير ..

ظلالي البيضاء يقول...

أستاذة شيرين ..
نعم لم تحضر أجسادنا معكم لمشاركتكم الفرحة .. ولكن قلوبنا كانت معكم .. وفرخكم كان سبب سعادةٍ لي ..
وقد أسعدني اليوم أن أتعرف إلى ماما زيزي الحبيبة الغالية وأخي الحبيب الأستاذ ماجد القاضي .. وطبعاً أن أتعرف عليكم كذلك .. ولو بالصور .. وإن كنت أخشى من وضع الصور على النت .. خشية التلاعب بها من قبل قراصنة الأخلاق ..

شكراً لأنك كنت سبباً في هذه المعرفة الطيبة .. وأمنياتي لك بمزيد من التوفيق ..

نيللى يقول...

ألف مبروك ياشيربن ياحبيبتي ويارب من نجاح لنجاح :)

ستيتة يقول...

جاية متأخرة ومكسوفة منك جدا
الف الف مبروك وان شاء الله ربنا يقدرني الكتاب الجاي
كان عندي مراقبات تقعد ل5-7 بليل وكان صعب صحيا اني اتابع احداث مهمة
الف مبروك يا دكتورة وانتي من اجمل البشر اللي المدونات شرفتني بيهم

تحياتي

ذو النون المصري يقول...

فرحت لكم و الله
اتمني لكم كل التوفيق

منجي باكير يقول...

الف مبروك و مزيدا من التالق ..

/


سعيا منها لتطوير النقاش و الاستفادة من المدونين العرب ، مدونة الزمن الجميل تدعوك لإبداء رأيك في موضوع : الشباب العربي بين ما أرادوا له و ما اختاره !



-

Sara يقول...

ألف ألف ألف مبروك يا شيري :)
انجاز هايل

و عقبال الطبعة الثامنة إن شاء الله :)

شيرين سامي يقول...

شكراً بجد لكل من هنأني و سعيده بيكم و بوجودكم جواري أكتر من أي شئ :)