الخميس، 26 يناير، 2012

إنتظروني...في التي في ثم حفلة التوقيع :)


صباحكم سكر و عنبر و ورد

كنت مكسوفه أقول بس أمري لله :)

إنتظروني في برنامج ثقافية كافية على قناة النيل الثقافية إنهارده 26 يناير
البرنامج هيبدأ الساعه 6 و فقرتي هتبدأ غالباً الساعه 7 مساءً طبعاً

هتكلم عن مبادرة دار ليلى للنشر لمن يستحق و عن كتابي بنكهة مصر و خطوات خروجه للنور

ممكن حد يعمل فيه معروف و يسجله..أختكم متأخرة تكنولوجياً :)

بعتذر لكل اللي بّره مصر و وعدتهم أرسل الكتاب...مواعيد البريد سيئه و تتعارض مع عملي لكن إن شاء الله عن قريب

كمااااان عايزه أفكركم بمعاد حفلة توقيع كتابي و رواية (في صحتك يا وطن) لــ محمد الجيزاوي

يوم الإثنين 30 يناير الساعه 6 مساءً بجناح دار ليلى كيان كورب خيمة 2
معرض القاهرة الدولي للكتاب طبعاً :)

على فكرة جزء من إهدائي كان لكم...لكل من علّق بمدونتي و شجعني و لو بكلمة...و بجد ممتنه لكم جداً سواء إستطعتم الحضور أو لم تستطيعوا.


هستناكم و اللي مش هييجي مش هزعل منه و لا حاجه....هكرهوا بس :))

سلاااااام يا أجمل بلوجريه :)


هناك 26 تعليقًا:

yosef يقول...

صباح الفل والياسمين

والله يرضى عليكِ ويسعدك

ويّيسرلك امرك ويسهلها بوجهك

توكلي على الله

ونشوفك متألقة ومنورة التلفزيزن

الليلة

وان شاء الله النجاح حليفك دائما وانت

المجتهدة ومثالا للمرأة العربية التي

تحلم بلا حدود وتعمل بكل الجهد لتحقيق

احلامها

صباح مشرق مليء برائحة الفل والياسمين

وبنكهة العزيزة والمُتألقة شيرين

مها البنا يقول...

لالالالالالا

كده مش هنعرف نكلمك بعد كده يا شيرى :)

للأسف برضه هكون لسه فى شغلى فى الوقت ده عشان (على غير العاده) اليوم كله اجتماعات صبح وبعد الضهر .. بس هحاول اهرب الساعه ٧ واشوفه .. يارب اقدر

على اى حال انا واثقه انك هتبقى زى القمر وواثقه من نفسك

تحياتى يا جميل

وصف الاحساس يقول...

الف مبروك يا قمر
وبالتوفيق ان شاء الله

Sarah .. يقول...

هستناكى .. :)

ويارب ألاقى نسخة من الكتاب يوما ما ..

مبروك لحضرتك .. :)

zizi يقول...

بنتي الحبيبةشيري ..اول تعليق باكتبه بعد رجوع اللاب توب وباهنيكي على الكتاب وان شاء الله النهاردة نشوفك على التي في وحاتلاقينا معاكي يوم الحفلة هو احنا عندنا كام شيرين والف الف الف مبروك وعقبال الكتاب المائة وتفتكريني ساعتها وتقريلي الفاتحة وتقولي دي كانت امنيتها وربنا حققها ..ربنا يسعدك ويجعل جيلكم احسن من جيلنا في المثابرة والعزم والإمساك بالحلم ..وفقك الله ...

مصطفى سيف الدين يقول...

الف مليون مبروك يا شيرين
هاحاول اتفرج على الحلقة لانك اكيد هتكوني في منتهى الروعة
ربنا يوفقك ان شاء الله

ياسمين يقول...

مبروك ياشيري وانا اتمني ان اقدر اجي يارب اقدر يارب وان شاء الله هتفرج عليك ف التي في زي السكر انا عارفة ..ربنا يسعدك دائمااا

نيللى يقول...

ألف مليون مبروك ياشيرين ياحبيبتى وفى أنتظار البرنامج علي أحر من الجمر.

ويارب يسعد قلبك:)

محمود احمد يقول...

الف الف الف مبروووك
و هتفرج على الحلقه ان شاء الله ^_^

دعاء العطار يقول...

مستنينك ياشيرى :)

وواثقه انك هتبقى عسوله :)

الف مبروك ^ ^

أمل م.أ يقول...

الف الف مبروك شيرين
والى مزيد من التألق والابداع

دمت بخير

ابراهيم رزق يقول...

شرين المبدعة

نورتى التلفزيون
انا لم اريد ان اعلق الا بعد الحلقة مباشرة
كنتى مبدعة و متألقة
و علشانك انتى شاهدنا قنوات التلفزيون المصرى بعد انقطاع
الف الف الف مبروك

تحياتى لكى

yosef يقول...

بعد مشاهدة اللقاء

ما شاء الله عليكِ منورة

منها للاكبر منها

سواح في ملك اللــــــــــــــــــه- يقول...

دكتورة شيرين

الوجه المصري الاصيل رايناه اليوم في البرنامج

للاسف لحقته علي اخر لحظة

كنت لسة داخل من الشغل

وقريت البوست بتاعك

فتحت التلفزيون وجبت قناة النيل لقيتك منوراها

عجبتيني جدا في جزئية انتي لما رحتي دار نشر

فقالولك مبنكتبش الا عن الثورة

فكان ردك رائع لما قلتي حسيت ان ده متاجرة


تحيتي يادكتورة

انشاء الله هنشوفك من علامات الرواية المصرية

دعاء العطار يقول...

ماشاء الله ياشيرى كنتى منوره وعسوله اوووى

ربنا يحميكى ومن نجاح لنجاح يارب :)

زهرة الضحا يقول...

ألف مبروك يا شيرين يا حبيبة قلبي

للأسف معرفتش أشوف الحلقه أتمني إن حد يرفعها و إنتي تحوطيه في بوست علشان نعرف

مبورك يا حبيبتي و يارب دايما في إبداع
و يارب أعرف أجي اليوم دا علشان أشوفك

Bent Men ElZman Da !! يقول...

ما تتخيليش يا شيرين انا فرحانه ليكى اد ايه :))
انا مش لاقيت عند النيل الثقافيه ومش عارفه اشوفك ازاى :|
لو سجلتيها ياريت تبقى تنزليها على صفحه الكتاب
وربنا يوفقك ان شاء الله وتظهرى فى احسن صوره :))

الموجى يقول...

ربنا يوفقك كمان وكمان

reemaas يقول...

طيب انا كده مالحقتش سا شيرين ياريت الحلقة تتحمل بقى زى حلقة كارولين

مها البنا يقول...

اضم صوتى لصوت المطالبين برفع الحلقه عشان انا كمان مش شفتها :((

أم هريرة.. lolocat يقول...

للاسف شيرين انا ماشاهدت الحلقة وضرورى ضروووووووووووووووورى ترفعى الفيديو علشان انشره بمنتدى المدونون العرب

الف مبروك حبيتى يارب متألقة دايما وعقبال الكتاب الالف
بارك الله فيك وفى كل شباب بلادى

سامحينى حبيبتى على تقصيرى الغير مقصود

وفى انتظار الفيديو بسررررررعة

موفقة دائما غاليتى
الف مبروك

أم هريرة.. lolocat يقول...

نست اقولك جزاك الله خيرا على اهدائك الرقيق الطيب بارك الله فيك
تسلمى حبيبتى

نيسان يقول...

اكيد كنتي هايله ومتألقه وجميله:)... بس برضو انا مع جروب المنتظرين للفيديو...للاسف كنت في مشوار ضروري وما لحقتش موعد البرنامج:(

Carmen يقول...

الف مبروك حبيبتى يارب دايما من تقدم لافضل يارب :)

zizi يقول...

يا جميلة ..اسعدتينا وكنتي زي القمر ..وواثقة من نفسك وطبعاً انا باتفرج ونفسي الكل يشوفه معايا عشان الكل يسعد وان شاء الله حاتلاقينا بكرة معاكي في احتفال التوقيع ..والف الف الف مبروك ..

richardCatheart يقول...

عثووووووووووووووووووووووووووله ياشيرى ماشاء الله عليكى مبسوطه بالكتاب اوووووووووووووووووى ومبسوطه انى شوفتك اوووووووووووووووى يا قمره ربنا يحميكى ويفرح قلبك بكل خير الف مليون مبروك ليكى يا حبيبه قلبى