الأحد، 13 فبراير 2011

حبيبتي اليوم و كل عام

يحتفل الناس كل عام في 14 فبراير بعيد ميلادك الذي وافق عيد الحب كيف رتبتيها, أم لأن نيتك طيبه و قلبك عامر بحب الناس فأصبحت عيداً لكل من يدق قلبه بالحب, كبرت فوجدت نفسي طفله مدلله لا أفعل شيئ سوى اللعب و الضحك و سماع الموسيقى و لم تطلبي مني يوماً أن أساعد في أي عمل أو حتى في حمل أي شئ ثقيل, كنت دائماً تخافي علي يدي من أثر شغل البيت تريدينها ناعمه ناصعه, أتعجب كثيراً أن هناك أم مثلك تحب أطفالها كما أحببتينا و تفرط في التدليل كما أفرطتي,صحيح أني ذقت المُر عندما بدأت أدير بيت وحدي لكني لازلت سعيده بسنوات الدلال و اللا مسؤليه في حضنك.

كانت راحتنا شغلك الشاغل و لم تتململي يوماً من تنفيذ أي رغبه حمقاء لنا رغم أنني اليوم كأم أعترف أني أحياناً أتجاهل رغبات ابني التي تتسم بالغلاسه بل و أُغلس عليه و أقتسم معه حلوته بالغصب لا أذكر يوماً انك أكلتي حلوه و شوكولاته مثلنا كنت تتبرعي لنا بكل ما هو من نصيبك و تؤثري سعادتنا,و عند أي مشكله تواجهنا أراك تتحولي لقوة هائله لا أعرف من أين لمن هي برقتك مثلها و تدافعي عنا باستمته و تكوني حريصه على حلها أكثر من حرصنا.

لم تهينينا أبداً حتى لو بالقول تعاملينا باحترام لا يليق بشياطين مثلنا و في فترة المراهقه و شروق شمس الشباب كنت صديقه ليس أم فقط لم أعرف كيف أداري عنك أي سر فكنت سري, حتى عندما نختلف و أقسو (من جهلي) عليك لم تبالغي في معاقبتي عقابي كان نظرة الضيق في عيناك و كنت أصالحك بكيكه (هوهوز) و تسعدي بها جداً, علمتيني أشياء نادره مثل التسامح و العطاء و الاصرار و الصدق و الاخلاص تسببت لي في صدمات عديده  و لكنك أيضاً علمتيني كيف أتغلب على الصدمات بقوه و عزم و اراده.
 و من أعظم ما علمتيني أن أتقرب الى الله في كل وقت و أن أواظب على قراءة القرآن كل يوم كنت و مازلت دائماً صمام الأمان في علاقتي بربي و سأسقي أبنائي كل ما علمتيني خاصة و أن مصر في حالة تعافي فلن تصدمهم الأخلاق الحميده و الاخلاص و التسامح كما صدمتني, تهاونتي في حقك من أجلنا و هبتي لنا عمرك و وقتك فلا أذكر يوماً عدت من الخارج و لم أجدك, احتجت مشورتك و لم تنتبهي لي و تشاريكني الحديث بكل جوارحك, طلبت منك طلب و لم تلبيه بكل حب...عندما يسألك أحد عن ماذا فعلت منذ تخرجك من الكليه كنت تجاوبي...بنيت أربع عمارات....أنا و اخوتي.
أمي لا كلمات توصف مشاعري تجاهك فاقبلي مني هذه الكلمات البسيطه ربما أستطعت أن أنقل لك بعض ما أحسه.

18/11 هو تاريخ معرفتي بك

كنت غافله هائمه لا أعرف الا أنفاسك و صوتك

و خرجت الى برد الحياه فلم أحيا الا بدفئك

و فتحت عينان صغيرتان و رأيتك

و بقلبي الصغير أحببتك

و رميت نفسي عليك فلا شيئ يساوي حضنك

و أصبحت حبيبتي اليوم و كل عام

ليس لأنك كنت لي بحر من الحنان و الاهتمام

ليس لأنك كنت لي شمساً حينما يشتد الظلام

ليس لأنك لملمتني عندما كنت أعود لك حطام

ليس لأنك إحتملتي حماقاتي و ثوراتي و غضباتي

و كنت لي حمامة سلام

حبيبتي اليوم و كل عام

لأنك جعلتيني بين الناس مثال الحب و الاحترام

لأنك مع كل سقطة كنت دفعتي للأمام

لأنك علمتني ألا أعرف كُره أو حقد أو خصام

أما عن عطاءك فلساني يعجز عن الكلام

يا أجمل و أطيب من رأيت

و أحن و أقوى من عرفت

فبقوتك أنا في مأمن من الأيام

و ستظلي حبيبتي عام بعد عام بعد عام

يا أمي

هناك 46 تعليقًا:

موناليزا يقول...

كل سنة وهى طيبة

على فكرة انا كمان أمى عمرها ماطلبت مساعدتى فى شغل البيت عشان برضه كانت خايفة عليا لدرجة ان صحباتى لما كانوا بيسلموا عليا كانوا بقولولى واضح انك متعرفيش يوم الجمعة(يوم التنظيف):)

واضح ان أمهات زمان كلهم أبطال بجد ويتمتعون بحب للعطاء وللتفانى

ربنا يخليهم لنا يارب

Unknown يقول...

و انت طيبه يا موناليزا
أنا فعلاً كنت متدلعه أوي بس كله جه على دماغي و جوزي دائماً بيتهمني بالطفوله و الدلع الزياده بس خلاص الشغل و الجواز بيعلموا الأدب:)

Casper يقول...

الام كلمة لها أحرف صغيرة تحوي معان كثيرة لو كُتب فيها مراجع ومجلدات لن نوفي واحد على مئة من حقها

________

نسأل الله أن يبارك في أمهاتنا جميعا
موضوع متميز أحييكِ عليه

خالص تقديري واحترامي

Unknown يقول...

بشكرك كاسبر و تعليقك هو اللي مُميز أكيد
تحياتي الخالصه لك

Carmen يقول...

انا بقي باخد بالجزمة هنا وشايلة البيت كله علي دماغي وحاسة ان انا امهم عشان امي بتشتغل ^_^
ربنا يخلي كل الامهات ويبارك فيهم يارب حبيبتي وكل سنة وانتي طيبة وعيد حب سعيد عليك
تحياتي لك

eng_semsem يقول...

ربنا يخليها ليكي
وكل سنه وهي طيبه وبخير وعقبال مليون سنه
الام فعلا هي سر الوجود وهي ارق انسان في الكون وهي كل حاجه في حياتنا وكل حاجه حلوه لينا
تقبلي تحياتي

مصطفى سيف الدين يقول...

الام اعظم نعمة وهبها ربنا للانسان
حنان الام هو كالبلسم الذي يشفي من الهموم والجروح
ماذا اقول عن الام وهي التي لولاها ما كنا ولولا ما تعلمناه على يديها ما نشأنا
كل سنة وهي طيبة يا شيرين وربنا يخليكم لبعض ويباركلكم في بعض
كل سنة وكل المصريين طيبين
توافقت الاعياد فكان حرية مصر مع عيد الحب مع المولد النبوي لتجمع الاعياد هنيئا لنا جميعا
تحياتي

سواح في ملك اللــــــــــــــــــه- يقول...

الاخت البارة بامها
كل عام ووالدتك بالف خير
ربنا يخليهالك
ويديها الصحة والعافية
تحيتي اليها اولا
واليكي بعدها

د.ريان يقول...

صباح العطر شرين سامي

ويسعد أوقاتكم بكل خير

وفاء جميل ورقة فاح بها عطر قلمكم

لتذكرنا بأرق الناس واول قلب جاور

قلبنا وعسى يارب يخليها لكم ويطول

بعمركم ويرزقكم رضاها

ولن استغرب هذا الوفاء فأمي الغالية

هي هدية ربي لنا فقد كافحت وتعبت

وربتنا ايتام فلها كل الحب وكل نجاح

بحياتي

دمتم سيدتي بكل ود

Noha Saleh يقول...

انا كمان بقسم الحلويات مع بنتى
احنا امهات بس عيال اوى على فكرة
ماما كانت بتزودنى ماكنتش بتاخد منى حاجة
كل سنة وهى طيبة وربنا يبارك فى امهاتنا

Noha Saleh يقول...

انا كمان بقسم الحلويات مع بنتى
احنا امهات بس عيال اوى على فكرة
ماما كانت بتزودنى ماكنتش بتاخد منى حاجة
كل سنة وهى طيبة وربنا يبارك فى امهاتنا

قلم رصاص يقول...

كل سنه ومامتك طيبه

والف مبروك لخلاص مصر
وتحيا مصر والمصريين

هبة فاروق يقول...

كل سنة ووالدتك الطيبة بخير وصحة وسلام
وكل سنة وانتى طيبة يا شيرى وعيد حب سعيد عليكى يا قمر

حرّة من البلاد..! يقول...

عزيزتي
ادام الله واطال بعمر والدتك
صدقيني على قد ما بفيض بنا المشاعر اتجاهها الا اننا مقصرين وسنبقى
تحياتي

بنوتة مصرية يقول...

كل عام ووالدتك بخير
ربنا يخليهالك

تحياتى

أشرف محيي الدين يقول...

فراشة التدوين

كل عام ووالدتك الحبيبة بألف خير :)

في هذا الإدراج وجدت قلبك انشطر إلى قلبين ... قلب الإبنة التي تعبر وبكل روعة عن محبتها لوالدتها ... وقلب الأم الذي يتحدث بكل دفء وحنان عن محبة ولدها ... وإذا ما دمجنا إدراجك (( حبيبي في حياتي رجل ثان )) والذي تحدثتي فيه عن محبتك لوالدك ... نكون قد وصلنا إلى نتيجة مؤكدة بأن لقلمك موهبة ربانية في ترجمة أحاسيس قلبك المرهفة لتعبر عيون كل من يقرأها وتلامس قلوبهم فتستقر فيها ...

كل عام وأحباؤك جميعا بألف ألف خير :)

Unknown يقول...

السلام عليكم أختي شيرين:

الأم طاقة عجيبة لا تنضب من المعاني الرقيقة والدافئة.. فكلما قرأت لأحد المدونين في نفس الموضوع لا بد أن أجد معانٍ جديدة جميلة خاصة من كان مثلك يكتب بتلقائية وعفوية و....... حب.

كل عام والوالدة الكريمة بألف خير وببركة..

تحياتي أختي الكريمة.

باحث عن حب يقول...

كل سنه وكلنا بخير
يا شرين

شهر زاد يقول...

فراشة التدوين
كل سنة ومامة حضرتك كويسه يارب يخليهالك دايما مدلعاك ودايا حمياك
سنة حلوة يا جميل
تحياتي

Ms Venus يقول...

كل سنة وكل ام بخير وكل سنة ومامتك بكل خير يا شيرين

وكل عيد حب ومصر كلها جميلة وبخير

حكاية لاجىء / ياسر الرشايده /yaser al rashayda يقول...

ماشاء الله عليك مشكوره على هذه الكلمات الرائعه اتمنى لك التوفيق

غير معرف يقول...

كل سنة وكل ام بخير
كل سنه ومصر كلها بخير

---------------------
قهوه ساده
http://2hwa-sada.blogspot.com

Emtiaz Zourob يقول...

الله يسامحك ياشيرين .. ذكرتيني بأمي رحمة الله عليها ، كانت نفس أمك بالضبط ، وكأنك بتتحدثي عن امي وليس امك انت .. ربما هي طبيعة الامهات في كل عصر وفي كل مكان ، مع اختلاف الأسماء طبعا ولكن الطباع هيه هيه ،، انا كنت دلوعتها وحبيبتها وصديقتها ، وعلى الرغم من كوني ام ، إلا انني لا اعتقد بأني اعامل ابنتي راما بنفس المعاملة ، ولا اعرف السبب ، هل هو في أنا ، أم ان ظروف امهاتنا يختلف عن ظروفنا .. بصراحة لا اعلم .. ولكنك شبهي ، بتغلسي على ابنك وانا كمان بغلس على بنتي ،ههههههه ، واحنا التنتين بنحب اكل البوظة في الشتا والمطرة بتنزل .. ربنا يديم المحبة بينا يارب ، ويحفظ لك امك ويديمها على رؤوسكم " زي م بنقول هنا في فلسطين " ويرحم امي ويسكنها فسيح جنانه ويجمعني فيها على خير يارب.

رحاب صالح يقول...

تعرفي ...انا بجد مش عارفة اقول اية..؟
يمكن انا مش عارفة لية حسيت بالمسؤلية بدري
برغم اني مش البنت الكبيرة ولا حاجة في اتنين اكبر مني
بس يمكن انا لاني زي ما بيقولوا مختلفة عن اخواتي فماما بتعتمد علي في كل شيء تقريبا...
لما بلاقي نفسي زهقت من شغل البيت من مشاكل شغلي من مشكلات صحباتي واصدقائي ...من مشكلات اخواتي
من مشكلاتي الخاصة اللي ما بعرف اقولها ابدا لاي حد
ده كله شيء واني مرة انفعل عليها في مرة من مرات غضبي القليلة ...
الاقي نفسي بقيت شخص تاني وافضل اقول انا وحشة بجد انا وحشة اووي انا اوحش حد ف الدنيا لاني زعلت ماما...
برغم انها عارفة اني يمكن اكون علي حق ف غضبي....بس ازاي اني ازعلها وهي اللي دايما قلقانة علي ف كل شيء مهتمية بيا ف كل شيء خايفة علي ف كل شيء...ومهما عملت معاها مش هتوفي حقها ابدا
ومهما كتبت عنها ابدا مش هتقدري تقولي احساسك اللي جواك ابدا
كل عام وكل شهر وكل يوم وكل ساعة ودقيقة وثانية ولحظة ...وفيمتوثانية كمان....وكل امهاتنا بخير وسعادة وحب وصحة ......
مش عارفة اية ده بجد الي انا كتبته
بس انت اللي خليتيني اكتب ده

ثـــوره الــغضب يقول...

ربنا يخلهالك وتفرحيها ديما

وكل سنه وهيه بخير وسعاده وهنا وسرور

Unknown يقول...

carmen:و انت طيبه يا جميله و متزعليش الأم اللي بتشتغل أكيد بتتعب أكتر و بتحتاج مساعده و مفيش أجمل من مساعدة ابنه باره
تحياتي ليكي و نورتيني

Unknown يقول...

eng_semsem: ربنا يخليك و أشكرك على ذوقك و كلامك الجميل نورت يا أسامه

Unknown يقول...

مصطفى سيف: أشكرك على تعليقك الرقيق و فعلاً الأم هي بلسم الحياه و ربنا يخلي كل الأمهات و أيامنا كلها تبقى أعياد و حريه
تحياتي الخالصه لك

Unknown يقول...

سواح أشكرك و ربنا يخليك و تحيتك وصلت تقبل احترامي و تقديري

Unknown يقول...

د.ريان: أول زياره لك نورت المدونه صباحك سعاده و خير
أشكرك على أمانيك و دعواتك الرقيقه و ربنا يخليلك والدتك العظيمه و يبارك فيها و تظل بار بها
تحياتي الخالصه لك و سعيده بزيارتك

Unknown يقول...

نهى صالح: ههههه بجد أنا مش عارفه ربنا يكون في عون ولادنا
كل سنه و انت طيبه و تحياتي ليك يا قمر

Unknown يقول...

قلم رصاص: كل سنه و انت طيب و مصر حره و عزيزه نورتني و تحياتي لك

Unknown يقول...

و انت طيبه يا أجمل هوبه و ربنا يجعل أيامنا كلها أعياد حب

Unknown يقول...

حره من البلاد: عنك حق دائماً هنحس بالتقصير مفيش حاجه تساوي حنان و حب الأم
تحياتي ليكي و نورتيني

Unknown يقول...

بنوته مصريه: و انت طيبه يا جميل أسعدني تواجدك

Unknown يقول...

أشرف محي الدين: و انت بخير و سعاده أشكرك لتواجدك بين حروفي و اطراءك هو شهادة تقدير لي من كاتب رائع مثلك.
في الحقيقه أنا أشعر أني مقصره كأم ليس في المشاعر انما في الوقت و هذا شئ يضايقني جداً.
تحياتي ليك و اشكرك على تعليقك الجميل مره أخرى

Unknown يقول...

ماجد القاضي: و عليكم السلام و رحمة الله و بركاته و انت طيب يا أستاذي العزيز و تعليقك أسعدني جداً بالتأكيد.
تحياتي الخالصه لك

Unknown يقول...

محمود باحث عن الحب: أشكرك على المعايده و كل سنه و مصر بخير و حره

Unknown يقول...

شهرزاد: نورتي يا شهرزاد التدوين سعيده بتعليقك و كل سنه و انت بألف خير.

Unknown يقول...

فينوس الجميله: كل عيد حب و انت بخير و سعاده أجمل ورده ليكي.

Unknown يقول...

حكاية لاجئ: نورتني بالزياره و أشكرك على التعليق الجميل
تحياتي الخالصه لك

Unknown يقول...

MaldiNi : و انت طيب و بخير أسعدتني زيارتك تحياتي الخالصه لك

Unknown يقول...

وجع البنفسج: آسفه اذا كنت سببتلك ألم ربنا يرحم والدتك و يسكنها فسيح جناته.
احنا جيل مختلف فعلاً و مش عارفه السبب يمكن الدلع خلانا نبقى عيال على طول.
سعيده بزيارتك و تعليقك اللي حسيسني بحميميه و طيبه أجمل تحيه ليكي و لبنوتك

Unknown يقول...

رحاب صالح: كلامك حسيته أوي أنا متخيله شخصيتك المسؤله اللي خلت مامتك تعتمد عليكي أكتر من اخواتك و أكيد ليكي مكانه خاصه عندها, أنا زيك مبستحملش أزعلها و بحس اني أسوأ انسانه في الدنيا لما بضايقها ربنايخليهم لنا و يقدرنا نبرهم.
كل سنه و انت طيبه و أشكرك على التعليق الصادق الرائع.

Unknown يقول...

ثورة الغضب: و انت طيبه و بألف خير نورتي المدونه

إنسان || Human يقول...

ربنا يخليكوا لبعض