اهداء لشهداء ثورة 25 يناير
دي أول مره بصمم فيديو سامحوني لو مش قد كده لكن الأغنيه دي دائماً كنت بسمعها بعد ما نكسب في أي ماتش و كنت حاسه انها اتعملت لحاجه أهم من كده....الأغنيه دي بالذات حسيت انها لكل المصريين اللي شاركوا و أيدوا ثورة 25 و بهديها لأرواح أجمل ناس شفتهم في حياتي الشهداء.
هناك 23 تعليقًا:
تعرفي بقي
انا بقيت اعيط لما اسمع اي اغنية وطنية من يوم الاحداث دي
بجد
بصلي وبدعي ربنا ييسر الامور يا رب
بجد انا مش عارفة اية ممكن يحصل
بس يا رب خيييير
عارفة اول مرة اعلق علي حاجة من يوم اللي حصل ما ليش نفس اعلق و لا اقرا حتي بس المرة دي كان لازم اعلق
معاكي حق الاغنية دي للمصريين اللي بجد مش لماتش كورةخلتيني اعيط بس مش مهم المهم البلد تبقي بخير يا رب بقي تبقي بخير
عارفة جوز بنتي لما سمع معايا في ميدان التحرير ياحبيبتي يامصر قال لي ياماما دي اول مره احس ان الاغاني دي ليها معني مش مجرد ماتش كورة
تعقيبا علي تعليقك اللي فات في البوست اللي فات
لو كنت قريتي اللي كتبته قبل كدة كنت عرفتي ان قلبت اني اللي حارق دمي الدم اللي سال ده وهيروح هدر حرام بجد لاني حاسة بمعني الشهادة اووي وحاسة بمعني الموت في معركة زي دي وعمري ما هنسي الايام دي ابدا
وبقول برغم اني بحاول نوصل لحل ومناسب ان اول شيء لازم ناخد حق الدم ده لانه دم شهدائنا ...شهداء مصر
معلش يا شرين مقصرة معاكى ومع الجميع
بسبب الاحداث بجد مش قادرة اعلق او اكتب كلمة قبل ما اطمن على حالنا
سلامى لك ولكل العائلة واخيرا بحبك يا مصر
يا رب مصر تبقي بخير
احنا مش عايزيين غير كده
متفق مع شمس النهار
الايام دي بدات احس فعلا بمعنى الاغاني الوطنية كان الواحد بيسمعها باستخفاف وتريقة عليها لكن دلوقت حاسس اني باسمعها بشكل تاني
احب اشيد بيكي في اختيارك للصور اللي صممتي بيه الفيديو
بصراحة جميل جدا
تحياتي
اغنية رائعة ياشيرين بس عارفة لما شفت الشباب في ميدان التحرير ، خطرت على بالي اغنية حماده هلال والله وعملوها الرجالة .. مش عارفة ليه .. بس حسيت انه فعلا هم دول الرجالة بجد ..
ربنا يحمي مصر ورجالة مصر ..
تقبلي مروري ..
مش الاغانى الوطنية بس
اللى حنسمعها بشكل مختلف
كل حاجة فى مصر
حتبقى احلى واجمل
تعرفى يا شيرين وبجد
كتير مننا مكانش عارف او حاسس انه بيحب مصر اوى كده
غير بعد الى احنا فيه ده
اكيد احساسنا بكل حاجة ح يتغير
الاغانى اللى كانت بتتشغل للكورة دلوقتى ح تتشغل لحاجة اهم كتير
ربنا ينصرنا ويتم علينا الحرية بخير ويرحم شهداءنا
اشكرك حبيبتى للتفاعل الطيب
ومعلش هههههههه اعتذر للصورة والله ما بنام خالص انت عارفة انى قريبة من الاحداث واخواتى هناك
وبنجهز لهم اكل وحاجات و طبعا الزهايمر اشتغل مع الارهااااااااااااااق الشديد
سامحينى غلظت فى وضع الصورة وتم التعديل
والله حبيبتى ما شايفة ادامى هههههههههههه
تحياتى لك غاليتى
دعواتك
انا واحد من الكتير اللى بيسمعوا الاغانى الوطنية الايام دى وكانها اول مره بسمع اغنية وطنية ولاول مره دموعى بتنزل وحاسس ان جسمى بيتعصر مع كل دمعة ...
لاول مره بحس بوطنيتى بجد ولشىء اعظم واعظم بكتيييير من ماتش كوره او مسابقة خايبه على فضائيات..
متشكر ليكى جدا
كنت بسمعها زمان وانا صغيرة:)
تعرفى احلى حاجة بجد اننا بقينا نسمع اغانينا الوطنية دلؤتى بروح تانية ومختلفى تماما عما كانت عليه من قبل
حلوة جدا يا دكتورة
وعلى فكرة أنا أول مرة أسمعها كاملة
الأداء رائع بس الصور أو الكواليتى بتاعة الفيديو مش كبيرة ، ومش عالية .
أه صح ، أنا دعيتك تحلى الواجب ده :)
http://elkatebrofail.blogspot.com/2011/02/blog-post_06.html
يا ريت تحليه :)
مع تحياتى
جميله ياشيرين بجد
أخيرآ بقينابنسمع الأغاني دي بنفس وبروح جميله
تسلمي ياقمر
حب الوطن شى جميل جدا واتمنى من كل قلبى مش بس مصر لا كل الوطن العربى يبدا يفوق من كبوتة دى
اتمناها خلافة تعيد الامجاد والنصر والكرامة
اتمناها خلافة تجيب على الاقصى المستغيث
تشكرات افاندوم
الاغانى الوطنية دلوقتى بقى لها طعم تانى
الاغانى الوطنية دلوقتى بقى لها طعم تانى
باذن الله هنبقي احسن انا متفائلة خير
يااااارب
جسمى إقشعر يا شرين
فعلا الأغنيه دى ليها صدى غريب فى النفس
أجمل ما فى الجيل القديم من رأيى .. هو أغانيهم الوطنيه
تحسى كده إنها من قلبهم بجد .. مش مجرد حفظ تواجد على الساحه
جميله يا شرين .. تسلم إيدك
السلام عليكم اختي شيرين
آسف لم أستطع الاستماع لأن الملف يعطيني error دايما مش عارف ليه!!!
لكن أؤكد فعلا على كلام الجميع.. فعلا والله أغاني كتير (وأي حاجة فيها انتماء لمصر) أصبح لها طعم تاني... حتى العلم نفسه!!!
تحياتي أختي الكريمة.
طبعا الاغنية جميلة وتسلم ايديكي وبداية جيدة
وللأسف فكرتني بإسفاف اعلانتنا واعلان جبنة المصريين اللي فعلا سخر جدا من الاغنية العظيمة
انا بعتبر ان الاغاني الوطنية ليها قدسية خاصة
إرسال تعليق