الثلاثاء، 7 فبراير 2012

شئ إستثنائي


لماذا لا تفعل شئ إستثنائي؟

يشعل في الصمت الأبواق و يذيب جمود الأشواقٍ

لماذا تسير بحذر على أرصفة المنطق و أروقة العادي؟

و تحافظ على صورتي بين بطاقاتك

و على عطرك فوق ملابسك

و تحرص على تصفيف مشاعرك

و تنميق رسالاتك

أحتاج للحظات جنونك

و خروجك عن سترة ما العيب و ما المفروض

فالحب عبث و جنون و ما دون الهمجية مرفوض

ضع صورتي في قلبك

و إنثر فوق ثوبي و عمري عطرك

و دع مشاعرك برّيه تسير كغجريه بدربك

لا تهذب عباراتك

و تنظّم لهفتك و أشواقك

فقط إسقيني الحب بعامّية حرفك

فأنا بكل أنماط الحب....أحبك

و بالصمت و بالهذيان....أحبك

و بالأمل و بالخذلان....أحبك

و بجداول زمنيه و عفويه....أحبك

فلا تحبس يوماً أنفاسك و تخضع لقواعد اجدادي

و لا تمسك بأيادي الجد أجنحتي

و تزعم أنك بالحرية تنادي

تعالى و حلّق دون حدود ف حضن سمائي

و لا تتردد أن تبكي كالطفل بين ذراعي

و تهبني الحُب في زمان غير عادي

و مكان غير عادي

و بشكل فوق العادي

فلتفعل شئ إستثنائي

يشعل في الصمت الأبواق و يذيب جمود الأشواقِ

هناك 26 تعليقًا:

Unknown يقول...

إزيييييكم :)
فكرت أخرج شوية بره حالة اللاكتابة اللي عندي و قلت أسمع كلام فاتيما لما قالتلي إنشري أي حاجه حتى لو وحشه عشان متسيبيش البلوجر...فقلت أنزل حاجه وحشه :)

Ms Venus يقول...

دى وحشة دى ؟؟

رائعة يا شيرى بجد

بحب اوى اسلوبك

حالة ال عادى فى المشاعر قاتلة

كريمة سندي يقول...

والله شيء استثنائي جميل وبه ابداع فحالات التمرد لها وقع كبير في النفس وهي تلهب الأشواق أعجبتني كثيرا فكرة التمرد في الكتابة وفي المضمون بورك قلمك عزيزتي

yosef يقول...

مساء الخير

فاتيما قالتلك نزلي حاجة لو وحشة

بس دي وحشة اوي...!!!!

ههههه

انا بعمل هيك دايماً

علشان ما ابعد وما افقد زخم الكتابة

في الايام الصعبة والكئيبة ..

بخاف ابعد وما اعرفش ارجع

والناس ما تصدق وتقول

خلصنا منه ومن نكده

....

اكيد مش وحشة

ولا مش وحشة اوي

جميلة ...

سندباد يقول...

يادكتورة
الاستثنائي يكتب استثنائي
وفعلا هو كلام استثنائي جدا
تحياتي لقلمك المبدع دائما

سواح في ملك اللــــــــــــــــــه- يقول...

بعضا من الجنون قد يعيد لنا الحياة

سعدت جدا بمعرفتك وبرؤيتك في المعرض يادكتورة

وسعدت ايضا بتوقيعك الكريم علي نسختي

فقد رايت حقا كما قالت شهرزاد

((فراشة التدوين ))

دمتي مبدعة

ظلالي البيضاء يقول...

دكتورة شيرين ..
أفتخر بالأسرة التي عرفني عليها عالم بلوغر .. وهم مجموعة من الرائعين الذين نفضوا عن أكتافهم غبار الزمان لينطلقوا في فضاء التدوين بكل ما تجود به قلوبهم وعقولهم وأحياناً فنونهم وجنونهم .. هههه

حقيقةً صار في ذهني صورة جميلة جداً لعالمكم ومهما حاولتم أن تظهروا أن ما تبدعونه هنا "حاجه وحشة" سأظل أراها على أنها رائعة .. فلا تتعبي نفسك بتصوير ما سطرته على أنه "حاجة وحشة" لأنك لن تنجحي بذلك .. هههه

وهل الحب إلا مصدر للفنون .. وأحياناً سبب للجنون .. هههه

مع التحية الطيبة المباركة

فاتيما يقول...

:)

شوفتى بقى جبتيلنا الكلام سيادتك ..
بقى دى وحشة دى !!!
اومال الحلو يبقى ازاى ؟؟

بصى اصل اختك بقالها 4 سنين اهو
واللى لاحظته فعلا
ان بعد نشر الكتب بتقل الكتابة
و غالبا يا بتاخد شكل احترافى
ياما بتكون الحالة اللى الكتابة عشانها جت ...خلاص راحت
وأحسبك مش لا دى ولا دى
فعشان كدا قولتلك اكتبى
متفتكريش انك مشيتى خطوة لقدام
ومينفعش تبصى وراكى
لأن المدونة مش ورا ...
المدونة حياة حقيقة وتفاعل
ومحدش هنا هينتقد ويتعالى عليكى
او يقولك مستواكى قل ..والحركات دى
احنا كلنا على باب الكريم
:)

مبسوطة انك محبستيش نفسك
وكبلتيها بحاجة
وكتبتى كلام
لو علقت عليه
منظرى وكانتى التدوينية هتهتز
عشان انا بعز قوى الناس الحّبيبة
اللى ال ف قلبها على طرف كلامها دى
زيك ...
قوم الكلام لما يطلع من قارورة عطر المدونات ينثر علينا عبيره
وندوخ احنا ...
يرضيكى كدا ؟!!

طب بجد بقى
وعن قناعة
الشىء الإستثنائى ليس ف الفعل
بقدر ما ف القلب
فيه ناس مبتعرفش تعمل
او تعبر بلسانها
بس اللى ف قلبها بيوصل رغم كل شىء

ربنا يسعدك
ويحلى أيامك
وبوسيلى الولاد
وسلامى لزوجك العزيز

reemaas يقول...

ياسلااااااااااااااام

طب علشان خاطرى نزلى حاجة اوحش انا منتظرة ماشى؟
ههههههههههههه

طبعا روعه يا شيرين وانا عن نفسى حساها جدا لانى حاسة انى بقيت بعمل كده وبمشى على الرصيف خايفه من ضياع حاله الملل لمجرد انها امنة

حياتي يقول...

اتمني قبولك لمروري ع مدونتك ......... بس بجد كلامك اكثر من رقيق ومعبر وفي شيئ من الهدوء في التعبير

ابراهيم رزق يقول...

اختى العزيزة شرين

رباه اشياءه الصغرى تعذبنى
فكيف انجو من الاشياء رباه

ما لى احدق فى المراه اسالها
باى ثوب من الاثواب القاه

ادعى اننى اصبحت اكرهه
و كيف اكره فى الجفن سكناه

و كيف اهرب منه انه قدرى
هل يملك النهر تغيير لمجراه
نزار القبانى

يا مرحب بعودتك
و اشكر فاتيما لما قالت ليكى انشرى اى حاجة
و عاوزين حاجات وحشة من دى كثيرا جدا
بجد كلمات جميلة و خرجت الواحد من المود اللى الواحد فيه
تصدقى انا كنت بكتب بوست وحش جدا جدا كله سياسة و مقرف لما قريت البوست بتاعك وقفت عن الكتابة و مكسوف اكمله رغم اهميته بالنسبة لى
اعمل ايه بقى
ههههههههه

تحياتى لكى و متشطرين لفتومة

Nawel يقول...

السلام عليكم

فعلا الرتابة أمر ممل سواء في المشاعر أو في الكتابة.. كثيرا ما تتشابه الأشياء أو اللحظات، ثم يأتي دورنا نحن حتى ندفع بعجلة التغيير ونكسر الرتابة، وكلامك هذا كسر الرتابة بإبداعه :)

دمت وقلمك في غير رتابة :)

مها البنا يقول...

اسجل تأييدى لرأى فاتيما .. بس انتى ليه مسمعتيش الكلام؟؟
هى قالتلك حاجه وحشه .. فين الوحشه دى؟؟

انا مستنيه الحاجه الوحشه مليش دعوه :)

hamed mostafa يقول...

الله على كلماتك لا املك غيرها الله

Tamer Nabil Moussa يقول...

بوست مميز شرين

تسلم ايدك

مع خالص تحياتى

أندروميدا يقول...

مشاعر استثنائية حقا ... بل هي اشبه بحصار انثي .. لرجل متعقل يخشي مصير ( قيس ) .. وشقاء ( عنترة ) :)

وسؤال يطل من بين الكلمات ... هل الحب في نزاع دائم مع التقاليد ... لست ادري ... ولكن ما اعرفه .. ان للحب بكل تاكيد ... تقاليده الخاصة جدا .

اعتذر عن الإطالة

واسعدني المرور من هنا .

تحياتي

دعاء العطار يقول...

احم هو ده الوحش ؟؟

طب عايزين كمااااااااااااان بليييييييييز

بجد روعه ياشيرى :)

richardCatheart يقول...

صباااااااااااااح الاستنثنائياااااااات

رووووووووووووعه بجنون انا عن نفسى عجبتنى اوووووووووووى مختلفه وحرة تعبرها حقيقى معلش هانشرها على الفيس بعد اذنك يا شيرى

ديما قلمك شديد التميز

افكار مبعثرة يقول...

بالنسبة ان ده وحش امال الحلو بقا ان شاء الله عامل اييييييييه :)))
رااااااائعةةةةةةةة و استثنائية و جعلتني اشعر بشعور استثنائي :)
تحياتي

زينة زيدان يقول...

كيفك شيرين

ما في شي وحش

كل شي بتقوليه جميل جدا

مشتقالك

وميرسي على اليوم الجميل يالي فضيته معك

وبتمنى أشوفك دوما مبتهجة
فرحة بتحقق نجاحات

نحيتى لكِ
ولمصر العزيزة كل الحب

حنين محمد يقول...

مساء الغاردينيا شيري
ورب السموات أن حرفك هنا أستثنائي
وحش ايه يابنتي اممم طيب ناخدك على قد عقلك ونقولك ايوه وحش هههههه طيب اجري ياستي واكتبي لنا من الوحاشه دي كتير :)"
؛؛
؛
لروحك عبق الغاردينيا
كانت هنا
reemaas

مصطفى سيف الدين يقول...

دعي قلمك ينطلق يا شيرين فهو بالتاكيد قلم رائع

عبدالحميد خطاب يقول...

والله أبدعتى
ما شاء الله
تدوينى ومقالاتى هذه مدونتى أتمنى أن تشرفينا بزيارتها

Noha Saleh يقول...

ربنا يكرمك واللهفعلا محتاجين نخرج شوية من جو الكآبة دى
انتى مش بتكتبى حاجة وحشةابدا

match online free forever يقول...

اعتذر عن عدم المتابعة في الفترة الماضية ...
وأتمنى أن يكون شيء استثنائي وقد مضى

zizi يقول...

شيري الحبيبة..ماأجمل كتاباتك وما أروعها في زمن قل فيه الجميلومعلش سامحيني عشان اللابتوب لم يعد حتى الآن ولذلك تعليقاتي متأخرة بعض الوقت بس بجد بوست رائع وعايزين منه كتير..تحياتي