الثلاثاء، 31 مايو 2011

باقي من الزمن....ساعات

حمــلة التدوين اليومي لشهر 6...يمكن مش كلنا فاضيين و مش كلنا عندنا أفكار نكتبها كل يوم عشان كده أول ما شوفت الحمله قررت إني أشترك على طول و إتحمست جداً أولاً لأني نفسي حد يجبرني أعمل الحاجه اللي بحبها عشان مافضلش أكسل و أدي وقتي للدنيا كلها ماعدا الكتابة و ثانياً عشان حسيت إنه تحدي صعب و إتعودت إني أقبل التحديات و أختار الطريق الأصعب...أنا متابعة حوالي 120 مدونة و للأسف مبعرفش أقرى كل البوستات اللي بتنزل و عشان كده مش بنتظر إن كل الناس يكونوا بيتابعوني و بقدر إنشغالهم زي ما أنا كمان بنشغل.

لكن ده ميمنعش إني هستنى متابعتكم الشهر ده و هستنى أن كلكم تشتركوا في نفس الحملة عشان نشجع بعض و نثري محتوى التدوين بالأذواق و الأساليب المختلفة...إن شاء الله هنزّل أجزاء صغيره من خواطر حياتيه مختلفه تحت إسم (قصاقيص من حياتنا) هكتبها على الهوى كده كل يوم بيومه زي مسلسلات رمضان :) و في نهاية الأسبوع هنزّل شعر صغير أو موضوع كتابة حُره...يا رب بس متزهقوش مني....:)

هناك 16 تعليقًا:

دعاء العطار يقول...

كويس انك معايااااا

عشان تشجعينى

انا كمان مشتركه فى الحمله وخايفه بصراحه من التجربه ومع ذلك ماترددتش انى اشترك فيها

تجربه جديده وحاسه انها جميله

هتابعك ياشيرى وهستنى كتاباتك

(: (:

Unknown يقول...

ميرسي يا دودو و أنا كمان أكيد متبعاكي و ربنا يستر و منهنجش في النص :)

د/دودى يقول...

شكلى هاشترك فيها برضه ..بس هى يعنى حبكت فى موسم الامتحانات ؟؟....هافكر

Kem يقول...

انا كمان داخل ان شاء الله

Unknown يقول...

د/دودي حاولي كده ان شالله حتى سطرين كل يوم, ربنا يقويكي في الامتحانات و تعملي كويس يا جميل.

Unknown يقول...

أغاني الشتا: حاول بردو ماتجيش على نفسك عشان تعرف تذاكر و متبعاك ان شاء الله يا أكرم...ربنا معاك.

الحسينى يقول...

بالتوفيق يا شيرين
إن شاء الله أنا كمان مشارك
تحياتى

Unknown يقول...

الحسيني: في إنتظارك و بتمنى لك التوفيق دائماً.
تحياتي ليك

سواح في ملك اللــــــــــــــــــه- يقول...

طبعا هنتابعك
بس معلش مش هقدر اشترك اصل انا مزاجي متقلب شوية
تحيتي

Unknown يقول...

سواح في ملك الله: شكراً ليك و كان نفسي تشترك معانا عموماً حاول حتى لو مش كل يوم.
تحياتي ليك

مصطفى سيف الدين يقول...

متقلقيش يا شيرين مش هنزهق منك
اصلا محدش بيزهق من متابعة المبدعين اللي زي حضرتك
هي فكرة حلوةوان شاء الله هنشجع بعض
تحياتي

reemaas يقول...

لذيذة الفكرة وفيها تجديد

اوك معاكى فيها على ادماقدر وربنا يسطر انا اصلا مش متابعنى كتير
هههههههههههه

FAW يقول...

أنا بجد مش عارف إنتي إزاي هتقدري تعملي كده !!
موضوع صعب قوي
إوعي أكون أحبطتك :)

يللا ربنا يقويكي وأكيد هتابعك

وطبعا مش هعرف أدخل الحملة العجيبة دي :))

Carmen يقول...

فكرة جميلة حبيبتي ومتابعينك اكيد
مستنياكي

رحلتنا في الحياة يقول...

فى انتظارك ياجميل :)
وفكرتى اعتقد هتبقى مشابه شوية لفكرتك انى حاول اعمل حاجة مسلسلة علشان اقدر اكمل لاخر الشهر ومش اكسل :)

rack-yourminds يقول...

منتظرين موضوعاتك