الأحد، 19 يناير 2014

حفلة التوقيع :)


في أشياء مُبهجة في الحياة الحمد لله على وجودها :)
معرض الكتاب 2014 ماكنتش متوقعه إنه هيشهد إصدار روايتي الأولى..ماكنش شاغلني الموضوع..فعلاً أجمل الأشياء هي اللي بتيجي على غفلة :) و إمبارح كمان نزل تراك على الـsound cloud لإستهلال الرواية بصوت الجميلة زينب فرحات, ماكنش ينفع أنا اللي أقوله طبعاً لأن اللي حضرلي حفلة عارف طريقة إلقائي المترددة اللي ماليانه ضحك :) الإستهلال كنت نشرته هنا قبل كده و شلته..كتبته في مرّة ذات وجع..عشان كده أنا حاسه إنه مكتوب من دمّي مش قلمي..و متّسق تماماً مع شخصية البطلة..اللي أكيد اللي هيقرى هيقارن بيني و بينها..لكن في الحقيقة الرواية فيها 5 أبطال أساسيين و أكتر من 5 فرعيين أو ليهم تأثير ما..أنا كل الشخصيات دي..و ولا واحد فيها أنا :) فماتتعبوش نفسكم :)

التراك الخاص بالإستهلال هنــــــــا

الشئ المبهج التاني هو حفل توقيع الرواية في معرض الكتاب اللي يشرفني إنكم تحضروه عشان أهديكم الرواية بتوقيعي :)
الحفل في جناح دار ن و هيكون الساعة 3 و نص عصراً يوم الثلاثاء 4 فبراير
الإيفنت على الفيس بوك هنــــــــا
و ده مكان دار ن في معرض الكتاب




أستاذ إبراهيم رزق كمان كتب هنــــــا

هستناكم :)

هناك 3 تعليقات:

ابراهيم رزق يقول...

تسقيفة نسفيفة للى يفرحنا
و ادعوله انشاله يعيش
انشاله يعيش
صدقوا اللى قالوا قبلينا
اجمل من الفرحة مفيش

مبروووووووووووووووووووووك
اهم حاجة الغدا هيكون ايه
http://youtu.be/lxlJ9eiuI-U

فاتيما يقول...



إن شاء الله أرتب حالى وأقدر آجى

ألف مبروووووك يا شوشو
من نجاح لنجاح ودايما منورة ومتألقة
يا قارورة عطر المدونات
وكل مرة ببقى عاوزة اقول وأنسى
إن الغلاف حلو قوى قوى قوى
مميز
وقوى
ولايق عليكى


ألف مليون مبروك يا حبيبتى
:-*
وألف حضن

Bent Men ElZman Da !! يقول...

هو أنا مش عارفة الوصف اللي في الصورة ده أروحة أزاى
بس مش مشكلة في سبيلك يا شيرين وسبيل الرواية اتوه عادي :D
جاية إن شاء الله ويارب ما يطلعلى حاجة من تحت الأرض يومها والا هيجيلي أحباط أووووي :(