دينا ممدوح كتبتلي هنــا و هنـــا (تعليق إمتياز :))
دينا,
أنا قريت تدوينتك و مهما قولتلك مش هتعرفي عملت فيّه إيه..و جت في وقت كنت محتاجاها قد إيه..وعشان ماكنش ينفع إني أرد عليها بمجرد تعليق, كان لازم أرد عليها هنا في حدوتة مصرية المكان اللي عرفنا بعض منّه.
تعرفي يا دينا إنتِ كمان أثّرتي فيه و دي حاجة صعبة جداً..لكن عارفه ليه..
عشان إنتِ من البنات القليلين اللي بيدّوا و مينتظروش المقابل الأصدقاء القليلين اللي تفهّموا طبيعتي الهربانه من الناس :)
عشان إنتِ اللي بتزوريني و تتواصلي معايا بإستمرار..تقوليلي رأيك و تشجعيني من سنين يمكن مفيش تدوينة قديمة أقراها غير و ألاقيكي سايبة أثرك الرقيق فيها.
عشان إنتِ من الناس اللي فاجأوني في حفلة التوقيع بحضورهم اللي ساب أثر رقيق زي تعليقاتك و كانت أجمل حفلة الحمد لله حضرها معظم المدونين و عايزه أقولك إنها أول حفلة توقيع أحضرها أنا كمان :)
عشان إنتِ عملتيلي صفحة للكتاب على الجود ريدز و كتبتيلي ريفيو في وقت أنا كنت للأسف مش فايقه و مش مركزه في الإهتمام بالكتاب و تعريف الناس بيه.
عشان إنتِ عمرك ما زعلتي منّي أو عاتبتيني أو خدتي جنب أو حتى قصرتي معايا رغم تقصيري الدائم معاكي (و مع غيرك الحقيقه :)) عشان كل ده و أكتر إنتِ بالنسبة لي ليكي مكانة مُميزة..مكانه صافية و رقيقة زي كتاباتك و قلبك و مدونتك اللي تصميمها بيقول قد إيه إنتي بسيطه و نقيّه.
عارفه يا دينا أنا الحمد لله ناس كتير بيقولولي إنهم إتأثّروا بيه..آه و الله :) ..مش فاهمه ليه..بيقولولي ده في رسايل أو مباشرة في المدونة و في الحياة.. بفرح جداً و بستغرب جداً جداً..لدرجة مرّة كنت كتبت على الفيس بوك إنّي مش بتكسف أحط صورتي على البروفايل لأن ده شكلي اللي بقابل الناس بيه و إن عمري ما فكرت أحط صورة فراشة و لا وردة أو كده, فلاقيت واحدة بعتالي رسالة إنها إتأثرت بالستيتس جداً و خرجتها من حيرتها و قررت تنزل صورتها على الفيس بوك...تعرفي أنا إترعبت و قفلت الفيس بوك وقتها عملت deactivation, حسيت إني هشيل مسئولية الصورة اللي هتنزلها..طب أنا كنت بحُط صورتي و أنا صغيرة أو في حفلات التوقيع..لكن هي أو غيرها ممكن يحطوا صور فيها شئ من الإغراء و نظام أنا حلوة و موزّة..و أنا ساعتها اللي هشيل ذنبها :( صحيح إني مؤمنه إن الإغراء في الروح مش الجسد و الصور, و ده موضوع تاني ممكن أتكلم عنه في تدوينة تانيه :) بس ده ميمنعش إن كون حد بيتأثر بيك ده معناه إنك لازم تكون قد المسئولية دي..عشان كده بحاول أقرى في النحو و أصول الكتابة عشان مغلطش و ألاقي حد يغلط بسببي.
و الله يا دينا فترات إكتئابي دي شئ جديد عليّه و مش عادتي..و أنا بكتب بحس إني برقص..برقص بالية في معبد مهجور..بكون مُنتشية بجد..و لمّا بحس إني مش قادره أتنفس و خلاص هقع بقفل المدونة لحد ما أقدر أرجع بلياقة أكبر..أنا آسفه إذا كان ده بيضايقك لكنه غصب عنّي..و عزائي الوحيد إني الحمد لله بقدر أقوم تاني و أبقى أقوى..و مبحبش أكون بكاءة شكاءة نكديه و لا أحب اللي يوصلني لكده..
عامة أنا مبيأسش أبداً...و عندي مية حلم وشوية :)
و إنتي كمان يا دينا طموحه و عندك الموهبة و القدرة و الحُب :) عشان كده هتوصلي و أنا هشاركك كل حلم تحققيه و هتلاقيني دايماً جنبك بإذن الله :)
الشكر موصول ليكي يا صديقتي الجميلة
دينا,
أنا قريت تدوينتك و مهما قولتلك مش هتعرفي عملت فيّه إيه..و جت في وقت كنت محتاجاها قد إيه..وعشان ماكنش ينفع إني أرد عليها بمجرد تعليق, كان لازم أرد عليها هنا في حدوتة مصرية المكان اللي عرفنا بعض منّه.
تعرفي يا دينا إنتِ كمان أثّرتي فيه و دي حاجة صعبة جداً..لكن عارفه ليه..
عشان إنتِ من البنات القليلين اللي بيدّوا و مينتظروش المقابل الأصدقاء القليلين اللي تفهّموا طبيعتي الهربانه من الناس :)
عشان إنتِ اللي بتزوريني و تتواصلي معايا بإستمرار..تقوليلي رأيك و تشجعيني من سنين يمكن مفيش تدوينة قديمة أقراها غير و ألاقيكي سايبة أثرك الرقيق فيها.
عشان إنتِ من الناس اللي فاجأوني في حفلة التوقيع بحضورهم اللي ساب أثر رقيق زي تعليقاتك و كانت أجمل حفلة الحمد لله حضرها معظم المدونين و عايزه أقولك إنها أول حفلة توقيع أحضرها أنا كمان :)
عشان إنتِ عملتيلي صفحة للكتاب على الجود ريدز و كتبتيلي ريفيو في وقت أنا كنت للأسف مش فايقه و مش مركزه في الإهتمام بالكتاب و تعريف الناس بيه.
عشان إنتِ عمرك ما زعلتي منّي أو عاتبتيني أو خدتي جنب أو حتى قصرتي معايا رغم تقصيري الدائم معاكي (و مع غيرك الحقيقه :)) عشان كل ده و أكتر إنتِ بالنسبة لي ليكي مكانة مُميزة..مكانه صافية و رقيقة زي كتاباتك و قلبك و مدونتك اللي تصميمها بيقول قد إيه إنتي بسيطه و نقيّه.
و الله يا دينا فترات إكتئابي دي شئ جديد عليّه و مش عادتي..و أنا بكتب بحس إني برقص..برقص بالية في معبد مهجور..بكون مُنتشية بجد..و لمّا بحس إني مش قادره أتنفس و خلاص هقع بقفل المدونة لحد ما أقدر أرجع بلياقة أكبر..أنا آسفه إذا كان ده بيضايقك لكنه غصب عنّي..و عزائي الوحيد إني الحمد لله بقدر أقوم تاني و أبقى أقوى..و مبحبش أكون بكاءة شكاءة نكديه و لا أحب اللي يوصلني لكده..
عامة أنا مبيأسش أبداً...و عندي مية حلم وشوية :)
و إنتي كمان يا دينا طموحه و عندك الموهبة و القدرة و الحُب :) عشان كده هتوصلي و أنا هشاركك كل حلم تحققيه و هتلاقيني دايماً جنبك بإذن الله :)
الشكر موصول ليكي يا صديقتي الجميلة
ورد بينك عشان إنتي بتحبي اللون ده :)
هناك 11 تعليقًا:
أريد الحياة ربيعا وفجرا
وحلما أعانق فيه السماء
فماذا تفيد قيود السنين
نكبل فيها المنى والرجاء؟!
ترى هل تريدين سجنا كبيرا
وفي راحتيه يموت الوفاء؟
أريد الحياة كطير طليق
يرى الشمس بيتا يرى العمر.. ماء
أريدك صبحا على كل شيء
كفانا مع الخوف ليل الشقاء!!
فاروق جويدة
حاسس ان مليش وجود فى البوست ده
بس حبيت اسجل وجودى بس
تحياتى
تمضي في الدفتر يعني
عااااا
لا يا استاذ إبراهيم إنت تنور اي بوست تعلق فيه و بعدين في التدوين مفيش حاجه شخصية..من حقك تقول رأيك في أي شئ مكتوب حتى لو فكرة التأثر نفسها أو في الصداقة أو أي شئ مسّك..أمّا لو مفيش شئ مسّك............. فهستنى تعليق برضو ؛)
نورتني
ساعات الواحد مش بيحب يفسد اللحظة
لو لاحظتى دينا فى حفلة توقيعها متشعريش انه حفل توقيع تشعرى بفرحة و لمعان فى العين تشبه فرحة الزفاف الى فارس الاحلام
نفس ما حدث فى حفلات توقيعك
انا كنت بتكلم مع رامى يوم حفلة توقيع مكتبة الف قد ايه انتى مهتمة بتفاصيل تشبه اهتمام العروسة بيوم فرحها
انتوا الاتنين شايلين حلمكم و على قد الحلم قد يكون الاحباط و على قد الحلم يكون الاصرار على تحقيق الحلم
انتوا الاتنين بتكتبةا بصدق و دايما الصدق اسهل طريق للوصول للمتلقى
تحياتى
أنا اللي مش عارفة ارد عليكِ بأية دلوقتي :)
متفهمة جداً طبيعتك الهربانه عشان أنا كمان كده
ومقتنعه إن القُرب مش بالمكالمات و المقابلات ده بحاجات أهم من كده بكتير
ومش كتير اللي بيقدر يستوعب ده وبيفضل يحاسبنا دايماً لحد ما يكرهنا في التواصل نفسه
مش هانسي فرحتك يوم حفلة التوقيع لما قولتيلي علي كذا حد ماكنتش متوقعة إنه هيجي لأنه من محافظات واتفاجئتي بوجوده وفرحتك كانت باينة عليكِ اوووي :)
ممتع أوي إن الواحد يحس إنه أثر في حياة اللي قدامة
بس اللي بيرعب إنه يكون أثر بطريقة سلبية ويفضل متحمل نتيجتها طول حياته !
أهو انا بقي بشوف رقصك وكوكبك الخاص ده اللي بترسمية في كتاباتك
بكون حساه في كل كلمة بقرأها ليكِ
بدعيلك كتييير علي فكرة إنك توصلي للـ مية حلم وشوية وأكتر كمان :)
ربنا يخليكِ يا شيرين علي كلامك اللي بيبين اد ايه إنتِ جميلة اوي
ولسة بحلم بحفلة توقيع تجمعنا :)))
ونسيت اقولك مبروووووك إنك رجعتي المدونة من تحت إيدي العدوان :)))
انا قريت تدوينة بنت من الزمن ده وتدوينتك وانا مبسوطة اني في حب كده بين المدونين ربنا يخليكوا لبعض وتحققوا انتم الاتنين كل أحلامكم
مفيش بصراحة كلام يتقال بعد هيك .. ربنا يديم المحبة يارب ، ويجمعنا ع خير دائما .. ما في أجمل من الأصدقاء الحقيقيين ..
بالنسبة للاكتئاب بتهيألي انه اللازمة بتاعة كل كاتب هذه الأيام .. اسألوني أنا عن الاكتئاب :/
كُن بخير صديقاتي العزيزات ..
بنت من الزمن ده:
أكيد يا دندونة حفلات كتير هتجمعنا إن شاء الله :)
:*)
ياسمين خليفة:
أجمل حُب الذي يأتيك من حيث لا تدري :)
نورتيني يا ياسمين
وجع البنفسج:
إمتياز إنتِ من أجمل و اصدق الناس اللي عرفتها :)
ربنا يديم بينا المحبة
منجي بكير:
أنا فعلاً الفترة دي متابعتي للتدوينات سيئة..بس هجاول بإذن الله.
تحياتي
إرسال تعليق