الاثنين، 16 سبتمبر، 2013

ذات مرّة كانت هُناك حدوتة+ تحديث


الحمد لله و الفضل له إستعدت حسابي و سيطرتي على مدونتي الشاردة :)
لكني سأستمر على التدوين في مدونتي الجديدة "ذات مرّة" فأنا قد وجدت فيها هدوئي 
و كتبت اليوم (أحببت درويشاً)
*****************

أصدقائي رفاق التدوين و المُتابعين و أي حد معدي :)

للأسف في حد إخترق مدونتي, إيميل غريب ربط المدونة عليه مش فاهمه إزاي..لكن لأني كنت ضايفة نفسي لحساب تاني كمؤلفة إضافية في المدونة فمن حقي إني أنشر إلى أن يشيلني المُخترِق, و التعليقات كمان ممكن أنشرها, لكن للأسف فقدت كل تحكم في المدونة و كل محاولاتي أنا و كل اللي إتبرع بالمساعدة مع حسابات بلوجر و جوجل عشان إستعادة الحساب لسه مأثمرتش عن شئ.

مدونتي كانت من أهم الحاجات في حياتي و أكثر أشيائي إلتصاقاً بي..مش بس لأن فيها كتاباتي, لكن التواريخ, التعليقات, إحساسي و أنا بكتب كل كلمة و بنشر كل تدوينة..في حاجات كده قيمتها المعنوية كبيرة أوي...
الحمد لله على كل شئ.

كنت عايزة أشكر دينا ممدوح (بنت من الزمن ده) على تدوينة كتبتها من وحي تدوينة إحتواءك هنـــــا
و كنت عايزة أشكر كل اللي راسلوني  و عرضوا مساعدتهم و قدموا حلول بالفعل
و شكر خاااااص جداااااا لأسامة الأزهري...و شوكولاتة كمان :)



أنا عملت مدونة جديدة, لكن مش هتكون مدونة أدبية بالأساس زي حدوتة مصرية, هتكون مدونة أكثر حميمية هدوّن فيها كُل يوم إن شاء الله و هتكون جُزء من بحثي عن الشغف في الحياة من خلال أي حاجه بتلمس مشاعري أو حدث مُهم أو مؤثّر في حياتي..يعني هعتبرها شوية ذاتية, مع إني كنت ضد ده, لكن ساعات التغيير بيكون لطيف.

المدونة إسمها "ذات مرّة" دوس على اللينك عشان توصل http://zatamarra.blogspot.com/

أتمنى إن كل اللي متابعني يتفضل على هناك :)
و لو معرفتش أسترجع دي هعمل واحدة تانية أدبية..إن شا الله يوصلوا مائة مدونة
اللي عمل كده فاهِم إنه بيأذيني..لكن بالعكس ده أكتر وقت كنت محتاجه فيه لمدونة جديدة, عشان أتنفس هوا جديد..و أكتب بروح جديدة..و أبدأ من تاني..أصل أنا بحب البدايات :)

و لو الحواديت اللي هنا خلصت
فاللي بتكتب الحواديت لسّه موجوده
و لسه
الأغاني

مُمكنه

هناك 5 تعليقات:

Bent Men ElZman Da !! يقول...

ما هو في ناس كده يا شيرين
ربنا خلقها عشان تأذي غيرها !!
إن شاء الله تقدري تسترجعي المدونة تاني
ومبروووك علي المدونة الجديدة <3

رحاب صالح يقول...

معلش يا شيرين
المهم انك تكتبي تاني ومفيش حد شاف حدوتى مصرية وممكن ينساها ابدااا
واهلا وسهلا بــ ذات مرة :)
وبالتوفيق دايما حبيبتي
وحشاااااني جدااا

Mostafa gazar يقول...

ربنا يوفقك ويكرمك وييسرلكى الامور وبالتوفيق دائما :)

نيسآان يقول...

سلامة المدونه وصاحبتها يا روحي :)
وان شاء الله حترجعلك قريباً...انا فاكره لما ابو عمر فقد مدونته استرجعها عن طريق ادخال رقم موبايله في صفحة اشتكى فيها عن الموضوع دا وبعتوله "confirmation code"
استطاع بواسطته الرجوع الى المدونه.

عموما و لا يهمك نحنا معاكِ وين ما تكوني.
...اروح اشوف ذات مره هلا .

Mahmoud Bahgat يقول...

الحدوتة معاك مش ملتوتة لأ دى أجمل حدوتة
دومتى و دامت كلماتك
و جربى تعملى "export" للمدونة مش عارف هتعرفى و لا لأ بس ده يخليك تحتفظى بكل حاجة سواء كانت تعليقات او كتابات
و ربنا يوفقك فى مدوناتك الجديدة و ما يحرمناش منك و لا من تدويناتك و لا من كلماتك و لطالما لا تنتهى الحدوتة مع شيرين سامى