الأحد، 13 مارس، 2011

من وراء الكواليس :)

و حلمت زمان أغني و الكون يسمع غنايا غنيت غنيت و فوسط الغنوه بكيت و لقيت الكون كله بيتغير...قلت يا ريتني فضلت صغير..! 
و أنا صغيره كنت أُحب الغناء و كان الميكروفون هو فرشاة الشعر ثم الريموت كونترول لم أُفكر اذا كان صوتي جيد أم لا لكن كنت مبهوره بالفكره نفسها و في سن الثانوي انتقل اعجابي من الغناء لأن أكون مُذيعه و ظل الريموت كونترول معي و ولعي بالاعلام و أصبحت أُسجل لقاءات مع اخوتي على الكاسيت ثم استخدمت كاميرة الفيديو و بمجرد أن دخلت الكليه نسيت تماماً كل هذه الأحلام  و بدأت أعيش الواقع و أحمل أنابيبي و أدواتي و البلطو الأبيض اللذي أصبح مُلون...عادي صيدله :)

من عدة سنوات لفت نظري اعلان عن قناة فضائيه تطلب مُذيعه مُحجبه لا أعرف لماذا عاد الحلم يراودني ثانيةً و أرسلت السي في و بالفعل اتصلوا بي, الانترفيو كان صعب جداً و المكان بعيد جداً و لم أجاوب تقريباً على أي سؤال, (عقدوني من الآخر و لا أسئلة من سيربح المليون), و في النهايه فاجأوني انهم كانوا يسألوني فقط ليروا قدرتي على التصرف و الرد...!

طلبوا مني أُحضّر برنامج عن العلاج بالأعشاب و الوقايه بصراحه أُحبطت جداً لأني كنت أريد أن  أغيّر (كاريري) هذا غير أن زوجي العزيز رفض الفكره بطريقة الرجال المعروفه, و كأنه ترك الموضوع لارادتي و في نفس ذات الوقت كل كلامه و تصرفاته رافضه , فنسيت الموضوع و اعتبرتها فكره خاطئه مني لأني لست متخصصه في هذا المجال , و الحقيقه لم أندم على قراري.

 من فتره المدونه الجميله أختي منى أبو السعود صاحبة مدونة تخاريف عقل و قلب سألتني اذا كنت أحب أن أشارك في برنامج اذاعي و عرفتني على أسماء عبد العزيز الكاتبه الرائعه و الانسانه الأروع صاحبة مدونة امنحيني عُذراً, البرنامج كان لأسماء و هي اعتذرت لظروف( يعني أنا زي اللي طلع يغني عشان المُطرب مجاش :), عرفت اني سأتكلم عن الأمومه و عن كتاباتي فجهزت موضوع عن الأمومه سيكلوجيتها و أنواعها و تأثيرها و غريزتها, و جهزت نقاط مهمه لأتكلم فيها عن كتاباتي و الأفكار التي تحملها و بعض أشعاري التي تدربت كثيراً على القاءها , تأنقت و تزوقت و ذهبت اقابل المُذيعه.

اكتشفت ان الموضوع أبسط مما تصورت, سجلت أربع برامج كل واحد دقائق و عن الأمومه لم أذكر أكثر من اني نسيت النوم من وقت أن أصبحت أم , و عن المدونه لم أذكر أكثر من اسمها و تنظيم وقتي ما بينها و بين التزاماتي الأخرى, و لم أذكر عن الثوره سوى ما سمعتوه و كل حلقه لم ألقي فيها أكثر من ستة أبيات من أشعاري , لبعض الوقت شعرت أن هذه ليست فُرصتي كما أردتها لذلك لم أقل على ميعاد الحلقات السابقه سوى لأمي و أيضاً لأني كنت هموووت من الضحك عندما سمعت نفسي و أنا أُلقي الشعر و لكن صديقتي أسماء لامتني و طلبت مني أن أُعلن عن ميعاد الحلقه الأخيره.

بصراحه ردت فعلكم و تعليقاتكم أسعدتني أكثر من الحلقه و أدخلت عى روحي البهجه بأجمل معانيها أشكركم جميعاً:))
خواطري مع الحياه
Tears
سواح في ملك الله
أسيرة الأحزان
مصطفى أو Faw
الحسيني
HUMAN
نبع الغرام
شمس النهار
أم هريره
كارولين فاروق
سندباد
رحيق الضوء
أفروديت
Mtma89 محمد غيره عشان مش عارفه أكتبه:)
remass
هبه فاروق
تخاريف مترجمه
شهرزاد
اسراء
ما كفايه بقى
MS VENUS
CARMEN
همس الحنين
أشكركم على أمانيكم و دعواتكم و تشجيعكم أما...
يوميات شحات
لا أدري ماذا أقول سوى أنك أخ عزيز و انسان رائع اهتمامك كان شرف كبير لي اشكرك شكراً جزيلاً على تسجيلك للحلقه و كل شئ:)
و أشكر أيضاً من لم يحضروا لكن هم جزء من كيان مدونتي
الدكتوره ستيته حسب الله الحمش
آخر أيام الخريف
الأستاذ ماجد القاضي
منى أبو السعود
أسماء عبد العزيز
رحاب صالح
مصطفى سيف
جايدا العزيزي
موناليزا
صيدلانيه طالعه نازله
أحمد الصعيدي
بنوته مصريه
نهى صالح
أشرف محي الدين
حره من البلاد
فاروق فهمي
أستاذ ابرهيم رزق
Casper
الحب الجميل
دكتوره ولاء صلاح 
Wish i could be a butterfly
Ramy
محب روفائيل
وجع البنفسج

اعذروني لو نسيت حد و الملف الذي يمكن أن تسمعوا من خلاله الحلقه على الرابط ده 
http://www.4shared.com/file/D4MAirgk/0312192500.html

تحياتي لكم جميعاً


هناك 33 تعليقًا:

صيدلانيه طالعه نازله يقول...

مبروك يا شيرين
و دايما من نجاح الى نجاح يارب
انا مش سمعته بس هاخد الفايل واسمعه
و اكيد اكيد هيعجبنى جدااااا


تحياتى

مصطفى سيف يقول...

د/ شيرين
اولا الف مبروك ان واحدة من امنياتك اتحققت ومبروك على الاذاعة المصرية انها كسبت مذيعة محترمة تتمتع بافكار راقية وجميلة ولها احساس رائع مثلك في ظل مذيعات سطحيات كتير اليومين دول
ثانيا معلش انا شفت مدونتك بعد ميعاد الحلقة
ثالثا تمنياتي لكي بالتفوق والمزيد من النجاح
والى الامام دوما
تحياتي

Mona Abo - Elso3od يقول...

انا ماكنتش عاوزه اعلق الا لما اسمع الحلقة بس حملتها من الفيس مش اشتغلت و دلوقتي حملتها من هنا برضه مش اشتغل عااااااااااااااااااااا
اعمل ايه بقي ؟؟؟؟؟
بس انا اسمي مكتوب ليه ( وش مكسوف ) ربنا يوفقك و يكرمك في كل حاجة في حياتك و عقبال لقاء التليفزيون وده عندي ان شاء الله (وش بيغمز )

هبة فاروق يقول...

والله انتى تستحقى اكثر من كدة يا صاحبة القلب الطيب الشفاف
من نجاح لنجاح يا طيبة القلب

;كارولين فاروق يقول...

شيري الحبوبه
انت تستحقين هذا الحب
والاهتمام وكل مانبغيه
هو رؤيه احبابنا ناجحين

محب روفائيل يقول...

دكتور شيرين

اعذرينى جدا على عدم تواجدى فى الحلقة ، أو عدم ردى على البوست ، أنا نزلت التسجيل وسمعته ، فهمت حاجات وحاجات حسيت أنها بالانجليزى لأن الأوديو كان مشوش .

بس أحب أقول مبروك ، وعقبال كده ما تيجى على التليفزيون والحاجات الهاى دى .

بس أنا كنت عاوز أقول حاجة : أسمه روفائيل ده حتى سهل وبيتحفظ بسرعة :)

الحسينى يقول...

العزيزة شيرين
سمعت التسجيل وما شاء الله كنتى بتتكلمى بثقةوأنتى تستاهلى كل خير وإن شاء الله المرة اللى جاية يكون لقاء بمناسبة كتابك.
على هامش الموضوع ضحكتينى لما قلتى أن زوجك رفض فكرة عملك كمذيعة بس بطريقة الرجالة المعروفة :))))
تحياتى

ابراهيم رزق يقول...

شرين

اولا انا معرفتش غير بعد اذاعة الحلقة

بالتوفيق برجاء زيارتى فى مدونتى فى مفاجاة على الله تعجبك
والف مبروك

esraa يقول...

السلام عليكم
أولا ألف مليون تريليون مبروك
بجد انا فرحانة زى ما يكون ده كان حلمى و اتحقق لأنه كان نفس حلمى
بس كويس لانى حاسة بالنجاح
بجد كلامك على طول بيأثر فيا
ربى يعزك
و سعيدة بجد اعرفك
ادعو الله ان يجمعنا فى الجنة

سندباد يقول...

مبروك ودايما يكون في جديد في حياتك جديد بنجاح وتفوق انشالله
وفي انتظار المزيد من هذه الحلقات
الف مبروك مرة تانية

حرّة من البلاد..! يقول...

عزيزتي شيرين
اسفة جدا لم أكن موجودة لأشجعك سابقا
ولكن اتمنى لك وبحق وبصدق ان توفقي وتنجحي في حياتك وفيما تتمنين
مبروك لك ومبروك علينا معرفتنا بشخصية جميلة مثلك
تحياتي واعذري تقصيري

MTMA89 يقول...

شيرين سامي..

أشكرك جدا لذكري في وسط الناس دي كلها.. أنا استنين الحلقة فالميعاد اللي كتبتيه.. لكن عندنا في أسيوط كانت شغالة ساعة البرنامج التعليمي على الشباب و الرياضة.. لكن نشكر يوميات شحات على تسجيل الحلقة.. لسه هاحملها و اسمعها..

بس عاوزين نسمعك دايما.. و إن شاء الله الإذاعة يرجعلها دورها في الإعلام المصري على ايديكي :)

بالنسبة للنيم.. مقدرش أغيره خالص.. ده ليه قصة خاصة معايا.. و يمكن اتكلم عنها في يوم عالمدونة.. عالعموم جربي محمد طاهر.. يمكن دي أسهل :)


تحياتي

محمد
:)

سواح في ملك الله- يقول...

عايز اقوللك اختي الطيبة
انا استمتعت باسلوبك
ونبرة صوتك فيها ثقة بالنفس جميلة
بجد لو مذيعة هتبقي رائعة
تحيتي لاختنا شيرين

FAW يقول...

شيرين
ألف مبروك تاني و يارب تبقي أحسن مذيعة وضيفة وشاعرة ودكتورة وكل اللي نفسك فيه
بكرر شكرك ليوميات شحات لأني مقدرتش أسمعها (في وقتها) . .
ضحكت قوي لما قريت إنك ضحكتي علي نفسك لما سمعتي صوتك , لإني كنت زيك كده بعمل برامج عالكاسيت وأنا صغير !!
زوجك العزيز معذور , عمل نفس اللي أنا عملته , بس قوليله إن الحياة بتتعاش مرة واحدة , ومادام الإنسان مبيعملش حاجة غلط يبقي خسارة قوي ميعملش اللي نفسه فيه .
شكرا لذكرك إسمي
و تحياتي وتمنياتي بالتوفيق دايما .

شهر زاد يقول...

فراشة التدوين
كثير جدا ما يأخدنا مركب الحياة بعيدا عن امنياتنا ليبحر فينا في بحر واقع مفروض
لكن لبحمد الله انك قد اقتربت ولامست احدى امنياتك على ارض الواقع
فبالتوفيق دائما ومزيدا من التألق
تحياتي

أشرف محيي الدين يقول...

فراشة التدوين

أشكرك أنك وضعت رابط الحلقة على مدونتك كي يتمكن متابعي مدونتك من خارج مصر سماعها وأنا بالطبع واحد منهم :)

أنا سعيد جدا لهذه الخطوة الأولى لك في الاذاعه وأتمنى ومن كل قلبي أن تكون البداية للعديد مما تطمحين بتحقيقه في المستقبل :)

صوتك جميل في إلقاء الشعر تماما كما هي جميلة حروفك التي تكتبه :)

لك مني كل التقدير والاحترام وإلى الامام دوما طيري يا فراشة التدوين بين أزهار النجاح والتألق :)

مدونه ما كفايه بقى يقول...

كل احترام وتقدير لكى حبيبتى

انا مسمعتهوش بصراحه بس متأكده انه ناجح جداااا

ربنا يوفقك الى كل ما يحب ويرضاه

تحياتى لكى

يوميات شحات يقول...

شكرا على زوقك ربنا يكرمك
و منتظرين الجديد من ابداعاتك

mrmr يقول...

فى نجاح دائم

وربنا يوفقك

أم هريرة (lolocat) يقول...

السلام عليكم ورحمة الله

الف الف مبروك عليك فرحتك الرقيقة حبيبتى
ربى يديم عليك السعادة والسرور و النجاح دايما يارب
سعادتك هى سعادة كل اصدقائك
اشكرك على اللفتة الطيبة وشكرك لاصدقائك حبيبتى
مفيش بينا شكر ده حقك علينا اننا نفرح معاك دايما

تحياتى لك وارق الامنيات

carmen يقول...

الف مبروك ياقلبي انتي تستاهلي اكتر من كده اسفة ع التأخير بقالي فترة مش بدخل
الاذاعة كسبت اجمل وارق مذيعة

همس الحنين يقول...

مساء العطر شيري

ألف مبروك من جديد

وكل خطوة في الحياة دائماً نقدم فيها

رجل ونأخر رجل ..

ارتباك

خوف

تردد

كلها أمور قد نشعرها

واحياناً ضحكة بخجل وفخر كتلك

التي اطلقتيها يوم سمعتِ صوتك

شرين أنتِ كاتبة رائعة رغم حداثة

عهدي ببلوجر الا انني منذ عرفت

ركنك لم أنقطع عنه يستهويني جداً

أسلوبك القصصي ..

لذلك لا أستغر تميزك في تجربة الاذاعة

كنت سعيدة معكِ ولازلت هنا

وعذراً على تأخري عن البوست يومين

ظروف دراسة وخربطة نوم ..

سأستمع لتسجيل الان ..

وكوني على ثقة أنتِ رائعة

دمتِ بسعادة وحب

تحياتي

حَـبآيـۃْ.بـטּـدۉڷ يقول...

يَـآ مِـليار .. ولا بلآش مليار دي
لحسن بقـت تشاؤميه كده .. :D

يـآ بليـون بليون مَـبرُوووك ..
عُقبال ما تذيعي عالتلفيزون ..

مِش الإذاعه بَس ..

للأسف مَسمعتِش الحَلقَه ..

لَكِن هحاول أحمّلها فـ أقرب فُرصه ..

ومبرُووووك تَـآني يادُكتُر .. :):)

♥نبع الغرام♥♪≈ يقول...

ربنا يوفقك ياقلبى ويصلح حالك يارب ويكتب ليكى كل الخير يا قمرايتى

ومافيش شكر بين الاخوات

ومن نجاح الى نجاح بالتوفيق ليكى يا حبيبتى

ومنتظراكى بمدونتى

للاحتفال بعيد ميلادى وعيد ميلاد مدونتى

ذو النون المصري يقول...

مبروك التسجيل بالازاعة و عقبال التليفزيون

Wish I were a Butterfly ... يقول...

مبروك مبروك على النجاح اللي معرفش عنه حاجة بس حسيته في كلماتك و من صدى تعليقات الكل. مكنتش أعرف إنك اتكلمتي في الاذاعة خالص:). أنا كمان من صغري كـنت بحلم بكدة و حققته الحمدلله شوية وقت، بس كانت تجربة صغيرة وحلم جميل مش فضل كتير

فرحانة أوي إن حلم من أحلامك اتحقق و يارب تكبري فيه كمـان بطريقة مش تزعل جوزك منك
و أنـا كمـان رحت انترفيو قبل كدة عشان مذيعات :)). بس القناة نفسها بأة هي اللي قفلت بعدها!! "منى أبو السعـود" كان اختيارها صح أوي لأنك فعلا حد محترم أوي و جميــــل أوي و بحب إحساسها جدا. ربنـا يكرمك دايما يا شيرو
فرحــت بصراحة إنك فاكراني.سامحيني على عدم متابعتي بس الدنيا حواليا مش كويسةخالص اليومين دول

يارب دايما في نجاح مستمر

reemaas يقول...

الف الف مبروك ياشيرى صوتك مميز جدا على فكرة
ربنا يوفقك حبيبتى

شمس النهار يقول...

مش هقول لك غير
انتي انسانه رائعة وطيبة جداااااا

ماجد القاضي يقول...

السلام عليكم

بجد بجد أكرر اعتذاري، والسبب تعرفيه من تعليقي على (معطف من القيود2)..

ولكني ازددت خجلا من نفسي والله بعد إدراجك اسمي في كشف المفقودين!! لأني خذلت من كان يهمه وجودي!! :(

آسف مرة أخرى..

وبالنسبة للحلقة فقد فتحت الرابط وأنتظر تحميلها بفضول (لأن لدي تحميل كبير الحجم مستمر حاليا)..

وبعد سماعها لي عودة إن شاء الله..

لكن في كل الحالات أقولها بكل صدق وسعادة: مبروك لتحقيق هذا الحلم القديم، فكم يكون طعمه حلوا عندما يأتي بعد كل هذا الانتظار وعلى غير توقع!!

تحياتي أختي شيرين مع تمنياتي لك يالسعادة (رغم أنك قلتِ: لا للتعديلات) :))

re7ab.sale7 يقول...

انت عارفة ان الاذاعية غير النليفزيون خالص ....يعني لازم يكون البرنامج قصير الي حد ما وقته قصير اووي ولازم يكون كلامك بسيط ومفهوم اووي للعامة اللي هيسمعوا لان الاذاعة مرتبطة بالاذن وليست كالتلفاز مرتبطة بالاذن والعين والجسم ايضا يعني الاذاعة ممكن نسمعها واحنا بنعمل اي شيء اي شغل يعني بنكون بنصف انتباه لهذا لابد من توافر اشياء كثيرة جدا لجذب الانتباه .....اية ده ده انا دخلت في محاضرات الاعلام والاذاعة والتليفزيون سوري يا شيرين بس الدراسة خليتني بجد انتبه لحاجات كتيرة , انا زيك علي فكرة اووي وكنت بتمني ومازلت اني اكون مذيعة بس زمان كنت بتمني اكون ممثلة وده مستحيل طبعا ,, حاليا هيبقي صعب ان لم يكن مستحيل اني اكون مذيعة لاسباب كتيرة جدا لا يمكنني شرحها , بس حبيت اقولك ان كل شيء ف اوله صعب جدا لكنه مش مستحيل وبالاخص الاذاعة لانها اصعب من التليفزيون للاسباب اللي شرحتها لك دي ولو حبيتي تعرفي اكتر ابعتلي وانا اشرحلك يا جميل بس بجد الاذاعة ممتعة جدا وانا اعشقها جدا وعلي فكرة سجلت مرتين مع الشرق الاوسط زماااان ف المصيف عندنا ....كنت صغنونة لسة ومجنونة مش زي دلوقت عاقلة ,,, وبالنسبة للغناء فانا عندي معجبينا فبلاش نصدع الناس بصوتنا بقي ....هههه
اسفة علي عدم زيارتك الايام اللي فاتت بس بجد غصب عني

وردة الجنة يقول...

ماشاء الله عليكى الف الف مبروووووك اكيد الاذاعة كسبت بوجودك واعذرينى على التاخير فى الرد ويارب دايما تتحقق كل امانيكى

تقبلى مرورى

Tamer Nabil يقول...

الف مبررروك ليكى ياشرين

ربنا يحقق كل ما تتمنى يارب


مع خالص تحياتى

Hu-man يقول...

أنا سمعت الحلقة فعلاً ... أنا فعلا كنت قرأت هذه القصيدة وفرحت جداً لما سمعتها صوت وهافرح أكتر لما أشوفها صوت وصورة
ومن نجاح لنجاح يارب : )