الجمعة، 24 سبتمبر 2010

الحل مش هجرها


قالولنا دي الكبيره
رجعوا و قالوا ذليله غرقانه فهمّها
طول عمرها عزيزه
حتى لو في يوم ذلوها أهلها
شويه طمعوا فيها
غشوها.. نهبوها..باعوا ضميرهم و باعوها
و شويه غنّوا ليها
من غير ما يحسوا بيها
و شويه شتموا فيها
نسيوا تاريخها و ماضيها
و في الآخر...
قالولنا يلا نهاجر و نسيبها فجرحها
دي مليانه مشاكل و لا جنّي يحلها
و فسادها ريحته فاحت
و حقوقنا فيها راحت
و قوتنا و قوت عيالنا عليها لوحدها
بقى عايزين تسيبوها بعد ما جرحتوها
دي حضني و سماي و أرضي
و الذنب مش ذنبها
انتوا شاركتوا باديكوا في هز اسمها
بسلبيه و خوف و ضعف من ورا نضاره سوده
و الحل فهجرها!!!
عمر الحل ما كان تغيير زمان و مكان
و الظلم مهما كان بيهزمه الانسان
كفاك احباط وهوان
قوم و اتحدى الزمان
هنغير من نفسنا و مش هنغيير أرضنا
الحل مش هجرها
ده أنا لو بعدت عنها خطوه بشتقلها

هناك 3 تعليقات:

سندباد يقول...

فعلا حدوتة مصرية حدوتة شعب لسه عنده امل ان يكون ليه صوت وهدف حدوتة شعب لسه عنده امل كرامته ترجع ويحس ان صاحب ارض
تحياتي لقلمك وللبوست الهادف وتحياتي للفكرة الجميلة فعلا الحل مش اننا نهجرها ونرحل الحل ان الفساد هو اللي يرحل
دمتي مبدعة
اسف علي الاطالة

Unknown يقول...

أشكرك يا سندباد و سعيده بالاطاله

سندباد يقول...

فين الجديد؟