مليش في النكد وسقتيني الهموم
مليش في العتاب و علمتيني اللوم
مليش في البكا بكتيني كل يوم
وقعت بين مشاكلك و مش قادر أقوم
مليش فقال و قلنا و لا لي فهات و خدنا
اضراب مظاهره وقفه مليش في كل دوّه
مليش فغير اني أحبك و تزيدي انتي فقسوتك
مبقتش حتى قادر أسأل على أحوالك
مبقتش عايز أسمع عنك كل أخبارك
و مش قادر أشاركك في همك و انكسارك
كفايه أنام في ليلك و يفوت بخير نهارك
ظلم و مهانه و غدر جايين من جوا ناسك
مش حد تاني ضربك و بكا و جه و اشتكالك
حاطط خنجر في ضهرك و بيتغنى بجمالك
و عنيك سهرانه تبكي مذلوله من عيالك
فنظري لسه عاليه و فقلبي لسه غاليه
مهما كان انهزامك
حرب استعمار و سُلطه بينهبوا من خيرك
وياريت على كل دوّه دول طمعانين في نيلك
فساد غلا و زحمه راح فيها علو صوتك
خايف أبات و أصحى ألقاني لازم أسيبك
لو مش أمي و مش ابنك اعتبريني حبيبك
لو مش هتشيلي همي اديني أمان و اعينك
أكل و أشرب في ضلك و أطمن مش هفوتك
هيكفيني رغيفك
و أداوى بأسبرينك
و هتجيبيلي حقي لو هيكسر نفوخي واحد من مخبرينك
و أنا جوا العين هحطك و على راسي هشيلك
دا أنا مهما شوفت منك
و مهما قالولي عنك
و مهما ظلمني حبك
مقدرش أحب غيرك
هناك 79 تعليقًا:
منقدرش نقول غير بنحبك
منقدرش على بعدها
ابدا
مهما حصل
مبدعه
يا شرين
السلارم عليكم ورحمة الله
راااائعة حبيبتى كلماتك وحبك لها ووفائك الجميل
(و هتجيبيلي حقي لو هيكسر نفوخي واحد من مخبرينك)
هههه ضحكتنى كتير ياسكر
اشكرك على كلماتك ويارب دايما تحبيها وتصونيها وتعملى ليها
بارك الله فيك
تحياتى لك
بجد كل يوم بتثبتي لي انك مبدعة في كل مجال تكتبي فيه
تسلم ايديك و يسلم احساسك العالي
و يا رب دايما للاحسن
بجد جميلة اوي
تحياتي القلبية
اصل دي مصر دي وطن ياشيرين
ارض بس ارض طيبه
مش ذنبها
ذنب كل واحد محافظش علي ارضه
ذنب الغيلان اللي بتنهب فيها
والنعاج اللي بتتفرج عليهم
تحياتي
لاطيب اخت
بنت مصر
الله عليكي يا شيرين
وصفتي كل اللي بنشوفه للأسف
بس فعلاً منقدرش نحب غيرها للأسف
مشكوره يا حبيبتي على كلماتك ودقة وصفك
رغم اعتراضنا و تذمرنا على احوالنا الواقعه اللى مش عارفين نعدلها ازاى
الا اننا اما حد يجيب سيرتها بحاجه وحشه و احنا بره نبقى حناكله اكل
بلدنا بقى و ملناش غيرها
حنحبها مهما ظلمتنا و مهما عملت فينا
تسلم ايدك يا شيرى
شرين
صدقيني انك كنت اليوم في هذه الخاطرة لساني
شكرا لك لانني استمتعت بها ليس كقارئة ولكن كبطلة لها
تحياتي لك
كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا
بعتذر عن تقصيرى معاكم
رقيقة كلماتك و معبرة
دمتى بخير دائما
شيرين ياقلبى
كلنا بنعشق ترابها
مهما شفنامنها بنحبها ونغنلها
هىالوطن وفيها اغلى احبابنا
اجدت التعبيرغاليتى
كل عام وانتبخير
تحياتى
الوطن علي راسنا..
لكن للاسف وحده وحده مش هيبقي
لينا حاجه فيها ..
للاسف ده واقع ..بس للأسف بايخ أوي.
..
تحياتي
نعمل بقى
حد يتبرا من امه
قدرنا انها بلدنا ولها حق علينا
كلماتك جميلة جدا يا شيرين
بجد انتي رائعة
دايما كلامك معبر وبيدخل قلوبنا على طول
تسلمي يا قمر على الابداع
متبعاكي دايما
امممممممممممم
اللي يشوف الجزء الاول
يتوووووووووه ويقول ده حب اية ده
ويقرا الجزء الاخير
يقول............
ده اية الظلم ده
يا بلدنا يا ظالمانا ....
تحياتي
محمود(باحث عن حب) :شكراً يا محمود مهما حصل منقدرش نحب غيرها
أم هريرة (lolocat) :هم يضحك و هم يبكي يا لولو بس فعلاً الواحد بقى بيخاف يمشي في الشارع و البلطجيه هما اللي المفروض بيحمونا...عجبي و الله
تحياتي ليكي يا حبيبتي و نورتيني بالزياره
Mona Abo - Elso3od: انتي اللي جميله يا منى و دائماً بتكسفيني بذوقك...نورتي يا قمر
سواح في ملك الله-: عندك حق يا سواح فعلاً الوطن غالي و العيب في الفاسدين مش في الأرض الطيبه
تحياتي الخالصه لك
Dr/ walaa salah: شكراً يا أجمل دكتوره و عمرنا ما هنحب غيرها
تحياتي لكي و دمتي بود
صيدلانيه طالعه نازله: انتي لخصتي الموضوع فعلاً مهما حصل و الضيق اللي احنا فيه بنحبها
نورتيني و أسعدتيني بزيارتك
شهر زاد: تعليقك أسعدني جداً لأن ده منتهى غايتي ان اللي يقرى كلامي يحس انه مكتوب عشانه
تحياتي الخالصه و دمتي بحب
همسات وبحــ الحياه ــر~:كل عام و انت بخير و في سعاده و صحه أشكرك على الزياره الجميله
Tears:أشكرك على الزياره نورتي مدونتي المتاوضعه
جايدا العزيزي: أشكرك يا أجمل جايدا هي دي مصر عشقها زي الداء
كل سنه وانت طيبه نورتيني
Samoura: عندك حق بس لازم بردو يبقى عندنا أمل لأن البلد دي مالهاش غير ربنا ثم احنا
تحياتي ليك و أشكرك على الزياره
وداد: تسلميلي يا جميله الكلام الحلو ده أنا مش قده أشكرك من قلبي و كل سنه و انتي طيبه
re7ab.sale7: و الله يارحاب هو الحب في الآخر مش الأول لأن في الأول شكوى, و ربنا يرفع عننا الظلم
دائماً بتسعدني زيارتك يا جميله نورتيني
جميلة اوى بجد يا شيرين
وحقيقى كلنا فعلا بنحبها
انتى المرة دى مختلفة يا شرين ابدعتى فى اللغة العامية واثبتى انك قادرة على الكتابة باللغةالفصحى والعامية
يسلملى ابداعك
السلام عليكم
احط الكلمتين بسرعه واجرى قبل ما تكسرى نفوخى عشان هو طاقق من غير حاجه
تحياتى
كلمات في منتهي القوة والاحساس دايما بيكون ورا البوست هدف ومعني
كل سنة وانتي طيبة
وسنة تحققي فيها كل اللي تتمنيه
تقديري واحترامي
في هذه الفترة السودة
صدقا وحقا
مش قادرة اسمع اي شيء فيه اسم مصر
تعبت من الشكوى ليها وتعبت من شكوتها
تعبت من كل ما فيها
تعبت
عاوزة ارحل بجد
يارب لو كان خيري اكتب لي رحيل
او صبر وفرج
سلامو عليكو..
كلامك عجبنى
انى احبك فى الله
والله مهما حصل
بنحبها
كما تحب الام طفلها المشوه
احبك يابلادى
قلبتى علينا المواجع ياشرين
جميلة ياشيرين
كلماتك هايلة
كل سنة وانتى طيبة ياقمر
شيرين
دايما عندك فكر عالي بتوصليه بدقة وبراعة
يسلم فكرك وقلمك الجميل
انا مقتنعة جدا ان اي حاجة وحشة بتحصلنا عشان احنا بشر ظالمين في نفسنا عشان كده ربنا سبحانه وتعالي بيسلط علينا اللي يحكمنا بنفس ظلمنا
ضروري جدا نصلح علاقتنا بربنا سبحانه وتعالي وبنفسنا
تحياتي لفكرك الراقي
قدرنا نحبها مهما نقاسى منهاونشكى ظلمها
قدرنا نكون كتيبة تصد وقت الخطر
حتى لو دبحتنا وشربت دمنا
مهى برضه امنا
تحياتى لكى دائما
شيرين الغالية
كلمات جميلة
مبدعة دوما في أفكارك
تحياتي القلبية لك
على أسم مصر التاريخ يقدر يقول ماشاء
أنا مصر عندى احب وأجمل الأشياء
بحبها وهى مالكة الأرض شرق وغرب
وبحبها وهى مرمية جريحة حرب
أكثر ما يعجبنى فى أشعارك هو أحساسك الذى يصلنى دائماً وأحساسك هذه المره عالى جداً
هيكفيني رغيفك
و أداوى بأسبرينك
ملحوظة: دائماً ما أعلق متاخرأً سامحينى
"ده علشان الناس بتحبك كتير مش أنا اللى باجى متأخر يعنى :)"
متمكنة كعادتك
سيدتي
رائعة كلماتك
قاسية أمنا كثيرا
كل عام وأنت بخير
أسعدك الله
Ms Venus: أسعدتني زيارتك و طبعاً بنحبها مهما حصل
هبة فاروق: شكراً يا جميله على رأيك أخجلتم تواضعنا تحياتي الخالصه ليكي
فشكووول: ههههه لامتخفش تكسير النفوخ ده في الشوارع بس مش في المدونات
حضرتك نورتني و أسعدتني بزيارتك
سندباد: أشكرك على اطراءك و أمانيك الجميله كل سنه و انت طيب و في أحسن حال
تحياتي الخالصه
ستيتة حسب الله الحمش: أنا عارفه يا دكتوره ان الفتره دي يمكن من أسود الفترات اللي عدت على مصر اللي طول عمرها في مأساه و من ايد مُستعمر للتاني حاجه تحزن
أسأل لك و للجميع الصبر و أتمنى لك الخير سواء اخترتي البقاء أو السفر و البعد و لكني أتمنى أن تبقي فيها و تصبري ربما تساهمي بقلمك و فكرك في زيادة وعي الناس و تغيير الأحوال
كل سنه و حضرتك طيبه و تحياتي الشديده لكي
(ست* جنى* الحسن): وعليكم السلام و رحمة الله و بركاته سعيده بزيارتك و متابعتك و أنا أيضاً أُحبك في الله
sony2000: قدرنا يا سوني نورتيني
عباس ابن فرناس: للأسف احنا عايشين في المواجع دي على طول حتى لو ضحكنا موجوعين
تحياتي لك
Noha Saleh: و انتي طيبه يا حبيبتي شرفتيني بالزياره
karmen: كلامك جميل و صحيح ربنا غضبان علينا عشان كده دائماً بندعي ان ربنا يرفع غضبه و مقته عنا
تحياتي يا جميله و كل سنه و انتي طيبه
حاجات جوايا: قدرنا اللي لازم نواجهه و نتحمله و نصبر لأن مفيش بادينا حاجه غير الصبر و الدعاء و بعض من التنفيث في الكتابه
تحياتي الخالصه لكي
حرّة من البلاد..!: تسعدني دائماً زيارتك و أشكرك على تعليقك الجميل
الحسينى: أشكرك على الأبيات الجميله التي طالما عشقتها
ما فيش تأخير و لاحاجه مش بالدور يعني يكفي ان قريتها و اهتميت تعلق حتى لو بعد شهر ثم اني بنتظر تعليقك مخصوص ليثري البوست
تحياتي لك و كل سنه و انت طيب
يوميات شحات: دي شهاده أعتز بيها كل سنه و انت طيب
أحمد الصعيدي: أشكرك على زيارتك الغاليه و كلماتك الرقيقه
كل سنه و حضرتك طيب و تحياتي لك
دا أنا مهما شوفت منك
و مهما قالولي عنك
و مهما ظلمني حبك
مقدرش أحب غيرك
جميييييييييييييييييييييييله جدا ياشيرى
شوفي أنا جيت متأخره بس برضه هعلق لأنهاعجبتني لأني حسيت أنهامن قلبك فعلآ .......أكيد كلنابنحبهاوهودا اللي تاعبنا
تحياتي ليكي
بجد رائعة جدا جدا جدا
احلى الكلام بيكون في حب الوطن
لان ده مهما كانت الظروف حب ثابت و دائم
ربنا يحمي مصر من كل اعدائها
محمد
:)
خايف أبات و أصحى ألقاني لازم أسيبك
ايـــه الجمال ده !!
تسلم ايديكِ :)
حبيبة قلبي شيرى الجميلة
كلماتك ببساطه اكثر من رائعه
بجد عجز قلمي عن التعبير
مش عايزة حتى اعرف عنك اخبارك
صحيح احيانا من كتر الألم نتجنب معرفة اى شيء عنها
لاننا مش قادرين نغير فيها
دمت مبدعه
كونى كما انتِ جميله دائما
جميله اووووى يا شيرى
تسلم ايدك
حلوة كتير ومعبره
دمتى مبدعه
تحياتى
هو كذلك الحب الذي رغم مرارته نظل متشبتين به
نحضن ناره ولا نطيق الابتعاد عنه
رائع اسلوبك وسلس
ابدعت فعلا يا غالية
سلام عليكم
إلي ملوش خير في بلدو وبين اهلو ملوش خير في مكان تاني
بجد مبدعة وكلنا بنحبك يامصر
الله يحفظ كل الأمة العربية الاسلامية
سنة خير على الجميع
تقبلي تحياتي ومروري
فعلا كلمات رائعة واسلوب راقي جدا
خالص تقديري واحترامي
تقبلي مروري
Casper
reemaas: شكراً يا ريمو يا قمر زيارتك هي الأجمل
افروديت: عندك حق لو ماكوناش بنحبها مكوناش اتعذبنا و تعبنا كده
نورتيني و شرفتيني بمتابعتك
MTMA89: مظبوط كلامك يا محمد حب الوطن هو أغلى حب
سعيده بمتابعتك و تعليقم الجميل
تحياتي لك
سمو الامير: شكراً عظمتك على الزياره و بجد أسعدني تعليقك
اسماء عبدالعزيز: الجميله أسماء أشكرك على رقة تعليقك و للأسف مبقتش عايزه أعرف أخبارها لأنها بتضايقني و مفيش حاجه في ايدي و مفيش حاجه تفرح
تحياتي الخالصه لكي
الحب الجميل: ده من ذوقك أشكرك على الزياره و التعليق الجميل
تقبلي تحياتي
حلم: زيارتك هي الغاليه و تعليقك يسعدني كثيراً
أشكرك على ذوقك و تحياتي اكي
حـــــ الــجــنــة ـــــور: و عليكم السلام و رحمة الله و بركاته شرفتيني بزيارتك و أسعدتيني بكلماتك الرقيقه
أشكرك بشده و تحياتي لكي
كاسبر: سعيده بزيارتك و تعليقك يارب أكون عند حسن ظنك دائماً
تحياتي لك
مصر صعبانة عليا اوي اوي يا شيرين ..!!
صعبانة عليا .. بقت عجوزة و مش قادرة تتحرك .. و مريضة و ماعندهاش دوا .. !!
و بالرغم من كل دة عندها جلادين يضربوا ولادها و يمنعوهم من انهم يراعوها أو ياخدوا بالهم منها !!
مصر مسكينة اوي
هي لا طلعت امنا ولا حتى مرات ابونا ده شيطان كبير متسلط علينا يكرهنا فيها ويقول ان اسمه الحكومه بس هي حاكمه قبضتها عليها وعلينا ويارب ترجع تاني فيها الروح وتفتكر اللي ضحوا عشانها ودفعوا دمهم وروحهم فداها
تقبلي تحياتي واسفى وحزني على حال مصر
السلارم عليكم ورحمة الله
تقبلي تحياتي ومروري
قصة راائعة .. مبدعة شرين
لك مني اجمل تحية ... اختك سارا العمري
سيداتناشيرين------------------------حدوته مصرية وغيرها وغيرها-هذا الانتاج الثمين فى قيمته السمين فى كناياته، قرات مدوناتكجميعها واحسست من سوادها الاعظم (غالبيتها)بياضا منثورا على طللتها وتفاؤلا منشورا على طلعتها، والحقيقة ان التعليق عليها وخاصة من دارس مثلى بتواضع شديد يحتاج الى صفحات وصفحات لايتحملها هذا المربع الصغير المخصص للتعليق ولذا اعدك لو سمحتى بالتعليق تباعا حتى اعطى كل تعليق حقه من الدراسة والنقد الهادف
إرسال تعليق