الجمعة، 3 ديسمبر 2010

حبيب ثان


عذراً زوجي لي حبيب ثان


شاعر تجد الكلمات في شعره الأوطان


عازف تخضع لأصابعه الألحان


رسام تعشق فرشته الألوان


طبيب للقلب قريب


في صدقه و رحمته قل أن يجود الزمان


أعذب قارئ للقرآن


و أشجى صوت في الآذان


علمني أندر و أثمن الأشياء


علمني أن الحب عطاء و الكره شقاء


علمني كيف أرضى و أصبر على البلاء


علمني أن الحزن و الندم أسوء أصدقاء


علمني أن العباده و السعاده سر النقاء


علمني أنه لا غني و لا فقير


لا عظيم و لا حقير


الكل عندي سواء


جعلني شمساً بين الكواكب في السماء


وأعطاني من جيناته حب الذات و الكبرياء


لكن أجمل ما أعطاني


هو رقة المشاعر و حس الفنان


صغيرة كنت بين يديه ملهوفه عليه


يضمني عند عودته فيشعرني بالأمان


يعنفني...ثم يُغدقني حباً و حنان


حتى كبرت الصغيره و ظن أنني نسيته


كيف أنساك يا أعظم أب و أجمل إنسان

هناك 37 تعليقًا:

Carmen يقول...

يااااااااه يا شيرين
احساسها روعة قمة في الرقة
بجد لا تعليق اسمحيلي انحني احتراما وتقديرا
تحياتي لأرق شيرين في الدنيا

Mona Hekal يقول...

لانك انسانة فاضلة رقيقة المشاعر و الاحساس
كتبتي هذه الكلمات الرائعة التي تبرز عظمة الاب و عظمة الابنة
تقبلي احترامي الذي يزيد يوما بعد يوم لشخصك الجميل

سندباد يقول...

جزاكي الله خيرا وجعله في ميزان حسناتك
جميلة اوي الفكرة وطريقة السرد دايما ما تاتي بكل ما هو باهر وجديد
تحياتي الخالصة ليكي وخالص تقديري واحترامي

سواح في ملك اللــــــــــــــــــه- يقول...

لايسعني الا ان اقدم
كل احترامي وتقديري للباره بوالديها
الفاضله شيرين
تحيتي الطيبه جدااا لكي

Dr/ walaa salah يقول...

يا سلام على الكلمات يا شيرين

تعرفي انا من رأيي ان افضل واحسن علاقه بين المرأه والرجل هى علاقة الاب ببنته

لو كل راجل يعامل زوجته زي ما الاب بيعامل بنته مش هنلاقي اي مشاكل

مفيش اعظم من حضن الاب الدافي ولا من احساسك بالأمان وانتي معاه

اشكرك يا حبيبتي على كلماتك الجميله

Unknown يقول...

أشكركم جميعاً حبيت تعرفوا بس ان أبي بالرغم من انه طبيب الا انه شاعر حساس و رسام عظيم و عازف للبيانو كما انه خطيب جامع و من حلاوة صوته مؤذن...هو مش عارف قيمته الكبيره جداً في قلوبنا أنا و اخوتي ربنا يخليه لينا و يحفظه لنا يارب و كل سنه و هو طيب و سعيد و راضي عنا

شهر زاد يقول...

ربنا يخليه ليكي وعايزه اقولك حاجه اغتنمي فرصة تواجده واتمتعي بوجوده فوالله للاب قيمة لا تعوض ابدا
فخليك دايما قريبه منو واقعدي معاه قدر ما تقدري
ملي ذاكرتك بالذكريات وخليها تنبض باحداث لك وليه
انا بكلمك بقلب مجروح من غياب اعز الناس
يارب يدي العمر والصحه لجميع اباء العالم
تحياتي لك حبيبتي

mrmr يقول...

ياااااااااه
احساس بالحب واحترام للوالدين جميل للغايه
ربنا يخليه ليكم ويسعد ايامكم

FAW يقول...

من أجمل ما قرأت بجد .
وأكيد زوجك العزيز مش هيزعل . .
تحياتي .

محطات ثقافية يقول...

السلام عليكم
كلنا نحب ذاك الرجل
الرجل الاول بحياتنا والذي نحن جزءا منه
بارك الله فيك يا طيبة وفي احساسك الراقي

اسماء عبدالعزيز يقول...

شرين الجميلة
ما اروع احساسك وكلماتك
تقبلى للأسف عجز قلمي امام عباراتك
فينحني بكل حب اجلال لاحساس قلمك الرائع
كوني بخير

هبة فاروق يقول...

ما اجمل ان يكون الاب هو القدوة والمثل الاعلى التى
تجعلك تفتخرين بة وما اجمل احساسك وكلماتك فكل
كلمة وحرف تحمل الكثير من الحب والعرفان بالجميل
وكما ذكرتى ان والدك طبيب وفنان
فانتى ايضا فنانة فى كتاباتك فابن الوز عوام
بارك الله فيكى يا شرين

فكرة من الزمن ده يقول...

انا الشعب
شيرو القمر جميلة مدونتك وقلمك زي العسل
وتدخل القلب على طول
سامحيني على التاخير
بس هو تاخير في كله غصب عني
جميل جدا الهوم وورك
والحبيب الثاني مع ان اول بيت يخض
تسلم يادك
تحياتي

الحسينى يقول...

حفظه الله لكم وجزاه عنكم خير الجزاء
الأن أعرف من أين أتتك الموهبة :)
لو أعطيت أنا أسم للتدوينة لأسميتها حبيب أولانى

صبح يقول...
أزال المؤلف هذا التعليق.
غير معرف يقول...

تحياتى شرين على كلماتك الرائع وبالتوفيق دايما

غير معرف يقول...

ربنا يخليلك اباكي و يبارك فيه

Heba Salem Youssef يقول...

رائعه
بارك الله في قلمك الجميل
وربنا يخليلنا اباءنا

غير معرف يقول...

مش هكدب عليكى يا شيرى
فى الاول اتخضيت يا شيرى لغاية ما وصلت لنص البوست ابتديت استوعب لحد ما وصلت للنهايه فهمت
ههههههههههههههههههه
فجعتينى يا شيرى

ربنا يخليلك بابا يارب ويخليهملنا كلنا
حضنهم ميتعوضش ولا بكنوز الدنيا

جميله الخاطرة يا قلبى
ربنا ما يحرمك من بابا
اسفه لتأخيرى

عباس ابن فرناس يقول...

ربنا يخليه ليكى
ويخليكى ليه
اوجزتى وعبرتى
تحياتى

Casper يقول...

خاطرة جميلة جدا وأسلوبها رائع ومتميز
ومعان راقية ولو اني اختلف قليلا مع فكرة الخاطرة
في أن الزوج لابد أن يكون الأب والأخ والصديق والحبيب

لكن حب الوالدين فذاك شئ آخر ووضع آخر فهما سر الأنفاس التى نتفسها ولولاهم ما عرفنا نخطو خطوة واحدة على ظهر البسيطة

==========

كلمات رائعة
بالتوفيق دائما وفي انتظار كل جديد

Casper

reemaas يقول...

لو فضلت اقولك جميله من هنا لبكرة قليله عليكى وبعد اذنك اهديها لابى

باحث عن حب يقول...

السلام عليكم
اسف
على تقصيرى معاكى
ثانيا مبدعه والله جميله
حبيب ثان

Noha Saleh يقول...

ربنا يخليلك باباكى ياشيرين
بجد كلماتك حلوة اوى وجميلة
فعلا بوست هايل

حرّة من البلاد..! يقول...

شيرين
رسمت أرق وأنبل مشاعرك هنا
ربنا يحفظ أبوك
وتكوني عز وفخر له
تحياتي لك

Ms Venus يقول...

كلمات جميلة ورقيقة يا شيرين

دمتِ بخير

sony2000 يقول...

بجد روعه قوي
واحساسها
بجد
عالي جدا
ربنا يكرمك:)

حاجات جوايا يقول...

اللـه
جميلة اوى يا شيرين
فيها حنان واحساس رهيب
ربنا يخليلك بابا يا حبيبتى وميحرمكيش منه

فشكووول يقول...

السلام عليكم
اذا كان على الاب ما فيش مانع وهو فيه اكبر من قلب الاب واكبر من حب الام
تحياتى

وداد يقول...

بجد كلمات رائعة جدا

وتعبير جميل ومبدع عن قيمة الأب في حياتنا

فسبحان الله الأب له طابع خاص بقلوبنا

غير ان الأم لها طابع آخر

والأتنين في النهاية بيكملوا بعض

ربنا ما يحرمنا كلنا من اباءنا ولا امهاتنا

لحسن ماما تزعل منا ههههههه

سلمت يداكِ على كلامك الُمعبر

واسفة على التأخير

صبح يقول...

الاب هو صانع شخصية الابناء فلو صلح صلحت شخصية الابن لو فسد اتنيل الولد بستين نيلة

حببتي ربنا يحفظلك باباكي ماشاء الله عليه

حببتي اتمنى زيارتك لمدونة مخبوطة

حكايات في العرسان في قصص الف خيبة و خيبة

اضمنلك المتعه

http://1000khybawkhyba.blogspot.com/

Unknown يقول...

كل مديح العالم لا يفي الاب حقة..
كانت كلماتك رائعة ، رنانه ، مؤثرة تقبلي مروري
دمتي بود

رحاب صالح يقول...

كلماتك كلها مؤثرة
وتجعلنا نسترجعها مرة واخري
لجمال معانيها واحساسها
دمت بخير

mirage يقول...

...

ابى ماذا افعل و كل ما بى من بعدك الى نقصان...

ربنا يسامحك يا شرين اول زيارة لى فى مدونتك و اول حاجة اقرائهالك تعيطينى كده ....

بجد خاطرة هايلة و تستحق التقدير

غير معرف يقول...

السلام عليكم و رحمة الله و بركاته أتمنى أن تقبلوني ضيف خفيف في مدونتكم

تقبلو سلامي و تحياتي و مروري اخواني الأعزاء

جايدا العزيزي يقول...

اللله ياشيرين

مهماكان حنان وعطف الزوج لا يعوض حنان الاب

اجدت التعبير

جميله بكل المعانى

كلعام وانت بخير

تحياتى

MTMA89 يقول...

جميلة جدا يا شرين
و تحمل مشاعر صادقة و دافئة جدا

ربنا يخليكوا لبعض

محمد
:)