الأحد، 29 أغسطس، 2010

جوّاك ولد


ساعات بحس إني فبلد و إنت فبلد

و كأن و لا عمر شوق بينا إتولد

و ساعات بحس إنك قريب

أقرب لقلبي من أي حد

ساعات بحس إنك ضعيف

وساعات بحس إنك وتد

ساعات بحس إنك غريب

و ساعات ألقاك أهل و سند

ساعات بحس إنك طبيب

و ساعات تكون إنت المرض

ساعات بحس جنبك أمان

و كتير قساوه ملهاش عدد

ساعات بحس هواك طوفان

ثاير و غاير كمالبركان

و ساعات هدوء برود و صمت

ساعات تقول بتحبني

و ساعات مشاعرك عكس بعض

يمكن عشان جوايا بنت بتفيض حنان مالوهش حد

و يمكن عشان جوّاك ولد


هناك 4 تعليقات:

ابتسام شلبي يقول...

بسيطة وجميلة في نفس الوقت :-)

شخابيط يقول...

عجبنى اوى الناقض فيها

وعجبنى اوى الجزء دا



و ساعات مشاعرك عكس بعض

يمكن عشان جوايا بنت بتفيض حنان مالوهش حد

و يمكن عشان جوّاك ولد

بالتوفيق :)

شيرين سامي يقول...

أشكرك يا شخابيط و نورتي المدونه

mostafa gazar يقول...

كلمات رائعه وأسلوب مميز


ساعات بحس إنك ضعيف

وساعات بحس إنك وتد