أصدقائي أهالي البلوجرالكرام وحشتوني جداً جداً
بعتذر بشده عن قلة تواجدي بينكم الفتره اللي فاتت بس كان نفسي أجيلكم بخبر حلو :)
حفلة التوقيع أخيراً لـ كتاب بنكهة مصر :)
هستناكم يوم الإتنين 30 يناير بإذن الله في معرض القاهرة الدولي للكتاب جناح دار ليلى كيان كورب...الساعة السادسة مساءَ.
يسعدني و يشرفني إني أتعرف على كل مدوّن و مدوّنه دفعوني بتشجيعهم و متابعتهم لتحقيق حلم كنت بتمناه...
سعيده مش لأني كتبت لكن لأنكم هتحرروا أسر كلماتي بقراءتها :)
الحفلة هتكون مشتركه مع المدوّن و الكاتب المميز محمد الجيزاوي صاحب مدونة
نور الدين و روايته الرائعه "في صحتك يا وطن"
ده برومو "كتاب بنكهة مصر" من تصميمي :)
و ده لينك الإيفنت على الفيس بوك
http://www.facebook.com/events/220842641334888/
هستناكم و مفيش أعذار :)
الصورة بالأعلى هدية من أخي العزيز المدوّن ماجد القاضي
هناك 52 تعليقًا:
ورد فى ورق سوليفان يا حلو اهديلك
و لا انقله بالطين فى الشتلة و اجيلك
الاولانى لو وحا باعجابى
عجبى على التانى بايه يوحيلك
عجبى
الف الف الف مبروك يا شرين و عقبال الكتاب رقم الف
تحياتى و تقديرى لكى
الف مبروك يا قمر علي الكتاب
وعقبال ما نباركلك علي ال وراه وال وراه وال وراه
الف الف مبروك
حبيبتى الف الف مبروك بجد فرحانة اوى
وعقبال الكتاب اللى بعديه ان شاء الله
ربنا يوفقك دايما يارب
ربنا يوفقك يادكتورة
صباحك غاردينيا ياشيري
والف الف مبروووووووووووووووووك وهل أجمل من رؤية فلذات أرواحنا تلك الأحرف جزء منا نحتاج رؤيته بين أيدينا ولنا رائع أن تري حرفك في كتاب موثق بـ أسمك تفخرين بكِ وبه جداً سعيدة بنجاحك "
؛؛
؛
عارفة تمنيت ايه اني أكون في مصر وأفرح معاكي بس اكيد احساسي هيوصلك وبما أني مش هجيب بوكيه ورد ممكن تقبليه مني هنا :)
لروحك عبق الغاردينيا
كانت هنا
reemaas
؛؛
؛
http://forum.mn66.com/imgcache2/798915.gif
الف مليون مبروك يا شيرين
والف مليون مبروك للجيزاوي
ربنا يوفقكم يا رب
وهاستناكم بقى يوم 5 فبراير
السلام عليكم
تعرفى ياشيرين
مع انى اعرف الموضوع كله ومتابعة الاخبار لكن لما شاهدت الفيديو تأثرت كثيرا وشعرت باحساس رائع وخاص جدا
واسترجعت كل ذكرياتى مع مدونتك
(( سعيده مش لأني كتبت لكن لأنكم هتحرروا أسر كلماتي بقراءتها :) ))
اختى الغالية افكارك وكلماتك بالفعل اتحررت لما خرجت للنور فى كتابك الجميل وان شاء الله تكررى التجربة مرة وعشرة
الف الف مبروك حبيبتى وياااارب موفقة ودايما يكون عملك يرضى الله ويسعد الناس
تقبلى تحياتى الطيبة وامنياتى لك بالخير
موفقين و الف مليون مبروك :)
الف الف مبروك يا شيرين
بجد مبسوطه ليكى اووووى
وربنا يوفقك دايماً
وهحاول اجى على اد ما اقدر حتى عشان انا نفسى اشوفك :))
بالتوفيق يا حبيبتى
الف الف مليون مبروك
يا شيرين انتي حقا مميزة
اتمنى لك كل الخير
واقول لكي كما قلت للعزيز مصطفى
فهو ايضا لديه حفل توقيع لكتابه
اقول
ليتني في مصر
لاكحل عيوني برؤيتك والتعرف اليكي
عن قرب وتسلم الكتاب منك شخصيا
ومزيدا من التقدم والتالق
اتمناه لك
كوني بخير دوما يا رب
الف مبروك يادكتورة
وانشاء الله رايحين مهللين ومكبرين هههه
تحياتى المستعطرة
ألف مبروك ياحبيبة قلبي ويارب من نجاح لنجاح يارب :)
مبرووووك وعقبال التاني والتالت والعاشر ان شاء الله ...
مين دا اللى يعتذر ؟!!!
دنتى ممكن تعتذرى واحنا لأ مش هينفع
:)
الف مبروك يا شوشو
وعقبال كل الكتب الجاية
ان شاء الله
عجبتنى قوى حكاية تحرير أسر الكلمات
حتى اختيارك للكلمات زيك
ينثر عبيراً يا شيرين
انتى فعلا قارورة عطر المدونات
الف مبروك لنور
انا معرفوش الا نور بقى
معلش
:)
الف مبروك ليكى وليه ولكل حد مننا بينجح وينجحنا معاه ويفرحنا بيه
وعشانه
::
اظن المرة دى هنشوف الولاد بقى
:)
اوعى يفوتوا المناسبة دى
وتحياتى من دلوقتى لزوجك العزيز
اللى نجاحك الجميل دا
هوه جزء كبير منه
و بيقول كتير
وربنا يخليكم لبعض
:)
صباح الخير عليكى
الف الف الف مبروك يا شيرين مبسوطة ليكي جدااااااااا و ربنا يوفقك ان شاء الله و عقبال الكتب اللي جايه باسمك ان شاء الله
تحياتي :)
الف مبرووووووك يا نقيه
دائما من نجاح لنجاح
كم كنت سعيده وانشالله ساتواجد
عقبال الكتاب الالف حبيبتى
تحياتى
ألف ألف ألف مبروووووووووووووووووووووووووووووووووك حبيبتي شيري
والله فرحتلك كتير كتير
والفيديو على قولتكم: جااااااااااااااااااااامد :)
ربي يوفقك ويهنيكي
الف مبروووووووووووووووووووك يااحلى شيرى ف الدنيا كلها
وعقبال الكتاب ال 1000000000000000000000000000000000000
يتربى ف عزك :) :)
يا رب بالتوفيق
وان شاء الله ربنا يجمعك انتِ وكل احبابك دائماً على الخير
ألف مبروك يا شيرين
سعيدة لك جدا جدا
خبرين حلوين يومين ورا بعض
كتابك وكتاب مصطفى سيف
يارب دايما من نجاح لنجاح
ونبارك لك بكتب متتابعة وفرحة دائمة
تحياتي
شيرين
ألف مبروك أول أبن :)
وإن شاء الله عقبال كتب كتير
مش هاقدر أحضر حفلة التوقيع :(
بس إن شاء الله تبقى حفلة هايلة
استمتعى بكل ثانية فيها :)
تحياتى يا عزيزتى
وألف مبروك
الف مليون مبروك
وان شاء الله على قدر المستطاع اكون حاضر
مبروك يا شيرى ,, فرحتلك قووووى بجد وزعلانه جدا انى مش هقدر احضر لأنى مش هكون فى مصر ..
تعرفى؟؟ معرض الكتاب ده كان استحاله افوته طول مانا فى مصر انا واخويا .. أفتكر كويس اول سنه سافرت فيها (من سنييين يعنى :)) وراح اول معرض كتاب من غيرى بعتلى رساله وقالى الكتب هنا بتنادى عليكى ..
يااااه بجد البوست رجعنى لأيام جميله جداااا وحقيقى انا عاوزاكى تحجزيلى نسخه من الكتاب بتوقيعك ولما انزل مصر ابقى اشتريها (مش عاوزاها هديه ـ عشان فكرة انى اشترى كتاب لحد انا مؤمنه بيه من قبل حتى ما يفكر فى النشر فكره رااائعه جدا ومش عاوزه اتخلى عنها) ..
وكمان عشان لما تبقى كاتبه مشهوره فى المستقبل باذن الله ،، اقولهم ان اول كتاب صدر ليها معايا وعليه توقيعها .. شفتى انا ببص لقدام ازاى؟؟
يااااااه انا بجد فرحانه ليكى قوى ,, ويارب من نجاح لنجاح يا قمر
بالمناسبه .. ياريت تاخدى كلامى على محمل الجد فى موضوع شرا الكتاب .. وانا لما انزل مصر هقولك ونشوف طريقه اخده بيه باذن الله .. أنا فعلا عاوزه اشترى نسخه
إبراهيم رزق: شكراً على الورد أستاذي العزيز :)
الله يبارك فيك و هستناك أكيد مفيش أعذار :)
كل التحية لك
وصف الاحساس : الله يبارك فيكي و عقبالك إن شاء الله :)
Aya Mohamed:
الله يبارك فيكي يا أيه و بتمنى أشوفك يومها :)
و عقبالك طبعاً يا جميل
سواح في ملك اللــــه:
شكراً يا خالد بس مش هينفع كده ربنا يوفقك بس من غير ما تيجي :)
ريـــمـــاس:
صباح الفُل و الياسمين ريماس الجميله..إحساسك وصلني و الورد أسعدني جداً :)
بتمنى نتقابل عن قريب و تكوني دائماً بكل خير و عقبال كتابك ياااارب
أرق تحية لكي
مصطفى سيف الدين :
الله يبارك فيك يا صديقي العزيز أكيد هكون موجوده بإذن الله و هجيبلك معايا نسختك المهداه كمان :)
أم هريرة.. lolocat:
أختي الجميله لولو و عليكم السلام و رحمة الله و بركاته
الفيديو الحمد لله ناس كتير قالولي بيخطف القلب..الحمد لله لأن ده كان إحساسي و أنا بعمله كان نفسي يوصل المشاعر اللي بتحتويها القصص.
الله يبارك فيكي و أشكرك على دعوتك الحلوه :)
haneen nidal:
الله يبارك فيكي و يسعدك :)
Bent Men ElZman Da !:
الله يبارك فيكي يا جميل يا ريت تيجي يا دندونه أنا كمان نفسي أشوفك أوي :)
أمل م.أ :
الله يبارك فيكي يا أموله و يسعدك دائماً :)
و الله أنا اللي كان نفسي أكحل عيوني برؤيتك و أتشرف بمعرفتك إن شاء الله يكون لنا لقاء عن قريب.
أشكرك جداً على كلماتك الرقيقه :)
نورتيني
عباس ابن فرناس:
الله يبارك فيك و هستنى حضورك بجد مش لازم مهللين و مكبرين مشيها جايين و خلاص :)
نورتني
نيللى :
صديقتي الجميله الله يبارك فيكي و عقبالك عن قريب :)
نيسان:
الله يبارك فيكي يا قمرررر و بجد مش قادره أوصفلك سعادتي بالمفاجأة الرائعه اللي أسعدتيني بيها هذا الصباح.
صباحك ورد و فُل و ياسمين :)))
السلام عليكم
تهانيّ القلبية عزيزتي شيرين
أتصور فرحتك بهذا الإنجاز الرائع، أكيد سيحفزك إلى مواصلة المسيرة بحماس أكبر فأكبر :)
ثم عن حضور أصدقاء التدوين فهو حقا أمر له مكانته في النفوس التي قربها العالم الافتراضي.. كان بودي لو أكون هناك، لكن المسافات غير هينة للأسف :(
دمت ناجحة طيبة
فاتيما :
روح قلب الملايكة زي ما بيقول أستاذ إبراهيم رزق :)
فرحانه أوي إنك بإذن الله هتشاركيني اليوم المميز ده و بجد وجودك بيخلي أي مناسبة أو مكان لهم عم تاني :)
إن شاء الله الأسرة كللللللها هتكون موجوده و على رأسهم الولاد و ربنا يستر :) و بجد بشكرك على كلامك عن هاني لأني من غيره بجد مكنتش كتبت كلمه واحده :)
نورتيني و هستناكي أكييييد
أفكار مبعثرة :
الله يبارك فيكي و سعيده جداً بمباركتك الحلوه :)
أرق تحية لكي
جايدا:
الله يبارك فيكي و عقبالك
نسرين شرباتي "أم سما":
الله يبارك فيكي و يخليكي نسرين مبسوطه إن الفيديو عجبك و عقبال ما تجيبي الكتاب و يعجبك :)
دعاء العطار :
دود القمر الله يبارك فيكي و يخليكي بجد أسعدتيني :)
تحياتي و كل الود لكي
ألف مبررروك
واتمنى لكِ النجآح
والإستمرآريه دومآ
yosef:
الله يبارك فيك اشكرك و جداً :)
ستيتة:
دكتوره الله يبارك فيكي أنا اللي أسعد بمباركة حضرتك و دائماً حضورك بيكون له وقع رائع في نفسي أتمنى إني أشوفك يومها :)
الحسيني:
الله يبارك فيك يا متابعي و صديقي العزيز :) يا رب يكون يوم جميل و أنا مستمتعه من دلوقتي :)
~ISLAM:
الله يبارك فيك يا إسلام و حضورك أكيد يسعدني :)
مها البنا:
مها العزيزه مشاعرك و سعادتك وصلتني بجد و أنا فرحانه أوي بكلامك اللي من القلب ده :)
ثقتي فيه كبيره يا رب أكون قدها و بإذن الله هحجزلك نسخه بجد و مهداء كمان و لما تنزلي هتلاقيها في إنتظارك و لو عايزه أبعتهالك مع حد أو لو في طريقه للإرسال هحاول أعرف..أشكرك جداً يا حبيبتي :)
نوال:
و عليكم السلام و رحمة الله و بركاته
شكراً يا عزيزتي على كلماتك الطيبة و الله يبارك فيكي و يسعدك :)
تَرَآَنِيْل ♥ ~:
الله يبارك فيك و ألف شكر :)
رااائع
أسأل الله لك كل التوفيق :))
نقبلي تحياتي
إرسال تعليق